Ekonomi

Kurti: Tashmë kanë aplikuar 20 biznese në Parkun e Biznesit në Prizren

Publikuar

3 vjet më parë

më

Kryeministri i Kosovës, Albin Kurti ka vizituar sot zonën ekonomike në Prizren, e nga ku tha se investimi në këtë zonë është i rëndësishëm edhe për mbarë Kosovën përveç se për Prizrenin.

Zona prej 82 hektarësh është afër përfundimit të kompletimit me infrastrukturën përcjellëse, ndërsa për të qenë pjesë e saj tashmë kanë aplikuar 20 biznese.

“Erdhëm në këtë vend në të cilin po bëhen punimet për hapjen e zonës ekonomike, me gjithsej 82 hektarë prej të cilëve gjysma përafërsisht e kanë të përfunduar infrastrukturën. Në këtë vend ku do të kemi zonën ekonomike të Prizrenit tashmë kanë aplikuar 20 biznese dhe prioritet do të kenë bizneset e ndërmarrjet prodhuese, me ç’rast edhe do të ndalohet tjetërsimi e dëmtimi i sipërfaqeve të cilët janë të përshtatshme ta zëmë për bujqësi, por në anën tjetër do të kemi edhe industri të përziera por gjithnjë pa ndotje”, tha ai.

Kryetari i komunës së Prizrenit, Mytaher Haskuka, tha se Kurti është kryeministri i parë që interesohet për këtë zonë, derisa ka akuzuar qeveritë e kaluara që e kanë penguar punën për funksionalizimin e saj.

“Është kryeministri i parë pas tre vitesh që interesohet për zonën ekonomike, me qeveritë e kaluara kemi dërguar shumë kërkesa për pëlqime të ndryshme të cilat na vyejnë këtu edhe për transfere të pronës që kanë mbetur nga AKP-ja, po kemi hasur në vesh të shurdhër dhe tani e kemi një qeveri e cila është interesuar për zhvillim edhe për investime në prodhimtari. Është faza e fundit dhe mendoj që mas shtresës së asfaltit kjo bëhet gati në aspektin e infrastrukturës. Atëherë presim vetëm aspektin legjislativ që të votohen disa parcela në Asamblenë Komunale po ashtu të vijnë pëlqimet nga ministritë e caktuara pasi edhe këtu duhet të theksoi edhe një herë edhe kemi kërkuar dy tri herë nga ministritë e caktuara as përgjigje nuk kemi marrë”, tha ai.

I pari i Prizrenit deklaroi se përmes funksionalizimit të kësaj zone do të përfitojnë edhe të rinjtë e kësaj komune.

“Kemi më shumë se 20 biznese të cilët kanë shprehur interesim të aplikojnë këtu dhe të fillojnë veprimtarinë në këtë zonë. Do të kemi kushte të caktuara po kushti kryesor në fillim do të jetë prodhimtaria dhe punësimi i të rinjve dhe shpresoj që do ta realizojmë shumë shpejt”, tha ai.

Në vizitën në zonën ekonomike në Prizren ishte edhe ministrja e Arsimit, Shkencës, Teknologjisë dhe Inovacionit, Arbërie Nagavci.

Etiketa
Vazhdo të lexosh

Ekonomi

Pesë personat më të pasur në botë dyfishuan pasurinë e tyre

Kështu thuhet në një raport të Oxfam që u publikua të dielën.

Publikuar

4 muaj më parë

më

15 Janar, 2024

nga

Pesë njerëzit më të pasur në Tokë janë bërë shumë më të pasur vitet e fundit. Që nga viti 2020, pasuria neto e këtyre miliarderëve është rritur me 114% në një total prej 869 miliardë dollarësh, pas inflacionit, sipas raportit vjetor të pabarazisë të Oxfam, të publikuar të dielën. Nëse trendet aktuale vazhdojnë, bota mund të shohë trilionerin e saj të parë në një dekadë.

Në po këtë periudhë, gati pesë miliardë njerëz në mbarë botën janë varfëruar, pasi ata u përballën me inflacionin, luftën dhe krizën klimatike. Do të duheshin gati 230 vjet për të eliminuar varfërinë bazuar në trajektoren aktuale.

Raporti, i cili bazohet në të dhënat e përpiluara nga Forbes, përkon me fillimin e takimit vjetor të Forumit Ekonomik Botëror në Davos të Zvicrës, mbledhje elitare e disa prej njerëzve më të pasur dhe liderëve botërorë.

Vlerësohet se 148 korporatat kryesore kanë pasur fitim prej 1.8 trilion dollarë, 52 për qind më shumë sesa mesatarja 3-vjeçare, duke u mundësuar që aksionarët të kenë fitime dhe miliona punëtorë të përballen me krizat e kostos së jetesës, përderisa inflacioni çoi në uljen e pagave.

“Kjo pabarazi nuk është aksidentale. Klasa e miliarderëve po sigurohet që korporatat t’u mundësojnë atyre më shumë pasuri në kurriz të të tjerëve”, tha shefi i Oxfamit, Amitabh Behar.

Elon Musk, i cili drejton disa kompani, sikurse Tesla dhe SpaceX, përjetoi rritje vitet e fundit. Pasuria e tij u rrit në 245.5 miliardë dollarë në fund të nëntorit, 737% më shumë nga marsi i vitit 2020, pas llogaritjes së inflacionit.

Bernard Arnault, kryetar i gjigantit francez të mallrave luksoze LVMH, dhe familja e tij kishin një vlerë neto prej 191.3 miliardë dollarësh, më shumë se 111%.

Themeluesi i Amazon, Jeff Bezos, kishte një pasuri prej 167.4 miliardë dollarësh, me 24% rritje; ndërsa pasuria e themeluesit të Oracle, Larry Ellison arriti në 145.5 miliardë dollarë, me një rritje prej 107%.

Në përfundim të listës së pesë njerëzve më të pasur qëndron CEO i Berkshire Hathaway, Warren Buffett, pasuria neto e të cilit u rrit 48% në 119.2 miliardë dollarë./UBTNews/

Vazhdo të lexosh

Ekonomi

Barclays ul numrin e vendeve të punës

Kjo shifër përfaqëson rreth 5% të totalit të fuqisë punëtore të saj.

Publikuar

4 muaj më parë

më

9 Janar, 2024

nga

Barclays vlerësohet të ketë reduktuar rreth 5 mijë vende pune në të gjithë botën në vitin 2023, në kuadër të nismës për uljen e kostove, e cila filloi në fund të vitit të kaluar. Kjo shifër përfaqëson rreth 5% të totalit të fuqisë punëtore të saj.

Shkurtimet e vendeve të punës pritet të jenë një kombinim i shkurtimeve aktuale dhe vendeve të lira të punës që nuk do të plotësohen në fund të fundit. Detajet tjera pritet të bëhen të ditura së bashku me publikimin e të ardhurave të bankës më 20 shkurt, por ky plan për uljen e kostove pritet të vlerësohet në rreth 1 miliard £ (1.16 miliard euro).

Një zëdhënës i bankës së investimeve theksoi se Barclays e mori këtë vendim në kuadër të “programit të saj të vazhdueshëm të efikasitetit, i cili u krijua për të thjeshtuar dhe riformuar biznesin, për të përmirësuar shërbimin dhe për të ofruar kthime më të larta”./UBTNews/

Vazhdo të lexosh

Ekonomi

Banka Botërore njofton 20 milionë dollarë ndihmë në Gaza

E konfirmoi Banka përmes një deklarate.

Publikuar

5 muaj më parë

më

17 Dhjetor, 2023

nga

Banka Botërore njoftoi të martën 20 milionë dollarë në financim të ri për të ofruar ndihmë emergjente për njerëzit në Gaza, përfshirë edhe 10 milionë dollarë për pako ushqimore.

Ndihma, e cila do të arrijë rreth 377 mijë njerëz, është pjesë e një pakete më të madhe ndihme për Gazën prej 35 milionë dollarësh, njoftoi Banka përmes një deklarate.

Një ndihmë fillestare prej 15 milionë dollarësh tashmë është dorëzuar./UBTNews/

Vazhdo të lexosh

Ekonomi

Danimarka do të heqë nga qarkullimi kartëmonedhën 1000 korona

Me këtë veprim, Banka Qendrore daneze po përpiqet të luftojë krimin ekonomik.

Publikuar

5 muaj më parë

më

3 Dhjetor, 2023

nga

Danimarka, ku paratë kesh përdoren rrallë, po synon të heqë nga qarkullimi deri në maj të vitit 2025 kartëmonedhat 1000 korona (afërsisht 134 €).

“Me ndryshimin e zakoneve të pagesave të danezëve, kartëmonedha 1000 e kurorës nuk është më e nevojshme”, njoftoi Christian Kettel Thomsen, drejtor i Nationalbanken.

Në vendin skandinav, vetëm 10% e pagesave në dyqane bëhen me para në dorë. Në 90% të rasteve, blerjet arrijnë në më pak se 500 korona (rreth 67 €). Kjo është relativisht e pazakontë në krahasim me pjesën më të madhe të Eurozonës, ku më shumë se gjysma e pagesave komerciale bëhen me para në dorë.

Me këtë veprim, Banka Qendrore daneze po përpiqet të luftojë krimin ekonomik.

“Kemi parasysh shqetësimet e policisë, sektorit financiar dhe sektorit të shitjes me pakicë… kartëmonedha 1000 kurora përdoret në masë më të madhe se kartëmonedhat e tjera në kuadër të formave të ndryshme të krimit financiar”, njoftoi Banka.

Kjo kartëmonedhë hyri në qarkullim në vitin 1975 për shkak të inflacionit shumë të lartë./UBTNews/

Vazhdo të lexosh

Të kërkuara