Lajmet

​Kurti: Serbia po sillet si “Rusi e vogël”

Published

2 years ago

on

Kryeministri i Kosovës Albin Kurti, ka folur sërish sot për aktin e agresionit në Banjskë të Zveçanit. Në krye dhe prapa këtij sulmi, Kurti shtoi se është presidenti i Serbisë, ku shtoi se përpara janë kriminelët. Sipas tij, Serbia po sillet si “Rusi e vogël”. Kështu u shpreh Kurti gjatë vizitës zyrtare në Austri në një intervistë për ORF-në, ku ka dhënë një intervistë për ORF-në, mediumin shtetëror në këtë vend.

Ai foli sërish për agresionin serb të datës 24 shtator në Banjskë të Leposaviqit, ku u vra rreshteri i policisë së Kosovës, Afrim Bunjaku.

“Dhjetëra terroristë paramilitarë erdhën nga Serbia dhe vranë rreshterin e Policisë së Kosovës, Afrim Bunjaku, në Zveçan, në komunën veriore të Republikës së Kosovës dhe ata sollën me vete pajisje të shumta ushtarake dhe municione. Vlera e tyre është mbi 5 milionë euro, të prodhuara në Serbi në dy fabrika, Sloboda dhe Zasrava arms në vitet e fundit”, tha Kurti në këtë intervistë.

Shefi i ekzekutivit theksoi se sulmi është organizuar nga ish-numri dy i Listës Serbe, Milan Radoiçiq, të cilin e ka pranuar vetë ai.

“Është parë shumë shpesh të ulet pranë presidentit Vuçiq “në takime të nivelit të lartë në Beograd”, theksoi Kurti.

Albin Kurti shtoi se prapa këtij agresioni qëndron presidenti i Serbisë Aleksandar Vuçiq.

“Disa ditë pas këtij sulmi terrorist ai u arrestua në Serbi dhe u lirua brenda disa orësh. Presidenti i Serbisë është në krye dhe mbrapa këtij sulmi derisa përpara janë kriminelët që i njohin nga krimi i organizuar në Veri dhe në kufirin tonë me Serbinë”, tha ai.

Kurti tha se agresioni duhet të dënohet nga Bashkimi Evropian dhe Shtetet e Bashkuara të Amerikës.

“Shenjat e Serbisë janë gjithandej në këtë akt agresioni dhe duhet të dënohet nga anëtarët e BE dhe SHBA-të pasi nuk ka asnjë dyshim që sulmi nuk ishte se qytetarët kapën armët apo fenomen spontan”, theksoi Kurti.

Shefi i qeverisë kosovare tha se Serbia po sillet sikur një “Rusi e vogël”.

“Serbia ka 48 baza operuese rreth Kosovës, 28 prej tyre ushtarake, 20 xhandarmëri, në secilën prej tyre janë 50 deri në 150 trupa, janë si patkua rreth vendit tonë. Dhe kur kanë vendosur barrikada në veri, njerëz me maska dhe uniforma, kanë pasur edhe shenja të ‘Wagnerit’ dhe ‘Ujqërve të Natës’, ata komunikojnë dhe bashkëpunojnë me këto dy organizata terroriste nga Federata Ruse, dhe padyshim Serbia për të krijuar Serbinë e madhe në Ballkan sillet si një Rusi e vogël… Serbia e di që s’mund ta ketë të gjithë Kosovën por i janë vënë pas pjesës sonë veriore të territorit, ku shumica e strukturave ilegale janë prezente për më shumë se 24 vjet që nga përfundimi i luftës. Serbia nuk dëshiron paqe në rajon, nuk dëshiron të anëtarësohet në NATO dhe BE, dhe dëshiron ta destabilizojë vendin tonë dhe të marrë territor që ta kompensojë humbjen e luftërave çerek shekulli më parë”, përfundoi ai.

Related Topics:
Continue Reading

Lajmet

Shqipëri: Policia bllokon rrugët, 1300 efektivë në gatishmëri para godinës së Kryeministrisë

Published

54 minutes ago

on

February 10, 2026

By

Partia Demokratike mban sot protestën e tretë kombëtare, për të cilën policia dhe autoritetet përkatëse kanë marrë të gjitha masat për mbarëvajtjen e saj.

Nisur nga fakti që në protestën e fundit të organizuar nga opozita pati akte të cilat cenuan rendin dhe sigurinë publike, ku u lënduan disa punonjës policie, u arrestuan 18 persona dhe u shpallën në kërkim 17 të tjerë, policia ka rishikuar planin e masave me më shumë detaje ku gjatë ditës së sotme pritet të zbresin në terren 1300 forca policore nga të gjitha strukturat, të cilat do të përqendrohen kryesisht në bulevardin “Dëshmorët e Kombit” ku shtrihen institucionet kryesore dhe Kryeministria, ku do jetë dhe pikënisja e protestës.

Siç është konstatuar nga protestat e mëparshme që pasi kryejnë pjesën kryesore të protestimeve para Kryeministrisë turmat e protestuesve bëjnë një tur deri në selinë e tyre, policia ka marrë masa të shtuara edhe në institucione të tjera.

Nga ana tjetër do të ketë edhe bllokim të rrugëve në zbatim të këtij plani masash i cili ka nisur të zbatohet që prej mesnatës, ku është ndaluar parkimi në bulevard, ku ka pasur edhe një bllokim të pjesshëm që prej orës 12 të mesditës për vendosjen e skenës ku do të mbahen fjalimet politike.

Ndërkohë për objektin e Kryeministrisë janë marrë të gjitha masat, janë vendosur kordonët metalikë, përforcuesit për dyert si dhe gjatë gjithë bulevardit ka kamera me rezolucion të lartë, të cilat do të monitorojnë mbarëvajtjen e protestës. Aktiv do jetë edhe plani anti-tubim, ku do të ketë të angazhuar para Kryeministrisë autobotët ujëhedhës ashtu dhe zjarrëfiksja nëse përdorimi i tyre do të jetë i nevojshëm. /Top Chanel/

Continue Reading

Lajmet

Basha fton në takim kryetarët e partive parlamentare për konstituimin e Kuvendit

Published

2 hours ago

on

February 10, 2026

By

Kryetari i Kuvendit të Kosovës, Dimal Basha, sot në orën 17:00, do të zhvillojë takim me kryetarët e subjekteve politike për seancën konstituive.

Në këtë takim do të diskutohet rreth përgatitjes për seancën konstituive të Legjislaturës X të Kuvendit të Republikës së Kosovës. Ky takim vjen pas caktimit të seancës konstituive nga Presidentja Vjosa Osmani.

Seanca për konstituimin e Kuvendit është thirrur më 11.02.2026, në orën 12:00.

Në njoftimin e Presidencës është bërë e ditur se: “Duke pasur parasysh urgjencën e krijimit të institucioneve, miratimit të buxhetit dhe marrëveshjeve ndërkombëtare, në përputhje me Kushtetutën dhe legjislacionin në fuqi, Presidentja ka vendosur që seancën konstituive të Kuvendit ta ftojë për nesër, më 11.02.2026, në orën 12:00”.

Continue Reading

Lajmet

Osmani cakton datën për konstituimin e Kuvendit

Published

4 hours ago

on

February 10, 2026

By

Presidentja e Kosovës, Vjosa Osmani-Sadriu, pas konsultimit me shumicën e partive parlamentare në Kuvend, ka thirrur seancën konstituive më 11.02.2026, në orën 12:00.

Në njoftimin e Presidencës është bërë e ditur se “duke pasur parasysh urgjencën e krijimit të institucioneve, miratimit të buxhetit dhe marrëveshjeve ndërkombëtare, në përputhje me Kushtetutën dhe legjislacionin në fuqi, Presidentja ka vendosur që seancën konstituive të Kuvendit ta ftojë për nesër, më 11.02.2026, në orën 12:00”.

Në zgjedhjet e mbajtura më 28.12.2025, Lëvizja Vetëvendosje (LVV) si partia e parë me më së shumti vota do të ketë 57 deputetë, Partia Demokratike e Kosovës (PDK) 22, Lidhja Demokratike e Kosovës (LDK) 15 dhe Aleanca për Ardhmërinë e Kosovës (AAK) 6.

Nga 120 deputetët që përbëjnë Kuvendin e Kosovës, 20 janë të garantuara me Kushtetutë për komunitetet joshumicë që jetojnë në vend.

Continue Reading

Lajmet

Hagë: Dita e dytë e deklaratave përfundimtare (Lajm në zhvillim)

Published

4 hours ago

on

February 10, 2026

By

Laws: Njerëzit u rrëmbyen mbi bazën e thashethemeve

Mbrojtësi i viktimave, Simon Laws gjatë deklaratës së tij përfundimtare në gjykimin ndaj krerëve të UÇK-së, ka thënë se nuk ka pasur përpjekje serioze për identifikimin e personave që ishin bashkëpunëtor.

“Nuk janë bërë përpjekje serioze për të identifikuar së cilët persona ishin bashkëpunëtor, njerëzit janë rrëmbyer mbi bazën e asaj që ishte thjeshtë një thashetheme. Është e vështirë të besosh që dikush mund të humbasë lirin e më pas jetën me një bazë të tillë”, tha mbrojtësi Laws.

Megjithatë, ai shtoi se shumë prej viktimave u keqtrajtuan dhe se nuk pati një proces të drejt ligjor.

“Nuk pati absolutisht proces të drejtë ligjor e që në fakt është fillimi i hetimit të një akuze”, tha ai

 

Prokuroria: Veseli nuk i parandaloi krimet

Gjatë fjalëve përfundimtare në procesin gjyqësor ndaj Kadri Veselit, prokurori Matt Halling deklaroi se mosangazhimi i Veselit për të parandaluar dhe ndëshkuar krimet përbën një nga elementet të aktakuzës ndaj tij.

Sipas Halling, Veseli, në rolin e tij në Shtabin e Përgjithshëm nuk ka përmbushur detyrimet si epror përgjegjës, pavarësisht faktit se në periudha të caktuara nuk ka qenë i pranishëm në Kosovë.

“Mosangazhimi i Kadri Veselit për të parandaluar dhe për të ndëshkuar krimet në rolin që ka mbajtur është një kontribut që i takon aktakuzave të ngritura. Mungesa e tij në Kosovë nuk e ndryshon situatën, pasi Veseli mund të ushtronte kompetencat e tij në Kosovë, kudo që të ishte dhe kurdo që të dëshironte,” tha prokurori Matt Halling.

 

Opinionet e mbrojtjes së Thaçit nuk kanë peshë

Prokurori Matt Halling gjatë fjalës përfundimtare para trupit gjykues në Hagë ka folur për mbrojtjen e Thaçit, duke thënë se dëshmitarët nuk kishin informacione bazë dhe se opinionet e tyre nuk duhet marrë parasysh.

“Mbrojtja e Thaçit mbështete në përshtypjet e dëshmitarëve të vetë (Wesley Clark dhe James Rubin), por ata nuk kishin informacionet bazë për t’u marrë parasysh dhe rrjedhimisht këto opinione nuk duhen të kenë asnjë peshë. Mbrojtja  e Thaçit pretendon se nuk kishte asnjë detyrim t’u referonte krimeve ndërkombëtarëve sepse ata tashme ishin në dijeni”, ka thënë prokurori i Zyrës Speciale.

Tutje, Matt Halling deklaron se Thaçi ishte i aftë të “maskonte” realitetin dhe  kjo ka ndikuar në botëkuptimin e dëshmitarëve për ta kuptuar të vërtetën.

“Ajo që nuk kuptojnë James Rubin, Wesley Clark dhe ndërkombëtarë të tjerë është që Thaçi ishte i aftë të maskonte atë që po ndodhte në realitet dhe kjo ndikoi në botëkuptimin e tyre për të kuptuar vërtet se si funksiononte UÇK-ja. Veçanërisht Rubin dhe Clark treguan se nuk kishin asnjë interes për të kuptuar çfarë ndodhte në realitet dhe besonin se puna e tyre ishte në anën e duhur të historisë dhe nuk u përballën me atë çka po dëgjon tashmë ky trup gjykues”, sipas Halling

Ish-zëdhënësi i Stejt Departamentit, James Rubin, si dhe komandanti i NATO-s, Wesley Clark, me dëshmitë e tyre, i kanë dhënë vulën mbrojtjes së luftës së drejtë të UÇK-së dhe drejtuesve të saj. Ndaj, prokuroria po i sulmon dëshmitë e tyre me kaq ngulm.

Continue Reading

Të kërkuara