Lajmet

Lehtësohen masat antiCOVID

Published

5 years ago

January 15, 2021

Betim Gashi

Me propozimin e Ministrisë së Shëndetësisë, Qeveria e Kosovës ka aprovuar vendimin për ndryshimin e masave të përgjithshme dhe specifike për mbrojtjen nga pandemia COVID-19.

Me këtë vendim janë kategorizuar komunat me rrezik të ulët deri në 75 persona të infektuar për 100,0000 banorë brenda një jave (me ngjyrë të gjelbër), komunat me rrezik të mesëm-nga 76-150 persona të infektuar për 100,000 banorë brenda një jave (me ngjyrë të verdhë) dhe komunat me rrezik të lartë mbi 150 persona të infektuar për 100,000 banorë brenda jave (me ngjyrë të kuqe).

Në bazë të këtij vendimi janë ndryshuar edhe masat për grumbullimin e qytetarëve në aktivitetet publike.

Sipas vendimit të ri, sektori i hotelerisë dhe gastronomisë që operojnë në zonat me rrezik më të ulët do të punojnë deri në ora 21:00, ndërsa pas orës 22:00 punojnë me shërbim “porosi me dërgesë”.

Edhe bizneset që operojnë në zonën me rrezik të mesëm do t’iu lejohet puna deri në ora 22:00.

Ndërsa bizneset që funksionojnë në zonat e kuqe do të punojnë nga ora 05:00 deri në ora 21:00.

Në kuadër të ndryshimit të masave për parandalimin e përhapjes COVID-19 është marrë vendim edhe për aktivitet publike dhe grumbullimin e njerëzve.

Sipas kësaj tani lejohet që në ambientet e mbyllura të grumbullohen jo më shumë se 30 persona, ndërsa në sheshe publike, parqe e vende publike lejohet grumbullimi deri në 50 persona, me përjashtim.

Masa këto që do të hyjnë në fuqi menjëherë pas publikimit të vendimit gazetën zyrtare të Republikës së Kosovës.

Lajmet

Klinë: Dy të arrestuar për lojëra të fatit të jashtëligjshme, sekuestrohen katër vetura

Published

6 minutes ago

September 9, 2025

UBTnews

Dy persona janë arrestuar gjatë një aksioni kundër organizimit të lojërave të fatit të jashtëligjshme. Gjatë operacionit policor, përveç arrestimit të dy personave, janë sekuestruar edhe katër automjete, të cilat dyshohet se janë përdorur nga të implikuarit për zhvillimin e veprimtarisë së jashtëligjshme ose për t’u larguar nga vendi i ngjarjes.

“Klinë / 08.09.2025 – 21:40. Janë arrestuar dy të dyshuar meshkuj kosovarë për shkak se të njëjtit dyshohet se bashkë me disa persona tjerë kanë kryer veprën penale të lartëcekur. Po ashtu në vendin e ngjarjes janë sekuestruar katër vetura që dyshohet se u takojnë personave që janë të implikuar në rast dhe me të vërejtur policinë kanë ikur nga vendi i ngjarjes. Në konsultim me prokurorin pas inicimit të rastit dy të dyshuarit janë dërguar në mbajtje.” thuhet në njoftim nga Policia e Kosovës./D.B/UBTNews

Lajmet

Kosova ballafaqohet sot me Spanjën për Euro U21

Published

13 minutes ago

September 9, 2025

UBT News

Përfaqësuesja e Kosovës U21 do të zbresë sot në fushë për ndeshjen e dytë kualifikuese të Kampionatit Evropian 2027.

Dardanët e rinj do të kenë përballë një kundërshtar të madh, Spanjën U21, në një sfidë që nis nga ora 19:00 në stadiumin “Fadil Vokrri” në Prishtinë.

Kosova U21 vjen në këtë takim pas një barazimi në ndeshjen e parë dhe aktualisht ka një pikë në Grupin A, ku renditet në mesin e gjashtë përfaqësueseve. Nga ana tjetër, Spanja ka arritur fitoren në ndeshjen hapëse dhe me tri pikë mban pozitën e dytë në grup.

Përveç Kosovës dhe Spanjës, në Grupin A bëjnë pjesë edhe Finlanda, Rumania, San Marino dhe Qipro, gjë që e bën garën për kualifikim të fortë dhe të pasigurt deri në fund.

Dardanët U21 shpresojnë të marrin mbështetje të madhe nga tifozët në “Fadil Vokrri”, në përpjekje për të befasuar një prej skuadrave më të fuqishme të futbollit evropian të kësaj moshe. Dardanët kanë mbajtur stërvitjen e fundit në Kampin Nacional në Hajvali/S.K/KP/FFK/

Bota

Bombardimet e sotme në Gaza, vriten 11 persona, 20 rezultojnë të zhdukur

Published

13 minutes ago

September 9, 2025

UBTnews

Të paktën 11 persona janë vrarë dhe mbi 20 rezultojnë të zhdukur pas sulmeve ajrore izraelite në Rripin e Gazës që nga agimi i ditës së sotme.

Sipas Al Jazeera, sulmet kanë shkaktuar shkatërrime të mëdha dhe rritje të shqetësimeve për gjendjen humanitare në rajon./D.B/EO

Lajmet

Arrestohet një shtetas serb në Kamenicë, solli mall ilegalisht nga Serbia

Published

14 minutes ago

September 9, 2025

UBTnews

Policia e Kosovës njofton se kanë parandaluar kontrabandimin me mallra nga Serbia në Kamenicë.

Sipas policisë, një traktor që drejtohej nga i dyshuari shtetas i Serbisë në të cilën kishte të ngarkuar mall (ushqim për peshq) të cilin dyshohet se e kishte futur në Republikën e Kosovës nga Serbia përmes rrugëve ilegale, në vlerë rreth 10 mijë euro.

“Kamenicë / 08.09.2025 – 20:20. Njësia policore ka ndaluar një traktor që drejtohej nga i dyshuari shtetas i Serbisë në të cilën kishte të ngarkuar mall (ushqim për peshq) të cilin dyshohet se e kishte futur në Republikën e Kosovës nga Serbia përmes rrugëve ilegale. Vlera e mallit llogaritet rreth 10.000 €”, thuhet në raportin 24 orësh të Policisë.

Policia njofton po ashtu se i dyshuari është arrestuar dhe pas inicimit të rastit me vendim të prokurorit është dërguar në mbajtje, ndërsa malli është dërguar në terminalin doganor./D.B/KP