Eva Longoria dhe José Bastón pas disa martesave të dështuara, e gjetën vetën të lumtur në krahët e njëri-tjetrit. Longoria nuk ka rezistuar të tregojë se është shumë e lumtur me bashkëshortin që tani ndajnë një fëmijë.
Por kush është burri që Eva Longoria vendosi të martohej, pas dy martesave e disa lidhjeve të dështuara?
José “Pepe” Bastón lindi më 13 prill 1968, në Mexico City si José Antonio Bastón Patiño. Fëmijëria e tij është disi e fshehët për shkak se e ka mbajtur tejet private; megjithatë, të dhënat tregojnë se ai u rrit për t’u bërë një biznesmen i suksesshëm.
Në vitin 2011 ai u bë drejtor i Grupo Televisa, S.A.B, një nga kompanitë më të mëdha mediatike në Amerikën Latine, i njohur si prodhuesi më i rëndësishëm në gjuhën spanjolle, duke përfshirë telenovela dhe shfaqje televizive ikonike. José shërbeu gjithashtu si anëtar i bordit të drejtorëve të Univision dhe president i Televizionit Ndërkombëtar.
Pavarësisht karrierës së tij fantastike, manjati mediatik filloi të merrte vëmendjen e shtypit rozë vetëm pasi filloi një lidhje me aktoren dhe biznesmenen e njohur, Eva Longoria. Dyshja u takuan më shumë se dhjetë vjet më parë kur Longoria mori pjesë si e ftuar speciale në Teletón meksikan 2009.
Në vitin 2013 ata u panë sërish dhe u prezantuan nga një mik i përbashkët, ndërkohë që të dy ishin beqarë. Eva dhe Jose filluan të takoheshin dhe u përpoqën ta mbanin të fshehtë lidhjen e tyre; megjithatë, dashuria e tyre i bëri ata të dilnin publikisht.
Dyshja përfundimisht u martuan në dhjetor të vitit 2015. Pothuajse tre vjet pas martesës, ata u bënë prindër të Santiago Enrique më 19 qershor 2018.
Para lidhjes së tyre, biznesmeni kaloi dhjetë vjet i martuar me gruan e tij të parë, aktoren Natalia Esperón. Së bashku ata kishin tre fëmijë. Pasi u divorcua, Jose kishte filluar një romancë shtatëvjeçare me Paola Saad, një stiliste bizhuterish.
Eva u martua me burrin e saj të parë, aktorin Tyler Christopher, në vitin 2002 në Las Vegas. Ata u divorcuan dy vjet më vonë dhe në vitin 2007, ajo u martua për herë të dytë me basketbollistin Tony Parker. Pas një skandali tradhtie, ajo u divorcua nga ai dhe filloi të takohej me Eduardo Cruz, vëllain e aktores Penelope Cruz./UBTNews/
Lajmet
Profesorët e Fakultetit të Medias dhe Komunikimit publikojnë në revistën e indeksuar në Scopus
Profesorët e Fakultetit të Medias dhe Komunikimit në UBT, dr. Votim Hanoli dhe dr.Ferid Selimi, së bashku me koautoren Elda Sinani, publikuan punimin “Hedonizmi në epokën digjitale: Një analizë e përdorimit të rrjeteve sociale si burim kënaqësie”, në revistën ndërkombëtare “Architectural Image Studies”, e indeksuar në platformën Scopus.
Ky punim trajton marrëdhënien mes hedonizmit dhe përdorimit të rrjeteve sociale në kontekstin e epokës digjitale. Në një shoqëri gjithnjë e më të ndërvarur nga teknologjia dhe komunikimi virtual, rrjetet sociale janë shndërruar në mjete të fuqishme për përmbushjen e nevojave emocionale dhe psikologjike të individëve, përfshirë kënaqësinë e menjëhershme, vëmendjen dhe vlerësimin social.
Duke u mbështetur në teori të tilla si Teoria e Kultivimit (George Gerbner), dhe Teoria e kornizimit (Framing) e (Goffman), studimi eksploron motivimet hedoniste që qëndrojnë pas sjelljes së përdoruesve në platformat digjitale.
Për të analizuar këtë fenomen, u realizua një studim empirik ku të dhënat tregojnë se shumica e të rinjve e përjetojnë përdorimin e rrjeteve sociale si një burim kënaqësie të menjëhershme, sidomos në lidhje me marrjen e pëlqimeve, ndarjen e përmbajtjeve personale dhe ndërveprimet sociale. Megjithatë, një pjesë e konsiderueshme e të anketuarve raportuan gjithashtu ndjenja boshllëku, ulje të vetëbesimit dhe varësi emocionale ndaj këtyre platformave.
Rezultatet sugjerojnë se rrjetet sociale funksionojnë si një mekanizëm i fuqishëm për përmbushjen e nevojave hedoniste, por gjithashtu ngrenë shqetësime lidhur me ndikimet afatgjata në mirëqenien psikologjike. Punimi përfundon me sugjerime për ndërgjegjësim mediatik dhe përdorim më të vetëdijshëm të teknologjisë dhe mediave sociale./UBTNews
Linku i revistës: Architectural Image Studies, 2184-8645
https://journals.ap2.pt/index.php/ais
Si i vetmi institucion nga rajoni, UBT po prezantohet me hapësirën e vet në panairin më të madh botëror të teknologjisë në arsim, BETT 2026 në Londër, krahas kompanive globale si Google, Meta dhe të tjera.
Në këtë ngjarje globale, UBT prezanton platformën unike inovative për Smart City (All-in-One Solution), si dhe zgjidhje inovative në fushën e EdTech-ut, platformat digjitale dhe projektet kërkimore për transformimin e arsimit përmes inteligjencës artificiale.
Ekipi i UBT-së, gjatë tri ditëve, do të prezantojë përpara mijëra pjesëmarrësve dhe përfaqësuesve të sektorit të arsimit dhe industrisë edukative, duke ofruar produkte teknologjike, shërbime dhe sisteme smart për tregun global.
Rritet numri i përfituesve nga skemat e pensioneve
Profesorët e Fakultetit të Medias dhe Komunikimit publikojnë në revistën e indeksuar në Scopus
“Liria ka Emër” thërret protestë më 17 shkurt, me moton “Drejtësi jo politikë”
UBT në BETT 2026 në Londër – prezanton modelin unik të Smart City
Kurti flet me Marta Kos për gjeopolitikën dhe Planin e Rritjes
KEK-u rikthen operimin me pesë njësi gjeneruese, rifillon me sukses Njësia A3
6.5 milionë u shpenzuan nga buxheti i Kosovës për mbrojtjen e të akuzuarve në Hagë dhe vizitat familjare në vitin 2025
Akademi përkujtimore për Ibrahim Rugovën nën patronatin e Presidentes Osmani
Top 50 filmat më të mirë, sipas publikut
-
Lajmet3 months agoU mbajt Mbledhje Komemorative në nder të Prof. Dr. Faton Kabashit në UBT Prizren
-
Rajoni2 months agoProfesorët e UBT-së publikojnë studim shkencor mbi cilësinë e ujërave nëntokësore në Komunën e Suharekës
-
Rajoni2 months agoMe shumicë votash, Vesa Shatri zgjidhet Kryetare e re e Këshillit Studentor të UBT-së
-
Rajoni3 months agoNjë kontribut shkencor për ruajtjen e trashëgimisë inxhinierike në Kosovë – Publikohet artikulli i profesorëve të UBT-së, Naser Morina dhe Hazir Çadraku