Sport

Kupa e Botës për klube do ta rivalizojë Ligën e Kampionëve, FIFA me ndryshime të mëdha

Organi qeverisës i futbollit botëror për një kohë të gjatë ka pasur në plan për ta zgjeruar Kupën e Botës për klube.

Published

3 years ago

on

Presidenti i FIFA-s, Gianni Infantino e bëri zyrtare sot formatin e ri të Kupës së Botës për klube, format ky që do të fillojë nga viti 2025 dhe do të përfshijë 32 skuadrat më të mira në gjithë botën.

Organi qeverisës i futbollit botëror për një kohë të gjatë ka pasur në plan për ta zgjeruar Kupën e Botës për klube për të krijuar një garë e cila do ta rivalizojë Ligën e Kampionëve.

Formati aktual i Kupës së Botës për klube përfshin vetëm shtatë ekipe, ku përfshihen fituesit e çdo trofeu të madh në kontinentet e ndryshme si dhe fituesi i Ligës së Kampionëve.

Chelsea është kampion aktual i kësaj gare, pasi që në muajin shkurt e mposhti skuadrën braziliane, Palmeiras.

“Ashtu edhe siç ju kujtohet, ne ramë dakord para disa vitesh që të kemi një format të ri të Kupës së Botës për klube me 24 skuadra. Kjo gjë duhej të fillonte në vitin 2021. Kjo ngjarje ishte pezulluar për shkak të Covidit”, tha Infantino.

“Kupa e Botës për klube e re do të fillojë nga viti 2025 dhe do të përfshijë 32 skuadra. Skuadrat më të mira në botë. Sigurisht, detajet e saj duhet ende të diskutohen, të vendosen dhe të miratohen. Por turneu me 32 skuadra do të filloj, duke e bërë të duket si një Kupë të Botës”, shtoi më tej presidenti i FIFA-s.

Po ashtu, Infantino e konfirmoi se gjysmëfinalisti i Kupës së Botës, Maroku është zgjedhur si nikoqir i edicionit të ardhshëm të Kupës së Botës për klube, dhe gjithashtu tha se do të ketë një edicion të ri të Kupës së Botës për klube të femrave, por nuk specifikoi ndonjë datë të caktuar.

Related Topics:
Continue Reading

Sport

Ndahet nga jeta ish-trajneri legjendar i NBA-së

Published

2 hours ago

on

November 10, 2025

By

Ka ndërruar jetë ish-trajneri legjendar i NBA-së, Lenny Wilkens në moshën 88-vjeçare dhe për vdekjen e Wilkens njoftoi familja e tij.

Wilkens, kishte qenë edhe lojtar në NBA, ku luajti ndër vite për skuadra si St.Louis Hawks, Seattle Supersonics, Cleveland Cavaliers dhe Portland Trailblazers, ku edhe i kishte menaxhuar si trajner.

Ndërsa suksesin e tij më të madh e kishte pasur si trajner, ku ishte shpallë kampion me Seattle Supersonics në vitin 1979.

Ai më pas menaxhoi edhe skuadrat si Atlanta Hawks, Toronto Raptors, New York Knicks dhe ishte pjesë e “NBA Hall of Fame”, për arritjet e tij historike në këtë ligë./S.K/EO/

Continue Reading

Sport

Lewandowski lë pas Neymarin me rekord të ri golash pas ndeshjes me Celta Vigo

Published

6 hours ago

on

November 10, 2025

By

Barcelona ka regjistruar fitore te Celta Vigo, në kuadër të xhiros së 12-të në La Liga, ku sulmuesi polak Robert Lewandowski si rezultat ka kaluar Neymarin në listën e golashënuesve më të mirë në historinë e Barcelonës.

Lewandowski ishte tashmë i barabartë me Neymarin me nga 105 gola për Barcelonën para ndeshjes kundër Celta Vigos.

Në atë takim, ai shënoi tre herë, duke arritur në kuotën e 108 golave me fanellën “blaugrana”.

Lewandowski iu bashkua Barcelonës në verën e vitit 2022 dhe që atëherë ka fituar dy tituj të La Ligës.

Edhe pse po i afrohet moshës 40-vjeçare, ai vazhdon të tregojë formë të lartë dhe mbetet një nga lojtarët më vendimtarë të skuadrës së Hansit Flick, edhe pse thuhet se mund të largohet në verë, me Barcelonën që po shikon disa opsione, një nga ta edhe Fisnik Asllani i Hoffenheimit./S.K/UBTNews/

Continue Reading

Sport

Tifozët e Sunderlandit i këndojnë Xhakës pas barazimit me Arsenalin

Published

6 hours ago

on

November 10, 2025

By

Sunderland bëri një tjetër paraqitje të mirë në Premierligë, duke e barazuar rezultatin me liderin aktual, Arsenalin.

Futbollisti që e ka marrë tërë vëmendjen te “Macet e Zeza” është pa dyshim Granit Xhaka, i cili me paraqitjet e tij fantastike ka bërë që ai të shndërrohet në futbollistin e preferuar të gjithë tifozëve të Sunderland.

Madje dje pas ndeshjes, tifozët edhe i kënduan këngë Xhakës, duke kënduar njëzëri “Sepse ne e kemi Granit Xhakën”./S.K/KP/

Continue Reading

Sport

Plaçkitet shtëpia e yllit të Interit

Published

2 days ago

on

November 8, 2025

By

Plaçkitja u realizua pasdite vonë më 5 nëntor, ndërkohë që mbrojtësi Alessandro Bastoni po luante në Ligën e Kampionëve.

Grupi, i përbërë nga të paktën katër individë të maskuar, u futën përmes një kanalizimi dhe ikën brenda disa minutash, sipas raportimit të “bergamo.corriere.it”.

Ngjarja ndodhi në shtëpinë e mbrojtësit të Interit, Alessandro Bastoni, në Castelli Calepio, afër Liqenit të Iseo, në provincën e Bergamos.

Plaçkitja u realizua rreth orës 18:30 më 5 nëntor, kur futbollisti ishte duke luajtur në San Siro për ndeshjen e Ligës së Kampionëve kundër Kairat, e cila përfundoi 2-1 në favor të ekipit milanez.

Në momentin e plaçkitjes, e cila u raportua fillimisht nga Bergamonews, nuk ishte askush në shtëpi.

Hajdutët u larguan me çanta dizajni dhe orë, përfshirë dy Rolex, megjithëse ende nuk është publikuar një listë e saktë e sendeve të humbura. /A.Z/UBT News/

Continue Reading

Të kërkuara