Lajmet

Lavrov – gazetarit ukrainas: Qëllimet e Rusisë janë të qarta, ne nuk po pengojmë transportin e drithërave

Sipas tij, “sa i përket drithërave, nuk ka asnjë pengesë apo sfidë të shkaktuar nga Federata Ruse”.

Published

3 years ago

on

Ministri i Jashtëm rus, Sergej Lavrov tha të mërkurën se synimet dhe qëllimet e Rusisë në Ukrainë janë “të qarta” dhe pohoi se Moska nuk po ndalon eksportet e grurit nga Ukraina.

Gjatë një konference të përbashkët për shtyp me Ministrin e Jashtëm turk, Mevlut Cavusoglu në Ankara, një gazetar ukrainas e pyeti Lavrovin: “përveç produkteve të drithit, çfarë [tjetër] i vodhi Rusia Ukrainës?”

Ai u përgjigj se “për sa i përket drithërave, nuk ka asnjë pengesë apo sfidë të shkaktuar nga Federata Ruse”.

“Z. Zelensky duhet të japë një udhëzim që portet ukrainase të bëhen të sigurta”, tha Lavrov duke përsëritur vërejtjet e tij se Ukraina duhet të ç’minojë ujërat për të siguruar kalimin e sigurt të anijeve.

Lavrov tha se “nuk jemi ne ata që duhet të fajësohet” për krijimin e një problemi dhe se “topi është në fushën e tyre [të Ukrainës]”.

Ministri i Jashtëm rus tha se Rusia po diskuton sigurimin e kalimit të sigurt të anijeve me ushtrinë turke.

Lavrov tha se Rusia ka “synime të qarta dhe qëllime të qarta” në Ukrainë, të cilat ai pretendoi se janë “çlirimi” i vendit nga një “regjim neo-nazist”./UBTNews/

Related Topics:
Continue Reading

Lajmet

Gjilan: Arrestohen dy persona për vjedhje të rëndë dhe keqpërdorim të besimit

Published

7 minutes ago

on

July 4, 2025

By

Policia e Kosovës ka arrestuar sot dy persona, E.M. dhe B.H., të dyshuar për veprat penale “Vjedhje e rëndë” dhe “Keqpërdorim i besimit”.

Pas një hetimi të detajuar dhe veprimeve operative në koordinim me Prokurorinë e Shtetit, të dyshuarit dyshohet se kanë vjedhur stoli ari, para të gatshme dhe kanë tërhequr para nga banka, duke keqpërdorur besimin e një shtetasi të huaj gjatë një periudhe të caktuar kohore.

Me vendim të Prokurorit të Shtetit, të dyshuarit janë ndaluar për 48 orë, dhe ndaj tyre pritet të ngrihet kallëzim penal për veprat e përmendura.

Continue Reading

Lajmet

Gruaja 80-vjeçare gjendet pa shenja jete në lagjen “Ulpiana” të Prishtinës

Published

10 minutes ago

on

July 4, 2025

By

Policia e Kosovës ka njoftuar se të enjten, rreth orës 13:45, është raportuar për një person pa shenja jete në rrugën “Imzot Nikprelaj” në lagjen “Ulpiana” të Prishtinës. Viktima, një grua rreth moshës 80-vjeçare, është gjetur pa shenja jete.

Sipas njoftimit të policisë, menjëherë pas marrjes së informatës, ekipet policore kanë dalë në vendngjarje, ku janë ftuar edhe mjekët emergjentë. Mjekët kanë konstatuar se gruaja nuk kishte shenja jete.

Aktualisht, Policia e Kosovës po heton me kujdes të gjitha rrethanat e ngjarjes për të përcaktuar shkaqet dhe detajet e këtij rasti.

Continue Reading

Lajmet

Haradinaj uron SHBA-të për Ditën e Pavarësisë: Aleate historike, mike e pazëvendësueshme

Published

17 minutes ago

on

July 4, 2025

By

Kryetari i Aleancës për Ardhmërinë e Kosovës, Ramush Haradinaj, ka uruar Shtetet e Bashkuara të Amerikës në ditën e pavarësisë.

Haradinaj, ka thënë se SHBA-të janë aleate historike dhe një mike e pazëvendësueshme e Kosovës.

‘‘Urime Dita e Pavarësisë, Shtetet e Bashkuara të Amerikës! Një aleate historike, një mike e pazëvendësueshme për Kosovën!

Happy Independence Day!’’, shkroi në facebook, Haradinaj.

Continue Reading

Lajmet

Presidentja Osmani uron ShBA-në: Nga populli më pro-amerikan në botë, gëzuar 4 Korrikun

Published

20 minutes ago

on

July 4, 2025

By

Presidentja e Kosovës, Vjosa Osmani, ka uruar Shtetet e Bashkuara të Amerikës me rastin e 249-vjetorit të Pavarësisë.

“Nga populli më pro-amerikan në botë: Gëzuar 4 Korrikun, Ditën e Pavarësisë së Shteteve të Bashkuara të Amerikës”, shkroi në Facebook, presidentja Osmani.

Continue Reading

Të kërkuara