Lajmet

Kurti: Lobimi ynë për drejtësi klimatike nuk do të ndalet

Ai ka thënë se synohet që në 5 vitet e ardhshme të kenë 7 kryeqendra me impiante.

Published

on

Kryeministri Albin Kurti ka deklaruar sot se aktivisht po lobojnë që Kosova ta ketë të drejtën në dialog dhe qasje në fondet dhe proceset e organizatës së kombeve të bashkuara për përshtatje ndaj ndryshimeve klimatike, duke shtuar se nuk do të ndalen së lobuari për drejtësi klimatike.

Kurti konferencën “Java e Zhvillimit të Qëndrueshëm në Kosovë” ka theksuar se e Kosova qëndron krahas shteteve partnere evropiane në përpilimin e zbatimit e strategjive dhe në zhvillimin e miratimin e politikave përmes të cilave në thelb synohet tranzicioni i drejtë ekonomisë së gjelbër e të qëndrueshme.

“Kosova qëndron krahas shteteve partnere evropiane në përpilimin e zbatimin e strategjive dhe në zhvillimin e miratimin e politikave të cilat në thelb e synojnë tranzicionin e drejt drejtë ekonomisë së gjelbër e të qëndrueshme. Përmes tyre synojmë të adresojmë sfidat mjedisore që krijojnë barazi sociale, zhvillim ekonomik dhe gjithëpërfshirje. Koncepti i qëndrueshmërisë është më qendër të pothuajse të të gjitha politikave, strategjive e ligjeve, të cilat po i hartojmë e po i miratojmë. Gjatë gjysmës së parë të mandatit të qeverisë jemi fokusuar në adresimin e pabarazive sociale dhe ekonomike. Përmes politikave gjithëpërfshirse e skemave për zhvillim në mbështetje sociale, të cilat kemi filluar t’i aplikojmë do të sigurojmë që grupet e cenueshme, duke përfshirë grupet me të ardhura të ulëta dhe ato të margjinalizuara të kenë përmirësim të dukshëm në mirëqenie, çasje në punësim, arsim e shëndetësi, energji e shërbime të tjera të qëndrueshme”, ka thënë Kurti.

Kurti është shprehur se përmes investimeve Korporatën Energjetike të Kosovës po e kthejnë në ndërmarrje më të pastër, duke instaluar 100 megavat energji diellore.

Për trajtimin e ujërave të zeza dhe menaxhimin e mbeturinave, Kurti ka thënë se kanë siguruar 100 milionë euro grante nga Bashkimi Evropian dhe Gjermania. Ai ka potencuar se aktualisht, janë në një fazë të hershme të krijimit të sistemit të ndarjes në bazë dhe ndërtimin e qendrave të riciklimit.

Mes tjerash, Kurti ka shtuar se trajtimi i ujërave të ndotura në nivel vendi është rritur nga 1% sa ishte kur e filluam mandatin para diç më shumë se dy vitesh, në 11%. Ai ka thënë se synohet që në 5 vitet e ardhshme të kenë 7 kryeqendra me impiante.

“Synimi ynë është që të zhvillojmë bujqësi të qëndrueshme, përmes së cilës arrijmë të mbulojmë nevojat tona elementare me produkte bazë ushqimore, të sigurojmë ushqim të pastër e cilësor. Për trajtimin e ujrave të zeza dhe menaxhimin e mbeturinave kemi siguruar 100 milionë euro grante nga BE dhe Gjermania.. Synimi ynë është që në pesë vitet e ardhshme të kemi shtatë kryeqendra me impiante… Kosova megjithëse ende nuk është anëtare e Konventës e Kombeve të Bashkuara për ndryshimet klimatike, çdo ditë e më tepër po e dëshmon vendosmërinë e saj në ndërmarrjet e verimeve për të reduktuar nivelin e ndikimit në mjedis…Aktivisht po lobojmë që Kosova ta ketë të drejtën në dialog dhe qasje në fondet dhe proceset e organizatës së komebve të bashkuara për përshtatje ndaj ndryshimeve klimatike. Andaj, lobimi ynë për drejtësi klimatike ndaj Kosovës nuk do të ndalet”, ka thënë mes tjerash Kurti.

Ndërsa, përfaqësuesi i BE-së në Kosovë, Tomas Szunyog ka thënë se BE është e gatshme për të përkrahur Kosovën që të ketë zhvillim të qëndrueshëm.

“Në marrëveshjen e re të gjelbër, Bashkimi Evropian e ka njohur rëndësinë e ruajtjes së mjedisit dhe zhvillimit të qëndrueshëm, ka vendosur synime ambicioze për të luftuar ndryshimet klimatike, duke promovuar energjinë e ripërtritshme, dhe tranzicionin në ekonomi qarkore. Kuptojmë se për të arritur këto qëllime na duhet edhe bashkëpunim dhe partneritet ndërkombëtarë. Bashkimi Evropian është i gatshme për të përkrahur Ballkanin Perëndimor, përfshirë Kosovën në rrugën drejt zhvillimit të qëndrueshëm”, ka thënë Szunyog.

Ndërkaq, ambasadori gjerman në Kosovë, Jörn Rohde është shprehur se Kosova është ngritur në nivel më të lartë, duke iu afruar standardeve të Evropës.

Rohde ka thënë se duhet të ketë veprime të qarta dhe përkushtim nga Qeveria sa i përket çështjes së thëngjillit.

“Partneri ka për qëllim tranzicionin e neutralitetit të energjisë. Plani nacional i energjisë e i klimës është duke u hartuar me shpejtësi. Dua të theksoj se sa është e rëndësishme të ruhet ambicia. Më e rëndësishmja, duhet të kemi veprime të qarta dhe përkushtim nga Qeveria sa i përket çështjes së thëngjillit. Më vjen mirë të shoh se në Kosovë janë duke punuar edhe palë të tjera në mënyrë shumë konkrete, sektori privat po ashtu vërehet të jetë bërë palë e rëndësishme sa i përket energjisë së ripërtitshme. Gjithashtu, do të doja të theksoja rëndësinë e harmonizimit të praktikave të menaxhimit të mbeturinave në Kosovë me standardet e BE-së dhe zbatimin e një ekonomie më qarkore. Menaxhimi i integruar i mbeturinave në Kosovë kërkon deponi moderne. Ne duhet të rrisim shpejtësinë dhe planin e zbatimit të projekteve, veçanërisht deponisë së re për qytetin e Prishtinës”, ka thënë ai.

Rohde ka nënvizuar se duhet qëndruar së bashku të përkushtuar dhe të ruhen bukuritë natyrore dhe pasuritë e Kosovës.

E drejtori Ekzekutiv i Institutit për Politika Zhvillimore, Burim Ejupi ka thënë se Kosova ndër vite ka shënuar progres në këtë drejtim.

“Kur e shohim Kosovën këto gjashtë vjet, e shohim që ka një progres dhe po e shohim një Kosovë, një qeveri që është duke shkuar ka e gjelbërta. Prej perspektivës së shoqërisë civile ne gjithmonë kërkojmë më shumë, ndoshta edhe dëshira ynë që ta shohim Kosovën më mirë, dhe kemi dëshirë të shohim më shpejtë atë”, është shprehur Ejupi.

Aktualitet

Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis

Published

on

Profesori i Fakultetit të Studimeve të Sigurisë në UBT, Bahri Gashi, është ftuar të kontribuojë si recensues i punimeve shkencore ndërkombëtare në një nga platformat më prestigjioze botërore të botimeve akademike, Taylor & Francis, me seli në Mbretërinë e Bashkuar.

Në këtë rol të rëndësishëm, profesori Gashi do të angazhohet në recensimin e artikujve shkencorë në fusha strategjike si:

  • Inteligjenca dhe Kundërinteligjenca;
  • Siguria Kombëtare;
  • Mbrojtja dhe Politikat e Sigurisë.

Kontributi i tij do të jepet në kuadër të revistës akademike të specializuar “International Journal of Intelligence and CounterIntelligence”, një revistë e indeksuar në platformat më të larta ndërkombëtare të certifikimit shkencor, e cila gëzon reputacion të lartë në komunitetin akademik dhe profesional të sigurisë.

Ky angazhim i profesorit të UBT-së është një dëshmi e qartë se UBT po fuqizon gjithnjë e më shumë praninë e tij në skenën ndërkombëtare të kërkimit shkencor, duke rritur besueshmërinë e akademikëve të saj dhe duke kontribuar në zhvillimin e fushave të rëndësishme për sigurinë dhe mbrojtjen në nivel global.

Continue Reading

Aktualitet

​Kransiqi i LVV-së në KQZ me aksion simbolik pas vendimit të PZAP-së për Listën Serbe

Published

on

Në mbledhjen e sotme të Komisionit Qendror të Zgjedhjeve anëtari i saj nga radhët e Lëvizjes Vetëvendosje, Alban Krasniqi në hyrje të mbledhjes vendosi mbishkrimin “Po pluralizmit, jo terrorizmit”. Ky veprim i Krasniqit erdhi pas vendimit të Panelit Zgjedhor për Ankesa dhe Parashtresa, i cili kërkoi nga Komisioni Qendror i Zgjedhjeve të certifikojë Listën Serbe për pjesëmarrje në zgjedhjet lokale të 12 tetorit 2025.

Gjatë kësaj mbledhje, me qëllim të përmirësimit të listave votuese, u miratua edhe largimi i 1 mijë e 514 personave të vdekur.

Arianit Elshani, udhëheqës i Këshillit i Operacioneve Zgjedhore, tha se shifra në fjalë është verifikuar bashkë me zyrtarët ekzekutiv të Komisioneve Komunale të Zgjedhjeve.

“Bëhet fjalë për 1 mijë e 514 persona të evidentuar si të vdekur të cilët në bazë të verifikimeve që janë bërë nga zyrtarët ekzekutiv të Komisioneve Komunale të Zgjedhjeve në terren, ku kanë marrë përsipër një listë të personave që janë mbi 95 vjeç dhe figurojnë në listën votuese”, tha ai.

E me kërkesë të qytetarëve të lagjes “Marigona Residence”, Komisioni Qendror i Zgjedhjeve miratoi edhe hapjen e qendrës së re të votimit në këtë lagje.

Elshani tha se kjo ka qenë kërkesë e 260 votuesve dhe se qendra e votimit do të jetë në shkollën “Internacional School of Prishtina-ISP”.

“Bëhet fjalë për shkollën ‘Internacionale School of Prishtina – ISP’ që gjendet në lagjen Marigona këta votues kanë qenë të alookuar për të votuar në një qendër tjetër të votimit në fshatin Peroc në ‘Miladin Mitiq’, mirëpo është kërkuar një numër prej 260 votuesve në këtë rast ekziston mundësia me u bartë në këtë qendër të votimit”, deklaroi ai.

Në këtë mbledhje u votua edhe udhëzimi për votimin e Personave me Nevoja të Veçanta (VPNV), i cili synon lehtësimin dhe garantimin e të drejtës kushtetuese për të votuar për të gjithë qytetarët pa përjashtim dhe ka për qëllim të përcaktojë mënyrën e regjistrimit, evidentimit dhe votimit të Peronave me Nevoja të Veçanta, të cilët nuk mund të votojnë në vendvotimin e tyre.

 

Continue Reading

Aktualitet

Kosova humb 114 milionë euro për energji, Shoqata e Prodhuesve fajëson institucionet

Published

on

Shoqata e Prodhuesve Vendor ka reaguar ashpër pas lajmeve se Kosova ka humbur 114 milionë euro nga projektet e Bashkimit Evropian të dedikuara për fushën e energjisë, si pasojë e sanksioneve të vendosura nga BE-ja.

Përmes një reagimi në Facebook, përfaqësuesi i shoqatës, Kushtrim Ajvazi, ka kritikuar institucionet e vendit për, siç e quan ai, dështimin në ruajtjen e interesit shtetëror dhe ekonomik.

“Për informaten tuaj, Kosova ka humbur 114 milionë € projekte në fushën e energjisë nga sanksionet e BE-së. Këto mjete ishin të destinuara për zhvillim dhe stabilitet të furnizimit energjetik”, ka shkruar Ajvazi.

Ai ka hedhur poshtë arsyetimin e institucioneve që dalja e Kosovës në tregun e lirë të energjisë ishte një kusht nga BE-ja.

“Mos e përdorni më arsyetimin se e kemi pas kusht nga BE-ja me dalë në treg të lirë, se është marre për juve”, ka përfunduar ai

Continue Reading

Aktualitet

UBT ofron Master në Psikologji me standarde evropiane

Published

on

UBT ofron programin Psikologji në nivelin Master, i cili synon përgatitjen e profesionistëve të aftë për të kuptuar mendjen dhe sjelljen njerëzore, si dhe për t’u shërbyer individëve dhe komunitetit në fusha të ndryshme të shëndetit mendor.

Ky program dyvjeçar, i akredituar sipas standardeve më të larta evropiane, ofron njohuri dhe përvojë praktike në psikologjinë klinike, këshilluese, edukative dhe organizative. Studentët mësojnë teknika të avancuara të vlerësimit psikologjik, terapitë moderne, si dhe metodologjitë kërkimore të cilat u japin atyre kompetencat e nevojshme për t’u bërë pjesë aktive e zgjidhjes së sfidave psiko-sociale.

Misioni i programit

Programi ka për qëllim të edukojë dhe fuqizojë psikologët e ardhshëm përmes një kurrikule kërkimore, duke promovuar praktikën etike, të menduarit kritik dhe ndjeshmërinë kulturore. Theksi vihet te përgatitja e profesionistëve që do të kontribuojnë jo vetëm në shëndetin mendor dhe kërkimin shkencor, por edhe në zhvillimin e politikave të nivelit kombëtar e ndërkombëtar.

Çfarë ofron Masteri në Psikologji?

  • Kurse të specializuara në psikologji klinike, këshillim, psikologji zhvillimore dhe sociale
  • Një kurrikulë të përputhur me standardet EuroPsy
  • Praktika në institucione shëndetësore, shkolla, organizata joqeveritare dhe komunitete
  • Pjesëmarrje në projekte kërkimore dhe punë në terren
  • Përfshirje në aktivitete të komunitetit me fokus në shëndetin mendor

Karrierë dhe ndikim shoqëror

Diplomuarit e këtij programi janë të përgatitur për një gamë të gjerë rolesh profesionale, nga psikoterapia dhe këshillimi, deri te politika publike dhe hulumtimi shkencor. Ata do të jenë në gjendje të kryejnë vlerësime e ndërhyrje psikologjike, të hartojnë projekte kërkimore, të promovojnë shëndetin mendor në komunitet dhe të ndikojnë në hartimin e politikave sociale dhe shëndetësore.

Stafi dhe kërkimi shkencor

Fakulteti i Psikologjisë në UBT kontribuon në një kulturë të gjallë akademike dhe kërkimore, në përputhje me Strategjinë e Kërkimit 2024–2029. Programi synon zhvillimin e projekteve ndërdisiplinore, bashkëpunimet globale dhe botime shkencore, duke e vendosur Kosovën në hartën ndërkombëtare të studimeve psikologjike.

UBT bashkëpunon ngushtë me institucione shëndetësore dhe organizata të komunitetit për të zhvilluar iniciativa në shëndetin mendor, trajnime profesionale dhe konsultime. Deri në vitin 2029, Masteri në Psikologji synon të jetë:

  • Lider kombëtar në kërkimin dhe trajnimin psikologjik
  • Partner i njohur në Evropën Juglindore
  • Qendër e konferencave dhe botimeve ndërkombëtare
  • Promovues i mirëqenies psiko-sociale nëpërmjet arsimit cilësor dhe përfshirjes në komunitet

Struktura e studimeve

Programi ofron një kurrikulë të balancuar midis teorisë dhe praktikës, me lëndë të avancuara si Psikologji Klinike dhe Psikoterapi, Psikologji Kognitive, Psikopatologji, Psikometri, Etikë në Psikologji dhe përfundon me tezën e masterit dhe praktikën profesionale.

APLIKO TANI ONLINE!

Continue Reading

Të kërkuara