Lajmet

Kurti këmbëngul: Sivjet do të aplikojmë për anëtarësim në Bashkimin Evropian

Kurti në këtë mbledhje tha se zbatimi i Marrëveshjes së Stabilizim Asociimit (MSA) është proces shtetëror.

Published

on

Është mbajtur mbledhja e katërt e Këshillit Ministror për Integrim Evropian, nga ku kryeministri i Kosovës, Albin Kurti tha se sivjet do të aplikojnë për anëtarësim në Bashkimin Evropian.

Kurti në këtë mbledhje tha se zbatimi i Marrëveshjes së Stabilizim Asociimit (MSA) është proces shtetëror dhe kërkon angazhimin e të gjitha institucioneve të vendit, për çka theksoi se prioritizimi dhe zbatimi i masave të MSA-së brenda afateve kohore është oboli që rrjedh nga procesi i Integrimit Evropian.

“Me qëllim të zbatimit të kësaj marrëveshje Qeveria e Kosovës në koordinim me Institucionet e pavarura e ka hartuar këtë program që parasheh reforma konkrete në të gjitha fushat e kritereve të Kopenhagës. Aty parashihen kriteret politike, si dhe ato ekonomike por edhe standardet evropiane ose kapitujt e negociatave të anëtarësimit në Bashkimin Evropian. Ky program është dokumenti kryesor kombëtar të Marrëveshjes së Stabilizim Asociimit dhe reforma të ndërlidhura në integrim për Bashkim Evropian. Një kornizë gjithëpërfshirëse afatmesme që reformave të nevojshme që ndalin nga MSA dhe nga mekanizmat e tjerë të këtij procesi[…]Obligimet që kemi marrë përsipër në këtë program duhet të trajtohen me prioritet të lartë gjatë këtij viti. Zbatimi i MSA-së është proces shtetëror kërkon angazhim të të gjitha institucioneve. Prandaj, priroritezimi dhe zbatimi i masave të MSA brenda afateve kohore që i kemi parapare është obligim që rrjedh nga procesi i Integrimit Evropian. Qeveria është e gatshme të ju mbështes në vendimmarrje pulitke në forma tjera afatgjate për të siguruar zbatimin e tyre”, tha Kurti.

Kurti foli edhe për zotimin që ka marrë që gjatë këtij viti Kosova të aplikojë për anëtarësim në Bashkimin Evropian.

“Rëndësia e programit si dhe e prioriteteve politike në kuadër të agjendës për reforma evropiane ERA2 sivjet është më e madhe për shkak të zotimit që kemi marrë si Kosovë që sivjet të aplikojmë për anëtarësim në Bashkim Evropian. Këtë zotim e kemi marrë përsipër në këshillin e katërt të Stabilizim Asociimit të mbajtur me 7 dhjetor 2021 në Bruksel të cilin e kam bashkëryesuar me përfaqësuesin e politikës së jashtme të Bashkimit Evropian (BE), Josep Borrell. Ky zotim i republikës sonë për ta bërë hapin e ardhshëm drejt anëtarësimit në BE është i domosdoshëm dhe në kohën e duhur[…]Kosova është vend potencial kandidat dhe i është premtuar perspektiva e anëtarësimit në Bashkimin Evropian. Prandaj ne jemi përkushtuar të zbatojmë pjesën tonë të detyruar dhe të intensifikojmë bashkëpunimin me shtete anëtare dhe institucionet e BE për të avancuar me fazën tjetër të avancimit”, përfundoi Kurti.

Lajmet

​Gjykata spanjolle liron Dani Alves-in

Published

on

Gjykata e Lartë e Katalonjës ka rrëzuar të premten dënimin për përdhunim ndaj ish-futbollistit brazilian Dani Alves, duke arsyetuar se çështja kishte mospërputhje dhe kontradikta në dëshmitë e paraqitura.

Alves, 41 vjeç, ishte dënuar vitin e kaluar me katër vjet e gjysmë burg për përdhunimin e një gruaje në një klub nate në Barcelonë në vitin 2022. Megjithatë, gjykata e apelit vendosi se dëshmia e akuzueses nuk kishte besueshmëri të mjaftueshme, duke theksuar se mungonin prova të qarta për të mbështetur akuzën.

“Dani Alves është shumë i lumtur. Ai është i pafajshëm, kjo është demonstruar. Drejtësia ka folur,” deklaroi avokatja e tij, Ines Guardiola.

Ndërkohë, avokatja e akuzueses, Ester Garcia, paralajmëroi se do ta çojë çështjen në Gjykatën Supreme të Spanjës, proces që mund të zgjasë deri në një vit./S.K/KP/Morung Express/

 

Continue Reading

Lajmet

Caktohet data, Pogba rikthehet në fushë

Published

on

Paul Pogba është shumë pranë rikthimit në futboll pas një periudhe të gjatë mungese tha trajneri i Monacos, Adi Hütter. Ai zyrtarisht ka konfirmuar se mesfushori francez po përparon ndjeshëm.

“Fizikisht dhe mendërisht po shkon mirë. Është stërvitur për tre muaj dhe është afër kthimit në skuadër,” deklaroi Hütter.

Sipas mediave franceze, Pogba pritet të jetë i disponueshëm më 5 tetor, në ndeshjen e Ligue 1 kundër Nice në Stade Louis II.

Ndërkohë, rikthimi në sfidën e së shtunës kundër Lorient shihet më pak i mundshëm.

Ish-mesfushori i Juventusit nuk ka luajtur një ndeshje zyrtare që prej 3 shtatorit 2023, kur u aktivizua ndaj Empolit.

Pak javë më vonë, ai u pezullua për doping dhe u dënua fillimisht me katër vite jashtë fushave. Megjithatë, në tetor 2024, Gjykata e Arbitrazhit Sportiv uli ndalimin në 18 muaj, që skadoi më 11 mars 2025.

Pas ndarjes me Juventusin, Pogba refuzoi një transferim në MLS dhe verën e kaluar nënshkroi një kontratë dyvjeçare me Monacon, e vlefshme deri më 30 qershor 2027.

Klubi monegask e ka regjistruar 31-vjeçarin edhe për Ligën e Kampionëve, ku pritet të rikthehet në tetor.

Ky rikthim do të shënojë një moment të rëndësishëm për kampionin e botës 2018, i cili synon të rifitojë formën dhe të lërë pas periudhën më të vështirë të karrierës së tij./S.K/KP/CNN/

Continue Reading

Lajmet

Aksident me fatalitet në Blagaj të Pejës

Published

on

By

Aksident i rëndë me fatalitet ka ndodhur sot në fshatin Blagaj të Pejës.

Raportohet nga mediat se në aksident janë përfshirë një veturë dhe një katërçikletë.

Si pasojë e këtij aksidenti raportohet se janë lënduar dy persona ndërsa një tjetër ka ndërruar jetë.

Në vendin e ngjarjes kanë dalë njësitet policore, teksa të lënduarit janë dërguar me urgjencë për trajtim në emergjencën e Spitalit Rajonal të Pejës.

KosovaPress ka kontaktuar me Policinë e Kosovës për të marrë më shumë informacione lidhur me rastin./D.B/KP

Continue Reading

Lajmet

​Legjenda e Barcelonës njofton pensionimin nga futbolli

Published

on

Mesfushori i Inter Miami, Sergio Busquets, ka bërë të ditur se do të tërhiqet nga futbolli në fund të këtij sezoni, duke i dhënë fund një karriere gati 20-vjeçare.

37-vjeçari e bëri njoftimin përmes një videoje në Instagram, ku falënderoi Barcelonën, kombëtaren spanjolle, Inter Miamin, shokët e skuadrës, tifozët dhe familjen e tij.

“Ndjej se ka ardhur koha t’i them lamtumirë karrierës sime si futbollist profesionist. “Kanë kaluar pothuajse 20 vjet duke shijuar këtë histori të pabesueshme për të cilën gjithmonë kam ëndërruar”, tha Busquets.

Busquets ishte një figurë kyçe te Barcelona për 14 vite, me mbi 700 paraqitje dhe 32 trofe të fituar, përfshirë 9 tituj të La Ligës dhe 3 Liga të Kampionëve.

Me Spanjën, ai regjistroi 143 ndeshje dhe fitoi Kupën e Botës 2010 dhe Euro 2012.

“Nuk e di se sa gjatë do të luajë Busi, por mendoj se ai është një nga mesfushorët më të mirë në histori… Shpresojmë që ai do të na ndihmojë në fazën eliminatore sepse është një lojtar kyç”, tha trajneri i Inter Miami, Javier Mascherano.

Busquets, i njohur për inteligjencën taktike dhe pasimet e sakta, është aktualisht lojtari me më shumë minuta të luajtura për Inter Miami këtë sezon./S.K/KP/

 

Continue Reading

Të kërkuara