Sport

Kulusevski e kërkon rikthimin e Ibrahimovic te Kombëtarja e Suedisë

Published

6 years ago

January 11, 2021

Betim Gashi

Kanë kaluar më shumë se katër vite që kur Zlatan Ibrahimovic ka luajtur për herë të fundit për Kombëtaren e Suedisë.

Sulmuesi suedez është tërhequr nga ndeshjet me Kombëtaren pas Kampionatit Evropian Euro 2016. Por përkundër se është në moshë të shtyrë, Ibrahimovic po shkëlqen këtë edicion me Milanin.

39-vjeçari ka shënuar 11 gola në 11 takime dhe ka shtuar dy asistime duke qenë lojtari kryesor i Rossonerëve. E bashkëvendësi i tij, Dejan Kulusevski që aktivizohet me Juventusin ka thënë se dëshiron që Ibra të rikthehet te Suedia për të luajtur në Euro 2021.

“Unë kontaktoj me Ibran, i shkruajmë njëri-tjetrit. Ai është një idhull për mua, pasi është vështirë që dikush tjetër në botë ta bën atë që e bën Ibra”, tha Kulusevski.

“Kur Ibra flet për mua, kjo më bën të punojë edhe më shumë të nesërmen në stërvitje, sepse më bën shumë krenar”, vazhdoi sulmuesi i Juventusit.

“Unë me të vërtetë shpresoj që ai të kthehet në Kombëtare për Euro 2021. Do të ishte e mrekullueshme për mua dhe për të gjithë Suedinë. Eja Ibra”, përfundoi sulmuesi i talentuar suedez.

Up Next

Distria Krasniqi në finale të Mastersit

Don't Miss

Odegaard pritet të kthehet në Sociedad

Sport

KV Ulpiana triumfon ndaj KV Forcës

Published

2 hours ago

October 14, 2026

UBTNews

KV Ulpiana ka shënuar fitore ndaj KV Forcës në kuadër të Superligës A në volejboll, duke e mbyllur përballjen me rezultat 3:0 në sete.

Volejbollistët e Ulpianës treguan paraqitje të mirë që nga fillimi i takimit, duke fituar setin e parë me rezultat 25:17.

Ulpiana vazhdoi me ritëm pozitiv edhe në pjesën tjetër të ndeshjes, ndërsa seti i tretë rezultoi më i luftuar, duke u mbyllur me rezultat të ngushtë 25:23.

Me këtë triumf, Ulpiana regjistron një fitore të rëndësishme në Superligën A.

D.L

Sport

KV Ulpiana e nis fuqishëm ndeshjen ndaj KV Forcës, fiton setin e parë

Published

3 hours ago

October 14, 2026

UBTNews

KV Ulpiana ka nisur me rezultat pozitiv përballjen ndaj KV Forcës, në kuadër të Superligës A në volejboll.

Volejbollistët e Ulpianës kanë treguar lojë të mirë në setin e parë, duke e mbyllur atë me rezultat 25:17.

Ndeshja është duke vazhduar, ndërsa Ulpiana synon të ruajë epërsinë dhe të sigurojë fitoren.

D.L

Sport

Baton Zabërgja në formacionin më të mirë të javës në Ukrainë

Published

6 hours ago

October 14, 2026

UBTNews

Futbollisti i Përfaqësueses së Kosovës, Baton Zabërgja, është përfshirë në formacionin më të mirë të javës së tetë në Premier Leaguen e Ukrainës.

Përzgjedhja është bërë të mërkurën nga faqja zyrtare e kampionatit ukrainas, pas paraqitjeve të futbollistëve në ndeshjet e fundit.

25-vjeçari nga Vushtrria ishte ndër lojtarët më të dalluar në fitoren 2-1 të Kharkivit ndaj Odesas në udhëtim, duke kontribuar me një gol.

Sulmuesi kosovar po kalon një formë të shkëlqyer këtë edicion, duke u shndërruar në një nga lojtarët më produktivë të skuadrës së tij.

Në nëntë paraqitje në të gjitha garat, Zabërgja ka realizuar shtatë gola dhe ka kontribuar me katër asistime, duke konfirmuar formën e tij të mirë në futbollin ukrainas.

D.L

Sport

Albian Hajdari pëson një tjetër lëndim, jashtë fushës për disa javë

Published

7 hours ago

October 14, 2026

UBTNews

Mbrojtësi i Përfaqësueses së Kosovës, Albian Hajdari, ka pësuar një tjetër lëndim, duke u detyruar të qëndrojë jashtë fushës për disa javë.

Lajmin e ka konfirmuar klubi gjerman Hoffenheim, i cili ka bërë të ditur se futbollisti kosovar është lënduar gjatë stërvitjes së fundit, në pjesën e poshtme të shputës së këmbës.

Përmes një njoftimi zyrtar, Hoffenheimi ka konfirmuar mungesën e Hajdarit në javët e ardhshme, duke i uruar shërim të shpejtë dhe rikthim të suksesshëm në fushë.

Ky është lëndimi i dytë brenda një periudhe të shkurtër për mbrojtësin kosovar, i cili kishte pasur probleme fizike edhe gjatë grumbullimit me Përfaqësuesen e Kosovës muajin e kaluar.

Ende nuk është bërë e ditur data e saktë e rikthimit të tij në fushë.

D.L