Sport

Ky është premtimi që jep Xavi si trajner i Barcelonës

Ai pranoi se është rikthyer te Barcelona në një moment të vështirë.

Published

on

Xavi Hernandes është prezantuar sot si trajner i Barcelonës në stadiumin “Camo Nou”. Ai vjen si pasues i holandezit Ronald Koeman i cili u shkarkuar për shkak të rezultateve negative në La Liga dhe në Ligën e Kmapionëve.

Në prezantimin e tij, Xavi ka pranuar se është rikthyer te Barcelona në një moment të vështirë.

41 vjeçari ka nënshkruar një kontratë deri në vitin 2024 dhe u prezantua në fushë së bashku me presidentin e klubit Joan Laporta, përcjellë KosovaPress.

Ish-mesfushori tha se nuk ka asnjë iluzion për sfidën e vështirë që e pret: Barcelona është në vendin e nëntë në La Liga dhe gjithashtu është në rrezik real të eliminimit në fazat e grupeve të Ligës së Kampionëve.

“Po kthehem në shtëpi në një moment të vështirë financiarisht dhe nga aspekti i futbollit. Nuk është momenti më i mirë, por motivimi, pasioni dhe emocioni i tifozëve do të na rikthejnë në krye”, tha fillimisht Xavi.

“Ne nuk mund t’i zhgënjejmë tifozët. Duhet të bëjmë përpjekje, sakrifica dhe të punojmë shumë. Ne duhet t’u komunikojmë lojtarëve se ne jemi Barcelona dhe duhet të japim gjithçka. Po vij me një ide shumë të qartë, e cila ka funksionuar shumë mirë në Al-Sadd”.

Xavi u rikthye në “Camp Nou” pasi Barcelona pagoi klauzolën e lirimit me klubin e Katarit Al-Sadd. Ndeshja e tij e parë do të vijë pas pushimit për shkak të ndeshjeve ndërkombëtare, kur Barcelona do të përballet me Espanyolin në shtëpi më 20 nëntor.

Sport

Super kompjuteri parashikon golashënuesit e Ligës Premier 2025/26: Gyokeres e mbyll si i treti

Published

on

Super kompjuteri i Casino Hawks ka publikuar listën e golashënuesve të pritshëm për sezonin e ri të Ligës Premier – dhe Erling Haaland është sërish favorit absolut për të fituar “Këpucën e Artë”.

Sulmuesi norvegjez i Manchester Cityt pritet të shënojë 24.3 gola, duke lënë pas Mohamed Salahun e Liverpoolit me 18.2 gola dhe blerjen e re të Arsenalit, Viktor Gyokeres, me 16.3 gola.

Në Top 10 janë gjithashtu:

4️⃣ Chris Wood (Nottingham Forest) – 16.1 gola, surpriza e sezonit të kaluar me 20 realizime.
5️⃣ Cole Palmer (Chelsea) – 14.5 gola, lojtari më i rrezikshëm i “Bluve”.
6️⃣ Ollie Watkins (Aston Villa) – 13.8 gola, i pandalshëm sezon pas sezoni.

7️⃣ Jean-Philippe Mateta (Crystal Palace) – 13.6 gola, lideri i sulmit të “Shqiponjave”.
8️⃣ Yoane Wissa (Brentford) – 13.5 gola, gati të marrë rolin e talismanit.
9️⃣ Dominic Solanke (Tottenham) – 12.4 gola, gati për një hap tjetër në karrierë.
🔟 Jarrod Bowen (West Ham) – 12.3 gola, vendimtar për “Çekanët” edhe këtë sezon.

Të dhënat tregojnë se, edhe pse ka rivalë të fortë, Haaland mbetet standardi i artë i golashënuesve në Angli, ndërsa Salah dhe Gyökeres janë të vetmit që mund t’i afrohen.

Continue Reading

Lajmet

​OpenAI mposht Grok-in e Elon Musk në turneun e shahut me AI

Published

on

OpenAI, krijuesi i ChatGPT, ka mundur Grok-in e Elon Musk-ut në finalen e një turneu për të shpallur lojtarin më të mirë të shahut me inteligjencë artificiale (AI).

Historikisht, kompanitë teknologjike shpesh kanë përdorur shahun për të vlerësuar përparimin dhe aftësitë e një kompjuteri, me makinat moderne të shahut që janë praktikisht të pamposhtura edhe nga lojtarët më të mirë njerëzorë, raporton BBC.

Por kjo garë nuk përfshinte kompjuterë të dizajnuar posaçërisht për shah ai u zhvillua mes programeve të AI që janë krijuar për përdorim të përditshëm.

Modeli o3 i OpenAI doli fitues pa humbje në turne dhe mundi në finale modelin Grok 4 të xAI, duke shtuar tensionin në rivalitetin në vazhdim mes dy kompanive. Musk dhe Sam Altman, të dy bashkëthemelues të OpenAI, pretendojnë se modelet e tyre të fundit janë më të zgjuarat në botë.

Modeli Gemini i Google mori vendin e tretë në turne, pasi mundi një model tjetër të OpenAI.

Megjithatë, këto AI, edhe pse të talentuara në shumë detyra të përditshme, janë ende duke u përmirësuar në shah – me Grok që bëri disa gabime gjatë ndeshjeve të fundit, përfshirë humbjen e herë pas hershme të mbretëreshës së tij.

“Derisa arriti në gjysmëfinale, dukej sikur asgjë nuk do ta ndalë Grok 4 drejt fitimit të ngjarjes”, tha Pedro Pinhata, një gazetar i Chess.com, në mbulimin e tij.

“Pavarësisht disa momenteve të dobësisë, AI e X dukej larg më e fortë si lojtar shahu… Por iluzioni u shemb në ditën e fundit të turneut”.

Ai tha se loja “e pakonceptueshme” dhe “gabimet” e Grok i mundësuan o3 që të merrte një sërë fitoreve të bindshme.

“Grok bëri shumë gabime në këto ndeshje, por OpenAI jo”, tha mjeshtri i madh i shahut Hikaru Nakamura gjatë transmetimit të tij live në finalen.

Para finales së të enjtes, Musk kishte thënë në një postim në X se suksesi paraprak i xAI-së në turne ishte një “efekt anësor” dhe se ata “nuk kanë shpenzuar pothuajse aspak përpjekje për shah”.

Continue Reading

Lajmet

​Ronaldo mohon ndikimin në transferimin e Joao Felix te Al-Nassr

Published

on

Sulmuesi portugez, Cristiano Ronaldo ka hedhur poshtë pretendimet se ka ndihmuar Al-Nassr të “vjedhë” Joao Felix nga Benfica.

Ronaldo i cili tashmë po nis sezonin e tretë në Ligën Profesionale Saudite, theksoi se vendimi për të ardhur në Riad ishte tërësisht i Felix-it.

Felix  u transferua këtë verë nga Chelsea, pasi kaloi gjysmën e dytë të sezonit të kaluar në huazim te AC Milan. Megjithëse kishte oferta nga disa klube, përfshirë mundësinë e një rikthimi te Benfica, Felix zgjodhi të vazhdojë karrierën në Lindjen e Mesme.

“Vjedhja është formë e keqe; askush nuk i ka vjedhur kurrë asgjë Benficas,” tha Ronaldo. “Joao është shumë i talentuar dhe do të na ndihmojë shumë në ligën saudite, e cila është shumë konkurruese. Mendoj se ishte një mundësi më e mirë për të sesa të luante në Portugali, duke parë numrin e yjeve që ka këtu. Ta telefonoj për ta bindur? Unë nuk e bëj këtë, nuk është puna ime.”, tha Ronaldo.

Ronaldo dhe Felix luajtën së bashku edhe në miqësoren e fundit para sezonit, ku Al-Nassr fitoi 4-0 ndaj Rio Ave dhe “CR7” shënoi një tregolësh. Skuadra e tyre po përgatitet për fillimin e edicionit të ri 2025-26 në kampionatin saudit.

 

Continue Reading

Lajmet

​Arsenali i futet garës për objektivin e madh të Interit

Published

on

Ademola Lookman mbetet në qendër të merkatos së verës ku sipas “The Sun”, Arsenali ka ringjallur interesin për sulmuesin e Atalantës, duke u futur në garë me Interin, me të cilin bisedimet kanë ngecur.

“Topçinjtë” po kërkojnë përforcime në sulm me tipare të ndryshme nga Viktor Gyökeres, objektivi kryesor i Artetës për rolin e qendërsulmuesit.

Përveç Lookmanit, londinezët po ndjekin edhe Eberechi Eze të Crystal Palace dhe Rodrygo të Real Madridit, megjithëse afrimi i brazilianit shihet si i ndërlikuar për arsye financiare. Lookman ka impresionuar me 20 gola sezonin e kaluar, duke rritur vlerësimin në treg.

Në Bergamo, drejtuesit e Atalantës po shqyrtojnë masa disiplinore ndaj lojtarit, ndërsa drejtori ekzekutiv Luca Percassi ndodhet në Londër për çështje pune, përfshirë kërkimin e një zëvendësuesi për Retegui. Interi ndërkohë shpreson ende të sigurojë shërbimet e nigerianit, të cilin e sheh si përforcimin e vetëm që mund të bëjë diferencën menjëherë.

Continue Reading

Të kërkuara