Lajmet

Kusari-Lila: Qeveria Kurti nuk e ka përkeqësuar gjendjen e veteranëve të luftës

Ajo ka thënë se pakënaqësitë e veteranëve janë të akumuluara.

Published

3 years ago

June 6, 2022

UBT news

Shefja e Grupit Parlamentar të Lëvizjes Vetëvendosje, Mimoza Kusari-Lila ka thënë se Qeveria Kurti nuk e ka përkeqësuar gjendjen e veteranëve të luftës së Ushtrisë Çlirimtare të Kosovës. Ajo ka thënë se pakënaqësitë e veteranëve janë të akumuluara dhe sipas saj qeveritë e kaluara i kanë rritur listat e veteranëve.

Pas mbledhjes së Kryesisë së Kuvendit, derisa veteranët protestonin në oborrin e Kuvendit të Kosovës, Kusari-Lila ka thënë se veteranët e vërtetë nuk e dëmtojnë vendin e as ndërtesën e Parlamentit.

“Jemi shumë të vetëdijshëm që pakënaqësitë e akumuluara ndër vite në Kosovë po e gjejnë hapësirën tash për t’u shfaqur përkundrejt gjithë angazhimit dhe propozimeve në vazhdimësi që po vinë nga Qeveria. Megjithatë unë e di se secili veteran i cili ka luftuar dhe vazhdon të përpiqet për vendin e vet nuk dëmton vendin, gjegjësisht as ndërtesën e Kuvendit apo t’i shkaktojë dëm dikujt tjetër, ne në fund jemi njerëz të kësaj republike dhe besoj që me dialog dhe mirëkuptim do të arrijmë te zgjidhjet që janë të domosdoshme edhe për kategori të tjera”, tha ajo.

Ajo ka thënë se një situatë e tillë me veteranët nuk është krijuar me Qeverinë Kurti.

“Situata me veteranët është situatë e cila tashmë ekziston që shumë vite, nuk është situatë e cila është krijuar vitin e fundit, nuk është qeveria Kurti që ka përkeqësuar rrethanat ose ka përkeqësuar pagën ose gjendjen e veteranëve të luftës në Kosovë, mos të harrojmë, krejt çka janë siguruar më herët qeveritë është që në procese ose para zgjedhjeve si të rriten listat e veteranëve që ta të mundet t’i shfrytëzojnë pastaj ato për vota, por jo që realisht ata veteranë të cilët me të vërtetë meritojnë shumë trajtim më dinjitoz të përmirësohen kushtet.. Është një e vërtetë gjithashtu që e kemi një deformitet në listat e veteranëve që është konsideruar se duhet të trajtohet me seriozitet, që ka ndodhur ndër vite, natyrisht dhe që gjithë veteranët e meritojnë trajtimin shumë më dinjitoz sesa që e kanë pasur deri më tani”, ka thënë ajo.

Lajmet

Legjenda e Barcelonës njofton pensionimin nga futbolli

Published

1 hour ago

September 26, 2025

UBT News

Mesfushori i Inter Miami, Sergio Busquets, ka bërë të ditur se do të tërhiqet nga futbolli në fund të këtij sezoni, duke i dhënë fund një karriere gati 20-vjeçare.

37-vjeçari e bëri njoftimin përmes një videoje në Instagram, ku falënderoi Barcelonën, kombëtaren spanjolle, Inter Miamin, shokët e skuadrës, tifozët dhe familjen e tij.

“Ndjej se ka ardhur koha t’i them lamtumirë karrierës sime si futbollist profesionist. “Kanë kaluar pothuajse 20 vjet duke shijuar këtë histori të pabesueshme për të cilën gjithmonë kam ëndërruar”, tha Busquets.

Busquets ishte një figurë kyçe te Barcelona për 14 vite, me mbi 700 paraqitje dhe 32 trofe të fituar, përfshirë 9 tituj të La Ligës dhe 3 Liga të Kampionëve.

Me Spanjën, ai regjistroi 143 ndeshje dhe fitoi Kupën e Botës 2010 dhe Euro 2012.

“Nuk e di se sa gjatë do të luajë Busi, por mendoj se ai është një nga mesfushorët më të mirë në histori… Shpresojmë që ai do të na ndihmojë në fazën eliminatore sepse është një lojtar kyç”, tha trajneri i Inter Miami, Javier Mascherano.

Busquets, i njohur për inteligjencën taktike dhe pasimet e sakta, është aktualisht lojtari me më shumë minuta të luajtura për Inter Miami këtë sezon./S.K/KP/

Lajmet

Osmani takohet me presidentin e Senegalit

Published

2 hours ago

September 26, 2025

UBTnews

Presidentja e vendit, Vjosa Osmani, gjatë qëndsrimit të saj në New York, është takuar me presidentin e Senegalit Bassirou Diomaye Faye.

Osmani përmes një njoftimi në Facebook, ka treguar se diskutuar mundësitë për thellimin e bashkëpunimit në fusha strategjike.

“Me Presidentin e Senegalit, Bassirou Diomaye Faye, zhvilluam një takim në Neë York për të diskutuar mundësitë për thellimin e bashkëpunimit në fusha strategjike.

Partneriteti ynë i qëndrueshëm përbën një shembull të miqësisë dhe bashkëpunimit, të cilin do të vazhdojmë ta forcojmë”, shkruan Osmani./D.B/EO

Lajmet

Arrestohet një i dyshuar për sulm seksual ndaj një të miture në Podujevë

Published

2 hours ago

September 26, 2025

UBTnews

Policia e Kosovës ka njoftuar se ka arrestuar një person të dyshuar për sulm seksual ndaj një të miture në Podujevë. Rasti raportohet të ketë ndodhur gjatë muajit shtator.

Sipas raportit 24-orësh të Policisë, i dyshuari, shtetas kosovar, është dërguar në mbajtje./D.B/KP

Lajmet

Nis Superliga e Kosovës në futsall këtë fundjavë

Published

3 hours ago

September 26, 2025

UBT News

Superliga e Kosovës në futsall nis këtë fundjavë me edicionin e ri 2025/26, ku java e parë do të zhvillohet të dielën dhe të hënën, me disa duele interesante në program.

Të dielën, FC Liqeni përballet me FC Trepçën në Drenas, ndërsa në kryeqytet do të luhet derbi mes FC Mabetex Prishtina dhe FC Drenicës.

Të hënën, në kuadër të javës së parë, FC Drenasi do të sfidojë FC Shtimja 26, kurse FC Malisheva pret FC Prishtina 01.

Skuadra e FC Obiliqit do të pushojë këtë javë./S.K/KP/FFK-Futsal/