Përfaqësuesit e UBT-së, Prof. Dr. Bekim Marmullaku dhe Prof. Assoc. Dr. Fitim Alidema, zhvilluan takim me Irena Kozulic, Drejtoreshë e Departamentit për Projekte, Shkencë dhe Transfer të Teknologjisë në Universitetin e Zarës në Kroaci.

Gjatë takimit, palët u dakorduan për zgjerimin e bashkëpunimit ndërmjet dy institucioneve, me fokus në aplikimin e përbashkët në projekte ndërkombëtare, kërkimin shkencor dhe transferin e teknologjisë.

Një aksident i rëndë trafiku me pasojë fatale ka ndodhur në orët e hershme të mëngjesit të sotëm, rreth orës 05:00, në rrugën nacionale Mitrovicë-Prishtinë, përkatësisht në fshatin Studime. Si pasojë e përplasjes, një grua ka humbur jetën në vendngjarje, ndërsa disa persona të tjerë kanë pësuar lëndime trupore.

Ngjarjen e ka konfirmuar zyrtarisht zëdhënësi i Policisë së Kosovës, Daut Hoxha, i cili bëri të ditur se në këtë incident tragjik janë përfshirë dy automjete. Menjëherë pas marrjes së informatës, në vendin e ngjarjes kanë dalë njësitet policore, ekipet e ndihmës së shpejtë mjekësore si dhe zjarrfikësit, të cilët i kanë dalë në ndihmë të lënduarve.

Policia e Kosovës ka nisur menjëherë hetime të hollësishme në vendngjarje për të përcaktuar shkaqet dhe rrethanat e sakta që çuan deri te ky aksident fatal.

Ndërkohë, duke parë rritjen e shqetësuese të aksidenteve me pasojë humbjen e jetëve të njerëzve gjatë ditëve të fundit, zëdhënësi Hoxha ka bërë një drejtuar të gjithë pjesëmarrësve në trafik. Ai u ka kërkuar drejtuesve të automjeteve që të tregojnë kujdes maksimal, t’i përshtaten kushteve të rrugës, të respektojnë kufizimet e shpejtësisë dhe të shmangin përdorimin e telefonit gjatë ngasjes, meqë shpërqendrimi minimal mund të ketë pasoja fatale. /E.A/

Ushtria së Kosovës ju shtuan edhe 10 oficerë të rinj, të cilët kanë diplomuar me sukses në Akademinë e Forcave të Armatosura të Republikës së Shqipërisë.

Lajmin e ka bërë të ditur ministri në detyrë i Mbrojtjes i Kosovës, Ejup Maqedonci, i cili mori pjesë në ceremoninë e diplomimit të 67 oficerëve në Tiranë, me ftesë të ministrit të Mbrojtjes së Shqipërisë, Ermal Nufi.

Maqedonci e cilësoi këtë ngjarje si një moment krenarie dhe dëshmi të përkushtimit të përbashkët për ndërtimin e kapaciteteve ushtarake sipas standardeve të NATO-s.

“Bashkëpunimi ynë i ngushtë me Republikën e Shqipërisë vazhdon të forcohet çdo ditë. Vetëm gjatë vitit 2026, qindra ushtarakë nga Kosova janë duke ndjekur ose janë të planifikuar të ndjekin programe të edukimit dhe trajnimit ushtarak në Shqipëri,” deklaroi Maqedonci.

Në fund, ministri uroi të gjithë oficerët e sapodiplomuar për arritjen e tyre, duke u dëshiruar suksese në shërbim të atdheut.

Galeria “Apollo” në Muzen e Louvre-it është rihapur të mërkurën për publikun, për herë të parë që nga vjedhja e bizhuterive mbretërore vitin e kaluar.

Koleksionet dhe bizhuteritë e çmuara që dikur ekspozoheshin aty janë hequr, pasi muzeu ka njoftuar se galeria po i rikthehet funksionit të saj origjinal ceremonial të shekullit të 17-të.

Masat e sigurisë në muzeun e Parisit janë forcuar përmes instalimit të kamerave të reja të vëzhgimit dhe sistemeve kundër hyrjeve të paautorizuara.

Ditën e vjedhjes, hajdutëve iu deshën më pak se tetë minuta për të hyrë me forcë përmes një dritareje në Galerinë Apollo dhe për të vjedhur stolitë mbretërore të Louvre-it me vlerë 88 milionë euro, një operacion i kryer gjatë fundjavës që ka tronditur vizitorët dhe ka nxjerrë në pah dobësi të theksuara të sigurisë.

Përmirësimi i sigurisë është një prioritet i planit dhjetëvjeçar “Rilindja e Re e Louvre-it (Louvre New Renaissance), i nisur vitin e kaluar, me një kosto të vlerësuar deri në 800 milionë euro, që synon modernizimin e infrastrukturës, lehtësimin e mbipopullimit dhe krijimin e një galerie të dedikuar për “Mona Lizën” deri në vitin 2031./A.K/