Lajmet

Kusari-Lila: Ligji i pagave e Kodi civil do të trajtohen në sesionin vjeshtor

Ani pse të njëjtin e kanë kundërshtuar edhe deputetët e partisë në pushtet.

Published

3 years ago

on

Ligji i pagave dhe Projekt-kodi civil do të shqyrtohen në Kuvend vjeshtën e këtij viti, ka thënë ushtruesja e detyrës së shefit të grupit të deputetëve të Vetëvendosjes, Mimoza-Kusari Lila.

Në një konferencë për media ajo është shprehur optimiste se Kodi civil do të arrijë të miratohet në vjeshtë ani pse të njëjtin e kanë kundërshtuar edhe deputetët e partisë në pushtet.

Kusari-Lila ka thënë se në Grupin Parlamentar të Lëvizjes Vetëvendosje ka mendime ndryshe për projekt-kodin civil, por ka theksuar se i njëjti është shumë tejet i rëndësishëm andaj sipas saj kanë filluar komunikimin me të gjithë deputetët për të siguruar mbështetje.

“Brenda grupit tonë parlamentar, por edhe me grupet e opozitës, kemi filluar edhe komunikimin dhe angazhimin. Nuk është një dokument, i cili duhet të thjeshtësohet në një çështje siç ka pasur tendencë dhe fatkeqësisht ka marrë konotacion të përgjithshëm në opinionin publik që projekt-kodi civil ka të bëjë vetëm me një çështje apo vetëm me një nen. Projekt-kodi civil rregullon jetën e qytetarëve të Republikës prej lindjes deri në vdekje… Përkundër mendimeve ndryshe, edhe në kuadër të grupit tonë parlamentar, ne jemi shumë optimistë që projekt-kodi civil do të kalojë në sesionin vjeshtor dhe Kosova do të arrijë të ketë në aspektin normativ të rregulluar edhe këtë çështje të rëndësishme për jetën e qytetarëve pa dallim”, ka thënë ajo.

Kusari-Lila ka folur edhe për punën e mazhorancës gjatë sesionit pranveror, të cilin e ka quajtur të suksesshëm. Ajo ka thënë se në këtë sesion Kuvendi ka arritur të thyejë rekord në miratimin e ligjeve, me 87 ligje të miratuara në të dy leximet dhe më 18 marrëveshje ndërkombëtare.

“Dinamizmi i mëtejshëm i punës në komisione, përmbushja në afate optimale e agjendës legjislative, organizmi i sa më shumë dëgjimeve publike dhe rritjes së transparencës me qytetarë, trajtimi i sa më shumë çështjeve të adresuara nga qytetarët drejt Kuvendit dhe grupit tonë parlamentar në veçanti, përsosja e sistemit të mbikëqyrjes së institucioneve që raportojnë në Kuvend dhe shtimi eksponencial i numrit të mbikëqyrjes së zbatimit të ligjeve në të gjitha fushat. Në aspektin e miratimit të ligjeve, Kuvendi në këtë sesion ka arritur të thyejë rekordin e vet që nga shpallja e Pavarësisë së Kosovës me 87 ligje të miratuara në të dy leximet, dhe 18 marrëveshje ndërkombëtare, gjë që nënkupton bashkëpunimin e pozitës dhe opozitës në miratimin këtyre marrëveshjeve”, ka thënë Kusari-Lila.

Ndërsa deputeti Adnan Rrustemi ka thënë se gjatë këtij sesioni nga opozita ka pasur synime për degjenerim të debatit dhe deformim të së vërtetës.

“Ne si përfaqësues politik të shumicës nuk instrumentalizojmë nevojat dhe problemet e shtresuara prej vitesh në shoqërinë tonë. Kjo luftë nuk do të ndalet asnjëherë. Nga kjo nuk mund të na ndalin as inskenimet në shesh, as kurdisjet nga forca të regjimit të vjetër. Ne luftojmë sinqerisht për këto të drejta, haptas e publikisht, pa skenar të fshehtë e pa kurdisje, ngase ne jemi për organizimin shoqëror të grupeve dhe forcimin e tyre, ndryshe nga ata që ende i shohin sindikatat e shoqatat si investim klanor e partiakë”, ka thënë Rrustemi.

Related Topics:
Continue Reading

Vendi

Exit Polli e nxjerrë fitues Përparim Ramën në Prishtinë

Published

55 minutes ago

on

November 9, 2025

By

Përparim Rama nga LDK ka dalë i pari në sondazhet e televizionit Dukagjini.

Sipas këtij exit pollit të UBO-Consulting, rezulton që Rama merr 54.1 për qind, ndërsa kundër kandidati i tij, Hajrulla Çeku 45.9 për qind.

Ndërsa sipas exit pollit të Klan Kosovës, përparim Rama ka 53.62 për qind, ndërsa Hjarulla Çeku 46.38 për qind.

Continue Reading

Rajoni

Rektori Hajrizi viziton UniMarconi në Romë

Published

1 day ago

on

November 8, 2025

By

Gjatë vizitës zyrtare në Itali, Rektori i UBT-së, Prof. Dr. Edmond Hajrizi, zhvilloi një vizitë në Universitetin UniMarconi, i pari institucion digjital i i akredituar në Itali.

Me këtë rast, Rektori Hajrizi u takua me Rektorin e UniMarconi-t, Prof. Marco Abate, me Prof. Ulrike Haider-Quercia, udhëheqëse e Shkollës së Doktoratës, si dhe me Prof. Francesco Gaspari, përgjegjës për bashkëpunimin ndërkombëtar.

Të dy rektorët shkëmbyen përvoja rreth zhvillimit të universiteteve moderne, bashkëpunimeve ndërkombëtare dhe mundësive për forcimin e partneritetit ndërmjet dy institucioneve në fusha të ndryshme, si mobiliteti akademik, studimet e përbashkëta, projektet kërkimore dhe inovacioni.

Continue Reading

Lajmet

​Bellingham dhe Foden rikthehen në kombëtaren e Anglisë

Published

2 days ago

on

November 7, 2025

By

Jude Bellingham dhe Phil Foden janë rikthyer në skuadrën e Anglisë për ndeshjet kualifikuese të Kupës së Botës kundër Serbisë dhe Shqipërisë.

Trajneri Thomas Tuchel ka ftuar për herë të parë mesfushorin e Bournemouthit, Alex Scott, i cili ka bërë paraqitje mbresëlënëse këtë sezon. Nga ana tjetër, Jack Grealish dhe Danny Welbeck nuk janë përfshirë në listë, ndërsa mungojnë edhe Ollie Watkins dhe Myles Lewis-Skelly.

Bellingham, që kishte munguar në grumbullimin e kaluar për shkak dëmtimi, është rikthyer në formë me Real Madridin, duke shënuar tre gola në katër ndeshjet e fundit. Edhe Foden ka shkëlqyer me Manchester Cityn, ku shënoi dy herë në Ligën e Kampionëve kundër Borussia Dortmund.

“Jemi të kënaqur që janë rikthyer. Të dy kanë qenë vendimtarë për klubet e tyre dhe tani mund të ndihmojnë edhe kombëtaren,” tha Tuchel.

Anglia kryeson Grupin K me 18 pikë pas gjashtë ndeshjeve, ndërsa përballet me Serbinë në Wembley të enjten dhe me Shqipërinë në Tiranë të dielën.

Skuadra e Anglisë:

Portierë: Henderson, Pickford, Pope

Mbrojtës: Burn, Guehi, James, Konsa, O’Reilly, Quansah, Spence, Stones

Mesfushorë: Anderson, Bellingham, Henderson, Rice, Rogers, Scott, Wharton

Sulmues: Bowen, Eze, Foden, Gordon, Kane, Rashford, Saka./S.K/KP/

Continue Reading

Sport

Vdes në moshën 24 vjeçare lojtari i Cowboys, Marshawn Kneeland

Published

2 days ago

on

November 7, 2025

By

Sipas autoriteteve ligjore, ka vdekur mbrojtësi i Dallas Cowboys, Marshawn Kneeland në moshën 24 vjeçare. Ekipi lëshoi ​​një deklaratë të enjten duke mos përmendur shkakun e vdekjes.

“Me trishtim të madh, Dallas Cowboys njoftojnë se Marshawn Kneeland ndërroi jetë tragjikisht këtë mëngjes. Marshawn ishte një shok skuadre i dashur dhe anëtar i organizatës sonë. Mendimet dhe lutjet tona në lidhje me Marshawn janë me të dashurën e tij Catalina dhe familjen e tij.”, thuhet në njoftim.

Cowboys kanë vënë në dispozicion burime këshillimi për të gjithë lojtarët, trajnerët dhe stafin.

Lojtarët aktualisht janë në javën e pushimit dhe nuk janë planifikuar të stërviten përsëri deri të hënën.

Policia e DPS-së gjeti automjetin e Kneeland të rrëzuar në Dallas Parkway në drejtim të jugut pranë Warren Parkway. Sipas raportit, Kneeland iku nga vendi i ngjarjes në këmbë dhe oficerët kontrolluan zonën me ndihmën e K-9 dhe njësive të dronëve.

Ndërsa autoritetet po kërkonin Kneeland, një dispeçer u tha oficerëve se njerëzit që e njihnin kishin marrë një mesazh në grup nga Kneeland duke i thënë lamtumirë. Përafërsisht tre orë më vonë, Kneeland u gjet i vdekur./S.K/NFL/

 

Continue Reading

Të kërkuara