Kulturë
“Lexo si Gates, vishu si Zuckerberg…”, shtatë zakone që mund t’i merrni nga ta
Me sukses nuk nënkuptojmë qëndrimin mbi një grumbull parash, por atë kënaqësi se kemi arritur një qëllim, një ëndërr, të vogël apo të madhe, pak rëndësi ka…
Pas arritjes së një objektivi janë edhe ato rituale, zakone të përditshme, që njerëzit e suksesshëm kanë për të rritur produktivitetin e përditshëm. Të gjithë mund t’i “vjedhin” këto procese, zakone të thjeshta që sipërmarrësit, muzikantët e suksesshëm apo CEO bëjnë për të qëndruar të informuar, për t’u stresuar sa më pak dhe për t’u organizuar më së miri në një ditë pune.
1. Përdorni axhendë si Elon Musk
Imagjinoni se sa e ngarkuar mund të jetë dita e CEO-s së Tesla, SpaceX dhe The Boring Company, i cili dëshiron ta çojë njeriun në Mars dhe të krijojë një lidhje midis trurit të njeriut dhe makinerive. Në ndryshim nga të gjithë ne që e ndajmë ditën në orë, Elon Musk e organizon atë në hapësira të vogla prej 5 minutash. Çdo ditë është e organizuar në mënyrë të ngurtë sipas një strukture të ndarë në këto njësi të vogla, për të rritur efikasitetin e përdorimit të çdo minute që kalon.
Për shumë njerëz super-produktivë, edhe koha që shpenzojnë në familje apo ndërsa flenë është e organizuar. Natyrisht ka gjithnjë kohë për të rivlerësuar çdo gjë: “Mendoni gjithnjë se si t’i bëni më së miri gjërat dhe kërkoni më shumë nga vetja” – ka thënë Musk në vitin 2012. Kjo nuk është e përshtatshme për të gjithë, por e dobishme për të kuptuar se si të rritet efikasiteti i përdorimit të kohës”.
2. Mbani shënim progresin si Ernest Hemingway
Kuptoni se cilat janë përparësitë dhe mbani shënim progresin që bëni – kjo është me të vërtetë e rëndësishme. Për Enerst Hemingway, prioritet ishte të shkruarit, kështu që do ditë shënonte se sa fjalë apo faqe kishte shkruar. Nuk krijonte iluzione por e dinte me saktësi se çfarë kishte arritur atë ditë – Sapo arrinte qëllimin e përditshëm shkëputej plotësisht prej tij deri ditën tjetër.
3. Përdoreni email-in si Ariana Huffington
Nëse mendoni se merrni shumë email-e gjatë ditës, imagjinoni pak postën e Arianna Huffington, themeluese e Huffingtonn Post e Thrive Global e shumë të tjera. Ajo përdor tre rregulla të thjeshta që të mund të organizojë postën e vet, duke u përpjekur në të njëjtën kohë, të ketë dhe një jetë të sajën. Që të flejë sa më mirë, ajo nuk e kontrollon postën elektronike të paktën 30 minuta para gjumit.
Në mëngjes, që të ketë sa më pak shpërqendrime, nuk e kontrollon email-in asnjëherë sapo zgjohet. Në kohën që kalon me fëmijët, e shmang kontrollimin e postës elektronike. Arianna Huffington i merr kaq seriozisht shpërqendrimet nga emaili sa në të kaluarën krijoi një instrument për të gjithë punonjësit e saj në pushime.
4. Bëni ushtrime si Richard Branson
Mjaftojnë 30 minuta ushtrime në ditë. Jo tre orë, as një, por 30 minuta në ditë mjaftojnë. Këtë gjë bëjnë edhe Mark Zuckerberg, Jack Dorsey dhe natyrisht Richard Branson. Në blog-un e Virgin ai ka shkruar: “Dyshoj me të vërtetë nëse do të kisha pasur sukses në karrierën time dhe lumturi në jetën personale nëse nuk do t’i kisha dhënë gjithnjë rëndësi shëndetit”. Sipërmarrësi miliarder e nis çdo ditë me disa ushtrime.
5. Lexoni si Bill Gates
Ish-Ceo i Microsoft lexon 50 libra në vit, pra po flasim rreth një libër në javë. Sigurisht, ai ka gjithë kohën e botës, por e sigurt është se ai nuk lexon për t’u argëtuar por për të mësuar. Ky është çelësi për të lexuar më shumë. Të njëjtën gjë bën edhe Mark Cuban, autor, filantrop dhe investitor: Nuk është vetëm çështja e leximit, kjo mund t’ju “sjellë avantazhe në dijet tuaja” .
Sigurisht jo të gjithë mund të lexojnë një libër në javë – 30 minuta në darkë, para se të flini, do të ishte shumë mirë.
6. Vishuni si Mark Zuckerberg (ose thuajse)
Kjo këshillë nuk është e përshtatshme për të gjitha situatat apo llojet e punëve. Themeluesi i Facebook vesh të njëjtën t-shirt dhe xhinse çdo ditë. Natyrisht, jo të njëjtat xhinse dhe bluzë, por thjesht të njëjtin tip. Kështu zvogëlon numrin e vendimeve që merr çdo ditë, për shembull se çfarë të veshë dhe i jep mendjes, hapësirën e nevojshme për vendime më të rëndësishme.
7. Shkëputuni nga teknologjia, si Ed Sheeran
Teknologjia tani zotëron kohën tonë: shkëputja prej saj, edhe për një periudhë të caktuar, mund të sjellë efekte pozitive. Kështu vepron jo vetëm Ed Sheeran po edhe shumë personazhe të famshme. Jo të gjithë e kanë këtë luks, por edhe një fundjavë mund të reduktonte stresin që shkakton ekrani.
Shkolla e Muzikës “Amadeus” ka mbajtur koncert të jashtëzakonshëm artistik me rastin e përfundimit të gjysmëvjetorit shkollor, përmbylljes së projektit “Nxitja e talentëve të rinj dhe diversitetit kulturor”, si dhe festave të fundvitit.
Koncerti me titull “Da Capo al Fine”, i organizuar nga Ambasada Gjermane dhe Ambasada Franceze, solli në skenë performanca të mrekullueshme nga nxënësit e shkollës, të cilët falë përkushtimit të vazhdueshëm kanë shënuar suksese edhe jashtë Kosovës.
Në këtë mbrëmje u prezantuan Ansambli i Kitaristëve, Orkestra Harkore, Orkestra Frymore, Orkestra Kamertale dhe Kori i shkollës, të cilët dhuruan emocione të veçanta për publikun. “Profesionalistët e vegjël” të skenës dëshmuan talentin duke interpretuar me sukses vepra nga repertori vendor dhe ai botëror.
Ansambli i Kitaristëve krijoi peizazh të ngrohtë tingujsh që rridhnin natyrshëm me ritmin e veprave, Orkestra Harkore solli ndjeshmëri të veçantë emocionale, e ndërtuar tingull pas tingulli. Orkestra u dallua për elegancën dhe lirshmërinë e tingujve që mbushnin sallën, ndërsa Orkestra ofroi interpretim të rafinuar, të karakterizuar nga precizion i lartë ritmik.
Kulmi i koncertit ishte performanca mbresëlënëse e Korit të shkollës, nën dirigjimin e Vehbi Shoshollit. Qershia mbi tortë ishte interpretimi i solistes Anna Krasniqi, e cila me zërin e saj të ngrohtë dhe njëkohësisht të fuqishëm i dha jetë veprave me kërkesa të larta vokale.
Gjatë koncertit u interpretuan veprat: “Ding! Dong! Merrily on High” (Traditional French Carol), “You Raise Me Up” – Rolf Løvland, “Die Loreley” – Friedrich Silcher, “Sous le ciel de Paris” – Hubert Giraud dhe “Feliz Navidad” – José Feliciano.
Pjesë e këtij koncerti ishin dirigjenti Gentian Aliu dhe korepetitorja Elsa Gashi. Drejtoresha e shkollës, Hana Petrovci-Fetahu, theksoi se përmbyllja e suksesshme e projektit përbën një arritje të madhe për mbi 100 fëmijë, të cilët kanë performuar në instrumente sfiduese.
“Përveç përfundimit të gjysmëvjetorit, ky koncert shënon mbylljen e një projekti që ka filluar në janar e po përfundon në dhjetor. Projekti kishte për qëllim nxitjen e talenteve të reja nga mosha 7 deri në 17 vjeç dhe u mbështet nga Ambasada Franceze, Ambasada Gjermane, Instituti Francez dhe Goethe-Institut. Ky bashkëpunim i mrekullueshëm na dha besimin për ta realizuar projektin, ku u përfshinë mbi 100 nxënës në mësimet e korit dhe instrumenteve”, u shpreh ajo.
Petrovci-Fetahu vlerësoi sukseset e nxënësve, duke theksuar se shumë prej tyre ishin fillestarë, por arritën të performojnë në skenë brenda një periudhe të shkurtër kohore, shtoi se sukseset në koncerte ndërkombëtare, si në Vjenë e Itali, janë motivim i fuqishëm për vazhdimësi.
Ndërkohë, dirigjenti Vehbi Shosholli e cilësoi këtë vit shkollor si dinamik dhe tejet të suksesshëm. Sipas tij, puna intensive me formacione të ndryshme muzikore dhe koncertet e shumta kanë sjellë një përvojë të jashtëzakonshme artistike.
Edhe solistja Anna Krasniqi e përshkroi koncertin dhe vitin mësimor si një përvojë të paharrueshme, duke theksuar suksesin e saj në një festival ndërkombëtar në Itali, ku arriti të triumfojë dhe të përfaqësojë Kosovën me dinjitet.
Drejtoresha paralajmëroi plane të reja për 2026, duke bërë të ditur se Orkestra e Fëmijëve dhe të Rinjve të Prishtinës është pranuar të marrë pjesë në dy festivale ndërkombëtare garuese – një në Spanjë në muajin mars dhe një tjetër në Pragë të Çekisë në muajin korrik të vitit 2026.
“Synimi është që këta talentë t’i prezantojmë më gjerë e ta përfaqësojmë Kosovën në arenën ndërkombëtare”, tha ajo. /A.Z/UBT News/
Sekretari gjerman i Mbrojtjes vlerëson lart përkushtimin dhe profesionalizmin e ushtarëve të KFOR-it
Si ta kuptoni nëse trupi juaj ka mungesë të vitaminës D?
Çfarë të hani para gjumit për një natë më të qetë?
Andrew Gordon zyrtarizohet te Vëllaznimi
Presidentja Osmani nderohet me Çmimin Bonifacio VIII në Anagni
Fatlume Bunjaku ndër aktorët më premtues evropianë të European Shooting Stars 2026
Pulsi në qetësi, kur ta matni dhe kur duhet të shqetësoheni?
Lista e plotë e 35 vendeve pjesëmarrëse në Eurovision 2026
Kurti: Bruto produkti vendor vitin e ardhshëm do të jetë 12 miliardë euro
-
Aktualitet2 months agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Rajoni3 months agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Rajoni3 months agoUBT shpall thirrjen për Konferencën Ndërkombëtare të Gjuhës dhe Kulturës 2025
-
Lajmet3 months agoUBT hap thirrjen për abstrakte në Konferencën Ndërkombëtare të Stomatologjisë