

Lajmet
Kurti: Strategjia e e-Qeverisjes 2023-2027 rrit mirëqenien e qytetarëve
Kurti tha se digjitalizimi rrit transparencën dhe llogaridhënien.
Published
2 years agoon
By
UBT newsKryeministri i Kosovës, Albin Kurti u shpreh sot se Strategjia e re për e-Qeverisje 2023-2027 vendos vizionin për një administratë publike të digjitalizuar, e cila ndikon në mirëqenien e qytetarëve.
Në konferencën “Strategjia e e-Qeverisjes në funksion të përmirësimit të ofrimit të shërbimeve publike”, Kurti tha se digjitalizimi rrit transparencën dhe llogaridhënien.
Sa i takon transformimit digjital, shefi i ekzekutivit kosovar u shpreh se Kosova krahasohet me Zvicrën dhe Luksemburgun.
“Strategjia e re e e-Qeverisjes 2023-2027 që sot po e prezantojmë e vendos vizionin tonë për një administratë publike të digjitalizuar, e cila ndikon në mirëqenien e qytetarëve. Ajo, po ashtu e maksimizon efektivitetin, transparencën dhe llogaridhënien e qeverisjes si dhe ndikon pozitivisht në rritjen e qëndrueshme ekonomike të vendit… Strategjia parasheh reforma përmbajtjesore që bazohen në parimet kyçe të Komisionit Evropian për digjitalizim të shërbimeve e të cila synojnë të transformojmë mënyrën se si qytetarët ndërveprojnë me administratën publike. Një nga këto parime është ai i vendosjes së qytetarit në qendër. Kjo nënkupton dizajnimin dhe ofrimin e shërbimeve që të tilla të jenë të bazuar në nevojat e qytetarët të eliminojnë burokracinë dhe të mundësojnë qasje nga kudo dhe kurdo dhe të kursejnë kohë… Tashmë kemi mbuluar 100% të zonave të banuara me internet Kosova është në top 7 vendet në Evropë dhe krahasohet me Zvicrën dhe Luksemburgun”, tha Kurti.
Ndërsa, ministri i Punëve të Brendshme, Xhelal Sveçla theksoi se fokusi i kësaj ministrie ndër të tjerash është edhe transforimimi digjital.
Ai tha se ky transformim rrit mirëqenien e qytetarëve dhe mundëson rritje të qëndrueshme ekonomike të vendit.
“Strategjia 5-vjeçare e qeverisjes elektronike që po e diskutojmë sot ka në vizionin transformimin digjital të administratës tonë publike që maksimizon mirëqenien e qytetarit, rrit efektivitetin, transparencën dhe llogaridhënien në sektorin publik si dhe mundëson rritje të qëndrueshme ekonomike të vendit tonë. Kjo strategji e punuar mbi një analizë të mirëfilltë aktuale dhe kapaciteteve që kemi në këtë drejtim bënë më të qartë rrugën që bënë në këtë proces… Si Qeveri dhe si ministri e Punëve të Brendshme kemi miratuar një sërë dokumentesh strategjike që do i kontribuojnë procesit të digjitalizimit në tërësi”, deklaroi Sveçla.
Ndërkaq, mbasadori gjerman në Kosovë, Jorn Rohde shprehu gaditshmërinë e shtetit të tij për Kosovës për përmirësimit të digjitalizimit në Kosovë.
Ai tha se fal bashkëpunimit të tyre janë përmirësuar shërbimet publike dhe zhvillimi i biznesit dhe cilësia e jetës për të gjithë qytetarët.
Ai, moment të rëndësishëm e konsideron edhe miratimin e strategjisë së qeverisjes elektronike, e cila sipas Rohde e përafron Kosovën me anëtarësimin në BE.
“Gjermania është dhe qëndron shumë e përkushtuar për të bashkëpunuar më tej me Qeverinë e Kosovës në përmirësimin e digjitalizimit në Kosovë. Një shembull i mirë i bashkëpunimit tonë është sistemi i hartimit të ligjeve i zhvilluar në vitin 2022, i cili e bën procesin shumë intensiv, shumë efikas. Jam shumë i kënaqur të shoh se qeveria e Kosovës po ndërmerr edhe hapa të tjerë konkretë për transformimin e vendit, veçanërisht draftin e strategjisë së qeverisë, 2023-27, e cila do të çojë në arritjen e synimeve të agjendës digjitale 2030 të Kosovës…. Arsyeja pse Gjermania mbështet digjitalizimin e sektorit publik në Kosovë është edhe për shkak se ka potencial për të përmirësuar ndjeshëm jetën e njerëzve duke krijuar besim nëpërmjet transparencës, llogaridhënies, zbatimit më efikas, përmirëson ofrimin e Shërbimit Civil brenda qeverisë dhe përmirësimin e sigurisë ligjore me një synim të gjatë për t’u anëtarësuar në BE”, u shpreh ai.
Lajmet
Hoxhaj: E domosdoshme që Kosova të anëtarësohet në NATO
Published
2 hours agoon
April 4, 2025By
UBT NEWS
Në përvjetorin e 76-të të themelimit të NATO-s, ish-ministri i Jashtëm i Kosovës, Enver Hoxhaj, ka përcjellë një mesazh falënderimi dhe angazhimi, duke theksuar rolin e pazëvendësueshëm të Aleancës në historinë e Kosovës. Ai ka vlerësuar rolin historik të NATO-s në çlirimin e Kosovës në vitin 1999 dhe praninë e saj të vazhdueshme në ruajtjen e paqes dhe sigurisë në vend.
“76 vite unitet, forcë dhe siguri. Gëzuar ditëlindjen, NATO! Kosova mbetet thellësisht mirënjohëse për rolin vendimtar në çlirimin tonë më 1999 dhe për praninë tuaj të vazhdueshme në ruajtjen e paqes dhe sigurisë”, ka shkruar Hoxhaj në rrjetin social Facebook.
Ai theksoi se tani është koha e fundit dhe më se e domosdoshme që Kosova të ecë drejt anëtarësimit të plotë në NATO, duke bashkëpunuar ngushtë me shtetet udhëheqëse të Aleancës.
“Anëtarësimi i Kosovës në NATO do të ishte një kontribut i rëndësishëm për stabilitetin e qëndrueshëm në Ballkan, duke u bërë shteti i 33-të i Aleancës në një të ardhme të afërt”, ka theksuar ai.
Hoxhaj ka qenë një nga zërat më të fortë në skenën politike kosovare që ka folur për rëndësinë e anëtarësimit të plotë të Kosovës në NATO, për integrimin euroatlantik dhe fuqizimin e subjektivitetit ndërkombëtar të Republikës së Kosovës.
Lajmet
Nikaj i PDK-së kërkon heqjen e tarifave ndaj SHBA-së: Çdo vonesë është joseriozitet i Qeverisë
Published
2 hours agoon
April 4, 2025By
UBT NEWS
Bernard Nikaj, deputet i Partisë Demokratike të Kosovës (PDK), ka kërkuar që Qeveria e Kosovës të veprojë pa vonesa në heqjen e tarifës prej 10% ndaj mallrave të Shteteve të Bashkuara të Amerikës, duke theksuar se mbajtja e kësaj tarife nuk ka asnjë domethënie ekonomike dhe as arsyetim politik.
Nikaj tha se partneriteti me SHBA-në është themelor për Kosovën dhe se tarifa ndaj produkteve amerikane po dëmton interesat afatgjata të shtetit dhe po cenon lidhjet me aleatin më të fuqishëm të vendit. Ai shtoi se heqja e menjëhershme e kësaj tarife është një veprim racional dhe një sinjal i qartë politik që Kosova është e përkushtuar të thellojë marrëdhëniet me SHBA-në.
“Për Kosovën, partneriteti me Shtetet e Bashkuara të Amerikës përfaqëson një bosht strategjik dhe ekonomik të pazëvendësueshëm — shumë më të rëndësishëm sesa pesha që ka tregu i Kosovës për ekonominë amerikane. Në këtë kontekst, mbajtja e tarifës prej 10% ndaj produkteve amerikane nuk ka domethënie ekonomike, e aq më pak arsyetim politik”, tha Nikaj.
Ai theksoi se çdo vonesë në heqjen e tarifës do të interpretohej si një “mungesë vizioni dhe joseriozitet” nga ana e Qeverisë së Kosovës në raport me aleancat kyçe të vendit.
Tarifa prej 10% ndaj mallrave amerikane ishte vendosur nga administrata e ish-presidentit Donald Trump, si një masë ndaj Kosovës, megjithatë, kjo tarifë është konsideruar më e ulëta krahasuar me tarifat që SHBA-ja ka vendosur ndaj disa shteteve të tjera. Pas këtij vendimi, Presidentja e Kosovës, Vjosa Osmani, kishte kërkuar që Qeveria të veprojë për heqjen e tarifës, dhe kjo thirrje u pasua edhe nga shumë aktorë të tjerë politikë.
Gjithashtu, dje, Qeveria e Kosovës njoftoi se kishte nisur shqyrtimin e mundësisë për arritjen e një marrëveshjeje për tregtinë e lirë me Shtetet e Bashkuara, edhe para vendosjes së kësaj tarife./UBTNews/
Lajmet
Presidentja Osmani takoi presidentin e Kroacisë: Kroacia, aleate e çmuar në fushën e mbrojtjes dhe sigurisë rajonale
Published
2 hours agoon
April 4, 2025By
UBT NEWS
Presidentja e Republikës së Kosovës, Vjosa Osmani, e cila po qëndron në Bullgari për të përfaqësuar Republikën e Kosovës në Takimin e nivelit të lartë të Procesit Aqaba për Ballkanin III, ka realizuar një takim me Presidentin e Kroacisë, Zoran Milanoviq.
Në këtë takim, Presidentja Osmani theksoi rëndësinë e bashkëpunimit të ngushtë mes Kosovës dhe Kroacisë, duke e cilësuar Kroacinë si një aleate të çmuar të Kosovës, veçanërisht në fushën e mbrojtjes dhe sigurisë rajonale. Ajo u shpreh se Kosova ka ndihmuar në konsolidimin e sigurisë dhe stabilitetit në rajon përmes bashkëpunimit të ngushtë me shtete të tilla si Kroacia, dhe se ky partneritet ka qenë shumë i rëndësishëm për forcimin e kapaciteteve mbrojtëse dhe të sigurisë për të dyja vendet.
“Me Kroacinë mbetet një bashkëpunim i shkëlqyer në fushat e mbrojtjes, ekonomisë dhe të tjera. Ky raport është i bazuar në besim reciprok, dhe kjo është arsyeja pse Kosova e konsideron Kroacinë si një mbështetës të fuqishëm dhe të besueshëm”, tha Presidentja Osmani pas takimit.
Ajo gjithashtu i përcolli urimet më të përzemërta Presidentit Milanoviq për rizgjedhjen e tij në këtë post, duke e cilësuar atë si një mik të çmuar dhe mbështetës të fuqishëm të Kosovës në periudha të ndryshme.
Në një postim në llogarinë e saj në rrjetet sociale, Presidentja Osmani theksoi se miqësia dhe bashkëpunimi me Kroacinë janë një burim i forcës për Kosovën, dhe se me aleatë të tillë, vendi do të bëhet çdo ditë e më i fortë dhe më i qëndrueshëm në sfidat e sigurisë dhe zhvillimit.
Takimi me Presidentin Milanoviq është një vazhdim i marrëdhënieve të ngushta dhe të shëndetshme mes dy shteteve, të cilat janë të përkushtuara të rrisin bashkëpunimin në të gjitha fushat e mundshme, përfshirë ato strategjike dhe diplomatike./UBTNews/
Bota
Trump shkarkon kreun e Agjencisë së Sigurisë Kombëtare, Gjeneralin Timothy Haugh
Published
2 hours agoon
April 4, 2025By
UBT NEWS
Administrata e Presidentit Donald Trump ka shkarkuar Gjeneralin Timothy Haugh, kreun e Agjencisë së Sigurisë Kombëtare (NSA) dhe të Komandës Kibernetike të SHBA-së, një vendim që ka shkaktuar diskutime dhe shqetësim mes zyrtarëve dhe politikës amerikane.
Arsyet e shkarkimit nuk janë bërë të qarta, por ky hap ka pasuar një takim të mërkurën mes Trumpit dhe aktivistes së ekstremit të djathtë, Laura Loomer. Raportohet se Loomer ka nxitur presidentin të largojë disa zyrtarë që ajo dyshonte se nuk mbështesnin agjendën e tij. Në një postim në platformën X, Loomer e ka quajtur Gjeneralin Haugh dhe zëvendësuesen e tij, Wendy Noble, “të pabesë” ndaj presidentit, duke e konsideruar këtë si shkakun kryesor të largimit të tyre.
Në një deklaratë për mediat, Trump ka thënë se do të largohet çdo punonjës që nuk është besnik ndaj tij, duke shtuar: “Ne gjithmonë do të largojmë njerëz – ata që nuk i pëlqejmë ose që përfitojnë, ose që mund të kenë besnikëri ndaj dikujt tjetër.” Ky koment është bërë ndërkohë që qarkullonin lajme për shkarkimin e të paktën tre zyrtarëve të tjerë nga Këshilli i Sigurisë Kombëtare të Shtëpisë së Bardhë, pas takimit me Loomer.
Agjencia e Sigurisë Kombëtare dhe Shtëpia e Bardhë kanë refuzuar të komentojnë në lidhje me shkarkimet, duke e referuar çështjen tek Zyra për Marrëdhënie me Publikun e Sekretarit të Mbrojtjes, e cila gjithashtu ka refuzuar të japë më shumë detaje.
Demokratët kryesorë në komitetet e inteligjencës të Dhomës së Përfaqësuesve dhe Senatit kanë shprehur shqetësim për këtë vendim. Përfaqësuesi Jim Himes dhe Senatori Mark Warner e kanë kritikuar shkarkimin, duke thënë se Haugh ka qenë një udhëheqës i ndershëm dhe të drejtë, dhe se mund të ishte pikërisht kjo integriteti që ka çuar në largimin e tij nga administrata Trump.
Në një deklaratë për CBS, Himes tha se ishte “thellësisht i shqetësuar” për shkarkimin, duke shtuar se Gjenerali Haugh ka vendosur sigurinë kombëtare në prioritet dhe ka ndjekur ligjin.

Mel Gibsonit i është hequr patenta e armës për shkak të dhunës në familje

Hoxhaj: E domosdoshme që Kosova të anëtarësohet në NATO

Nikaj i PDK-së kërkon heqjen e tarifave ndaj SHBA-së: Çdo vonesë është joseriozitet i Qeverisë

Presidentja Osmani takoi presidentin e Kroacisë: Kroacia, aleate e çmuar në fushën e mbrojtjes dhe sigurisë rajonale

Trump shkarkon kreun e Agjencisë së Sigurisë Kombëtare, Gjeneralin Timothy Haugh

Detaje mbi grumbullimin e forcave amerikane në Lindjen e Mesme

Putini i detyrohet SHBA-së një përgjigje”, Britania e Franca kritikojnë Rusinë

Trump: Irani dëshiron bisedime të drejtpërdrejta me SHBA-në

Granit Xhaka, ‘Mbreti’ i pasimeve në Bundesligë
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota3 months ago
Trump zbulon listën e zezë të Shtëpisë së Bardhë