Lajmet

Kurti thotë se po punojnë që të krijohen mundësi të barabarta për të gjitha komunitetet

Me këtë rast Kurti tha se Qeveria e tij po punon për krijimin e mundësive të barabarta për të gjithë.

Published

on

Kryeministri i Republikës së Kosovës, Albin Kurti, ka marr pjesë në tryezën e rrumbullakët me komunitetin egjiptian, organizuar me rastin e shënimit të Ditës së flamurit të këtij komuniteti.

Me këtë rast Kurti tha se Qeveria e tij po punon për krijimin e mundësive të barabarta për të gjithë. Ai i ka falënderuar komunitetet për kontributin e dhënë.

Kurti sqaroi se kanë mbështetur 123 biznese nga komunitetet, ku 21 kanë qenë të komunitetit egjiptian. Kurse tash tha sa kanë ndarë 3 milionë euro.

“Jam këtu për të diskuara edhe për sfidat të cilat mbeten. Ju falënderoj për të gjithë kontributin e dhënë për Kosovën. Gjatë këtij vitit kisha kënaqësinë t’i takoj polic të komunitete egjiptian, studente që janë mbështetur më bursa dhe organizata e komuniteteve”.

“Kam dëgjuar prej tyre për ndikim që kanë pasur masat që i kemi marr. Kemi mbështetur 123 biznes të vogla për komunitete jo shumicë, prej të cilave 21 ishin për komunitetin egjiptian. Tani i kemi ndarë edhe 3 milionë euro për komunitete”.

“Qeveria jonë po punon për krijimin e mundësive të barabarta, për arsim e punësim. Në vjeshtë fillon regjistrim i popullsisë dhe për herë të parë për çdo shtëpi do të jetë një regjistrues që i përket atij komunitete. E di që ka përsëri sfidat, por ato do t’i përballojmë bashkë”, tha ai.

Ministri i Administrimit dhe Pushtetit Lokal, Elbert Krasniqi, tha se ka thënë se me fillimin e qeverisë Kurti komuniteti egjiptian është mbështetur dhe përkrahur. Ai po ashtu përmendi edhe projektet që janë mbështetur e janë duke u realizuar.

“Tryeza që është organizuar për ditën memoriale është përtej simbolikës së zakonshme, është një ogur i mirë, sinjal i qartë dhe mesazh i drejtpërdrejt se komunitet do të përfshihen në secilin plan, program dhe projekt qeveritarë. Me fillimin e qeverisë Kurti komuniteti egjiptian është mbështetur dhe përkrahur. Ne e njohim mirë se si ka qenë gjendja në të kaluarën dhe për këtë jemi mirënjohës partnerëve”, tha ai.

Deputeti Fridon Lala tha se komunitete kanë gjetur gjithmonë përkrahjen e kryeministrit Kurti. Sipas tij, për këto vite qeverisje ka ndodhur shumë ndryshime.

“Për këto dy vite ka ndodhur shumë ndryshime, shumë politika në të mirë të komunat që janë evdiente dhe domosdoshmërish kanë ndikuar në përmasimin e gjendjes së përgjithshme secili ekonomike së komunitetit. Për herë të parë kemi një shpërndarje apo decentralizmi të fokusit qeveritar sa i përket trajtimit të grupeve minoritare, për dallim me vitet e kaluar. U thanë shumë projekte që nuk kanë ndodhur për vitet të tëra për komunitete”, tha ai.

Aktualitet

Aksident i rëndë në rrugën Sarandë–Delvinë, vdesin dy motrat, lëndohet një tjetër

Published

on

Kanë vdekur dy vajza E.DH dhe R.DH, ndërsa është lënduar edhe një tjetër si pasojë e një aksident të rëndë që ka ndodhur mbrëmjen e së dielës në aksin rrugor Sarandë–Delvinë, në vendin e quajtur “Pularia”.

Dy automjete janë përplasur me njëra-tjetrën, duke sjellë pasoja tragjike.

E lënduara është në gjendje të rëndë dhe ndodhet nën kujdesin intensiv të mjekëve në spitalin e Sarandës, shkruan rtsh.al.

Sipas burimeve policore, automjeti po drejtohej nga Ela Dhimaku kur u përplas me një tjetër mjet.

Forca të shumta policie, ambulanca dhe zjarrfikëse mbërritën menjëherë në vendin e ngjarjes për të dokumentuar provat dhe për të ofruar ndihmën e nevojshme.

Continue Reading

Aktualitet

27 vjet nga rënia e komandantit Ismet Jashari

Published

on

Sot mbushen 27 vjet nga rënia e komandantit të Ushtrisë Çlirimtare të Kosovës, Ismet Jashari. Ai ishte ndër të parët që mori pjesë në themelimin e fondit “Vendlindja thërret”. Ky fond u bë bazë kryesore e logjistikës dhe e financimit të luftës së Ushtrisë Çlirimtare të Kosovës.

Ai u lind në Orizare të Kumanovës më 16 prill 1967. Ishte i biri i Jashar Jasharit e i nënë Nuries. Mësimet fillore i mori në vendlindje, ndërsa në vitin 1982 u regjistrua në Gjimnazin e Kumanovës.

Menjëherë pas epopesë së Prekazit, më 5, 6 dhe 7 mars të vitit 1998, militanti i përkushtuar i luftës çlirimtare Ismet Jashari bën përgatitjet e fundit për të hyrë në Kosovë. Më 11 mars të po atij viti, ai, bashkë me Fehmi Lladrovcin, Xhevë Lladrovcin, Mirush Dakën, Bekim Berishën, Agim Bajramin e të tjerë, futet në zonat ku po vepronte Ushtria Çlirimtare e Kosovës dhe arrin në Likoc të Drenicës, ku asokohe ndodhej baza më e rëndësishme e UÇK-së.

Me vendim të Shtabit të Përgjithshëm të Ushtrisë Çlirimtare të Kosovës, Ismet Jashari caktohet me detyrë ushtarake në zonën e Llapushës, me qëllim të zgjerimit dhe konsolidimit të radhëve të ushtrisë çlirimtare.

Më 23 gusht të vitit 1998, pasi ushtria armike kishte ndërmarrë të gjithat masat për të depërtuar në drejtim të Kleçkës, ku ndodhej edhe Shtabi i Përgjithshëm i Ushtrisë Çlirimtare të Kosovës, Ismet Jashari organizon rezistencën në pikën e tij të pamposhtur, në Bajrak të Luzhnicës.

Më 24 gusht në mbrëmje, luftëtarët e lirisë kishin depërtuar thellë në pozicionet armike, duke u shkaktuar dëme në njerëz dhe në teknikë lufte, luftëtarët militantë, Gani Kastrati dhe Afrim Buçaj, nuk kishin arritur të tërhiqeshin.

Në mëngjesin e hershëm të 25 gushtit, Ismet Jashari kishte kundërsulmuar befasishëm, në përpjekje për t’i marrë trupat e ushtarëve të rënë. Pas disa orë luftimesh në një distancë të afërt, në altarin e atdheut, në Luzhnicë, bie trimi ndër më të dalluarit e Ushtrisë Çlirimtare të Kosovës, Ismet Jashari – Komandant Kumanova. Në altarin e atdheut kishin rënë edhe Nuhi Mazreku dhe Habib Zogaj.

Sot trupi i dëshmorit Ismet Jashari prehet në kompleksin e Varrezave të Dëshmorëve në Kleçkë, ku pushojnë edhe trupat e 66 dëshmorëve të tjerë, të Brigadës 121, Ismet Jashari-Kumanova.

Continue Reading

Bota

​Aksident i rëndë në Poloni, shoferi vdes pasi mer flakë kamioni

Published

on

Një aksident i rëndë trafiku ndodhi në autostradën A2 në Poloni mbrëmë, duke vrarë një person, raporton portali polak Remiza.pl.

Kamerat e mbikëqyrjes kapën aksidentin që ndodhi pak para orës 23:00 me orë lokale pranë Tarnawa Rzepińska në Qarkun Sulęcin, në perëndim të vendit.

Një kamion që udhëtonte me shpejtësi të lartë drejt Poznanit u përplas me një kabinë pagese në autostradë.

Një zjarr shpërtheu menjëherë pas përplasjes dhe shoferi vdiq në vendin e aksidentit.

Një numër i madh personeli të shërbimeve të emergjencës ndërhyri dhe një hetim u nis për të hedhur dritë mbi rrethanat e këtij aksidenti të rëndë,

Continue Reading

Lajmet

​Shpërthim në një qendër tregtare në Moskë, një i vdekur e dy të plagosur

Published

on

Të paktën një person ka humbur jetën dhe dy të tjerë u plagosën në një shpërthim që tronditi një qendër tregtare në qendër të Moskës.

Shpërthimi ndodhi në katin e tretë të Dyqanit Qendror të Fëmijëve në Sheshin Lubyanka, pas së cilës e gjithë ndërtesa u evakuua urgjentisht.

Shërbimet e emergjencës besojnë se shpërthimi u shkaktua nga një bombol gazi. Departamenti i shëndetësisë i Moskës konfirmoi se dy persona të plagosur u shtruan në spital.

Kryebashkiaku i Moskës, Sergei Sobyanin, tha se incidenti ka të ngjarë të jetë shkaktuar nga një mosfunksionim teknik në pajisje.

Komiteti Hetues i Rusisë ka nisur një hetim zyrtar për të përcaktuar rrethanat e aksidentit tragjik.

Continue Reading

Të kërkuara