Lajmet

LDK e quan Qeverinë Kurti të paaftë

Sipas kësaj partie, kjo qeveri është sinonim i qeverisjes me aftësi, por që prapë qëndron krenare.

Published

2 years ago

January 24, 2024

Betim Gashi

Rënia e eksportit, rritja e inflacionit dhe deficitit tregtar e sanksionet, po konsiderohen si dështimet më të mëdha të qeverisë Kurti nga Lidhja Demokratike e Kosovës (LDK). Sipas kësaj partie, kjo qeveri është sinonim i qeverisjes me aftësi, por që prapë qëndron krenare.

Në një konferencë për media, anëtari i kryesisë së LDK-së, Berat Rukiqi tha se paaftësia e qeverisë për të menaxhuar po u kushton “xhepave të qytetarëve”. Ai shtoi se kjo qeveria ka dështuar me përkrahje të eksporteve, të përkrahjes së prodhimit vendor e të sektorit privat.

“Kjo qeveri është sinonim i qeverisjes me paaftësi, por prapë duke qëndruar krenare… Në vitin e parë të punës si qeverisje inflacioni ka qenë 3.2 për qind, ka qenë në cikël ekonomik i cili sapo ishte dal nga pandemia, rekord apo shifra dy shifrore në vitin 2022 dhe shifër prapë shqetësuese e vitit 2023 11.6 për qind, 4.9 për qind. Ne i kemi përkthyer edhe sa po na kushton në xhep. Sa thellë ka hyrë në xhep paaftësia e qeverisë për tu ballafaquar me një krizë e cila edhe mund të menaxhohej. Inflacion ishte i pashmangshëm për shkak të ndryshimeve në tregun global… Të njëjtën kohë ndikimi i inflacionit tek xhepat e qytetarëve do të ishte i shmangshëm nëse qeveria do të vepronte me kompetencë dhe nëse do të ishte e aftë dhe me vullnet politik për t’i adresuar këto çështje”, tha Rukiqi.

Rukiqi, derisa kritikoi Qeverinë Kurti për paaftësi, theksoi se asnjëherë nuk ka ndodhur brenda një periudhe trevjeçare të ketë 56.5 për qind rritje të deficitit tregtar. Ai shtoi se nga viti 2022 në vitin 2023, eksporti në Kosovë ka rënë për 101 milionë euro më pak.

Ndër dështimet që Rukiqi përmendi gjatë kësaj qeverisjes së Kurtit, ishin edhe sanksionet, për çka tha se kanë një impakt të drejtpërdrejtë financiar në vlerë qindra miliona euro e projekte të rëndësishme.

“Asnjëherë nuk ka ndodhur brenda një periudhe trevjeçare të ketë 56.5 për qind rritje të deficitit tregtar, ka qenë në vlera 3-4 herë më të ulëta në përqindje se kjo por jo 56.5 për qind. E kanë marrë bilanci tregtar me 2. 8 miliardë euro, në vitin e tretë ka përfunduar me 5 miliardë euro. Dështim në përkrahje të eksporteve, dështim me përkrahje të prodhimit vendor, dështim me përkrahje të sektorit privat. Pa këto shtylla me ndihma dhe me lëmoshë nuk mbahet ekonomia… Nga viti 2022 në vitin 2023 kemi plot 101 milionë euro më pak eksport. Komplet 8-vjeçarin e fundit Kosova ka pasur çdo vit rritje të eksporteve, simbolike por të rëndësishme, këtë vit janë plot 101 milionë euro më pak eksport dhe krahas asaj se qeveria fare nuk e ka përkrahur sektorin privat ose të shfrytëzojë momentumin që të rritë eksporte dhe të rritë prodhimin e brendshëm e njëjta qeveri ka treguar paaftësi të jashtëzakonshme edhe në politikën e jashtme edhe në qasjen me aleatë. Ne edhe sot kur po flasim jemi nën sanksione të cilat e kanë një impakt të drejtpërdrejtë financiar qindra miliona euro, dhe projekte të rëndësishme”, potencoi Rukiqi.

Përveç këtyre, anëtari i kryesisë së LDK-së, Berat Rukiqi, tha se “si shkak i paaftësisë së qeverisë, e normës së inflacionit ka ndikuar që 100 euro të vitit 2020, tani tani të kenë vlerën 81.65 euro”. Ai potencoi se përqindjen më të madhe të pagës, qytetarëve u duhet ta shpenzojnë për blerjen e gjërave bazike.

Lajmet

Dështimi i 53-të, deputetët mblidhen sonte prapë në orën 22:00

Published

15 hours ago

July 26, 2025

UBTnews

As në përpjekjen e 53-të, deputetët nuk e konstituan Kuvendin e Kosovës, të dalë nga zgjedhjet e 9 shkurtit.

Kryesuesi Avni Dehari ua ndërpreu fjalën deputeit të PDK-së Abelard Tahirit, deputetes së LDK-së Jehona Lushaku Sadriu dhe deputetes së AAK-së Time Kadrijaj.

Kryesuesi i seancës konstituive, Avni Dehari, tha se seanca do të mbahet sonte në orën 22:00.

Gjykata Kushtetuese e Kosovës ka vendosur masë të përkohshme, që do të jetë në fuqi nga 27 korriku deri më 8 gusht, periudhë në të cilën deputetëve u ndalohet të ndërmarrin çdo vendim apo veprim për konstituimin e Kuvendit, të dalë nga zgjedhjet e shkurtit.Palët vazhdojnë të mos gjejnë një kompromis.

Lajmet

Zemaj: Nuk pres të ketë diçka as pas dy javësh

Published

15 hours ago

July 26, 2025

UBTnews

Deputeti i Lidhjes Demokratike të Kosovës (LDK), Armend Zemaj tha se nuk pret dalje nga bllokada institucionale as pas dy javësh.

Para fillimit të përpjekjes së 53-të për konstituim të kuvendit, Zemaj tha para mediave se “kryeneçësia e Vetëvendosjes po i kushton Kosovës”.

“Kryeneçësia e Vetëvendosjes, ose më mirë të them kryeneçësia e tyre për të qenë në një pushtet absolut është ka i kushton Kosovës dhe sot jemi në muajin e pestë të mos konstituimit të kuvendit dhe të krijimit të qeverisë së re të Kosovës. tash kemi hyrë edhe në atë që quhet përgjigje legale nga Gjykata Kushtetuese, sot është dita e fundit deri në atë që do ta marrim si masë të përkohshme dhe të presim datën 8”, u shpreh ai.

Gjykata Kushtetuese ka vendosur masa të përkohshme nga data 27 korrik deri më 8 gusht, ku deputetëve u ndalohet të ndërmarrin çdo veprim e vendim që lidhet me konstituim të kuvendit.

Zemaj tha se nuk pret ndryshim as pas dy javëve.

“Duhet shfrytëzuar çdo moment, çdo minutë që të kemi institucione të reja. Por me këtë logjikë dhe me këtë bllokadë që është evidente nga VV-ja, nuk pres që mund të ketë diçka edhe pas dy jave,” ka thënë Zemaj.

Lajmet

Limaj: S’po shoh ndonjë mundësi për ndryshim sot

Published

15 hours ago

July 26, 2025

UBTnews

Kryetari i Nismës Socialdemokrate, Fatmir Limaj, është pyetur sot nëse pret të kandidohet për kryetar të Kuvendit të Kosovës, në kuadër të zhvillimeve rreth seancës konstituive.

Në një deklaratë të shkurtër dhënë para fillimit të seancës, Limaj u përgjigj shkurtimisht: “S’po shoh ndonjë mundësi për ndonjë ndryshim sot.”

Kjo deklaratë vjen në një moment të tensionuar, kur partitë opozitare dhe Lëvizja Vetëvendosje ende nuk kanë arritur një konsensus për konstituimin e Kuvendit. Mospajtimet e vazhdueshme kanë penguar zgjedhjen e kryetarit të Kuvendit, ndërsa afati kushtetues për këtë proces përfundon sonte në mesnatë.

Lajmet

Murati: Nuk është problem që të sigurohen votat për të tejkaluar këtë ngërç

Published

15 hours ago

July 26, 2025

UBTnews

Deputeti i Lëvizjes Vetëvendosje (LVV), Hekuran Murati tha se nuk është problem që të sigurohen votat për tejkalim të ngërçit politik.

Ai para fillimit të seancës konstituive, e cila është përpjekja e fundit para vendosjes së masës së Gjykatës Kushtetuese, tha se pret që të ketë vullnet nga partitë opozitare për konstituim të kuvendit.

“Po shpresoj që meqë është seanca e fundit apo vazhdimi i fundit që do të mbahet para pezullimit nga Gjykata Kushtetuese, shpresoj dhe uroj që të gjendet vullneti nga partitë opozitare, por edhe tek deputetët individualisht që më në fund të kemi konstituimin e kuvendit. Na duhet që patjetër që të formohen institucionet. Ne tashmë siç e keni parë jemi te numri 57 në vazhdimësi, me votat e NISMA-s bëhemi 60, jemi shumë afër 61. Me votat e Veton Berishës dhe Duda Baljes bëhemi 62, me votën e Lutfi Hazirit që ka thënë do të bëhesha vota 61 bëhemi 63, e madje edhe me votën e Bekë Berishës bëhen 64. Nuk është problem që të jenë dhe të sigurohen votat për të tejkaluar këtë ngërç, vetëm duhet vullnet politik qoftë i subjekteve opozitare, qoftë edhe i deputetëve individualisht”, deklaroi Murati.