Lajmet

Lansohet “Dritarja për investime të diasporës”, Kurti: 100 milionë euro për investimet e mërgatës

Published

2 years ago

on

Kryeministri Albin Kurti në ceremoninë e lansimit të “Dritares për investime të diasporës” ka thënë se ky është një hap për krijimin e kushteve për zhvillim ekonomik dhe hapje të vendeve të reja të punës.

Kurti ka thënë se po krijohet mundësia që mërgata të bëhet investitor aktiv dhe se për ta po e hapin një dritare e cila do ti ketë 100 milionë euro.

Po ashtu ai ka thënë se Kosova është vend shumë i mirë për të punuar dhe investuar duke shtuar që shumë nga mërgata po kthehen në Kosovë për të jetuar.

“Ky është një hap që edhe më tej dëshmon përkushtimin tonë. Në shkurt të vitit 2021 pata premtuar një qeverisje ndryshe, të pa korruptuar dhe të drejtë. Për realizimin e këtyre synimeve mërgatën tonë e kemi pasur kyçe. Ky ishte një produkt financiar nga shteti me anë të secilës mërgatës tonë iu mundësohej të investojnë. Për një kohë shumë të shkurtër u investuar më shumë se 100 milionë euro. Ky ishte vetëm hapi i parë tani me “Dritaren e Investimeve” është hapi i dytë për të japur mundësi për garantimin e investimeve të diasporës kur mërgatës tonë iu mundëson që të hapen edhe në Kosovë. Investimet fillojnë nga 3 milionë euro, ndërsa tek dritarja parashihet të jenë investimet deri në 100 milionë euro që mundësojnë investimet e diasporës”.

“Mërgata jonë do të sjellë aftësinë dhe njohurinë nga vendet qe jetojnë aktualisht. Kemi shumë raste kur bashkatdhetarë po kthehen për të punuar dhe investuar në Kosovë. Sepse vendi jonë ofron kushte të mira për te punuar dhe investuar. Një numër shumë i madh i banesave janë të zbrasta për shkak se shumica janë blerje nga mërgata jonë. Do të thotë ka investime në patundshmërisë dhe kjo do të thotë që është dëshmi qe mërgata nuk keq dorë nga ëndrra për tu kthyer në Kosovë”, tha Kurti.

Ministri i Financave, Punës dhe Transfereve, Hekuran Murati, ka thënë se Qeveria do të garantojë kapital shtesë deri në 8 milionë euro, ndërsa FKGK ka ofruar 2 milionë.

“Sot jam i nderuar që të jem para jush, është me të vërtetë kënaqësi për me marrë një hap të lanësimit të një dritare të re është për të pasur investime këtu. Në shtetet ku jetojnë aktualisht kanë pasur histori kreditor por nuk kanë lëshuar kredi për të investuar në kredi. Mirëpo kur kanë ardhur këtu nuk kanë mundur të marrin kredi për shkak të historikut kreditor. Ideja është që të krijohet një instrument që të mundësojë garancinë e kredive, kjo gjë është e domosdoshme dhe një numër i madh i diasporës ka hasur në këto probleme dhe ka një numër të madh për të investuar për të rritur investimet. Kjo ka kulmuar në këtë që po shihni sot po pritet një draft për tu nënshkruar. Kemi dhënë zotimin që deri në 8 milionë kapital shtesë të investojmë. Dhe kjo shumë garanton deri në 100 milion euro të investojnë mërgata në vendin e tyre. Bashkudhëtarët tanë të kenë mundësi më shumë për të investuar tek vendi i tyre. Anëtarët e mërgatës që kanë investuar para tre viteve po ti kthehet në muajin gusht ri investimi me qëllim që të ri startojmë me një investim të ri”, tha Murati.

Ambasadori i ShBA-ve në Kosovë, Jeffrey Hovenier ka theksuar se ky program do të ndikojë në rritjen ekonomike të Kosovës.

“Ne e kuptojmë mundësinë e rrallë që bizneset nga diaspora mund ta paraqesin. E dimë që kur të vijnë mërgata për të investuar tregojnë idetë më të mira dhe më bashkëkohore. E dimë se si duket suksesi dhe hapja e kësaj platforme krijon vende punës përmes shkathtësive të reja dhe për të ngritur profilin e Kosovës. Më lejoni të iu inkurajoje për të zhvilluar këtë investim, për t’i nxitur tërhequr dhe treguar shkathtësie e tyre dhe për të investuar në Kosovë. Për të nxitur rritjen ekonomike të Kosovës dhe për të mundësuar një të ardhme të begatshme të Kosovës. Dua të shohim një ekonomi e cila iu mundëson një begati të gjithë qytetarëve të Kosovës. Kjo është mundësi dhe sfidë jemi këtu për të mbështetur shtetin e Kosovës për të përqafuar dhe për të kaluar këtë sfidë”, tha ai.

Drejtori Menaxhues i Fondit kosovar për Garanci Kreditore, Besnik Berisha, ka thënë se krijimi kësaj dritare është më e pakta që mund të bëhet për mërgatën dhe investimet e tyre, ku sipas tij, impakti i kësaj kapitali do të jetë 10-fish.

“Kjo ngjarje jo vetëm që shënon një kapitull të rëndësishëm të realizimit tonë, mërgata jetojnë dhe punojnë në vende tjera dhe nuk e harrojnë përkatësinë e tyre. Ndërsa jemi mbledhur këtu nuk mund të mos diskutojmë qe diaspora ka pasur kontributin e tyre në Kosovë në vitet e 90-ta. Krijimi kësaj dritare është më e pakta që mund të bëjmë për mërgatën dhe investimet e tyre. Për këtë arsye këtë dritare dallon nga të tjerat. Impakti i kësaj kapitali do të jetë 10 fish”, tha Berisha.

Qeveria e Kosovës dhe Fondi Kosovar për Garanci Kreditore (FKGK), në partneritet me USAID-in përmes Aktivitetit të saj për Promovimin e Investimeve dhe Qasjen ne Financa, kanë rënë dakord të krijojnë një program të ri për garantimin e kredive (Dritarja për Investime te Diasporës) për të tërhequr investime nga diaspora.

Related Topics:
Continue Reading

Lajmet

Zejnulla Gashi pranon detyrën e Kryeprokurorit të Shtetit, premton forcim të sundimit të ligjit

Published

1 hour ago

on

July 15, 2026

By

Zejnulla Gashi ka pranuar zyrtarisht detyrën e Kryeprokurorit të Shtetit nga ushtruesi i detyrës, Agron Qalaj, duke u zotuar se do të punojë për forcimin e sundimit të ligjit.

Pas marrjes së detyrës, Gashi tha se do të jetë kryeprokuror i të gjithë qytetarëve dhe se puna do të fokusohet në bashkëpunim dhe profesionalizëm.

“Faleminderit kolegëve për besimin e dhënë. Unë do të jem kryeprokuror i të gjithëve dhe së bashku të gjithë do të punojmë në forcimin e sundimit të ligjit”, u shpreh Gashi.

Ai u dekretua një ditë më parë nga ushtruesja e detyrës së presidentes, Albulena Haxhiu, pas propozimit të Këshillit Prokurorial të Kosovës.

Institucioni i Kryeprokurorit të Shtetit ka funksionuar me ushtrues detyre që nga viti 2023, pasi presidentja e atëhershme, Vjosa Osmani, nuk e kishte dekretuar Blerim Isufajn në këtë pozitë, duke përmendur shkelje të pretenduara në procesin e përzgjedhjes./A.K/

Continue Reading

Lajmet

Dua Lipa bisedon me Lea Ypin për librin “Free” në podcastin Service95 Book Club

Published

1 hour ago

on

July 15, 2026

By

Këngëtarja shqiptare me famë botërore, Dua Lipa, ka publikuar episodin e plotë të podcastit Service95 Book Club, ku zhvillon një bisedë me autoren dhe akademiken shqiptare Lea Ypi për librin e saj të vlerësuar ndërkombëtarisht “Free”, i cili është përzgjedhur si leximi i muajit korrik.

Duke prezantuar librin, Dua Lipa kujtoi se Lea Ypi ishte vetëm 11 vjeçe kur ra komunizmi në Shqipëri dhe se në fëmijëri ajo e kishte parë figurën e liderëve të regjimit përmes këndvështrimit të një fëmije, me një besim të plotë ndaj sistemit të kohës.

Libri “Free” sjell historinë e një Shqipërie të izoluar politikisht, përmes kujtimeve të Ypit nga fëmijëria dhe periudha e tranzicionit pas rënies së komunizmit. Në rrëfim përfshihen edhe momente simbolike të jetës së përditshme, si historia e një kanaçeje Coca-Cola, e cila në atë kohë shihej si një simbol i rrallë i Perëndimit.

Megjithatë, vepra nuk fokusohet vetëm në kujtimet e fëmijërisë, por edhe në sfidat që solli periudha e pas-komunizmit: mbylljen e fabrikave, humbjen e vendeve të punës, ndarjet familjare dhe trazirat shoqërore të tranzicionit.

Gjatë bisedës në podcast, Dua Lipa dhe Lea Ypi trajtojnë tema si historitë familjare të pathëna, mbikëqyrja shtetërore, protestat, ndryshimet politike dhe ndikimi i sistemeve shoqërore në jetën e njerëzve.

“Free më zbuloi gjëra për një vend që e njoh dhe e dua shumë. Historia është kaq e afërt, por përvoja e jetuar ka ndryshuar kaq shumë brenda vetëm një brezi”, ka shkruar Dua Lipa.

Përzgjedhja e librit “Free” në Service95 Book Club ka rikthyer vëmendjen ndërkombëtare te një rrëfim shqiptar që përmes historisë personale ngre një pyetje universale: çfarë do të thotë në të vërtetë të jesh i lirë?/A.K/

Continue Reading

Lajmet

United Hospital sjell standardet moderne të kirurgjisë evropiane, Prof. Dr. Ymer Durmishi ofron trajtime të avancuara me metoda minimale invazive

Published

1 hour ago

on

July 15, 2026

By

Prishtinë – United Hospital po vazhdon të konsolidohet si një nga qendrat spitalore më moderne në Kosovë, duke ofruar shërbime të avancuara në fushën e kirurgjisë së përgjithshme, abdominale dhe proktologjisë, në përputhje me standardet më të larta evropiane.Departamenti i Kirurgjisë së Përgjithshme dhe Abdominale në United Hospital funksionon me një ekip multidisiplinar, ku çdo ndërhyrje kryhet në bashkëpunim të ngushtë me specialistët e anesteziologjisë dhe personelin profesional, duke garantuar siguri maksimale dhe kujdes të personalizuar për secilin pacient.

Në krye të këtij departamenti është Prof. Dr. Sci. Ymer Durmishi, një kirurg me përvojë të gjerë ndërkombëtare, i cili ka ndërtuar karrierën e tij profesionale në disa prej institucioneve më prestigjioze shëndetësore në Evropë. Si Konsulent i Kirurgjisë (Chef de Clinique) në Spitalin Universitar të Gjenevës (HUG) në Zvicër, ai ka realizuar specializime në kirurgjinë abdominale, torakale, transplantim, mikrokirurgji dhe proktologji, duke sjellë në Kosovë përvojën dhe praktikat më bashkëkohore të mjekësisë zvicerane.

Një nga shërbimet që po zgjon interes të madh te pacientët është trajtimi modern i hemoroideve. Në United Hospital, pacientëve u ofrohen zgjidhje profesionale dhe definitive përmes teknikave kirurgjikale të avancuara, të cilat mundësojnë trajtim të sigurt, rikuperim më të shpejtë dhe rezultat afatgjatë.

Spitali aplikon gjithashtu metodat më të fundit minimale invazive (laparoskopike), të cilat sipas Prof. Dr. Durmishit përdoren në rreth 70 për qind të ndërhyrjeve kirurgjikale. Këto procedura realizohen përmes prerjeve shumë të vogla, duke reduktuar dhimbjet pas operacionit, shenjat kirurgjikale dhe kohën e qëndrimit në spital.

Falë kësaj teknologjie moderne, pacientët mobilizohen menjëherë pas ndërhyrjes dhe rikthehen shumë më shpejt në aktivitetet e tyre të përditshme, duke shmangur periudhat e gjata të rikuperimit.

Departamenti i Kirurgjisë së Përgjithshme dhe Abdominale në United Hospital funksionon me një ekip multidisiplinar, ku çdo ndërhyrje kryhet në bashkëpunim të ngushtë me specialistët e anesteziologjisë dhe personelin profesional, duke garantuar siguri maksimale dhe kujdes të personalizuar për secilin pacient.

Me infrastrukturë moderne, teknologji bashkëkohore dhe staf me përvojë ndërkombëtare, United Hospital synon t’u ofrojë pacientëve në Kosovë shërbime shëndetësore të nivelit evropian, duke sjellë më afër trajtimet që deri dje kërkonin udhëtim jashtë vendit.

Për informata dhe caktimin e termineve, pacientët mund të kontaktojnë United Hospital në numrat 038 60 70 70 dhe 046 60 70 70, ndërsa spitali ndodhet në M2 Prishtinë–Ferizaj, Km 7, Prishtinë./rajonipress/

Continue Reading

Lajmet

Përfundon në Mitrovicë murali kushtuar Statujës së Lirisë për 250-vjetorin e pavarësisë së SHBA-së

Published

1 hour ago

on

July 15, 2026

By

Përfaqësues të Seksionit për Diplomaci Publike të Ambasadës së Shteteve të Bashkuara të Amerikës në Kosovë morën pjesë në përurimin e muralit artistik kushtuar Statujës së Lirisë në Mitrovicën e Jugut, në kuadër të shënimit të #Freedom250, që përkujton 250-vjetorin e pavarësisë së SHBA-së.

Murali u realizua në bashkëpunim me organizatën Futja Ngjyrë, e njohur për projektet e saj të artit urban në hapësirat publike.

Sipas Ambasadës Amerikane, projekti synon të promovojë vlerat e lirisë, kreativitetit dhe bashkëpunimit me komunitetin lokal, duke shënuar njëkohësisht jubileun historik të 250-vjetorit të Shteteve të Bashkuara të Amerikës.

Murali tashmë i është shtuar hapësirës publike në Mitrovicën e Jugut, si simbol i miqësisë dhe vlerave të përbashkëta mes Kosovës dhe Shteteve të Bashkuara të Amerikës./A.K/

Continue Reading

Të kërkuara