Lajmet

Kurti: Ligji i Pagave sjell barazi dhe ndershmëri për pagat mes kategorive

Ai tha se vlera e koeficientit të pagës për çdo vit do të llogaritet në kuadër të planifikimeve për buxhetin.

Published

2 years ago

February 1, 2023

Betim Gashi

Vlera e koeficientit të pagës në sektorin publik do të jetë 105 euro për vitin 2023, është bërë e ditur sot në mbledhjen e Qeverisë së Kosovës.

Kryeministri Albin Kurti ka thënë se përmes Ligjit të Pagave kanë synuar të arrijnë të barazi dhe ndershmëri për pagat mes kategorive, ngushtim të hendekut midis zyrtarëve të lartë dhe të tjerë, si dhe mbështetje solide për mjekët, arsimtarët, policët dhe ushtarakëve. Ai ka thënë se vlera e koeficientit të pagës për çdo vit do të llogaritet në kuadër të planifikimeve për buxhetin, derisa ka potencuar se në bazë të llogaritjeve vlera e koeficientit vitin e ardhshëm do të jetë 110 euro.

“Pas këtij procesi voluminoz dhe shumë kompleks është mbërritur te vlera e koeficientit për vitin 2023 dhe ai është 105 euro. Ndërsa në janar të vitit 2024, sipas përllogaritjes së Ministrisë së Financave, Punës dhe Trasnfereve do të jetë 110 euro. Me këtë ndryshim-plotësim i ligjit të buxhetit i hapet rrugë sistemit të ri të pagave prej këtij muaji. Me këtë sistem të ri dhe vlera të reja të kompensimeve ne kemi synuar dhe mbërritur disa objektiva bazë. Barazi dhe ndershmëri për pagat mes kategorive, ngushtim të hendekut midis zyrtarëve të lartë dhe të tjerëve, si dhe mbështetje solide për katër kategoritë jetike për funksionimin e shoqërisë, atë të mjekëve, arsimtarëve, policëve dhe ushtarakëve. Po ashtu në shërbimin civil të Kosovës janë mbështetur më së shumti ata që kanë qenë në fund të tabelës. Punëtorët dhe teknikët kudo në administratën tonë do të ketë trajtimin dinjitoz dhe të drejtë. E reja e këtij sistemi përveç vlerave që ka sjell në klasifikimin e kategorive tek zyrtarët publik është se për çdo vit do të vlerësohen mundësinë buxhetore dhe do të bëhet ndryshimi i koeficienteve sipas atyre mundësive. Pra pas kësaj nuk do të ketë stagnim të pagave të zyrtarëve pafundësisht. Ato do të lëvizin sipas rritjes, apo punës dhe rezultateve që kemi të gjithë bashkë në rritjen ekonomike të vendit”, është shprehur ai.

Krahas kësaj, Kurti ka paralajmëruar se shumë shpejtë në Kuvend do të miratohet në lexim të dytë Projektligji për pagën minimale.

“Së shpejti presim që të miratohet në lexim të dytë, ligji për pagën minimale, pasi pjesa më e madhe e të punësuarve të qytetarëve tanë janë në sektorin privat. Po ashtu në javët në vijim do të paraqiten edhe skemat e reja të punësimit, pasi prioritet i qeverisë është punësimi, veçanërisht ai i rinisë”, ka shtuar Kurti.

Në anën tjetër, pas miratimit të Projektligjit për ndarjet buxhetore që i hap rrugë rritjes së pagave, ministri i Financave, Punës dhe Transfereve, Hekuran Murati, ka thënë se përmes këtij ligji paga mesatare bruto në Kosovë do të jetë 730 euro. Ai po ashtu ka thënë se buxheti për paga këtë vit do të jetë 745 milionë euro, rrjedhimisht 105 milionë euro më shumë se viti paraprak.

“Vlera e koeficientit të pastër, pa shtesat, pasi nëse marrim edhe shtesat parasysh ato përbëjnë diku rreth 12 për qind mesatarisht të tërësisë së vlerës së pagave. Duke filluar nga shtesa e përvojës së punës që aplikohet në mënyrë universale tek të gjithë të punësuarit, pastaj është shtesa për kushtet specifike dhe rrezikshmërinë, të tregut të punës, vëllimit të punës dhe shtesa të tjera për kategori specifike. Si buxhet në vitin e kaluar kemi pasur shpenzim 652 milionë euro që kanë qenë të përfshira edhe pagesat për COVID 19, ndërsa nëse hiqen ato, buxheti i rregullt ka qenë 640 milionë euro. Për vitin aktual kemi buxhetor 745 milionë euro, që paraqet një rritje prej 105 milionë euro që përbënë rritje më të lartë historikisht”, është shprehur ai.

Ligji për paga në sektorin publik është miratuar në dhjetor të vitit të kaluar në Kuvendin e Kosovës.

Related Topics:Albin Kurti koeficienti kryeministri

Up Next

Kusari: Është hera e parë që në sektorin publik do të kemi trajtim të barabartë të punëtorëve

Don't Miss

Opozita bojkoton seancën, kritikon Qeverinë për koeficientin

Bota

Ish-udhëheqësi i Hezbollah do të varroset të dielën

Published

2 days ago

February 21, 2025

UBT NEWS

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Lajmet

Arrestohet ish-kryetarja e Nishit, Dragana Sotirovski

Published

2 days ago

February 21, 2025

UBT NEWS

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Lajmet

KQZ: Votat me kusht dhe ato nga Diaspora numërohen javën e ardhshme

Published

2 days ago

February 21, 2025

UBTNews

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

2 days ago

February 21, 2025

UBTNews

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.