Lajmet

​Kuvendi sot me seancë të jashtëzakonshme

Seanca nis në orën 10:00 dhe është ftuar nga opozita.

Publikuar

Deputetët e Kuvendit të Kosovës sot do të mbajnë një seancë të jashtëzakonshme me një pikë të rendit të ditës, atë të themelimit të Komisionit Hetimor Parlamentar për procedurat e prokurimeve të negociuara pa publikim të njoftimit për kontratë, në ministri dhe në ndërmarrje publike qendrore.

Seanca nis në orën 10:00 dhe është ftuar nga opozita. Pas saj, nga ora 12:00, është paraparë vazhdimi i seancës, ku në rend dite janë 20 pika.

Rendi i ditës

I. Pikat e papërfunduara nga Seanca plenare, e mbajtur më 8, 14 dhe 22 shkurt 2024:

24. Votimi në lexim të dytë i Projektligjit nr. 08/L-211 për Verëra,

32. Shqyrtimi i parë i Projektligjit nr.08/L-268 për shpronësimin e pronës së paluajtshme,

41. Votimi në parim i Projektligjit nr.08/L-275 për rrugët,

42. Shqyrtimi i parë i Projektligjit nr.08/L-278 për faturat e kulturave bujqësore dhe fletëmagazinave,

43. Votimi i Programit Kombëtar të Shkencës 2023/2028,

44. Shqyrtimi i Projekt-Deklaratës për raportet e Republikës së Kosovës me Shtetet e Bashkuara të Amerikës,

45. Shqyrtimi i Raportit vjetor të Fondit të Kursimeve Pensionale të Kosovës për vitin 2022,

46. Shqyrtimi i Raportit vjetor për gjendjen e mjedisit në Kosovë për vitin 2022,

47. Shqyrtimi i Projektrezolutës për vlerësimin e punës së Zyrës së Rregullatorit të Energjisë për vitin 2022,

48. Shqyrtimi i Raportit me rekomandime nga mbikëqyrja e zbatimit të Ligjit nr.02/L-65 Civil Kundër Shpifjes dhe Fyerjes,

49. Shqyrtimi i Rekomandimeve nga mbikëqyrja e zbatimit të Ligjit nr.2003/5 për farërat,

50. Shqyrtimi i Rekomandimeve nga mbikëqyrja e zbatimit të Ligjit nr.04/L-114 për pasurimin e miellit,

51. Shqyrtimi i Rekomandimeve për Raportin e auditimit të performancës “Të hyrat nga qiraja në Agjencinë Kosovare të Privatizimit për periudhën 2012 – 2021”.

II. Pikat e papërfunduara nga Seanca plenare, e mbajtur më 7 mars 2024:

16. Votimi në lexim të dytë i Projektligjit nr.08/L-212 për shëndetin riprodhues dhe fertilizim të asistuar mjekësor,

25. Votimi për themelimin e Komisionit Hetimor Parlamentar mbi përgjegjësitë ekzekutive të Ministrisë së Drejtësisë në raport me zjarret e dyshimta në Institutin e Mjekësisë Ligjore, zhdukjen e mostrave në rastin e Astrit Deharit dhe çdo veprimi e mosveprimi të kësaj ministrie që ka cenuar pavarësinë dhe përgjegjësitë ligjore të këtij instituti,

27. Votimi i raundit të dytë për zgjedhjen e një (1) anëtari të Bordit të Radiotelevizionit të Kosovës nga komuniteti shqiptarë,

28. Shqyrtimi i Projekt-rezolutës për adresimin e çështjes së emigrimit të qytetarëve nga Republika e Kosovës,

29. Shqyrtimi i Projektrezolutës për vlerësimin e punës së Autoritetit Rregullator për Shërbimet e Ujit për vitin 2022,

30. Shqyrtimi i Projektrezolutës për vlerësimin e punës së Agjencisë Kosovare të Privatizimit për vitin 2022.

III. Pika e papërfunduar nga Seanca e Jashtëzakonshme, e mbajtur më 14 mars 2024:

1. Votimi i Propozim-rezolutës për numrin e madh të kontratave njëburimore të nënshkruara gjatë mandatit të Qeverisë Kurti.

Lajmet

Ish-zëvendësministri i Brendshëm kërkon koordinim me partnerët ndërkombëtarë për aksionet në veri, në të kundërtën paralajmëron pasoja

Publikuar

nga

Këto janë pamjet e së hënës të një aksioni policor në komunat veriore të Kosovës. Aksioni u zhvillua në bashkëpunim me Adiministratën Tatimore të Kosovës dhe me autorizim të prokurorit.

Me këtë rast policia mbylli gjashtë njësi të Bankës Postare Kursimore, që u konsiderua se vepron ilegalisht në Republikën e Kosovës. Aty u konfiskuan rreth 1 milion e 600 mijë euro dhe 74 milionë dinarë.

Ky aksion zgjoi reagime të shumta nga partnerët ndërkombëtarë duke e thënë është bërë pa koordinim me ta.

Reagimet për UBTneës i komentoj, ish-zëvendësministri i Punëve të Brendshme, Valdet Hoxha. Ai thotë se përkundër së drejtës legjitime të insituticioneve të Kosovës që ta ndërmarrin këso hapash, koordinimi me partnerët ndërkombëtarë duhet të ndodhë.

“E vlerësoj që reagimi i partnerëve tanë ndërkombëtarë ishte mjaft i ashpër dhe meqë të njëjtit e vlerësuan që këto aksione janë të njëanshme, pra në cilësim mjaft i ashpër, atëherë besoj që Qeveria e Republikës së Kosovës duhet të ketë kujdes sepse përkundër së drejtës legjitime për t’i ndërmarrë këto aksione, situata gjeopolitike është specifike, po vlon gjithandej, prandaj vendimet sado që janë ligjore në dukje duhet të jenë edhe në fazën strategjike dhe që kjo nënkupton një koordinim të ngushtë me partnerët ndërkombëtarë”, deklaroi ai.

Sipas Hoxhës, Kosova duhet pasur kujdes që si pasojë e aksioneve të paakoordinuara të mos pësojë masa të tjera ndëshkuese, sikurse ato aktuale që i ka nga Bashkimi Evropian.

“Ne jemi nën masat e BE-së, pikërisht për moskoordinim të këtyre aksioneve në pjesën veriore të vendit, prandaj pasojat mund të jenë; në një mosheqja e atyre masave të cilat kemi pritur që këto ditë të tërhiqen dhe nën dy mund të ketë edhe pse jo, mund të ketë edhe masa të tjera, shpresoj që jo, por reagimi i secilës sidomos i BE-së ishte mjaft i ashpër dhe në deklaratën e tyre ata e potencojnë që Kosova e ka prioritet vetëm moskoordinimin. Pra është një deklaratë tejet e ashpër, më e ashpra deri më tani. Është pësuar edhe me deklarimin e DASH-it nga KFOR-i, Ambasadat e Mbretërisë së Bashkuar po ashtu edhe Gjermania, prandaj duhet të jemi më të kujdesshëm, pasojat po i bartim mbi shpinë mos të krijojmë pasoja tjera”, shtoi ai.

Aksioni erdhi një javë pasi Banka Qendrore e Kosovës njoftoi se ka përfunduar afati transitor për rregulloren e saj, që ndalon përdorimin e dinarit serb për kryerjen e pagesave. Rregullorja e BQK-së që parasheh euron si monedhën e vetme për kryerjen e pagesave, është kundërshtuar nga Serbia./UBTNews/

Realizoi: Dea Berisha

Vazhdo të lexosh

Lajmet

​Të ardhurat globale nga çmimi i karbonit arrijnë rekord më 2023

Publikuar

nga

Të ardhurat globale nga çmimi i karbonit arritën një rekord prej 104 miliardë dollarësh vitin e kaluar, njoftoi Banka Botërore të martën në një raport.

Aktualisht ekzistojnë 75 instrumente të çmimit të karbonit në funksionim në mbarë botën, ndërsa më shumë se gjysma e të ardhurave të mbledhura është përdorur për financimin e programeve të lidhura me klimën dhe natyrën, sipas raportit State and Trends of Carbon Pricing 2024.

“Çmimi i karbonit mund të jetë një nga mjetet më të fuqishme për të ndihmuar vendet të reduktojnë emetimet”, tha në një deklaratë Drejtori i Lartë Menaxhues i Bankës Botërore, Axel van Trotsenburg.

“Kjo është arsyeja pse është mirë që këto instrumente të zgjerohen në sektorë të rinj, të bëhen më të adaptueshëm dhe plotësojnë masat e tjera”, shtoi ai.

Banka Botërore tha se ka përcjellë tregjet e karbonit për rreth dy dekada. Çmimi i karbonit redukton emetimet duke trajtuar ngrohjen globale dhe ndihmon në zbutjen e problemeve shëndetësore dhe mjedisore.

Përveç kësaj, çmimi i karbonit mbështet zgjidhjet për energji të pastër duke nxitur inovacionin dhe investimet në kërkimin dhe zhvillimin me karbon të ulët. /AA

 

Vazhdo të lexosh

Lajmet

Prokuroria po zhvillon hetime për masakrën në Dubravë, 40 të pandehur

Publikuar

nga

Prokuroria Speciale është duke zhvilluar hetime në lidhje me njërën ndër masakrat më të tmerrshme të kryera ndaj shqiptarëve gjatë kohës së luftës në Kosovë, atë në Dubravë dhe deri më tash është ngritur një aktakuzë dhe janë 40 të pandehur të tjerë.

Ministrja e Drejtësisë Albulena Haxhiu në 25-vjetorin e masakrës në burgun e Dubravës, ka thënë se institucionet e drejtësisë në vend do të angazhohen në maksimum për sjelljen e autorëve të kësaj masakre para drejtësisë.

“Masakra e Dubravës është trajtuar vetëm në procedurën gjyqësore kundër Sllobodan Millosheviqit, i cili vdiq pa u dënuar. Me lejoni t’ju informoj që në lidhje me masakrën e Dubravës tashmë po zhvillohen hetime nga Prokuroria Speciale dhe në këtë moment janë 40 të pandehur dhe në fund të vitit të kaluar Prokuroria Speciale ka ngritur aktakuzë kundër një të dyshuar për pjesëmarrjen në masakrën në Burgun e Dubravës. Nga këtu do të zotohemi që të ketë drejtësi”, ka thënë Haxhiu.

Njëri nga të mbijetuarit e masakrës Njazi Kryeziu thotë se e ka ende të freskët momentet e tmerrit të përjetuar.

“Kemi përjetime të rënda dhe momente që nuk do t’i harrojmë kurrë. Ne kemi përjetuar një nga masakrat më të tmerrshme që ka bërë pushteti serb… Është këtu dera kryesore, na kanë pritur policë, paraushtarakë, të burgosur serbë që kanë qenë të veshur, ushtarë dhe na kanë rrahur me një kordon dy krahësh”, ka thënë Kryeziu.

Ish-deputeti Daut Haradinaj masakrën në Dubravë e ka cilësuar ndër më të rëndat nga regjimi serb ndaj popullit shqiptar.

“Ne në asnjë rrethanë nuk duhet ta mohojmë dhe ta fshehim të vërtetën e krimeve makabre serbe mbi popullin tonë. Edhe këtu para këtyre heronjve që jemi mbledhur sot për t’i nderuar. Duhet bërë thirrje që në raport me Serbin të jemi unikë, të jemi të bashkuar, të jemi njëzëri sikurse në luftë pasi vetëm ashtu mund t’ia japim hakun edhe këtyre burrave që sot përkujtojmë dhe rreth 13 mijë shqiptarëve që rënë në luftën e fundit”, ka thënë Haradinaj.

I mbijetuari i masakrës së Dubravës Nait Hasani, ka thënë se autorët e krimit të kryer ndaj shqiptarëve të pafajshëm duhet të përballen me drejtësinë.

“Në këtë masakër mbetën 117 të vrarë e 300 të plagosur. Kjo vrasje është gjenocid i shteti serb mbi të burgosurit politik shqiptarë, është hakmarrje mbi të burgosurit e UÇK-së dhe vrasje e të burgosurve shqiptarë si shqiptarë. Mendojmë se kjo masakër është krim lufte dhe kryerësit duhet te gjykohen dhe dënohen nga gjykata e Kosovës”, ka thënë Hasani.

Masakra në Burgun e Dubravës është kryer prej datës 19-24 maj 1999. Brenda burgut të Dubravës gjendet një pllakë përkujtimore me emrat e të vrarëve në këtë masakër, që konsiderohet si një nga masakrat më të mëdha të regjimit serb të kryer ndaj shqiptarëve. Ende për këtë masakër nuk është dënuar askush.

Vazhdo të lexosh

Lajmet

Kurti udhëton për në Mbretërinë e Bashkuar, merr pjesë në Konferencën e Mbrojtjes në Londër

Publikuar

nga

Kryeministri i Kosovës, Albin Kurti, ka udhëtuar për në Mbretërinë e Bashkuar, ku do të marrë pjesë në Konferencën e Mbrojtjes në Londër, ku edhe do të jetë folës kryesor.

Sipas njoftimit të zyrës për media të Qeverisë, aty, Kurti do të zhvillojë një takim bilateral me Sekretarin e Punëve të Jashtme të Mbretërisë së Bashkuar, David Cameron, i cili gjithashtu do të marrë pjesë në këtë konferencë.

“Gjatë qëndrimit në Mbretërinë e Bashkuar, kryeministri Kurti do të zhvillojë takime edhe në Parlamentin britanik, si dhe do të ketë një bashkëbisedim me Drejtuesen Ekzekutive të Institutit ODI (Overseas Development Institute), Sara Pantuliano, për 25-vjetorin e përfundimit të luftës dhe çlirimit të Kosovës”, thuhet në njoftim.

Vazhdo të lexosh

Të kërkuara