Sport
Leverkuseni shqetësohet për dëmtimin e Granit Xhakës
Granit Xhaka ka ngritur alarmin te Bayer Leverkusen pas një dëmtimi që pësoi në stërvitjen e fundit me ekipin. Ylli kosovar u detyrua të ndërpresë seancën për shkak të një lëndimi në nyjën e këmbës, duke kaluar menjëherë në trajtim mjekësor.
Sipas raportimeve nga mediat gjermane, ky incident ka shkaktuar shqetësim të madh te Bayer Leverkusen, me trajnerin Xabi Alonso veçanërisht të alarmuar për gjendjen e përfaqësuesit zviceran.
Magazina e njohur “Kicker” ka raportuar se dëmtimi vjen në një moment delikat për ekipin kuqezi, vetëm disa ditë para ndeshjes së parë të vitit 2025 në Bundesligë. Të premten, Bayer Leverkusen përballet me Borussia Dortmundin në një sfidë të rëndësishme për xhiron e 16-të të kampionatit.
Ish-futbollisti i Baselit, Borussia Monchengladbachut dhe Arsenalit pritet të kalojë në ekzaminime mjekësore për të përcaktuar shkallën e dëmtimit. Megjithatë, shenjat e para sugjerojnë se do të jetë e vështirë që kapiteni të rikuperohet në kohë për ndeshjen ndaj Dortmundit.
Xhaka ka qenë një figurë kyçe për Bayer Leverkusen këtë sezon, duke luajtur një rol të rëndësishëm në mesfushë dhe duke ndihmuar ekipin të mbajë pozitat e larta në Bundesligë. Nëse ai mungon, Bayer do të përballet me një sfidë të madhe ndaj një rivali të fortë si Borussia Dortmundi. Tifozët dhe stafi i ekipit mbeten në pritje të rezultateve mjekësore për të mësuar më shumë mbi gjendjen e yllit të tyre kryesor./UBTNews/
Zviceranët Franjo Von Allmen dhe Loic Meillard fituan titullin kampion bote në disiplinën e kombinimit ekipor të Kampionatit Botëror të Skiut Alpin në Saalbach. Ata mundën bashkatdhetarët e tyre Alexis Monney dhe Tanguy Neff, të cilët fituan medaljen e argjendtë, ndërsa Stefan Rogentin dhe Marc Rochat siguruan vendin e tretë me medaljen e bronztë.
Von Allmen dhe Meillard arritën kohën e triumfit 2:42.38, me Monney dhe Neff që ishin 27 të qindtat më pas, ndërsa Rogentin dhe Rochat përfunduan 43 të qindtat më pas. Në këtë sukses, Von Allmen luajti një rol kyç, duke arritur të bëjë diferencën në pjesën e zbritjes, duke u renditur i dyti pas Monney dhe duke ia bërë më të lehtë Meillardit për të fituar.
Kjo është medalja e dytë e artë për Von Allmen në këtë kampionat, pasi ai fitoi gjithashtu medaljen e artë në zbritje pak ditë më parë. Nga 37 ekipe të regjistruara, 36 përfunduan pjesën e zbritjes, por 9 skiatorë nuk arritën të përfundonin sllallomin.
Ky kampionat botëror ishte gjithashtu një premierë për kombinimin ekipor në dyshe për femra dhe meshkuj, një disiplinë që do të bëhet pjesë e programit olimpik në Lojërat Olimpike të vitit të ardhshëm./UBTNews/
Studimet: Leximi në orët e para të mëngjesit, çelës i produktivitetit tuaj!
Serbi: Arrestohet kryebashkiaku i Obrenovcit, shpërdoroi mbi 1 milion euro
Greqia zgjedh presidentin e ri
Radoniqi e informon presidenten për problemet në platformën elektronike të KQZ-së
Dëgjohet dëshmitari i radhës në rastin “Kobra”
Aleatët e NATO-s ngulin këmbë se Ukraina dhe Evropa duhet të përfshihen në bisedime me Rusinë
Në Mitrovicë vazhdon numërimi i votave për deputetë
Shakira nis turneun botëror “Las Mujeres Ya No Lloran”, ja cili shtet ishte i pari
Inteligjenca estoneze: Kina po ndihmon prodhimin rus të dronëve ushtarakë
-
Lajmet3 months agoRektori Hajrizi: Çdo sukses i joni është një sukses për Kosovën!
-
Magazinë2 months agoKy mendohet se është djali 20 vjeçar i Parashqevi Simaku, Luke Nohfe
-
Bota2 weeks agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota3 weeks agoFluturimet e dëbimit kanë filluar, thotë Shtëpia e Bardhë