Lajmet

Kurti premton mbulueshmëri e modernizim të rrjetit 4 e 5G në muajt e ardhshëm

Kështu u tha pas vizitës në Telekomin e Kosovës.

Published

on

Kryeministri i Republikës së Kosovës, Albin Kurti dhe Ministrja e Ekonomisë, Artane Rizvanolli, kanë vizituar këtë të premte Telekomin e Kosovës me rastin e përfundimit të vitit 2023. Nga aty u raportua për arritjet në Telekomin e Kosovës.

Kryeministri Kurti tha se para dy viteve ka qenë këtu me ministrin e ekonomisë, Hekuran Murati dhe që nga ajo kohë ka pasur ndryshime të mëdha.

“Ne i premtuam mbështetje të parezervë brodit të Telekomit që ta vazhdojnë procesin e rimekëmbjes, ndërsa sot dy vjet më vonë po festojmë duke i parë rezultatet e reja”, deklaroi Kurti.

Ai shtoi se me kredinë prej 20 milionë eurosh janë duke u bërë ndryshime në centralin bërthamor, si dhe antenta BTS shtesë në rajonin e Gjilanit dhe Ferizajit. Kurti tha se ato mjete po vazhdohen të përdoren duke dalë në fitim Telekomi.

“Shërbimet fikse janë zgjeruar në zona të stacioneve policore, e që pritet të shohim vitin tjetër edhe në Mitrovicë. Nga janari deri në nëntor kemi pasur fitim prej 5.9 milionë euro, me 5%. Është inspiruese të shohim se si një kompani me humbje prej 10 viteve fiton kështu e kjo do te kthehet në të mira me synim shtrirjen në gjithë vendin, me mbështetje të plotë nga Qeveria”, deklaroi kryeministri Kurti.

Ai tha se përkushtimi tregohet edhe nga pagesat e kompanise e bëra me kohë, ku dy projekte të mëdha si modernizimi i rrjetit mobil me 4G e 5G do të bëhet pas muajve të ardhshem.

“Telekomi ka bërë një tranformim të shkëlqyer duke treguar se qyetarët do të mbulohen me mjaftueshmeri rrjeti për qka edhe zotohem se me ministren Rizvanolli e bordin e Telekomit do të krijojmë mjedis inovativ e të përparuar”, përfundoi Kurti.

Ministrja e Ekonomisë, Artane Rizvanolli deklaroi se vizionin për këto arritje e kishin para dy viteve kur bisedonin për sfidat e Telekomit.

“Me një kompani suedezo-kroate kemi nënshkruar marrëveshje prej 5 milionë eurosh e cila do të punësojë deri në 30 persona gjatë viteve të ardhshme, për softëer, siç bëhet në Amerikë e vende tjera”, deklaroi Rizvanolli.

Ajo tha se Telekomi po tregon që me investime po jep indirekt rezultate.

“Jam shume lumtur që po takohemi në një situatë tjetër kur investimet kanë filluar të realizohen, Gjilani e Ferizaji janë mbuluar me antena të reja e rrjet më të mirë, si në fshatra, katër komuna veriore ku policia është dashur të shfrytëzojë telefonat të kolegëve serb e tani kemi mbulueshmëri të mirë”, shtoi ajo.

Ajo u shpreh e lumtur për performancë financiare si një burim i investimeve të vazhdueshme që do të ndodhin në vazhdim duke thënë se Telekomi po jep shembull të mirë edhe tek institutucionet tjera.

Vendi

Vdes një 26-vjeçare në Prizren, gjendja iu përkeqësua papritur gjatë intervistimit në Polici

Published

on

By

Një 26-vjeçare me inicialet B. H. ka humbur jetën në orët e para të së hënës në Prizren, pasi gjendja e saj shëndetësore është përkeqësuar papritur gjatë intervistimit nga hetuesit policorë.

Sipas të dhënave fillestare, e reja po intervistohej nga zyrtarët e Drejtorisë për Hetimin e Trafikimit me Narkotikë (DHTN) kur i është keqësuar gjendja. Pas kërkimit të ndihmës, ekipi i urgjencës i ka dhënë trajtimin e parë mjekësor dhe e ka dërguar në Spitalin Rajonal të Prizrenit. Megjithatë, ajo ka ndërruar jetë pak minuta pas pranimit në spital, ndërsa Policia është njoftuar rreth orës 01:30.

Në vendin e ngjarjes kanë dalë njësitë rajonale të hetimeve dhe kriminalistika për të dokumentuar rastin. Me urdhër të Prokurorisë, trupi i pajetë është dërguar për obduksion në Institutin e Mjekësisë Ligjore. Rasti është iniciuar si “Hetim i vdekjes”, ndërsa hetuesit po punojnë për të zbardhur shkakun dhe rrethanat e plota të kësaj ngjarjeje. /E.A/

Continue Reading

lajme

Operacioni “Heshtja”: Goditet grupi kriminal i kokainës në Prishtinë, arrestohen 6 persona dhe sekuestrohen mbi 300 mijë euro drogë e asete

Published

on

By

Policia e Kosovës, përkatësisht Drejtoria për Hetimin e Trafikimit me Narkotikë (DHTN) – Sektori Qendror, në bashkëpunim të ngushtë me Agjencinë e Kosovës për Inteligjencë (AKI), ka goditur një grup të organizuar kriminal që dyshohet për trafikim dhe shpërndarje të kokainës. Operacioni i gjerë policor, i koduar “Heshtja”, është realizuar më 14 nëntor në rajonin e Prishtinës, pas një hetimi të gjatë të zhvilluar përmes masave të veçanta hetimore.

Sipas Policisë, hetimet kanë zbardhur funksionimin e këtij grupi me strukturë të organizuar dhe nivele të qarta hierarkike, duke nisur nga personat e dyshuar në nivel drejtues e deri te shpërndarësit e narkotikëve në rrugë. Gjatë aksionit antidrogë – të asistuar nga Njësia e Reagimit të Shpejtë, patrullat policore të kryeqytetit, Njësia e Forenzikës dhe Njësia K9 – janë bastisur disa lokacione, me ç’rast janë arrestuar gjashtë persona të dyshuar, ndërsa një tjetër është liruar në procedurë të rregullt.

Në cilësi të provave materiale, gjatë operacionit janë gjetur dhe sekuestruar: Rreth 1.6 kilogramë kokainë, sasi të tjera të dyshuara të marihuanës, një substancë e panjohur dhe tableta të dyshuara të ekstazisë; Rreth 16 mijë euro para të gatshme në valuta të ndryshme (euro, franga zvicerane, funta britanike, dollarë kanadezë dhe lekë shqiptarë); Gjashtë vetura të markave luksoze dhe të ndryshme, përfshirë Mercedes-Maybach, Mercedes GLE, Porsche, Audi dhe VW Tiguan; Ora luksoze të markave Rolex dhe Franck Muller, si dhe stoli të çmuara; Një armë zjarri, municion, thika, peshore digjitale dhe pajisje për paketimin e narkotikëve; Telefona mobilë, pajisje elektronike, të komunikimit dhe të vëzhgimit, si dhe dokumente e shënime të ndryshme.

Bazuar në çmimin e tregut të rrugës, vetëm sasia e kokainës së sekuestruar vlerësohet rreth 111 mijë euro, ndërsa vlera e përgjithshme e drogës dhe aseteve të sekuestruara arrin në rreth 301 mijë euro.

Të gjitha veprimet janë ndërmarrë në koordinim me Prokurorinë Themelore në Prishtinë – Departamenti për Krime të Rënda. Me vendim të Prokurorit të Shtetit, gjashtë të dyshuarit janë dërguar në ndalim policor për 48 orë, ndërsa hetimet po vazhdojnë. Policia e Kosovës ka rikonfirmuar përkushtimin e saj për luftimin e trafikimit të narkotikëve dhe goditjen e grupeve kriminale në të gjitha nivelet, me qëllim ruajtjen e rendit dhe sigurisë publike. /E.A/

 

Continue Reading

lajme

Rita Ora bëhet pjesë e filmit të ri fantastiko-shkencor “The Signalers”

Published

on

By

Artistja shqiptare me famë botërore, Rita Ora, do të jetë pjesë e kastit të filmit të ri fantastiko-shkencor dhe thrillerit aventuresk “The Signalers”. Sipas revistës Variety, ajo do të ndajë ekranin me aktorin Tom Hopper, i njohur për rolet në serialet “The Umbrella Academy” dhe “The Terminal List”, si dhe me aktoren e re Mila Harris, e cila po shënon ngritje në Hollywood përmes projekteve “No Exit” dhe “Mary”.

Në kastin e këtij projekti janë përfshirë gjithashtu Missi Pyle (“Galaxy Quest”) dhe Nolan North (“Uncharted”), ndërsa në role mbështetëse do të paraqiten edhe Paulina Alvarez, David Silverman dhe Wolfgang Fiegl. Filmi, i cili është projekt i kompanisë Gramercy Park Media, tashmë ka nisur xhirimet. Skenarin e ka shkruar Cate Carson, e cila ka një të kaluar si detektive dhe specialiste e inteligjencës ushtarake, ndërsa regjinë e mban Gille Klabin, i njohur për filmin “The Wave”.

Ngjarja e filmit përqendrohet te një kontrollor i trafikut ajror (Tom Hopper), i cili punon në një zonë të izoluar, dhe mbesa e tij (Mila Harris), me të cilën ka një marrëdhënie të shkëputur. Jeta e tyre merr një kthesë të pazakontë kur zbulojnë një sinjal të pashpjegueshëm në thellësi të një zone të egër në Kanada, i cili shkakton fenomene të çuditshme e të rrezikshme dhe i shtyn të nisin një udhëtim për të zbuluar origjinën e tij.

Gjatë kërkimeve, ata hasin në një grup shkencëtarësh hulumtues, rolet e të cilëve luhen nga Rita Ora dhe Missi Pyle, që po ashtu janë në gjurmët e këtij fenomeni. Megjithatë, përpjekjet e tyre i çojnë pa dashje drejt zbulimit të një force të jashtëtokësore të varrosur prej kohësh, e cila nis të zgjohet rreth tyre. /E.A/

 

Continue Reading

Lajmet

Marta Kos shpreh keqardhje për këngën nacionaliste serbe në Bruksel, fajëson muzikantët

Published

on

By

Komisionerja për Zgjerim, Marta Kos, ka shprehur keqardhjen për lëshimin e muzikës së këngës nacionaliste serbe gjatë koncertit të organizuar në prag të “Forumit të Zgjerimit” në Bruksel, duke ua lënë fajin muzikantëve për përzgjedhjen e melodisë.

Kos ka theksuar se kjo këngë nuk pasqyron në asnjë mënyrë qëndrimet e Komisionit Evropian dhe se institucionet evropiane janë të vetëdijshme për sakrificat e njerëzve në atë rajon në të kaluarën.

“Shpreh keqardhje për përzgjedhjen e këngës nga ana e muzikantëve. Kjo këngë në asnjë mënyrë nuk paraqet qëndrimet e Komisionit Evropian”, ka deklaruar Kos.

Duke folur më tej për nevojën e pajtimit rajonal pa e harruar të kaluarën, komisionerja shtoi se synohet ndërtimi i një Evrope ku dallimet nuk e pengojnë zhvillimin.

“Nuk po kërkojmë të harrohen dallimet, por po ndërtojmë një Evropë ku dallimet nuk do të jenë arsye për të penguar të ardhmen”, ka thënë ajo.

Ndërkohë, lidhur me vërejtjen e KOHËS se pse për të dytën herë me radhë askush nga Kosova nuk është ftuar në këtë ngjarje të rëndësishme, Kos e ka kundërshtuar këtë, duke thënë se “ky konstatim nuk është i vërtetë” dhe ka përmendur se si pjesëmarrëse është ftuar Donika Emini nga shoqëria civile. /KOHA/

Continue Reading

Të kërkuara