Kronikë e zezë

Kush është pronari i kompanisë në Pejë që i lëshoi fatura fiktive mobil shop-it që kishte kontratë me Telekomin prej 400 mijë eurosh

Published

5 years ago

on

Në vazhdën e hetimit për keqpërdorimet në Telekomin e Kosovës lidhur me përvetësimin e telefonave mobil në vlerë prej 400 mijë eurosh, Drejtoria për Hetimin e Krimeve Ekonomike dhe Korrupsionit ka arrestuar dje edhe Afrim Pupovcin, pronar i kompanisë “K.KOPEX SH.P.K”, me bazë në Pejë.

Arrestimi i tij, siç merr vesh Sinjali, është realizuar për shkak te dyshimit se biznesi “K.KOPEX SH.P.K” i ka lëshuar faktura fiktive biznesit “Zone Mobile”, i cili ishte kontraktor i Ndërmarrjes Publike “Telekomi” për furnizim me telefona mobil, kontratë që parashihte shitjen e telefonave mobilë në vlerë prej 400 mijë eurosh.

Burimet bëjnë me dije se hetuesit policor kanë gjetur një varg provash të cilat provojnë se biznesi i Pupovcit nuk ka realizuar asnjë import të telefonave dhe rrjedhimisht faturat për kompaninë “Zone Mobile” kanë qenë fiktive.

Arrestimin e tij për Gazetën Sinjali e ka konfirmuar edhe vëllai i Pupovcit. Megjithatë ai ka thënë se vëllain nuk e ka fajtor, por për të gjitha këto fajet i ka shoqëria.

“Vëllai im është keqpërdor nga shoqëria. Ai është kthy nga Norvegjia dhe është në Kosovë që pesë vite. Ai e ka çel firmën dhe ka mendu me bë diçka, por fajtor nuk është. Ai asgjë nuk ka në dorë, ai nuk ka kartelë bankare e kurrgjo hiq. Prej dje që është arrestu për t’cilën më kanë informu policia, nuk di asgjë”, ka deklaruar ai.

I pyetur për dyshimet që rëndojnë ndaj tij, vëllai i Pupovcit tha se nuk është në dijeni për to.

Biznesi “K. KOPEX SH.P.K.”, figuron edhe në Agjencinë për Regjistrimin e Bizneseve, me pronar Afrim Pupovcin. Aktivitet primar i kësaj kompanie është tregtia me shumicë e lëndëve djegëse të ngurta, të lëngëta ose të gazta dhe produkteve të lidhur me to, teksa kapital të raportuar ka vetëm 5 mijë euro.

Sinjali ka provuar të kontaktojë edhe me “Zone Mobile”, por të njëjtit kanë qenë të paqasshëm deri në publikimin e artikullit.

Përveç pronarit te “K.KOPEX” i cili u arrestua dje, burimet thonë se do të ketë edhe arrestime të reja sepse numri i personave të përfshirë në keqpërdorimet e aseteve të Telekomit, është edhe më i madh.

Ndryshe, në fund të marsit katër persona ishin arrestuar pasi dyshoheshin për keqpërdorimin e një kontrate mes Telekomit të Kosovës dhe një operatori ekonomik.

Në prangat e policisë kanë rënë edhe Kreshnik Musliu, vëllai i ish-shefit të marketingut në Telekom, Trim Musliut dhe Denis Ceman, ish-këshilltari i ish-ministrit të Punëve të Brendshme, Agim Veliut.

Po ashtu nën pranga ishte vënë edhe ish-drejtori i Financave dhe Thesarit, Armend Osaj.

Burime të Gazetës Sinjali brenda Prokurorisë Themelore në Prishtinë kishin mësuar se Musliu po dyshohet se ka falsifikuar shkresat zyrtare dhe ka përvetësuar pasuri të Telekomit, në atë mënyrë që më 21 janar të vitit 2019, ka bërë tërheqjen e 239 aparatave telefonikë celularë, me qëllim të shpërndarjes te klientët e Valës, mirëpo këtë pasuri e ka përvetësuar për vete apo për persona të tjerë në mënyrë të kundërligjshme, duke mos i shpërndarë te klientët.

Ndërsa, sipas burimeve të Sinjalit brenda prokurorisë, Osaj më 19 shtator 2019 nga depoja e Telekomit ka bërë tërheqjen e 239 aparatave celularë, me qëllim që t’i shpërndajë te klientët e Valës, sipas kontratave paraprake, me gjoja qëllim të rritjes së të hyrave të Valës, mirëpo këto aparate nuk i ka shpërndarë te klientët e paraparë, sipas rregullores, duke falsifikuar shkresën se kinse i ka dorëzuar 38 aparate telefonike Postës së Kosovës, saktësisht personit përgjegjës, Burim Gecit.

Related Topics:
Continue Reading

Kronikë e zezë

Pesë raste të dhunës në familje në raportin 24 orësh të Policisë

Published

4 days ago

on

January 5, 2026

By

Pesë raste të dhunës në familje janë raportuar në raportin 24 orësh të Policisë së Kosovës.

Në Prishtinë një burrë e ka sulmuar fizikisht vëllain e tij. I dyshuari gjendet në arrati.

“Raportohet se pas një mosmarrëveshje ankuesi m/k është sulmuar fizikisht nga vëllai i tij i dyshuari mashkull kosovar. Viktima nuk ka pranuar tretman mjekësor, ndërsa i dyshuari gjendet në arrati.”

Ndërsa, në Deçan një grua është sulmuar nga bashkëshorti i saj. Ai është arrestuar dhe pas intervistimit është dërguar në mbajtje.

“Raportohet se pas një mosmarrëveshje viktima f/k, është sulmuar fizikisht nga bashkëshorti i saj i dyshuari mashkull kosovar. Viktima ka pranuar tretman mjekësor, ndërsa i dyshuari është arrestuar dhe pas intervistimit me vendim të prokurorit është liruar në procedurë të rregullt.”

Një burrë tjetër në Malishevë dyshohet se ka ushtruar dhunë fizike dhe psikike ndaj gruas së tij. Ai është dërguar në mbajtje.

“Raportohet  se pas një mosmarrëveshje verbale, bashkëshorti i saj i dyshuari m/k ka ushtruar dhunë fizike dhe psikike ndaj viktimës femër me nënshtetësi të huaj. Viktima ka pranuar tretman mjekësor ndërsa i dyshuari është arrestuar dhe pas intervistimit me vendim të prokurorit është dërguar në mbajtje.”

Në Malishevë, një person me probleme mendore ka thyer dhe demoluar gjësende në shtëpi. Ai është ndaluar për 48 orë.

“Raportohet se i dyshuari mashkull kosovar me probleme mentale ka thyer dhe demoluar gjësende të ndryshme në shtëpi. I dyshuari është arrestuar dhe me vendim të prokurorit është dërguar për tretman mjekësor nën masën e ndalimit prej 48 orësh.”

Një grua në Rahovec ka raportuar se është kanosur nga ish bashkëshorti i saj.

“Raportohet se ish bashkëshorti i ankueses f/k ,i dyshuari mashkull kosovar (m/k) e kishte kanosur përmes rrjeteve sociale. Rasti nën hetime.”

Continue Reading

Lajmet

Njëzet shtete me burgjet më të stërmbushura

Published

6 days ago

on

January 3, 2026

By

Statistikat janë gjithnjë interesante. I pëlqejnë publikut, i cili mëson prej tyre gjëra interesante, të cilat mund të mos i ketë ditur, apo nuk ka pasur interes të shtuar për to.

Një nga statistikat interesante ka të bëjë me numrin e personave të burgosur në shtete të ndryshme. Dhe habitesh nga shifrat milionëshe, qindar e dhjetëra mijëshe.

Le t’i shohim në vazhdim 20 shtetet që kanë më së shumti persona të burgosur:

  1. SHBA – 1.808.100
  2. Kina – 1.690.000
  3. Brazili – 850.577
  4. India – 573.220
  5. Rusia – 433.006
  6. Turqia – 362.422
  7. Tajlanda – 274.277
  8. Indonezia – 273.541
  9. Meksiko – 233.687
  10. Irani – 189.000
  11. Afrika e Jugut – 157.054
  12. Egjipti – 120.000
  13. Argjentina – 117.680
  14. El Salvadori – 109.579
  15. Pakistani – 87.712
  16. Bangladesh – 74.851
  17. Nigeria – 84.767
  18. Franca – 78.509
  19. Polonia – 70.927
  20. Arabia Saudite – 68.056

Continue Reading

Lajmet

Aksioni i Policisë me AKI-në, arrestohen dy të huaj për kontrabandim me migrantë

Published

2 weeks ago

on

December 24, 2025

By

Policia e Kosovës më saktë Sektori i Hetimeve të Departamentit për Kufi, në bashkëpunim dhe në asistencë edhe të Agjencisë së Kosovës për Inteligjencë (AKI), pas një periudhe disa mujore monitorimi nga institucionet kompetente, ka arrestuar një shtetas jordanez dhe një shtetase turke, nën dyshimin për kryerje të veprës penale “Kontrabandim me migrantë”.

Policia njofton se sipas të dhënave hetimore, i lartcekuri dyshohet se ka organizuar ardhjen e shtetasve të huaj, kryesisht nga shtetet e Lindjes së Mesme dhe Azia, me qëllim të hyrjes së tyre në Republikën e Kosovës, prej nga më pas dyshohet se bëhej kontrabandimi i tyre në drejtim të vendeve të Bashkimit Evropian.

“Po ashtu ndaj të njëjtit egziston dyshimi se ka udhëhequr një grup të mirë organizuar kriminal, të cilët dyshohet se kanë përfituar mjete të konsiderueshme financiare nga kjo veprimtari e paligjshme”, thuhet në njoftimin e Policisë.

Lidhur me rastin është realizuar kontrolli tek personi i dyshuar ku janë gjetur dhe konfiskuar gjithsej 53 (pesëdhjetë e tre) pasaporta të shtetasve jordanezë.

Policia në fund tha se për veprimet e ndërmarra është konsultuar edhe prokuroria kompetente, me vendimin e së cilës dy të dyshuarit dërgohen në ndalim për 48 orë./S.K/KP/PK/

Continue Reading

Lajmet

Aksion i madh kundër korrupsionit në Prishtinë, arrestohen 7 persona

Published

3 weeks ago

on

December 19, 2025

By

Një aksion i gjerë kundër korrupsionit është zhvilluar më 18 dhjetor 2025 në rajonin e Prishtinës, nën udhëheqjen e Prokurorisë Speciale të Republikës së Kosovës, ku janë arrestuar disa persona të dyshuar për vepra të rënda penale.

Sipas njoftimit zyrtar, operacioni është realizuar nga Drejtoria për Hetimin e Krimeve Ekonomike, pas një periudhe monitorimi dhe hetimi, përfshirë edhe zbatimin e masave të veçanta hetimore.

Aksioni lidhet me dyshimet për përfshirje në vepra penale si korrupsioni, keqpërdorimi i detyrës zyrtare, dhënia dhe marrja e ryshfetit, ushtrimi i ndikimit, mashtrimi si dhe armëmbajtja pa leje.

Gjatë këtij aksioni policor janë arrestuar shtatë persona me inicialet: F.I., J.M., N.K., M.D., B.D., Sh.T. dhe G.L. Të dyshuarit, sipas autoriteteve, janë kapur në flagrancë gjatë shkëmbimit të parave.

Me vendim të Prokurorisë Speciale, shtatë të arrestuarit janë ndaluar për 48 orë. Gjatë kontrolleve të zhvilluara në kuadër të operacionit janë sekuestruar rreth 20 mijë euro para të gatshme, armë, bizhuteri, dokumente të ndryshme, pajisje elektronike si dhe tri automjete.

Autoritetet kanë bërë të ditur se hetimet lidhur me këtë rast janë duke vazhduar, në koordinim të plotë ndërmjet Policisë së Kosovës dhe Prokurorisë Speciale të Republikës së Kosovës./S.K/KP/

Continue Reading

Të kërkuara