Sport
Liga e Kampionëve vazhdon sot me disa ndeshje tejet interesante
Më interesantja pritet të jetë ajo mes kampionit italian, AC Milan dhe skuadrës së Dinamo Zagrebit.
Berat Gjimshiti është gati për të luajtur në supersfidën ndaj Juventusit, pavarësisht se ka pësuar një dëmtim serioz në ndeshjen e fundjavës kundër Udinezes. Mbrojtësi shqiptar u detyrua të largohej nga fusha e lojës që në minutat e para pas një përplasjeje kokë më kokë, ku ka marrë një të çarë në vetull. Pas mjekimit, atij iu deshën 10 qepje për të mbyllur plagën.
Edhe pse ka pasur dyshime për mundësinë e tij për të luajtur, Gjimshiti është përfshirë në grumbullimin e trajnerit Gasperini për ndeshjen kundër Juventusit. Tashmë mbetet të shihet nëse do të nisë ndeshjen nga minuta e parë apo do të jetë në pankinë. Pavarësisht dëmtimit, Gjimshiti ka vendosur të mos mungojë dhe të jetë i gatshëm për të ndihmuar ekipin e tij në këtë sfidë të rëndësishme./UBTNews/
Federata Portugeze e Futbollit organizoi një ceremoni festive me rastin e 110-vjetorit të themelimit të saj. Mbrëmja Gala u mbajt në “FPF Arena Portugal” dhe mblodhi personalitete të shumta nga futbolli europian dhe botëror, përfshirë Presidentin e Federatës Shqiptare të Futbollit, Armand Duka.
Gjatë ceremonisë, Presidenti Duka shprehu urimet e tij më të përzemërta për Federatën Portugeze dhe homologun e tij, Presidentin Fernando Gomes, duke theksuar se ky përvjetor është një moment i rëndësishëm në historinë e futbollit. Në një postim në rrjetet sociale, ai vlerësoi gjithashtu rolin e jashtëzakonshëm të Portugalisë në zhvillimin e futbollit europian dhe botëror.
“Kënaqësi të isha në Mbrëmjen Gala të 110-vjetorit të Federatës Portugeze të Futbollit! Në këtë përvjetor historik i përcolla urimet më të mira Presidentit Fernando Gomes, për punën e bërë ndër vite për rritjen e futbollit dhe për atë që i jep Portugalia futbollit europian dhe atij botëror. Gëzuar 110-vjetorin për FPF!”, shkruante Presidenti Duka./UBTNews/
Humbja 5-2 ndaj Barcelonës ka nxitur urgjencën për Real Madrid-in, i cili tashmë ka përshpejtuar planet për merkaton e verës. Florentino Perez ka një plan të qartë për përforcimin e skuadrës dhe ka identifikuar tre objektiva kryesorë që duhen arritur me çdo kusht.
I pari është mbrojtësi i Liverpool, Trent Alexander-Arnold, për të cilin interesimi i madrilenëve ka qenë i vazhdueshëm. Aftësia e tij për të sulmuar nga krahu i djathtë dhe saktësia në krosimet e bëjnë atë një lojtar të përshtatshëm për stilin e Real-it. I dyti është 19-vjeçari Dean Huijsen, një qendërmbrojtës i Bournemouth që ka shkëlqyer këtë sezon për pjekurinë dhe aftësitë drejtuese, pavarësisht moshës së re. Objektivi i tretë është mesfushori i Real Sociedad, Martin Zubimendi, i njohur për vizionin dhe teknikën e tij të pasur, si dhe aftësinë për të kontrolluar lojën nga qendra./UBTNews/
Pas fitores në transfertën e vështirë ndaj Konjaspor, ku Fenerbahçe mundi kundërshtarin me rezultatin 2-3, trajneri i skuadrës, José Mourinho, nuk kurseu deklaratat e tij, duke hedhur akuza indirekte mbi mënyrën se si disa ndeshje mund të jenë të vendosura paraprakisht. Ai theksoi se edhe pse ekipi i tij ka përparuar, ka ende shumë për të përmirësuar, por shtoi se fati i disa ndeshjeve është i diktuar që para fillimit të tyre.
“Skuadra ime nuk është perfekte, në fakt larg të qenit perfekt, por nëse ndeshjet do të luheshin normalisht si sot, ne do të ishim në një pozitë shumë të ndryshme. Jo vetëm ne, por edhe skuadrat poshtë nesh”, u shpreh Mourinho pas fitores. Ai nuk hezitoi të kritikon mënyrën se si ndodhin disa zhvillime në ligë, duke theksuar se historia e disa ndeshjeve është shkruar përpara se ato të luhen, duke aluduar se kjo mund të ndikohet në renditjen e përgjithshme të kampionatit.
Aktualisht, Fenerbahçe ndodhet në vendin e dytë, ndërsa Gallatasaraji është në krye të tabelës. Për shkak të komentit të Murinjos, duket se ai ka hedhur akuza indirekte ndaj Gallatasarajit, duke sugjeruar se ndoshta disa rezultate janë të paracaktuara, një mesazh që ka ngritur dyshime dhe ka tërhequr vëmendjen e mediave turke. Megjithatë, ai përfundoi duke theksuar se Fenerbahçe do të vazhdojë të luftojë për objektivat e tij, ashtu siç bëri edhe në këtë ndeshje të vështirë./UBTNews/
Punonjësit e administratës publike protestojnë në Shkup për rritje pagash
Opozita sllovake do të thërrasë votëbesimin ndaj qeverisë së kryeministrit Fico
Tajlanda miraton projektligjin për t’i bërë kazinot legale për të tërhequr më shumë turistë
Gjimshiti është gati për duelin me Juventusin, do luajë me 10 qepje prej të çarës në kokë
Zëvendës Ambasadori i Britanisë në Kosovë, Dr. Paul O’Connor, flet për mundësitë e punës përmes gjuhës angleze me studentët e UBT-së
Nominimet për Oscar shtyhen përsëri për shkak të zjarreve në Kaliforni
Inflacioni global pritet të qëndrojë i lartë deri në vitin 2028
Kryediplomati rus sërish sinjalizon gatishmërinë për propozimet e Trumpit për Ukrainën
Veprat e Eça de Queiroz përjetësohen në Panteonin Kombëtar të Lisbonës
-
Bota3 months agoTrump premton paqe në Liban nëse rikthehet në Shtëpinë e Bardhë
-
Bota3 months agoKoreja e Veriut rrit frikën në botë, lëshon raketën e re balistike ndërkontinentale
-
Bota2 months ago“Ethet” e kthimit të Trump! Takohen Macron e Starmer, zbardhet fokusi i diskutimeve
-
Lajmet2 months agoRektori Hajrizi: Çdo sukses i joni është një sukses për Kosovën!