Lajmet

Lëvizja FOL zgjedh Gjykatën Themelore në Ferizaj si më transparenten për vitin 2022

U nda çmimi për gjykatën më transparente.

Published

3 years ago

on

Gjykata Themelore në Ferizaj është cilësuar si gjykata më transparente në Kosovë, pas monitorimi të gjykatave të Kosovës nga lëvizja FOL.

Siç tregoi drejtoresha e kësaj lëvizje, Mexhide Demolli-Nimani, monitorimi është bërë kryesisht nga publikimi i vendimeve nga gjykatat e Kosovës për vitin 2022, teksa ka ndarë “Çmimin për Gjykatën më Transparente” për atë themelore të Ferizajit.

Demolli-Nimani ka thënë se transparenca është një komponent shumë i rëndësishëm i sistemit gjyqësor dhe se Levizja FOL do të angazhohet që ajo të përmirësohet edhe më shumë.

“Sot kemi mbi 100 mijë aktgjykime të publikuara në uebfaqen e këshillit gjyqësor të Kosovës. Të gjitha aktgjykimet janë hulumtuar një nga një. Lëvizja FOL do ta ndajë si çdo herë çmimin për gjykatën më transparente. E kemi zgjedhur një Gjykatë Themelore për shkak dendësisë së punës. Çmimi për gjykatën themelore më transparente për këtë vit shkon për Gjykatën Themelore në Ferizaj”, tha Demolli Nimani.

Albert Zogaj, kryesues i Këshillit Gjyqësor të Kosovës, tha se edhe institutcioni që ai drejton është i përkushtuar në rritjen e transaprencës.

“Siç është e njohur, transparenca është një sistem sjelljesh që nuk diskutohet por veprohet. Siç kemi theksuar edhe në takime tjera, sistemet kanë ndryshuar dhe gjyqësori e ka mundësinë që tua tregojë qytetarëve, punën e gjyqësorit nga shtëpia”, deklaroi ai tutje.

Ndërsa si sfidë ai përmendi mungesën e kapaciteteve që të publikohen në kohë rekord të gjitha vendimet e të gjitha instancave.

“Sigurisht gjithmonë ka qenë dhe mbetet sfidë, mungesa e kapaciteteve që të publikohen në kohë rekord të gjitha vendimet e të gjitha instancave. KGjK është e gatshme ta zgjerojë kapacitetin për transparencë. Ju e dini që e kemi hapur komunikimin edhe me shoqërinë civile. Kemi takime të rregullta, që të përmirësohet sistemi gjyqësor. Kemi bërë një nivel transparence edhe në pjesën e disiplinës, kemi zgjeruar komunikimin edhe me zyrat e komunikimit. Në këtë logjikë, mendojmë që punë KGjK-së të jetë sa më transparente. Në shumë raste vendimi plasohet në publik, me kërkesën e medieve, dhe fokusi ynë do të jetë që të publikohet në faqen e institucionit pa kërkesë”, tha Zogaj.

E Krenare Sogojeva-Dermaku tha se edhe Agjencia për Informim dhe Privatësi njërën prej shtyllave të saj kryesore e ka qasjen në dokumente publike.

“Jam sinqerisht e nderuar që sot të jem në këtë raport, për të ndarë të gjeturat për gjykatat. E dimë që asnjë institucion nuk është perfekt”, tha ajo.

Related Topics:
Continue Reading

Lajmet

Sot nis gjyqi ndaj Fatmir Shehollit

Published

10 minutes ago

on

September 7, 2026

By

Sot do të mbahet seanca e parë gjyqësore ndaj Fatmir Shehollit, i cili përballet me aktakuzë për veprat penale “Spiunazh” dhe “Shantazh”.

Sipas aktakuzës së ngritur mw 25 gusht të këtij viti, Sheholli nga një datë e papërcaktuar e deri më 9 tetor 2025, në cilësinë e personit të rekrutuar nga Shërbimi Informativ i Serbisë, i njohur si “BIA”, e ka ndihmuar veprimtarinë e këtij shërbimi, duke vepruar sipas urdhrave dhe detyrave të zyrtarëve të tij.

“I pandehuri F.Sh. akuzohet se ka mbledhur, siguruar dhe përcjellë përmes mesazheve telefonike të dhëna, informacione dhe dokumente lidhur me aktivitetet politike, gjendjen e sigurisë dhe funksionimin e institucioneve të Republikës së Kosovës”, thuhet në njoftim.Po ashtu, F.Sh. akuzohet për veprën penale “Shantazh”, pasi gjatë vitit 2022 deri në dhjetor 2025, e ka shantazhuar të dëmtuarin A.J., duke e detyruar të veprojë në dëm të pasurisë së tij, në shumën që tejkalon 13,000.00 euro.

Sipas aktakuzës, F.Sh. i ka kërkuar të dëmtuarit para në emër të huazimit, duke e kërcënuar se, në rast të mosdhënies së parave, do të publikonte në media video-incizime dhe informacione që do t’i dëmtonin rëndë nderin, reputacionin dhe autoritetin e të dëmtuarit.

Rasti i ka kaluar për shqyrtim Gjykatës Themelore në Prishtinë, ndërsa i pandehuri ndodhet nën masën e paraburgimit.

Sheholli tash e disa muaj gjendet në paraburgim nën dyshimin për spiunazh te BIA serbe.

Policia e Kosovës në bashkëpunim të ngushtë me AKI-në dhe prokurorinë ka arrestuar me 9 tetor 2025 Fatmir Shehollin, me dyshimet e bazuara për përfshirje në spiunazh. /Kosovapress/A.K/

Continue Reading

Lajmet

Dy persona kapen duke kaluar ilegalisht kufirin në Han të Elezit

Published

19 minutes ago

on

September 7, 2026

By

Policia ka ndaluar dy persona në Han të Elezit, një shtetas të Maqedonisë së Veriut dhe një kosovar, të cilët dyshohet se kishin hyrë ilegalisht në territorin e Kosovës.

Rasti është evidentuar më 6 shtator rreth orës 17:45, gjatë vëzhgimit të vijës kufitare. Të dyshuarit janë intervistuar dhe, me vendim të prokurorit, janë liruar në procedurë të rregullt./A.K/

Continue Reading

Lajmet

Pistoletë me pesë fishekë dhe thikë konfiskohen në Zhur

Published

22 minutes ago

on

September 7, 2026

By

Një pistoletë me pesë fishekë dhe një thikë janë gjetur dhe konfiskuar gjatë kontrollit të një automjeti në fshatin Zhur të Prizrenit.

Sipas Policisë, në automjet ndodheshin tre të dyshuar meshkuj kosovarë. Të tre janë intervistuar, ndërsa me vendim të prokurorit, dy prej tyre janë arrestuar dhe dërguar në mbajtje. I dyshuari i tretë është liruar në procedurë të rregullt./A.K/

Continue Reading

Lajmet

Hetim i vdekjes në Rahovec

Published

25 minutes ago

on

September 7, 2026

By

Një burrë kosovar është dërguar në emergjencën e Spitalit Rajonal të Gjakovës, ku mjeku kujdestar ka konstatuar se ishte pa shenja jete.

Rasti është raportuar më 6 shtator në Rahovec. Në vendin e ngjarjes kanë dalë njësitë përkatëse policore, të cilat kanë gjetur dhe konfiskuar prova materiale relevante për rastin. Hetimet po vazhdojnë./A.K/

Continue Reading

Të kërkuara