

Lajmet
Kurti për vizitën e Kasanof: Të kemi durim deri nesër se çfarë mund të presim prej tij
Published
11 months agoon
By
UBTNewsKryeministri i Kosovës, Albin Kurti ka thënë se Kosova promovon tregtinë e lirë dhe se masat e vendosura ndaj Serbisë janë të sigurisë dhe assesi tregtare. Ai tha lejimi i hyrjes së mallrave serbe në të gjitha pikat kufitare do të bëhet porsa të vijnë skanerët e premtuar nga evropianët dhe amerikanët. Kreu qeveritar theksoi se mallrat serbe mund të hyjnë në Kosovë vetëm përmes pikës kufitare në Merdarë, në kuadër të kontrollit të detajuar të doganierëve.
Kurti në konferencë për media pas mbledhjes së qeverisë, foli për vizitën e nesërme në Kosovë të emisarit amerikan në Kosovë, Alexandër Kasanof, takimin e sotëm të CEFTA-s, largimin e masave të BE-së, arrestimet e djeshme në Ministrinë e Planifikimit Hapësinor, Ambientit dhe Infrastrukturës, aksidentin e zëvendësministrit të Zhvillimit Rajonal, Ali Tafarshiku si dhe bisedave të publikuara të shefes së Grupit Parlamentar të LVV-së, Mimoza Kusari-Lila dhe ndërmjet Milan Radoiçiq.
“Natyrisht se ne nuk kemi mundur të hapim kufirin në të gjitha pikat kufitare, ndërkohë nuk kemi marrë ende skanerët, që edhe duam t’i blejmë por edhe na kanë premtuar evropianët dhe amerikanët. Ndërkohë çfarë kemi bërë ne është se kemi hapur një pikë të kufirit meqë rast kjo është në Merdarë pasi terminali doganor është vetëm 300 metra larg pikës kufitare, ku lejohen mallrat por me kontroll të shtuar. Pra bëhet fjalë për masa të sigurisë, kurrsesi për masa tregtare që janë përpjekur disa të na veshin”, tha Kurti.
I pyetur për vizitën e Kasanof në Kosovë dhe pritjet për një intensifikim të dialogut gjatë vjeshtës, Kurti tha se “ajo çfarë mund të presim prej tij duhet të kemi durim deri në takimin e nesërm”.
“Do ta mirëpresim zyrtarin e lartë të Departamentit Amerikan të Shtetit këtu në Prishtinë. Ju e dini se ai është në vend të Gabriel Escobar dhe tash edhe me Alexandër Kasanof besoj se do të vazhdojmë bashkëpunimin tonë. Se çfarë mund të presim prej tij, besoj se duhet të kemi durim për 24 orë”, shtoi ai.
Duke folur për masat e BE-së ndaj Kosovës, ai tha se të njëjtat tashmë janë bërë absurde dhe se duhet të hiqen sa më parë.
“Ne vazhdimisht kërkojmë heqjen e masave ndëshkuese ndaj Kosovës të cilat datojnë që nga qershori i vitit të kaluar. Ato masa s’kanë qenë të drejta asnjëherë dhe tash janë bërë absurde pasi vet përfaqësuesi i lartë i BE-së, Josep Borrell i ka shkruar letër 27 vendeve të BE-së që masat duhet të hequr”, deklaroi Kurti.
Sa i përket arrestimeve të djeshme në MMPHI, Kurti tha se s’ka informacion për çfarë janë arrestuar, mirëpo shtoi se zyrtari i arrestuar Izedin Bytyçi është në institucione se 20 vite.
“Së pari ministria nuk është e Liburn Aliut. Librun Aliu s’ka ministri, ai vet është ministër në Ministrinë e Planifikimit Hapësinor, Ambientit dhe Infrastrukturës, ndërsa ministria është në kuadër të Qeverisë. Të gjithë jemi punëtorë, nuk jemi pronarë asnjëri, jemi shërbyes. Fjala ministër vjen prej latinishtes që i bien shërbëtorë, prandaj s’jemi pronar që të thuhet ministria e atij apo këtij. Kjo s’është dashur të jetë asnjëherë por ndoshta për shkak të së kaluarës pasi edhe ashtu janë sjell dhe kanë ngelur këto keqkuptime. Personi i parë i arrestuar është një zyrtarë i cili punon në institucionet e Kosovës që prej dy dekadash. Unë s’kam informacion se për çfarë janë hetuar, arrestuar dhe përndjekur. Nuk e di këtë gjë. Besoj se gjithçka do të sqarohet pasi drejtësia do të veprojë. Por nuk mundem në kushtet kur mungon informacioni përveç imazhet që shfaqen në media tonë të jap gjykime përmbajtjesorë”, theksoi Kurti.
Ai tha se Kosova po përfaqësohet në CEFTA nga ministrja e Industrisë, Ndërmarrësisë dhe Tregtisë, Roezeta Hajdari.
“Në mbledhjen që po zhvillohet në CEFTA mesa jam në dijeni kjo është mbledhje online dhe aty merr pjesë ministrja Rozeta Hajdari. Mbledhja do të vazhdojë për disa orë pasi ka shumë pika në rend të ditës”, tha ai.
Ndërkaq, sa i përket aksidentit ku u përfshi zëvendësministri i Zhvillimit Rajonal, Ali Tafarshiku, kreu qeveritar tha se organet e rendit janë duke e hetuar rastin, teksa shprehu keqardhje për ndodhinë.
“Sa i përket aksidentit që ka ndodhur janë organet e rendit, institucionet përkatëse të shtetit tonë të cilat hetojnë dhe procedura vazhdon. Mua më vjen keq për atë çka ka ndodhur, besoj se njëjtë ndjehet edhe zëvendësministri. Shumë shpejtë do të merren hapat në vijim, por na duhet të jemi të përqendruar tek i lënduari dhe tek lejimi i organeve të rendit të bëjnë punën e tyre në mënyrë profesionale”, tha ai.
Derisa u pyet rreth bisedave të publikuara të shefes së Grupit Parlamentar të LVV-së, Mimoza Kusari-Lila dhe ndërmjet Milan Radojiçiq, Kurti tha se nuk i ka dëgjuar të njëjtat, derisa theksoi se tash do të intensifikohet lufta hibride kundër qeverisë dhe grupit të tyre parlamentar.
“Ju porsa thatë se në këto momente paska pasur ndonjë publikim, kështu që në këto momente s’kam as të shoh as të dëgjojë. Por përshtypja ime është se tash do të intensifikohet lufta hibride kundër Kosovës dhe në veçanti kundër qeverisë sonë, grupit tonë parlamentar dhe kryetares së grupit parlamentar. Këtë e kemi pa edhe në të kaluarën”, përfundoi Kurti.
Aktualitet
OEK: Gjykata Supreme shqyrton padinë kundër ZRrE për tregun e lirë të energjisë
Published
8 minutes agoon
August 29, 2025By
UBT News
Oda Ekonomike e Kosovës, ka njoftuar se Gjykata Supreme do ta trajtojë padinë kundër Zyrës së Rregullatorit për Energji për tregun e lirë të energjisë.
“Oda Ekonomike e Kosovës njofton se Gjykata Supreme ka vendosur që padia e ushtruar nga OEK ndaj Zyrës së Rregullatorit për Energji (ZRrE), lidhur me daljen e detyrueshme në tregun e lirë të energjisë, do të procedohet dhe do të shqyrtohet për vendim meritor. Tashmë është caktuar kolegji i gjyqtarëve i cili do ta trajtojë padinë ndaj ZRrE”, njofton OEK.
OEK thotë se kanë pritje që gjykata të vendosë brenda afatit 60 ditorë dhe ‘të anulojë aktet nënligjore të ZRRE’së”.
Përkundër që kërkesa për vendosjen e masës së përkohshme për pezullimin e vendimit nuk është aprovuar, me arsyetimin se akti “Njoftimi i ZRrE-së” nuk i plotëson kriteret e një akti nënligjor normativ, çështja do të shqyrtohet në mënyrë meritore për të gjitha aktet nënligjore të ZRrE-së, përveç këtij njoftimi, sipas afateve ligjore.
Andaj, pritjet e Odës Ekonomike të Kosovës janë që gjykata të vendosë brenda afatit 60 ditor nga dita e parashtrimit të padisë, siç e parasheh ligji dhe të anulojë të gjitha aktet nënligjore të ZRrE-së me të cilat janë përcaktuar kriteret për daljen në tregun e lirë,” thuhet në këtë njoftim.
“Pavarësisht se masa e përkohshme e sigurisë nuk është aprovuar, Oda Ekonomike e Kosovës vlerëson pozitivisht faktin se lënda do të trajtohet në themel dhe shpreh besimin se vendimi final do të jetë në të mirë të ekonomisë, bizneseve dhe qytetarëve të Kosovës”, thuhet në njoftim.
Bota
Administrata Trump miraton shitjen e armëve prej 825 milionë dollarësh për Ukrainën
Published
17 minutes agoon
August 29, 2025By
UBT News
Administrata Trump ka miratuar një shitje armësh me vlerë 825 milionë dollarë për Ukrainën, e cila do të përfshijë raketa me rreze të gjatë veprimi dhe pajisje të ngjashme për të rritur aftësitë e saj mbrojtëse.
Përpjekjet e ShBA-së për të ndërmjetësuar paqen midis Ukrainës dhe Rusisë duket se kanë ngecur.
Departamenti i Shtetit njoftoi të enjten se kishte njoftuar Kongresin për shitjen e raketave me municion sulmi me rreze të gjatë veprimi dhe sistemeve të navigimit për Ukrainën. Shitja do të mbulojë 3,350 raketa ERAM, 3,350 njësi GPS, së bashku me komponentë, pjesë këmbimi dhe aksesorë të tjerë, si dhe trajnim dhe mbështetje teknike, shkruan AP.
Ai tha se Ukraina do të përdorte fonde nga aleatët e NATO-s, Danimarka dhe Holanda.
Aktualitet
Tiranë: Sekuestrohen mbi 26 milionë euro pasuri në pronësi të një të dënuari për vrasje
Published
38 minutes agoon
August 29, 2025By
UBT News
Policia në Tiranë ka sekuestruar pasuri me vlerë prej 26 milionë e 500 mijë euro, nën pronësi të një 45-vjeçari të dënuar për vrasje dhe për pjesëmarrje në grup kriminal për trafikim të lëndëve narkotike, nga autoritetet italiane.
Sipas njoftimit të policisë, pasuritë e sekuestruara janë konkretisht: 19 prona, 2 automjete dhe 20 llogari bankare, të regjistruara në emër të 45-vjeçarit ose të familjarëve të tij, me vlerë tregu rreth 26 milionë e 500 mijë euro.
“Vijon puna për gjurmimin dhe sekuestrimin e pasurive të tjera që dyshohet se kanë burim nga veprimtaritë kriminale të këtij shtetasi. Materialet procedurale iu referuan Prokurorisë së Tiranës, për veprime të mëtejshme”, thuhet tutje në njoftim.
Aktualitet
Kosova e Shqipëria forcojnë partneritetin ushtarak, trajnime të përbashkëta për operacione ujore
Published
48 minutes agoon
August 29, 2025By
UBT News
Bazuar në marrëveshjen bilaterale të bashkëpunimit ndërmjet Forcës së Sigurisë së Kosovës dhe Forcave të Armatosura të Republikës së Shqipërisë (FARSH), Kompania e Kërkim-Shpëtimit e Regjimentit të Mbrojtjes Civile (RMC) realizoi trajnim të përbashkët në fushën e zhytjes.
Trajnimi i përbashkët u realizua në Qendrën e Zhytjes në Pashaliman, Vlorë, Republika e Shqipërisë.
Sipas FSK-së qëllimi i këtij trajnimi ishte ruajtja, zhvillimi dhe avancimi i njohurive dhe aftësive profesionale në fushën e zhytjes, në thellësi dhe kushte të ndryshme operative si dhe shkëmbimin e përvojës dhe praktikave më të mira ndërmjet pjesëtarëve të të dy forcave ushtarake.
FSK po ashtu thotë se ky aktivitet i përbashkët dëshmon për rëndësinë e thellimit të bashkëpunimit ndërmjet institucioneve ushtarake të Kosovës dhe Shqipërisë, si dhe përkushtimin e ndërsjellë për ngritjen dhe përmirësimin e kapaciteteve specialistike në realizimin e operacioneve ujore me standarde të larta ndërkombëtare.

Studiuesit e Oksfordit marrin akses në superkompjuter për zhvillimin e vaksinave kundër kancerit

OEK: Gjykata Supreme shqyrton padinë kundër ZRrE për tregun e lirë të energjisë

Nothing pranon gabimin: Fotot në demo të Phone 3 nuk ishin të realizuara me telefonin

Administrata Trump miraton shitjen e armëve prej 825 milionë dollarësh për Ukrainën

WhatsApp prezanton asistentin e ri të shkrimit me inteligjencë artificiale

Tiranë: Sekuestrohen mbi 26 milionë euro pasuri në pronësi të një të dënuari për vrasje

Kosova e Shqipëria forcojnë partneritetin ushtarak, trajnime të përbashkëta për operacione ujore

Behramaj: VV-ja po e shtyn qëllimisht Listën Serbe që t’i drejtohet Kushtetueses

Kremlini: Të interesuar për negociata, por nuk do të ndalim sulmet ndaj Ukrainës
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA