Sport

Ky është klubi ku mund ta vazhdojë karrierën Aubameyang

Barcelona shpreh interes për të.

Published

5 years ago

on

Barcelona është e gatshme t’i ofrojë Pierre-Emerick Aubameyangut vazhdimin e karrierës në “Camp Nou” nëse ai vendosë të largohet nga Arsenali. Sulmuesit nga Gaboni iu hoq shiriti i kapitenit ditën për shkak të mungesës së disiplinës.

Barça është e etur të shtojë një sulmues në skuadër me Sergio Agueron që njoftoi tërheqjen nga futbolli dhe mund ta rishikojë mundësinë për transferimin e 32-vjeçarit.

Megjithëse paga e tij e lartë mund të jetë një problem, “The Independent” raporton se hierarkia e klubit nga “Camp Nou” është e gatshme ta investojë për ta plotësuar organikën e skuadrës në dispozicion të Xavit.

Nga ana tjetër, trajneri i Arsenalit, Mikel Arteta refuzoi të konfirmonte nëse Aubameyang do të luante përsëri për klubin që ai e drejton.

“Vendimi që kemi marrë si klub është shumë i qartë. Kjo është për shkak se ne besojmë se ai ka dështuar të jetë i përkushtuar në nivelin që ne të gjithë presim dhe pajtohemi. Është kaq e thjeshtë”, tha Arteta.

“Ajo që pres nga çdo person në këtë klub, është pasioni dhe që secili të japë absolutisht 100%, që ta vendosë klubin përballë çdo interesi personal. Mund të dëgjosh individë dhe të kuptosh kultura të ndryshme, por ai përkushtim dhe pasion duhet të jetë aty. Fatkeqësisht, nuk ishte.”, tha më tutje Arteta.

Ka gjithashtu sugjerime që Barça mund të kërkojë të bëjë një marrëveshje shkëmbimi që do të dërgonte Ousmane Dembele në “Emirates”.

Related Topics:
Continue Reading

Sport

Fatjona Kasapi i sjell Kosovës medaljen e dytë në “Taranto 2026”

Published

16 hours ago

on

August 28, 2026

By

Fatjona Kasapi ka fituar medaljen e bronztë në Lojërat Mesdhetare “Taranto 2026”.

Xhudistja kosovare ka siguruar podiumin në kategorinë deri në 52 kilogramë, duke i sjellë Kosovës medaljen e parë në xhudo në këtë edicion.

Kjo është medalja e dytë për Kosovën në “Taranto 2026”, pas medaljes së artë të fituar nga boksierja Donjeta Sadiku.

Kosova tani pret edhe paraqitjet e tjera në xhudo, ku disa garues kosovarë janë në luftë për medalje.

D.L

Continue Reading

Sport

Kosova pëson tjetër humbje të thellë në Lojërat Mesdhetare

Published

16 hours ago

on

August 28, 2026

By

Hendbollistet e Kosovës kanë pësuar edhe një humbje të thellë në Lojërat Mesdhetare “Taranto 2026”.

Të premten, në Fasano, Kosova u mposht bindshëm nga Tunizia me rezultatin 38:10.

Hendbollistet kosovare patën vështirësi të mëdha në sulm, duke realizuar vetëm tre gola gjatë 30 minutave të pjesës së parë.

As në pjesën e dytë situata nuk ndryshoi shumë, pasi Kosova, e drejtuar nga përzgjedhësi kroat Nenad Shoshtariq, nuk arriti të rivalizojë me Tunizinë.

Për Kosovën kjo ishte humbja e katërt rresht në Lojërat Mesdhetare.

Angjelina Krasniqi ishte golashënuesja më e mirë e Kosovës me katër gola. Nga dy gola shënuan Elsa Kongjeli dhe Samanda Konjuhaj, ndërsa nga një gol realizuan Vanesa Kastrati dhe Aurea Konjuvca.

Kosova në “Taranto 2026” po paraqitet me një ekip të përbërë kryesisht nga hendbolliste të reja.

Në ndeshjen e parë të Grupit A, Kosova pësoi humbje 35:20 nga Algjeria. Në duelin e dytë u mposht 40:20 nga Greqia, ndërsa në ndeshjen e tretë humbi 38:21 nga Italia.

Ndeshjen e fundit në fazën e grupeve, Kosova do ta zhvillojë të dielën nga ora 17:30, kur përballet me Maqedoninë e Veriut.

D.L

Continue Reading

Sport

Erza Muminoviq mbetet pa medalje në Taranto

Published

16 hours ago

on

August 28, 2026

By

Erza Muminoviq është mposhtur në luftën për medaljen e bronztë në Lojërat Mesdhetare “Taranto 2026”.

Xhudistja kosovare, në kategorinë deri në 48 kilogramë, pësoi humbje nga spanjollja Mireia Rodriguez Salvador.

Rodriguez Salvador e siguroi fitoren me “Ippon” pas vetëm 45 sekondash luftë.

Kështu, Muminoviq e përfundon garimin në Taranto pa medalje.

D.L

Continue Reading

Sport

Erza Muminoviq siguron luftën për bronz, pesë xhudistë të Kosovës në garë për medalje

Published

19 hours ago

on

August 28, 2026

By

Plot pesë xhudistë të Kosovës do të kërkojnë medalje të bronztë në Lojërat Mesdhetare “Taranto 2026”.

E pesta që ka siguruar një vend në luftën për medaljen e bronztë është Erza Muminoviq, në kategorinë deri në 48 kilogramë.

Muminoviq e mposhti algjerianen Rahma Ghaliman në repesazh, duke siguruar kështu mundësinë për të luftuar për podium.

Për medaljen e bronztë, Erza do të përballet me spanjollen Mireia Rodriguez.

Përveç saj, për medalje të bronztë do të luftojnë edhe Akil Gjakova, Dardan Cena, Flaka Loxha dhe Fatjona Kasapi.

Pesë mundësi për medalje do t’i japin Kosovës shpresë për një pasdite të suksesshme në tatamin e Tarantos.

D.L

Continue Reading

Të kërkuara