Kulturë

“Kur unë shkruaj, ekzistojmë unë dhe komuniteti im”, thotë poeti i Rohingya-s, Mayyu Ali

31-vjeçar vazhdon t’i japë zë popullit të tij përmes shkrimeve të tij.

Published

3 years ago

on

Mayyu Ali është një nga rreth 700 mijë anëtarët e komunitetit Rohingya që u desh të largoheshin nga Mianmari në verën e vitit 2017 pas abuzimeve të kryera nga ushtria birmaneze. Pesë vjet më vonë, poeti 31-vjeçar vazhdon t’i japë zë popullit të tij përmes shkrimeve.

“Toka rrotullohet në dy botë të ndryshme; ferri dhe parajsa. E lashë njërën për të zbuluar tjetrën”. Një vit më parë, në shtator të vitit 2021, Mayyu Ali shkroi ato fjalë teksa kalonte nëpër derën e banesës së tij të re në Ontario të Kanadasë, me gruan dhe vajzën e tij të vogël. Kjo shënoi fundin e një sprove të gjatë për poetin 31-vjeçar Rohingya, i cili kishte kaluar katër vjet në kampin më të madh të refugjatëve në botë, Cox’s Bazar në Bangladesh.

Nuk dihet nëse është e rastësishme apo kthesë fati, por ai do të shkojë në universitet për të studiuar letërsi (litterature engagée) më 6 shtator, pesë vjet pas ditës qëkur u largua nga Mianmari – si 700 mijë anëtarë të tjerë të komunitetit Rohingya – për t’i shpëtuar persekutimit të ushtrisë. Që në adoleshencë, ai ka ëndërruar të bëhet zëdhënës i komunitetit dhe të tregojë historinë e tij. Ai ka botuar tashmë dhjetëra poezi dhe së fundmi, një autobiografi në gjuhën frënge, “L’Effacement” (Éditions Grasset), të cilën e ka shkruar bashkë me gazetaren Émilie Lopes.

“Diskriminim, ikje, dhunë… Kam parë dhe përjetuar gjithçka. Është detyra ime t’i tregoj botës rreth saj”, deklaroi ai për France 24 nga Kanadaja.

Ali ka lindur në vitin 1991 në Maungdaw, Arakan, një rajon burmez në Oqeanin Indian. Djali i një peshkatari dhe më i vogli nga gjashtë fëmijët, ai kujton “një fëmijëri të gëzueshme” duke u larë në lum dhe duke luajtur me miqtë e tij budistë dhe hindu.

Qëkur hyri në fuqi një ligj për shtetësinë në vitin 1982, Rohingya, të cilët janë kryesisht myslimanë, kanë qenë pa shtetësi, pasi Mianmari i konsideron ata si emigrantë të paligjshëm nga Bangladeshi. Ky status ka bërë që ata të jenë në shënjestër të ushtrisë dhe ekstremistëve fetarë budistë./UBTNews/

Related Topics:
Continue Reading

Magazinë

Miley Cyrus shpjegon arsyen mjekësore që e pengon të bëjë turne të shpeshta

Published

3 hours ago

on

May 28, 2025

By

Miley Cyrus iu referua edhe një herë në një intervistë të re edemës së Reinke, një gjendje që i jep asaj timbrin karakteristik dhe të ashpër të zërit.

Por në të njëjtën kohë është një pengesë për të bërë turne aq sa do të donte. Duke folur në emisionin “The Zane Lowe Show” të Apple Music, këngëtarja 32-vjeçare shpjegoi se ka një polip shumë të madh në kordat vokale, i cili është një rritje anormale e indeve.

“Është pjesë e anatomisë sime unike,” tha ajo. “Më ka dhënë shumë nga toni e struktura që më kanë bërë këtë që jam, por është e vështirë të këndosh me të, është si të vraposh në maratonë me pesha në kyçet e këmbëve.” Cyrus pranoi se stili i jetës së saj kur ishte 21 vjeç – me netë të vona, alkool, duhan dhe festa pas koncerteve – nuk e ndihmoi gjendjen e saj. «Zëri im tingëllonte gjithmonë kështu », tha ajo.

Ajo tha se kur është e rraskapitur, nëna komenton se zëri i saj tingëllon sikur “po flet në radio” . “Kjo krijon këtë ‘shqetësim vokal’ absolut dhe kështu, unë jetoj me këtë bekim të gjendjes”, tha Cyrus, duke zgjedhur të shohë anën pozitive. “Zëri im është jashtëzakonisht unik për shkak të kësaj.”

Këngëtarja zbulo se nuk planifikon ta heqë polipin me anë të ndërhyrjes kirurgjikale, pasi nuk rrezikon të mos ketë më këtë zë. Në vend që t’i nënshtrohet një ndërhyrjeje kirurgjikale, artistja fituese e çmimit Grammy preferon të reduktojë performancat live për të shmangur tendosjen e kordave vokale.

Nëse do të bënte një turne botëror, do duhej të bëhej “në mënyrë të qëndrueshme” për të, pasi nuk bën riprodhime muzikore dhe performancat live janë të lodhshme. Ajo madje shtoi se nëse nuk jep një numër të caktuar koncertesh, atëherë “matematikisht nuk është e mundur” të bëjë turne, sepse nuk do të jetë në gjendje të mbulojë kostot për stafin dhe nevojat e tjera të koncerteve.

Continue Reading

Magazinë

Zyrtarët e muzeut sqarojnë vendndodhjen e kukullës “Annabelle”, pas thashethemeve për zhdukjen e saj

Published

4 hours ago

on

May 28, 2025

By

Zyrtarët e një muzeu janë detyruar të reagojnë pas përhapjes së shqetësimeve se kukulla e frikshme “Annabelle”, e njohur nga filmat horror, kishte humbur dhe nuk ndodhej më në vendin e saj – me disa që madje pohonin se ajo ishte e “pushtuar në mënyrë demonike”.

Kukulla e llojit Raggedy Ann, që është bërë e famshme në “The Conjuring” e “Annabelle”, u përfol se ishte zhdukur nga ekspozita gjatë një ndalese të turneut në New Orleans. Kukulla, e cila po udhëtonte në SHBA si pjesë e turneut “Devils on the Run” të organizuar nga Shoqata për Kërkime Psikike e New England (NESPR), ndodhet aktualisht në Muzeun Okult të familjes Warren në Louisiana, shkruan The Mirror US.

Hetuesi kryesor i NESPR, Dan Rivera, u detyrua të reagojë për të ndalur thashethemet, sidomos pasi disa vizitorë pretenduan se nuk e kishin parë kukullën gjatë vizitës në muze. Spekulimet për “zhdukjen” u përforcuan pas një zjarri që shpërtheu në resortin Nottoway – dikur një plantacion i njohur – në qytetin White Castle, shumë pranë vendit ku ndodhej kukulla. Disa nisën të besonin se kukulla “e pushtuar” mund të kishte lidhje me këtë incident misterioz.

Rivera iu drejtua ndjekësve në TikTok për të sqaruar situatën. “Jam këtu në muze dhe dua t’ju tregoj se Annabelle është në Muzeun Okult të Warrenëve. Hajde të hyjmë brenda dhe të sigurohemi,” tha ai në një video.

Pasi hyri, Rivera tregoi kukullën ulur brenda një kutie prej druri e sqaroi: “Annabelle nuk është zhdukur; nuk është në Chicago”, për të forcuar sqarimin, NESPR publikoi edhe një njoftim. ku shkruhej: “Janë thashetheme… Annabelle NUK është vjedhur. Kukulla ndodhet në Muzeun Okult të Warrenëve”.

Kjo nuk është hera e parë që përhapen zëra për “zhdukjen” e kukullës famëkeqe. Më 2020, Tony Spera – dhëndri i çiftit Ed dhe Lorraine Warren – u detyrua të mohojë spekulimet se kukulla kishte ikur. Në një video të publikuar në kanalin e familjes në YouTube, u shpreh: “Jam këtu për t’ju treguar diçka. Nuk e di nëse doni ta dëgjoni apo jo, por Annabelle nuk ka ikur. Ajo është këtu. Nuk ka bërë asnjë udhëtim, nuk ka fluturuar në ‘first class’ dhe nuk ka shkuar të takojë të dashurin. Do të shqetësohesha seriozisht nëse Annabelle me të vërtetë do të largohej, sepse nuk është objekt me të cilin mund të tallesh”.

Kukulla Annabelle ishte në pronësi të një studenteje në vitet 1970, e cila kërkoi ndihmën e familjes Warren pasi besonte se kukulla po shfaqte sjellje të frikshme dhe të rrezikshme. Hetimet e Warrenëve përfunduan se kukulla ishte “e pushtuar në mënyrë demonike”.

Interesi për kukullën Annabelle është rritur ndjeshëm që prej paraqitjes në filmin horror të vitit 2013, “The Conjuring”.

Një vit më vonë, kukulla mori një film të dedikuar, “Annabelle” (2014), që u pasua nga “Annabelle: Creation” (2017) dhe “Annabelle Comes Home” (2019).

Continue Reading

Lifestyle

Suksesi nuk është rastësi: Këto janë shprehitë e grave që ecin përpara

Published

5 hours ago

on

May 28, 2025

By

Ky është mentaliteti i grave që nuk dorëzohen kurrë. Ngjë e mirë rreth njerëzve të suksesshëm është se lënë gjurmë për neve që vendosim t’i ndjekim hapat e tyre.

Mund t’i krahasoni jetët e njerëzve të suksesshëm dhe do të shihni një profil të ngjashëm psikologjik mes tyre, do mësoni atë se çfarë dinë ata e do bëheni të aftë ta arrini të njëjtin nivel të suksesit që ata e kanë arritur.

Nuk ka rëndësi çfarë moshe keni ose sa para i fitoni, rëndësi ka vetëm vullneti për ta ndryshuar cilëndo trajtë që është duke ju mbajtur larg suksesit.

Njerëzit e suksesshëm kanë shumë të përbashkëta, por më poshtë do t’ju sjellim vetëm disa prej shprehive të grave të suksesshme.

Caktoni qëllime dhe bëjeni më të mirën për t’i realizuar ato

Femrat e suksesshme caktojnë qëllime, e bëjnë të pamundurën për t’i realizuar, pavarësisht sa vështirë e kanë.

Bëhuni zemërgjere dhe ndihmojuni tjerëve

Ato e dinë se kanë nevojë për njerëz tjerë të ecin para në jetë, andaj edhe u ndihmojnë tjerëve kurdo që munden.

Edukoni vetveten

Njohuria është fuqi, dhe kjo nuk i referohet vetëm njohurive të fituara nga shkollimi, por edhe njohurive të jetës në përgjithësi.

Sfidoni vetveten

Femrat e suksesshme e sfidojnë veten sepse e dinë që vetëm përmes sfidave do të përmirësohen dhe do të piqen.

Provoni gjëra të reja

Ato që kanë sukses në jetë janë të prira t’i kenë në qejf ndryshimet, pasi që e dinë se shumëllojshmëria është erëz e jetës.

Continue Reading

Lifestyle

Dushi në mëngjes apo në mbrëmje? Ekspertja zbulon zgjedhjen më të mirë për higjienën

Published

6 hours ago

on

May 28, 2025

By

Prej vitesh është diskutuar nëse është më mirë të bësh dush në mëngjes a në mbrëmje. Disa e shohin dushin e mbrëmjes si mënyrë për t’u qetësuar para gjumit dhe për të kursyer kohë në mëngjes, ndërsa të tjerë preferojnë të pastrohen në mëngjes për të nisur ditën të freskët.

Edhe pse zgjedhja shpesh varet nga rutina personale dhe mënyra e jetesës, një eksperte ka dhënë një përgjigje të qartë. Dr. Primrose Freestone, pedagoge e lartë në mikrobiologji klinike, tha për The Conversation se, nga këndvështrimi higjienik dhe shëndetësor, është më mirë të bëni dush në mëngjes.

Gjatë ditës, trupin e ekspozojmë ndaj një sërë mikrobesh që grumbullohen në rroba. Këto ndotës përthithen nga lëkura e kalojnë në çarçafët gjatë gjumit. Duke qenë se shumë si lajnë çarçafët, dushi në mbrëmje mund të mos jetë aq efektiv sa mendohet, pasi lëkura e pastër bie në kontakt me shtretër të kontaminuar.

“Si mikrobiologe, e mbështes dushin në mëngjes. Në këtë mënyrë, trupi është më i pastër nga mikrobet që grumbullohen gjatë natës, përpara se të vishen rrobat e ditës,” thekson Dr. Freestone.

Ajo shton gjithashtu se gjatë natës, trupi djersit dhe lëshon qeliza të vdekura të lëkurës, të cilat ushqejnë marimangat e pluhurit dhe mund të shkaktojnë reaksione alergjike te disa persona. Kjo është edhe një arsye shtesë pse është më higjienike të bëni dush në mëngjes.

Pavarësisht orës së dushit, ajo thekson se një rutinë e rregullt higjiene është esenciale. Në rast se nuk keni mundësi të bëni dush në mëngjes, kujdesi ndaj pastërtisë së mjedisit të gjumit është shumë i rëndësishëm.

“Rekomandohet që çarçafët dhe jastëkët të lahen të paktën një herë në javë, për të eliminuar djersën, bakteret, qelizat e vdekura dhe yndyrnat e lëkurës që mblidhen me kalimin e ditëve,” thotë ajo.

Larja e rregullt e çarçafëve ndihmon në reduktimin e sporeve të kërpudhave dhe mikrobeve që prodhojnë erë të keqe.

Dermatologët paralajmërojnë kundër përdorimit të sapunit tradicional, pasi mund të dëmtojë barrierën mbrojtëse të lëkurës.

Në vend të tij, rekomandohen pastrues të butë, të formuluar posaçërisht për të ruajtur shëndetin e lëkurës pa e irrituar atë.

Continue Reading

Të kërkuara