Sport

Ky ishte lojtari që Berlusconi e kishte zgjedhur si “më të dashurin”

Published

2 years ago

June 13, 2023

Betim Gashi

Disa vite më parë, Berlusconi zbuloi lojtarin që donte më shumë në Milano: sigurisht një zgjedhje e vështirë duke marrë parasysh shumë kampionë në historinë e klubit kuq e zi.

Në 31 vite presidencë te Milani, Silvio Berlusconi ka bërë që disa lojtarë të veshin fanellën e kuqezinjve, të cilët kanë shkruar faqe të pashlyeshme në historinë e futbollit. Disa prej tyre ia dolën mbanë me “Rossonerët”, ndërsa të tjerët u blenë ndërsa ishin tashmë në majat e futbollit botëror.

E pamundur të bësh një listë të futbollistëve më të mëdhenj të epokës së Berlusconit, është listë e pafundme. Por edhe më e komplikuar është të zgjedhësh se kush është më i forti ndër ta.

Megjithatë Berlusconi, në një intervistë me “Corriere della Sera” në vitin 2020, bëri një zgjedhje: “Futbollisti më i dashur? Është e vështirë të përgjigjem, historia e Milanit tim ka qenë një nga kampionët e mëdhenj, të cilët kanë bërë të ëndërrojnë çdo tifoz, mua të parin. Një marrëdhënie personale respekti dhe dashurie është krijuar gjithmonë me djemtë’ e mi. Por nëse vërtet më duhet të përmend një, do të zgjedh Marco Van Basten, një simbol i bukurisë së futbollit siç e kuptoj unë. Një protagonist legjendar që la një boshllëk që nuk mund të plotësohej kur iu desh të largohej shumë shpejt nga fushat e futbollit”, kishte thënë Berlusconi.

Ish-presidenti i Milanit dhe ish-kryeministri i Italisë vdiq të hënën, më 12 qershor në moshën 86-vjeçare.

Lajmet

Superliga e Kosovës: Ballkani barazon 1-1 me Feronikelin

Published

2 days ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

2 days ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

2 days ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

2 days ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.