Lajmet

LDK-ja nderon kolonel Ahmet Krasniqin me dekoratën “Ibrahim Rugova”

Abdixhiku e quajti Krasniqin intelektual me vlera atdhetare.

Published

on

Lidhja Demokratike e Kosovës (LDK) ka mbajtur akademi përkujtimore me rastin e 25-vjetorit të vrasjes së ish-ministrit të Mbrojtjes së Kosovës, kolonel Ahmet Krasniqi.

Në këtë përvjetor, kryetari i LDK-së, Lumir Abdixhiku ka nderuar familjen Krasniqi me një dekoratë “Ibrahim Rugova” për kontributin e kolonel Krasniqit. Abdixhiku e quajti Krasniqin intelektual me vlera atdhetare.

“Intelektuali rrallë e misionar i lirisë dhe pavarësisë së Kosovës, kolonel Ahmet Krasniqi ishte ai që i vendosi bazat e ushtrisë së Kosovës. E kaluara e Ahmet Krasniqit dhe e kaluara e Kosovës janë një të pandashme e të bëra bashkë përherë për më të shtrenjtën lirinë e Kosovës. Aty ku flitej e veprohej për Kosovën dhe lirinë e saj, aty në krye ishte edhe vet kolonel Ahmet Krasniqi në çdo kohë, në çdo rrethanë e në të gjitha rastet. Prandaj kur themi emrin e kolonel Krasniqit e themi me sinonimit e Ministrit të luftës, e konstatojmë vet Republikën e Kosovës me një ushtri të fortë e profesionale që e ruan dhe garanton dhe sigurinë e shtetit dhe është e ushtrive të NATO-s. Edhe sot si përgjithmonë kujtojmë faktin se u emërua ministër i parë i mbrojtjes me besimin e presidentit historik doktor Ibrahim Rugova”, tha Abdixhiku.

Abdixhiku tha po ashtu se dekorata “Ibrahim Rugova” për familjen Krasniqi do të shërbej për të gjithë brezat e ardhshëm.

“Kjo dekoratë le të shërbej jo vetëm si mirënjohje, jo vetëm për kontributin e tij për çlirim, por të shërbej si rikujtim për gjithë breza e ardhshëm si liria e vendit tonë është arritur me shumë mund dhe sakrificë më të devotshëm të vendit tonë.Figura e kolonel Krasniqit nuk do të na përcjell vetëm në përvjetor si kjo hije ushtarake prej tij e mburoje ndaj atdheut, do të na përcjell në çdo hap të jetës brezat e tashëm. Dhe ata që do të vijnë do të dinë se kush ishte ky njeri ky burrë i madh, sepse duke e njohur atë dhe veprimtarinë e njohim dhe lirinë dhe pavarësinë Kosovës”, u shpreh Abdixhiku.

Ndërsa, ish-ministri i Mbrojtjes, Rrustem Berisha tha se figura ushtarake e Krasniqit ka një prejardhje me familje patriotike. Ai tha se kolonel Krasniqi gjatë rrugëtimit të tij ka pasur shumë sfida të cilat i ka kaluar me mençurin e tij.

“Ka ditë me udhëzuar shqiptar për mos më bërë gabime dhe ishte një ushtarak siç u përmend me një karrierë ushtarake, por sigurisht se prejardhja e tij familjare ai vinte nga një familje me traditë patriotike ishte një familje siç ishte Aziz Zhilivoda. Ka pasur edhe shumë pengesa edhe gjatë shërbimit tij në armatën popullore për 25 vjet asnjë dekoratë nuk iu ka dhënë ndonjë dekoratë simbolike, por në vazhdimësi jeta e tij ka qenë luftë dhe ka kaluar shumë sfida, me të cilat i ka kaluar me një mençuri të jashtëzakonshme”, tha Berisha.

Në akademinë përkujtimore është shfaqur edhe një dokumentar për jetën dhe veprën e kolonel Krasniqi. Ahmet Krasniqi u vra më 21 shtator 1998 në Tiranë derisa autorët e vrasjes vazhdojnë të mbesin të panjohur që nga ajo kohë.

Lajmet

Osmani: Aleanca me SHBA, BE e partneriteti me NATO janë në ADN-në e shtetësisë sonë

Published

on

By

Gjatë vizitës zyrtare në Hungari, presidentja Vjosa Osmani, iu drejtua studentëve dhe profesorëve të Universitetit Eötvös Loránd.

Ajo me këtë rast ka folur mbi prioritetet strategjike të politikës së jashtme të Republikës së Kosovës, përfshirë për marrëdhëniet ndërmjet Kosovës dhe Hungarisë, raporton KosovaPress.

Në fjalimin e saj, Osmani theksoi se Kosova është e vendosur të bëhet pjesë e plotë e familjes së shteteve euroatlantike dhe se aleanca me SHBA-në, Bashkimin Evropian dhe partneriteti me aleatët e NATO-s përbëjnë shtylla të qëndrueshmërisë rajonale dhe kontribuojnë drejtpërdrejt në sigurinë e hapësirës euroatlantike.

Në një nga universitetet më prestigjioze të Evropës Qendrore, presidentja Osmani u ndal te roli i arsimit si urë lidhëse mes kombeve dhe si themel për bashkëpunim afatgjatë. Ajo shprehu mirënjohje për mbështetjen që studentët nga Kosova kanë marrë ndër vite nga Universiteti Eötvös Loránd dhe nga institucionet hungareze.

Duke vënë në pah dimensionin historik të marrëdhënieve shqiptaro-hungareze, presidentja solli në vëmendje kontributin e dy figurave emblemë – Gjergj Kastrioti Skënderbeu dhe Janos Hunyadi.

Në shekullin e pesëmbëdhjetë, shqiptarët dhe hungarezët qëndruan krah për krah për mbrojtjen e qytetërimit evropian. Ishte një aleancë mbi vlera shpirtërore, e ndërtuar mbi vlera të përbashkëta si liria, identiteti dhe dinjiteti. Sot, në një Evropë që po ndryshon, ky trashëgim frymëzues na udhëzon për të ndërtuar partneritete që reflektojnë vizionin e përbashkët për një të ardhme paqësore dhe të bashkuar.

Osmani theksoi gjithashtu se marrëdhëniet ndërmjet Kosovës dhe Hungarisë kanë potencial të madh për t’u thelluar në fusha si energjia e ripërtërirë, turizmi, teknologjia dhe arsimi, duke nënvizuar se përparimi i qëndrueshëm ndërtohet mbi investimin në rini dhe në krijimin e urave të mirëkuptimit ndërkulturor.

Continue Reading

Lajmet

FSK-ja zhvillon stërvitje të përbashkët me ushtarët e Iowas

Published

on

By

Ushtarët e Gardës Kombëtare të Ushtrisë së Iowas me partnerët nga Forca e Sigurisë së Kosovës dhe njësi mbështetëse të specializuara po marrin pjesë në një stërvitje ushtarake.

Kjo stërvitje po zhvillohet në kushte të intensitetit të lartë dhe për simulime luftarake të avancuara, thuhet në njoftimin e lëshuar nga Garda Kombëtare e Iowas.

Aty thuhet se të gjitha njësitë po përballen me mjedis sfidues dhe presion të lartë, i projektuar për të reaguar në luftime në shkallë të gjerë.

Çdo ekip po përballet me sfida në një ambient dinamik dhe me presion të lartë, i krijuar për të imituar realitetin e luftimeve të shkallës së gjerë”, thuhet në njoftim.

Continue Reading

Lajmet

Podujeva me ndërprerje të furnizimit me ujë nesër e pasnesër, shkak punimet teknike

Published

on

By

Për shkak të disa punimeve teknike, nesër dhe pasnesër do të ketë ndërprerje të furnizimit me ujë në qytetin e Podujevës.

Kjo është bërë e ditur nga Kompaniia Rajonale e Ujësjellësit “Prishtina”.

Ju njoftojmë se në qytetin e Podujevës do të ketë punime teknike në gypin fi 450mm punime këto që do e rrisin kapacitetin e furnizimit të qytetit me ujë”.

“Me këtë rast më datë 19 dhe 20 qershor do të ketë ndërprerje të furnizimit me ujë nga ora 12:00-18:00″, thuhet në postimin e kësaj kompanie në Facebook.

Continue Reading

Lajmet

Çeku pret në takim ekipin e xhudos pas suksesit në Kampionatin Botëror

Published

on

By

Kampionet e xhudos nga Kosova, Distria Krasniqi dhe Laura Fazliu, janë rikthyer në vend me medalje nga Kampionati Botëror i Xhudos, duke sjellë krenari dhe emocion për gjithë vendin, shkruan KosovaPress.

Distria Krasniqi fitoi medaljen e argjendtë, ndërsa Laura Fazliu u nderua me medaljen e bronztë – suksese që konfirmojnë nivelin elitar të sportistëve tanë në skenën ndërkombëtare.

Pas arritjes së tyre të jashtëzakonshme, ato u pritën me nderime dhe mirënjohje nga ministri në detyrë i Ministrisë për Kulturë, Rini dhe Sport, Hajrulla Çeku.. Gjatë një takimi të veçantë, u shprehën përgëzime të veçanta për xhudistet, por edhe për trajnerët Toni Kuka dhe Majlinda Kelmendi, si dhe për Agron Kukën, kryetarin e Federatës së Xhudos së Kosovës.

Kosova vazhdon të shkëlqejë në sport falë punës, disiplinës dhe talentit të sportistëve tanë,”, ka shkruar Çeku në ‘Facebook’ pas takimit.

Xhudoja vazhdon të mbetet një nga sportet më të suksesshme në Kosovë, duke dëshmuar se pasioni dhe përkushtimi sjellin rezultate të mëdha edhe në arenën më të madhe sportive botërore.

Continue Reading

Të kërkuara