Anastacia ka kujtuar një fragment ku aktori Arnold Schwarzenegger në ditëlindjen e tij i kërkonte vazhdimisht të këndonte këngën “Whatta Man”.

Këngëtarja me famë botërore ka treguar se atë natë mund ta ketë kënduar rreth 12 herë këngën me kërkesë të aktorit.

“Unë isha e ftuar në ditëlindjen e Arnold Schwarzenegger dhe ai më kërkoi të këndoja “Whatta Man të En Vogue. Këngë e shkëlqyer, por ai donte vetëm që unë ta këndoja vazhdimisht. Mendoj se e këndova 12 herë”, ka treguar ajo.

“Çdo herë, thoja, ‘O Zot, ai e do përsëri’. Më bëri vërtet të qeshja”, u shpreh ajo.

Ajo ka përshkruar këtë moment si një përzierje argëtimi dhe habitjeje, duke theksuar se ndërveprimi i tillë me figurë kaq të njohur e bëri të qeshte gjatë gjithë mbrëmjes.

Përveç sfidës për të kënduar të njëjtën këngë disa herë, Anastacia e ka përjetuar këtë eksperiencë si kujtim i veçantë dhe të gëzueshëm nga karriera e saj.

Përgatiti: A.Z. /UBT News/

Ka nisur edicioni i 12-të i Festivalit Ndërkombëtar të Filmit me Metrazh të Shkurtër në Korçë, i cili bashkon artistë të kinematografisë nga e gjithë bota.

Drejtor i festivalit, Gledis Bica, tha se numri i filmave shqiptarë po rritet çdo vit, ndërsa cilësia vijon të përmirësohet. Këtë vit janë përzgjedhur 81 filma nga 41 shtete, të ndarë në 6 kompeticione.

Pjesë e jurisë është regjisori turk Umut Can Turkmen, koordinatori i festivalit më të madh të filmit me metrazh të shkurtër në Izmir, si dhe regjisorët nga Austria, të cilët kanë vlerësuar mikpritjen e artistëve të huaj në Shqipëri.

Festivali do të zgjasë 8 ditë në kinema “Majestic”, kinemaja e vetme në juglindje që ishte mbyllur prej vitit 2018.

Sa pushim është saktësisht “i mjaftueshëm”? Shkenca e ka dhënë një përgjigje të saktë: 42 për qind.

Kjo është pjesa e kohës që trupi dhe truri ynë kanë nevojë të kalojmë në pushim – rreth 10 orë nga çdo 24.

Nuk ka rëndësi nëse i plotësoni çdo ditë; rëndësi ka mesatarja gjatë javës, muajit apo edhe periudhave më të gjata.

Ndoshta mendoni: “42%? Është e pamundur, nuk kam aq kohë!”

Por e vërteta është se, nëse nuk ia jepni trupit pushimin e nevojshëm, atëherë “42 përqindëshi” do t’jua marrë vetë: me sëmundje, lodhje ekstreme apo rraskapitje që ju detyrojnë të ndaloni.

A ju ka ndodhur ndonjëherë të sëmureni sapo keni përfunduar një projekt të madh?

Apo të flini nga 12 deri në 14 orë ditët e para të pushimeve? Ndoshta edhe të përfundoni në spital pas një periudhe stresi të gjatë?

Këto janë shembuj të qartë se stresi ndikon realisht në çdo sistem të trupit: imunitar, tretës, hormonal. Për t’i mbajtur këto në ekuilibër, biologjia jonë ka nevojë për pushim të qëndrueshëm.

Pra, pushimi nuk është luks, por kusht biologjik. Nëse nuk e plotësoni, trupi do t’ju detyrojë ta bëni, shpesh në mënyrat më të pakëndshme.

Përgatiti: A.Z. /’UBT News/

Kërkesa më e fundit për lirim me kusht e Mark David Chapman, njeriut që vrau ish-anëtarin e grupitThe Beatles, John Lennon, më 1980 në Manhattan, është refuzuar për herë të 14-të, njoftuan autoritetet korrektuese të Nju Jorkut.

Chapman, 70 vjeç, u paraqit përpara komisionit të lirimeve me kusht më 27 gusht, ndërsa vendimi u publikua së fundmi në internet nga Ministria përkatëse e SHBA-ve.

John Lennon u qëllua për vdekje natën e 8 dhjetorit 1980 nga Chapman, i cili në atë kohë ishte 25 vjeç, teksa ky i fundit po kthehej në apartamentin e tij në zonën Upper West Side së bashku me bashkëshorten, Yoko Ono.

Më herët atë ditë, Lennon i kishte dhënë një autograf Chapman-it mbi një kopje të albumit “Double Fantasy”. Vrasësi u arrestua brenda pak minutash pranë vendngjarjes, duke mbajtur në duar romanin e J.D. Salinger, “The Catcher in the Rye”.

Procesverbali i plotë nga seanca e fundit e dëgjimit ende nuk është bërë publik. Megjithatë, në të kaluarën, Chapman ka shprehur pendesë për krimin e kryer.

“E dija çfarë po bëja dhe e dija që ishte gabim. E dija që ishte e keqe, por e dëshiroja famën aq shumë sa isha i gatshëm të bëja gjithçka, madje edhe të merrja një jetë njerëzore,” kishte deklaruar tre vite më parë gjatë një seance të mëparshme me komisionin.

Aktualisht, Chapman po vuan një dënim prej 20 vitesh deri në burgim të përjetshëm në institucionin korrektues Green Haven, në veri të Nju Jorkut. Ai do të ketë të drejtën të paraqesë një kërkesë për lirim me kusht në shkurt të vitit 2027, sipas agjencisë Associated Press.