Sport

Ky është shteti që refuzon edhe propozimin e FIFA-së: Nuk duam fare të luajmë më Rusinë!

Vendimi erdhi si përgjigje ndaj pushtimit rus të Ukrainës që filloi ditë më parë.

Published

4 years ago

on

Federata e Futbollit të Polonisë ka kritikuar FIFA-n për vendimin që Rusia do t’i duhet t’i luajë ndeshjet e radhës pa flamurin ose himnin kombëtar dhe në një territor neutral nën emrin “Unioni i Futbollit të Rusisë”.

Vendimi erdhi si përgjigje ndaj pushtimit rus të Ukrainës që filloi ditë më parë.

Rusia është planifikuar të përballet me Poloninë në një ndeshje play-offi për Kupën e Botës, fillimisht në Moskë, më 24 mars, ku fituesi do të takohet me Republikën Çeke ose Suedinë.

Polonia, Suedia dhe Republika Çeke kanë njoftuar të gjitha se refuzojnë të luajnë kundër Rusisë dhe i kanë bërë thirrje FIFA-s që ta përjashtojë këtë vend nga të gjitha garat.

Federata polake nuk është e kënaqur me vendimin e FIFA-s për të lejuar Rusinë të vazhdojë të luajë, pasi presidenti Cezary Kulesza kritikoi organin qeverisës.

“Vendimi i FIFA-s është krejtësisht i papranueshëm. Ne nuk jemi të interesuar të marrim pjesë në këtë lojë. Qëndrimi ynë mbetet i paprekur: Kombëtarja polake nuk do të luajë me Rusinë, pavarësisht se si do të quhet skuadra”, vazhdon ky reagim.

Në një deklaratë të FIFA-s thuhej: “Së pari dhe më kryesorja, FIFA dëshiron të përsërisë dënimin e saj për përdorimin e forcës nga Rusia në pushtimin e saj në Ukrainë. Dhuna nuk është kurrë një zgjidhje dhe FIFA shpreh solidaritetin e saj më të thellë për të gjithë njerëzit e prekur nga ajo që po ndodh në Ukrainë”.

“FIFA bën thirrje përsëri për rivendosjen urgjente të paqes dhe për të filluar menjëherë dialogun konstruktiv. FIFA mbetet në kontakt të ngushtë me Shoqatën e Futbollit të Ukrainës dhe anëtarët e komunitetit të futbollit ukrainas të cilët kanë kërkuar mbështetje për t’u larguar nga vendi për aq kohë sa Konflikti aktual vazhdon”.

Deklarata më pas rendit masat që do të zbatohen deri në një njoftim të dytë: “Asnjë garë ndërkombëtare nuk do të luhet në territorin e Rusisë, me ndeshjet si vendas që luhen në territor neutral dhe pa shikues”.

Related Topics:
Continue Reading

Lajmet

Chelsea synon Panichelli që po shkëlqen në Ligue 1

Published

5 hours ago

on

October 30, 2025

By

Me nëntë gola në dhjetë ndeshje në Ligue 1, Joaquin Panichelli ka tërhequr vëmendjen e klubeve më të mëdha evropiane.

Sulmuesi argjentinas, 23 vjeç, është duke shkëlqyer te RC Strasbourg, duke përfshirë së fundmi edhe një performancë të jashtëzakonshme kundër PSG.

Chelsea FC po punon për ta sjellë Panichellin në Londër në afatin e verës. Raportet e klubit londinez me Strasbourg mund ta bëjë transferimin më të lehtë./S.K/EO/

Continue Reading

Lajmet

Ylli i Barcelonës do të mungojë në 10 ndeshje

Published

5 hours ago

on

October 30, 2025

By

Pedri Gonzalez do të jetë jashtë fushave të blerta për më shumë se një muaj, pasi që problemet me lëndime po vazhdojnë te gjiganti katalunas.

Pas Lewandowskit, Raphinas, Olmos, Joan Garcias, Christensenit, Gavit, Ter Stegenit, edhe mesfushori spanjoll edhe Gonzalez do të mungojë për të paktën 10 ndeshje.

Sipas gazetarit sportiv italian dhe njëherësh ekspertit të transfereve, Fabrizio Romano, Pedri do të mungojë ndaj ekipeve: Elche, Club Brugge, Celta Vigo, Athletic Club, Chelsea, Alaves, Atletico Madrid, Real Betis, Frankfurt dhe Osasuna.

Lajmi pozitiv për trajnerin Hansi Flick ishte rikthimi në ushtrime i sulmuesit Robert Lewandowski këtë javë dhe mund të ketë minuta loje për polakun në ndeshjen ndaj Elches këtë fundjavë./S.K/KP/

Continue Reading

Lajmet

​Leao në dyshim për derbin me Romën

Published

5 hours ago

on

October 30, 2025

By

Milani ka shqetësime për gjendjen fizike të Rafael Leaos para ndeshjes vendimtare të fundjavës kundër Romës. Sulmuesi portugez u largua nga fusha në pjesën e parë të barazimit 1-1 ndaj Atalantës dhe iu nënshtrua kontrolleve mjekësore.

Sipas “Gazzetta dello Sport”, testet nuk zbuluan dëmtim serioz, por lojtari po vuan nga një inflamacion në vijë, çka e vë në dyshim për ndeshjen e së dielës.

Leao, 26 vjeç, ka qenë titullar në tre ndeshjet e fundit të Milanit në Serie A, duke shënuar tre gola, pas një periudhe mungese për shkak të dëmtimit në pulpë.

Nëse nuk do të jetë gati, trajneri mund të aktivizojë Christopher Nkunku ose Ruben Loftus-Cheek, pasi Christian Pulisic dhe Santiago Gimenez pritet të mungojnë.

Ndërkohë, Ardon Jashari dhe Pervis Estupinan janë rikthyer në stërvitje me grupin, ndërsa Pulisic dhe Adrien Rabiot synojnë të jenë gati për ndeshjen ndaj Parmës më 8 nëntor./S.K/KP/

Continue Reading

Lajmet

Fitore të mëdha për Llapin dhe Drenicën në xhiron e 11-të të Superligës

Published

11 hours ago

on

October 30, 2025

By

Xhiroja e 11-të e Superligës së Kosovës solli duele tejet interesante, ku Llapi dhe Drenica regjistruan fitore të mëdha ndaj rivalëve të tyre, duke ndikuar drejtpërdrejt në ecurinë e tabelës.

Llapi e ndali serinë pozitive të Prishtinës, duke e mposhtur me rezultat 2:1. Skuadra e Tahir Batatinës shfaqi lojë të vendosur, duke marrë epërsinë në pjesën e parë me golin e Edon Sadriut, ndërsa Axel Gnap shënoi golin e dytë në pjesën e dytë për të vulosur fitoren.
Për Prishtinën, goli i vetëm u realizua nga Leotrim Kryeziu, që megjithatë nuk mjaftoi për të shmangur humbjen.

Ndërsa Drenica arriti një fitore të madhe me përmbysje 3:1 ndaj kampiones aktuale, Dritës. Ronaldo Chacon u bë hero i takimit me dy gola, ndërsa fitoren e kompletoi Kreshnik Uka. Nga ana tjetër, goli i Albert Dabiqajt mbeti vetëm statistikë, teksa Drenica ndërpreu një seri negative, duke ia ndalur njëkohësisht edhe ecurinë pozitive Dritës.

Në një tjetër përballje, Ferizaj triumfoi bindshëm ndaj Prishtinës së Re me rezultat 3:0. Golat u shënuan nga Sadriu, Berisha dhe Selmani, duke i dhënë skuadrës tri pikë të vlefshme në garën për mbijetesë./UBTNews

Continue Reading

Të kërkuara