Lajmet

LDK-ja fajëson Qeverinë Kurti për mbylljen e shkollave

Sipas saj, ekzekutivi ka cenuar dinjitetin e mësimdhënësve duke mos ekzekutuar pagat për muajin gusht.

Publikuar

2 vjet më parë

më

Lidhja Demokratike e Kosovës është shprehur e shqetësuar për mos fillimin e vitit të ri shkollor.

Në konferencë për medie të enjten, anëtarja e kryesisë së LDK-së, Jehona Lushaku-Sadriu tha se papërgjegjësia e Qeverisë Kurti ka bërë që sot të mbyllen shkollat.

“Sot ne kemi një situatë ku të gjitha shkollat janë të mbyllura. Janë të mbyllura për shkak të papërgjegjësisë të kësaj qeverie për të dialoguar për kërkesat e mësimdhënësve dhe gjetur zgjidhjet më të mira për të mos humbur viti i ri shkollor. Mësimdhënësit i kanë adresuar kërkesat e tyre dhe nuk kanë gjetur mbështetje dhe as dialogim të mirëfilltë nga kjo qeveri”, tha ajo.

Sipas saj, ekzekutivi ka cenuar dinjitetin e mësimdhënësve duke mos ekzekutuar pagat për muajin gusht. Ajo tha se ky vendim është jodemokratik dhe joligjor.

“Në këtë kohë kur Kosova po ballafaqohet me krizë ekonomike, kur inflacioni është në rritje e sipër, kur kemi krizë energjetike dhe shumë kriza të tjera, mësimdhënësit duhet që dje të dënohen duke mos marrë pagat e tyre të merituara për muajin gusht. LDK-ja me shumë shqetësim është duke përcjellë këtë situatë dhe e njëjta i dedikohet papërgjegjësisë dhe paaftësisë së kësaj qeverie… Ky vendim për mosekzekutimin e pagave është tërësisht joligjor. S’ka ndodhur asnjëherë dhe s’ka asnjë bazë juridike që pagat të ndalen kolektivisht për punëtorët publik dhe veçanti për punëtorët e arsimit”, shtoi Lushaku-Sadriu.

E pyetur për qëndrimin e mëhershëm të ish ministrit Financave, Avdullah Hoti, për grevat në arsim dhe ndaljen e pagës për ditët e mospunës, anëtarja e Kryesisë së LDK-së, tha se tani vendimi është për ndalje të tërësishme të pagës. Sipas saj, kjo nuk ka ndodhur në ish-qeverinë Mustafa, mirëpo tani janë kundër çdo mase të dënimit të mësimdhënësve.

“Pagat janë ndaluar tërësisht, jo pjesshëm, por tërësisht. Arsimtarët nuk kanë marrë krejt rrogën, nuk është zbatuar përqindje e caktuar. E dyta kemi një ndalesë të kolektive, kjo është e paprecedent nuk ka ndodhur asnjëherë. As më herët nga Qeveria dhe ministri Hoti i asaj kohe nuk ka ndodhur. Kështu që ne jemi duke u marrë me faktet dhe mendoj se vlen principi i njëjtë. Ne jemi kundër çdo mase që të dënohen mësimdhënësit”, theksoi ajo.

LDK ka kërkuar nga Kurti që sa më shpejt të dialogojë me sindikatat dhe të arrihet një zgjidhje, në mënyrë që të fillojë viti i ri shkollor.

Etiketa
Vazhdo të lexosh

Lajmet

Shfaqet një lloj i ri i virusit mpox në Kongo

Publikuar

2 orë më parë

më

26 Qershor, 2024

nga

Një lloj i ri i virusit mpox që përhapet me shpejtësi përgjatë kufirit lindor të Republikës Demokratike të Kongos është “tepër shqetësues”, thonë zyrtarët shëndetësorë që monitorojnë përhapjen e tij.

Virusi mund të shkaktojë plagë në të gjithë trupin dhe në shumë raste mund të jetë edhe vdekjeprurës.

Përhapja aktuale është nxitur nga transmetimi seksual, por ka prova që ky lloj mund të transmetohet edhe përmes kontaktit të ngushtë lëkurë me lëkurë.

Ekspertët globalë të shëndetit thonë se varianti i ri rrezikon përhapjen ndërkufitare dhe ndërkombëtare të virusit. Madje konsiderohet si “lloji më i rrezikshëm” i përhapur ndonjëherë./UBTNews/

Vazhdo të lexosh

Lajmet

Sulmi terrorist në Banjskë, tre të dyshuarve iu vazhdohet paraburgimi edhe nga dy muaj

Publikuar

2 orë më parë

më

26 Qershor, 2024

nga

Gjykata Themelore në Prishtinë ka marrë vendim, me të cilin aprovuar kërkesën e Prokurorisë Speciale të Republikës së Kosovës (PSRK), ashtu që ua ka vazhduar masën e paraburgimit edhe nga dy muaj (secilit veç e veç) tre të dyshuarve Vladimir Toliq, Blagoje Spasojeviq dhe Dushan Maksimoviq, për sulmim terrorist ndaj Policisë së Kosovës në Banjskë.

Lajmin për “Betimi për Drejtësi” e ka konfirmuar bashkëpunëtorja profesionale nga zyra e kryetares së kësaj gjykate, Medina Gashi.

“Referuar kërkesës tuaj për informata, ju njoftojmë se pas kërkesës së Prokurorisë Speciale të Republikës së Kosovës për vazhdimin e masës së paraburgimit në çështjen penale kundër të pandehurve V.T, B.S dhe D.M, Gjykata themelore në Prishtinë – Departamenti Special me datë 21.06.2024 ka marrë Aktvendim dhe ka aprovuar kërkesën e Prokurorisë Speciale të Republikës së Kosovës, ashtu që masa e paraburgimit tre të pandehurve iu është vazhduar në kohëzgjatje prej 2 (dy) muaj”, thuhet në përgjigjen e gjykatës.

Toliq, Spasojeviq dhe Maksimoviq gjenden nën masën e paraburgimit nga data 26 shtator 2023.

Ata dyshohen për veprat penale “Veprat e rënda kundër rendit kushtetues dhe sigurisë së Republikës së Kosovës”, “Sulm kundër rendit kushtetues të Republikës së Kosovës”, “Përgatitja e veprave terroriste ose veprave penale kundër rendit kushtetues dhe sigurisë së Republikës së Kosovës” dhe “Mbajtja në pronësi, kontroll ose posedim të paautorizuar të armëve”.

Në Bajsnkë të Zveçanit, në orët e hershme të 24 shtatorit 2023, ishte vrarë rreshteri Afrim Bunjaku si dhe ishin plagosur dy të tjerë. Pastaj, të vrarë kishin mbetur edhe tre sulmues, kurse të tjerët ishin larguar pasi ishin strehuar për disa orë në Manastirin e Bajnskës.

Ministri  i Punëve të Brendshme, Xhelal Sveçla kishte publikuar pamje të Milan Radoiçiq, ku kishte theksuar se Radoiçiq ka qenë udhëheqës i këtij grupi terrorist dhe i sulmit ku mbeti i vrarë polici Afrim Bunjaku. E vetë Radoiçiq e kishte marrë përsipër përgjegjësinë për sulmin terrorist.

Vazhdo të lexosh

Lajmet

Pas vendimit të Kushtetueses, veteranët paralajmërojnë protesta

Publikuar

2 orë më parë

më

26 Qershor, 2024

nga

Ushtruesi i detyrës së kryetarit të Organizatës së Veteranëve të Luftës së Ushtrisë Çlirimtarë të Kosovës (OVL-UÇK), Faton Klinaku ka reaguar pas vendimit të Gjykatës Kushtetuese për mospërfshirjen e veteranëve në ligjin për pagën minimale.

Përmes një postimi në llogarinë e tij në Facebook, Klinaku ka paralajmëruar protesta kundër pushtetit të Kurtit, i cili sipas tij po punon kundër veteranëve të UÇK-së.

“Qëndrimet tona se do t’i vazhdojmë protestat kundër këtij pushteti i cili vazhdimisht ka punuar kundër veteranëve të luftës së UÇK-së dhe shtresave tjera të shoqërisë, mbeten të pandryshueshme”, ka shkruar ai.

Kujtojmë se sot gjatë ditës, Gjykata Kushtetuese i dha të drejtë qeverisë për Ligjin për Pagën Minimale i cili nuk i përfshin pensionet e veteranëve të luftës së UÇK-së.

Sipas njoftimit, Kushtetuesja e ka vlerësuar kërkesën e kryetarit të grupit parlamentar të AAK-së, Besnik Tahirit dhe nëntë deputetëve të tjerë, ku konstatoi se neni 2 i Ligjt për Veteranët e Luftës së UÇK-së nuk është në kundërshtim më Ligjin për Ndryshimin dhe Plotësimin e Ligjeve që Përcaktojnë Shumën e Beneficionit në Lartëri të Pagës Minimale.

Vazhdo të lexosh

Lajmet

Stoltenberg me lëvdata për Rutten: Po e lë NATO-n në duar të sigurta

Publikuar

3 orë më parë

më

26 Qershor, 2024

nga

Shefi aktual i NATO-s, Jens Stoltenberg e ka lavdëruar pasardhësin e tij në krye të Aleancës, Mark Rutte.

“Marku është një transatlanticist i vërtetë, një lider i fortë dhe një ndërtues i konsensusit. I uroj atij çdo sukses ndërsa ne vazhdojmë ta forcojmë NATO-n. E di që po e lë NATO-n në duar të sigurta”, tha ai.

Mark Rutte, kryeministri holandez në largim, është zgjedhur zyrtarisht si sekretari i ardhshëm i përgjithshëm i NATO-s.

Aleanca ushtarake tha në një deklaratë se “Këshilli i Atlantikut të Veriut vendosi ta emërojë kryeministrin holandez Mark Rutte si Sekretarin e Përgjithshëm të ardhshëm të NATO-s, duke pasuar Jens Stoltenberg”.

“Rutte do të marrë funksionet e tij si Sekretar i Përgjithshëm nga 1 tetori 2024, kur mandati i Stoltenberg përfundon pas dhjetë vjetësh në krye të Aleancës”, u tha në njoftim.

Vazhdo të lexosh

Të kërkuara