Sport

Ky është lojtari i Interit që kishte parashikuar arritjen deri në finale

Bëhet fjalë për Romelu Lukakun.

Published

2 years ago

May 17, 2023

UBT news

Interi është kualifikuar në finalen e tyre të parë të Ligës së Kampionëve pas 13 vjetësh pasi mposhtën rivalët e qytetit, Milanin me rezultat 3-0 pas dy ndeshjeve.

“Nerazzurrët” në finale do të duhet të luajnë kundër Real Madridit ose Manchester Cityt në finale, por ishte një lojtar i Interit që kishte parashikuar në fillim të sezonit se skuadra do të luante në Stamboll më 10 qershor.

Ai ishte belgu Romelu Lukaku i cili i kishte thënë presidentit të Interit, Steven Zhang që skuadra do të arrijë deri në finale të Ligës së Kampionëve.

“Çdo sezon është i veçantë, por nëse do të më kishin thënë në fillim të sezonit se do të luanim në finale, do të kisha vështirësi ta besoja”, tha presidenti i Interit për “SportMediaset”.

“Lukaku ma tha këtë në fillim të sezonit dhe mendova se po bënte shaka, por ndeshje pas ndeshje filluam të besojmë në të”, shtoi ai.

Sulmuesi belg dha asistimin për Lautaro Martinez në fitoren 1-0 kundër Milanit në gjysmëfinalen e dytë të martën.

Zhang foli gjithashtu për “Sky Sport” të martën mbrëma, duke këmbëngulur se Simone Inzaghi do të qëndrojë në krye të skuadrës edhe sezonin e ardhshëm dhe se synimi i Suning është të përmirësojë gjithmonë ekipin.

Interi do të përballet me Real Madridin ose Manchester Cityn në finalen e Ligës së Kampionëve më 10 qershor. Gjigantët e La Ligas dhe Premier Ligës takohen sonte në stadiumin “Etihad”, derisa ndeshja e parë mes tyre ka përfunduar me barazim 1-1.

Lajmet

Superliga e Kosovës: Ballkani barazon 1-1 me Feronikelin

Published

14 hours ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

17 hours ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

17 hours ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

18 hours ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.