Lajmet

Kusari-Lila: Pa sanksionimin e Serbisë vështirë të arrihet ndonjë rezultat në dialog

Kusari-Lila u shpreh se nuk është në dijeni për ndonjë ultimatum të dhënë ndaj Kosovës për formimin e Asociacionit të komunave me shumicë serbe.

Published

2 years ago

October 23, 2023

Betim Gashi

Kryetarja e Grupit Parlamentar të Lëvizjes Vetëvendosje, Mimoza Kusari-Lila, e quajti shqetësuese deklaratën e emisarit të Bashkimit Evropian, Miroslav Lajçak, se “asgjë nuk ka ndryshuar pas 24 shtatorit” në kërkesat e ndërmjetësuesit të dialogut, duke shtuar së pas agresionit në Banjskë gjithçka ka ndryshuar.

Pas mbledhjes së Kryesisë së Kuvendit, Kusari-Lila u shpreh se nuk është në dijeni për ndonjë ultimatum të dhënë ndaj Kosovës për formimin e Asociacionit të komunave me shumicë serbe dhe plotësimin e disa kërkesave të tjera.

Kusari-Lila u shpreh se Kosova ka treguar gjithnjë gatishmëri për dialog por u shpreh pesimiste se mund të ketë rezultat në këtë proces pa u sanksionuar Serbia në lidhje me agresionin e 24 shtatorit.

“Natyrisht që Kosova ka qenë e gatshme dhe ka treguar gatishmëri për pjesëmarrje në dialog me konstruktivitet e natyrisht edhe në obligime të cilat janë të njëjta për të gjitha palët pasi ato të dakordohen, përfshirë këtu zbatimin e marrëveshjeve paraprake… Ne jemi të qëndrimit që 24 shtatori ka shënuar një kthesë të rëndësishme dhe fatkeqësisht jo për të mirë në procesin e dialogut dhe natyrisht që kërkojmë edhe llogari nga ata që kanë qenë dhe mbeten të angazhuar në sulmin ndaj Republikës sonë por gjithashtu edhe një rikonfigurim të një procesi në të cilin njëra palë dukshëm mendon se ushtrimi i dhunës dhe cenimi i sovranitetit dhe integritetit territorial janë pjesë e këtij procesi dhe nuk mund ta pranojmë atë”, tha Kusari-Lila.

Kryetarja e GP të LVV-së tha se Bashkimi Evropian duhet të marrë parasysh edhe kërkesat e Kosovës në dialog.

“Është i domosdoshëm sekuencimi dhe është e domosdoshme marrja në konsideratë e feedback-ut apo e deklarimeve të palës, në këtë rast të Kosovës, të përfshirë në proces. Kosova edhe më herët ka propozuar sekuencimin, ka propozuar planin e vet, idenë e vet për këtë proces e natyrisht ka shprehur brengat e veta për qasjen destruktive të Serbisë. Për detaje të tjera nëse mund të ndodhë diçka shpejte ose jo, përgjegjës janë ata që janë bartës të procesit, në këtë rast qeveria, por që në rrethanat aktuale pa një reflektim dhe pa veprim konkret nga ana e Serbisë në raport me dënimin dhe vendosjen para sanksioneve të atyre drejtpërdrejt përgjegjës, e fatkeqësisht kjo çon deri te presidenti i Serbisë, Aleksandër Vuçiq, për ngjarjet e 24 shtatorit, vështirë mund të parashihet ndonjë sukses në këtë proces”, vijoi Kusari-Lila.

Kusari-Lila u shpreh se çdo ditë që po kalon dhe çdo fakt i ri që po zbardhet në raport me sulmin e 24 shtatorit po çon tek kryerësit dhe urdhëruesit deri në hierarkinë më të lartë shtetërore të Serbisë dhe, sipas saj, masat ndërkombëtare ndaj këtij vendi janë më e pakta që mund të ndodhin.

Në lidhje me kërkesën e kryeministrit Kurti se duhet një gjykatë speciale për të gjykuar atë që e quajti Klanin e Novi Sadit dhe mafien ballkanike, Kusari-Lila u shpreh se Kuvendi i Kosovës është në të njëjtën frymë me kërkesën e Kurtit. Sipas saj, tashmë kur po bëhen një muaj nga ngjarja në Banjskë ende nuk janë marrë masa ndaj Serbisë, ndryshe nga Kosova që mbetet nën masa ndëshkuese.

“Nuk mund të shtoj diçka tjetër përtej asaj që ne kemi martuar si rezolutë, kemi kërkuar të njëjtën jo në formë eksplicite sa kryeministri i Kosovës e kërkoi sot por në formën e njëjtë në raport me përgjegjësit dhe në raport me obligimet që edhe bashkësia ndërkombëtare i ka karshi këtij procesi për shkak se nuk ka munguar reagimi i menjëhershëm për masat, jo sanksionet, për masat që u quajtën ndaj Kosovës ndërsa ne ende po flasim gati një muaj pas ngjarjes së 24 shtatorit ende nuk kemi një veprim konkret në raport me sanksionimin e atyre të cilët dhe mbeten urdhëruesit, dizajnuasit, dhe ekzekutuesit e atij akti terrorist”, tha Kusari-Lila.

Pasi paralajmëroi se janë tri seanca të Kuvendit këtë javë, Kusari-Lila tha se janë në komunikim të vazhdueshëm me opozitën për të kaluar marrëveshjet ndërkombëtare pasi bëhet fjalë për projekte deri në 400 milionë euro që do t’i përfitojnë edhe komunat që i udhëheqin partitë opozitare.

Related Topics:dialogu Mimoza Kusari-Lila Kusari-Lila

Up Next

Samiti i BE-së: Pritet dënimi i sulmuesve në Banjskë dhe zbatimi i pakusht i marrëveshjeve

Don't Miss

Shkon mbi 5 mijë numri i viktimave në Gaza

Vendi

Votohet Qeveria Kurti me 66 vota pro

Published

2 hours ago

February 11, 2026

UBTNEWS

Kuvendi i Kosovës ka votuar Qeverinë e re të Kosovës në krye me Albin Kurtin. Pro qeverisë votuan 66 deputetë, 49 votuan kundër, ndërsa nuk pati asnjë abstenim.

Me këtë votim, Kuvendi zgjodhi zyrtarisht Qeverinë e re të Kosovës, e cila do të udhëhiqet nga kryeministri Albin Kurti.

Albin Kurti, ka bërë publike përbërjen e kabinetit qeveritar me të cilin synon të udhëheqë vendin gjatë katër viteve të ardhshme, duke theksuar prioritetet kryesore të programit qeverisës.

Në prezantimin e tij, Kurti ka propozuar këtë përbërje të Qeverisë:

Zëvendëskryeministër i Parë dhe Ministër i Punëve të Jashtme dhe Diasporës do të jetë Glauk Konjufca.

Zëvendëskryeministre e Dytë dhe Ministre e Drejtësisë është propozuar Donika Gërvalla, ndërsa Zëvendëskryeministër i Tretë për Çështje të Pakicave dhe Bashkëpunim Ekonomik Fikrim Damka.

Ministër i Financave është propozuar Hekuran Murati, ndërsa Ministër për Familje dhe Vlera të Luftës Andin Hoti.

Resori i Mbrojtjes do të udhëhiqet nga Ejup Maqedonci, ndërsa ai i Punëve të Brendshme nga Xhelal Sveçla. Për Ministrinë e Administratës Publike dhe Digjitalizimit është propozuar Lulëzon Jagxhiu.

Ministër i Shëndetësisë do të jetë Arben Vitia, ndërsa Ministër i Arsimit dhe Shkencës Hajrulla Çeku.

Ministre e Kulturës dhe Turizmit është propozuar Saranda Bogujevci.

Ministër i Administrimit të Pushtetit Lokal do të jetë Rasim Demiri.

Ministre e Mjedisit dhe Planifikimit Hapësinor është propozuar Fitore Pacolli, ndërsa Ministër i Bujqësisë, Pylltarisë dhe Zhvillimit Rural Armend Muja.

Ministër i Infrastrukturës dhe Transportit do të jetë Dimal Basha.

Ministre e Tregtisë, Industrisë dhe Inovacionit është propozuar Mimoza Kusari, ndërsa Ministre e Energjisë Artane Rizvanolli.

Për Ministrinë për Komunitete dhe Kthim është propozuar Nenad Rashiq, ndërsa për Zhvillim Rajonal Elbert Krasniqi.

Vendi

Kurti prezanton kabinetin e ri qeveritar

Published

2 hours ago

February 11, 2026

ubtnews

Mandatari për kryeministër, Albin Kurti, ka bërë publike përbërjen e kabinetit qeveritar me të cilin synon të udhëheqë vendin gjatë katër viteve të ardhshme, duke theksuar prioritetet kryesore të programit qeverisës.

Në prezantimin e tij, Kurti ka propozuar këtë përbërje të Qeverisë:

Zëvendëskryeministër i Parë dhe Ministër i Punëve të Jashtme dhe Diasporës do të jetë Glauk Konjufca.

Ministër i Financave është propozuar Hekuran Murati, ndërsa Ministër për Familje dhe Vlera të Luftës Andin Hoti.

Resori i Mbrojtjes do të udhëhiqet nga Ejup Maqedonci, ndërsa ai i Punëve të Brendshme nga Xhelal Sveçla.

Për Ministrinë e Administratës Publike dhe Digjitalizimit është propozuar Lulzon Jagxhiu.

Ministër i Shëndetësisë do të jetë Arben Vitia, ndërsa Ministër i Arsimit dhe Shkencës Hajrulla Çeku.

Ministre e Kulturës dhe Turizmit është propozuar Saranda Bogujevci.

Ministër i Administrimit të Pushtetit Lokal do të jetë Rasim Demiri.

Ministre e Mjedisit dhe Planifikimit Hapësinor është propozuar Fitore Pacolli, ndërsa Ministër i Bujqësisë, Pylltarisë dhe Zhvillimit Rural, Armend Muja.

Ministër i Infrastrukturës dhe Transportit do të jetë Dimal Basha. Ministre e Tregtisë, Industrisë dhe Inovacionit është propozuar Mimoza Kusari, ndërsa Ministre e Energjisë Artane Rizvanolli.

Për Ministrinë për Komunitete dhe Kthim është propozuar Nenad Rashiq, ndërsa për Zhvillim Rajonal Elbert Krasniqi.

Kabineti i propozuar pritet t’i nënshtrohet votimit në Kuvend.

Vendi

Osmani cakton Kurtin mandatar për formimin e Qeverisë së re

Published

4 hours ago

February 11, 2026

ubtnews

Presidentja e Republikës së Kosovës, Vjosa Osmani – Sadriu, ka caktuar Albin Kurtin mandatar për formimin e Qeverisë së re të Kosovës.

Përmes një njoftimi publik, Presidentja bëri të ditur se vendimi është marrë në përputhje me Kushtetutën e Republikës së Kosovës, duke i dhënë kështu kryetarit të Lëvizjes Vetëvendosje mandatin për formimin e ekzekutivit të ri. Ky hap vjen pas përmbylljes së procedurave të nevojshme institucionale dhe hap rrugën për krijimin e kabinetit të ri qeveritar.

Presidentja Osmani i uroi suksese Kurtit në udhëheqjen e Qeverisë së re, duke theksuar rëndësinë e punës në shërbim të qytetarëve dhe forcimit të institucioneve të Republikës së Kosovës. “Ju priftë e mbara!”, përfundoi ajo mesazhin e saj publik.

Lajmet

Albulena Haxhiu zgjidhet kryetare e Kuvendit të Kosovës

Published

5 hours ago

February 11, 2026

ubtnews

Në seancën e mbajtur më 11 shkurt 2026, Albulena Haxhiu është zgjedhur kryetare e Kuvendit të Republikës së Kosovës.

Haxhiu mori 66 vota për, 44 vota kundër dhe 8 abstenime, duke siguruar kështu mbështetjen e nevojshme për të marrë drejtimin e institucionit legjislativ.

Seanca konstituive u kryesua nga deputeti më i moshuar i Kuvendit, Avni Dehari nga Lëvizja Vetëvendosje, i cili u asistua nga deputetja më e re në moshë, Fatma Taçi nga KDTP.

Me zgjedhjen e kryetares së Kuvendit, pritet të vazhdojnë procedurat e tjera për konstituimin e plotë të legjislaturës së re.

Në Kosovë u mbajtën më 28 dhjetor 2025 zgjedhjet e jashtëzakonshme parlamentare pas një ngërçi politik që la vendin pa qeveri funksionale për mbi një vit.

Lëvizja Vetëvendosje (LVV), e udhëhequr nga Albin Kurti, fitoi qartë me 51.10% të votave, duke siguruar 57 ulëse në Kuvend, një rekord që nga pavarësia e vendit.

Partia Demokratike e Kosovës (PDK) dhe Lidhja Demokratike e Kosovës (LDK) morën respektivisht 22 dhe 15 mandate, ndërsa Aleanca për Ardhmërinë e Kosovës (AAK) dhe Lista Serbe siguruan disa ulëse të tjera.

Pjesëmarrja në zgjedhje ishte rreth 47.5%, e ngjashme me zgjedhjet e mëparshme, duke reflektuar sfidën e mobilizimit të votuesve.

Komisioni Qendror i Zgjedhjeve certifikoi rezultatet dhe seanca konstituive e Kuvendit u caktua për 11 shkurt 2026, duke hapur rrugën për krijimin e institucioneve funksionale dhe miratimin e buxhetit. Këto zgjedhje shënojnë një hap vendimtar për kapërcimin e ngërçit politik dhe stabilizimin e qeverisjes në Kosovë.