Kulturë

Kultura në pushtet: Një milion euro për libra!

Published

on

Me një fond prej më shumë se 600 titujsh, Ministria e Kulturës ka pasuruar gjithsej 32 biblioteka në Kosovë, duke përfshirë edhe ato në Preshevë, Ulqin dhe Manastir. Ky aktivitet është bërë tradicional, dhe zëvendësministrja e Kulturës, Daulina Osmani, theksoi se buxheti për librin është gjashtëfishuar, duke arritur në një milion euro në vit, përfshirë blerjen e librave dhe mbështetje për autorët.

Blerja e librave dhe shpërndarja e tyre nëpër bibliotekat e Kosovës, si dhe në rajon, synon të mbështesë autorët dhe botuesit, ndërkohë që kontribuon në rritjen e interesimit për leximin dhe promovimin e kulturës. Në këtë ceremoni, u shpërndanë nga 604 tituj për secilën nga bibliotekat e përmendura, një investim i rëndësishëm në dijen dhe kulturën e lexuesve.

Zëvendësministrja Osmani nënvizoi se dhurimi i këtyre titujve nuk nënkupton vetëm pasurimin e koleksioneve, por përfaqëson një angazhim për investim në dije dhe përmirësimin e lexueshmërisë. Ajo bëri të ditur se librat dhe revistat që po shpërndahen janë blerë gjatë vitit aktual dhe atij të kaluar.

“Dhurimi i titujve për bibliotekat e vendit përbën një investim në dijen, lexueshmërinë dhe pasurimin e ofertës që ua ofrojmë lexuesve. Në mesin e këtyre titujve gjejmë shumë gjini letrare dhe revista të ndryshme, të cilat do t’i shërbejnë publikut,” tha ajo.

Ministri i Kulturës, Hajrulla Çeku, gjithashtu theksoi rëndësinë e këtij donacioni, duke e lidhur atë me rritjen e numrit të librave të dhuruar. Ai përmendi se buxheti për librin, i cili ishte 150 mijë euro, tani ka arritur në një milion euro, duke e forcuar rolin e autorëve, shtëpive botuese dhe bibliotekave në jetën kulturore të Kosovës.

Po ashtu, Nerimane Kamberi, kryesuese e Këshillit të Librit, shprehu kënaqësinë që janë përfshirë edhe komunat shqiptare jashtë Kosovës. Ajo nënvizoi se lexuesit dhe libri nuk janë në krizë, dhe se sfidat do të adresohen me punë dhe përkushtim, shkruan Koha.

Drejtoresha e Bibliotekës Kombëtare të Kosovës, Blerina Rogova-Gaxha, e vlerësoi pasurimin e fondit librar si një hap të rëndësishëm për komunikimin dhe njohjen përmes librit. Ajo theksoi se mbështetja për librat dhe bibliotekat është thelbësore për ruajtjen e trashëgimisë kulturore dhe intelektuale.

Ngjarja e kësaj natyre përbën një mundësi të shkëlqyer për të rritur interesin për librin dhe për të ofruar më shumë mundësi për lexime, kërkime dhe hulumtime shkencore, duke u dhënë nxënësve, studentëve, profesorëve dhe hulumtuesve një burim të pasur informacioni dhe njohurish./UBTNews/

Magazinë

Ish-partnerja e Liam Payne, Cheryl, trashëgon pasurinë e tij me vlerë 32.3 milionë dollarë

Published

on

Liam Payne mund të ketë qenë i ndarë nga partnerja e tij, Cheryl, me të cilën pati një djalë, Bear 8-vjeçar, në kohën e vdekjes së tij, por nëna e fëmijës së tij po trashëgon pasurinë e tij, me vlerë 32.3 milionë dollarë, pasi këngëtari i One Direction nuk la testament kur ndërroi jetë.

Për momentin, anëtarja e Girls Aloud (e njohur më parë si Cheryl Cole) e cila po punon me avokatin Richard Mark Bray, ka qasje të kufizuar në pasuri.

Payne vdiq në tetor në moshën 31 vjeç, kur ra nga kati i tretë i një hoteli në Argjentinë. Shkaku i vdekjes së tij, sipas ekzaminimit mjeko-ligjor, ishin lëndime të shumta me gjakderdhje të brendshme dhe të jashtme. Një test toksikologjik tregoi narkotikë në trupin e tij në kohën e rënies.

Në atë kohë, ai po dilte me influencuesen Kate Cassidy, e cila e kishte shoqëruar në pushimet e tij në Amerikën e Jugut, por ishte larguar disa ditë më parë.

“Liam ishte në humor shumë të mirë kur u largova nga Argjentina”, do t’i thoshte më vonë 26-vjeçarja gazetës “The Sun”. “Ishim shumë mirë, plot dashuri.” Ai ishte i lumtur dhe optimist. Nuk mund ta besoj që ka mbaruar vërtet.”

Continue Reading

Magazinë

Trump habit me veprimin: Punësoi yllin e reality show-t në muzeun e Holokaustit

Published

on

Donald Trump ka bërë një tjetër veprim që mund të shkaktojë reagime.

Në muzeun kushtuar viktimave të Holokaustit, ai punësoi yllin e reality show-t Siggy Flicker, e njohur për pjesëmarrjen e saj në shfaqjen The Real Housewives of New Jersey.

Siggy është një nga 11 personat e emëruar nga Trumpi për të shërbyer në bordin e muzeut.

Trump komentoi në platformën Truth Social: “Ata të gjithë e mbështesin Izraelin dhe do të sigurohen që ne të mos harrojmë kurrë. Urime të gjithëve”! Flicker njoftoi gjithçka në Instagram, duke falënderuar Trumpin “për privilegjin”.

Continue Reading

Magazinë

Cardi B i përgjigjet komenteve negative për paraqitjen e saj në Met: Isha e lodhur

Published

on

Cardi B nuk mund të mungonte në Met Gala 2025, ku u shfaq me një krijim mbresëlënës të Burberry, duke tërhequr edhe një herë vëmendjen mbi veten. Edhe pse shumica e njerëzve e lavdëruan për zgjedhjen e veshjeve, shumë komentuan qëndrimin dhe deklaratat e saj para kamerave.

Gjatë një interviste për Vogue, ndërsa përgatitej për eventin, reperja foli hapur për presionin që ndjen për ta tejkaluar veten çdo herë:

“Është më stresuese tani sepse po konkurroj me veten”, tha ajo, duke shtuar: “Të gjithë presin shumë nga unë. Sidomos këtu, sepse e dinë se kjo është fusha ime. Është e frikshme, por më pëlqen.” Ajo shtoi: “ Kjo më bën të kuptoj se jam vërtet një superyll.” “Sepse vetëm superyjet janë të ftuar.”

Fansat e saj në rrjetet sociale nxituan të lavdëronin mirëkuptimin e saj për çështjen e Met, por videoja tërhoqi vëmendjen edhe për arsye të tjera.

Disa filluan ta kritikonin pamjen e saj, duke pretenduar se dukej “e lodhur”, “e dehur” apo edhe “nën ndikimin e drogës”.

Continue Reading

Kulturë

92 vjet nga lindja e mbretëreshës së këngës shqipe, Nexhmije Pagarushës

Published

on

Sot janë bërë 92 vjet nga lindja e mbretëreshës së muzikës shqipe, Nexhmije Pagarushës.

Ajo mbetet një nga figurat më të shquara të muzikës shqiptare, e cila sot në këtë përvjetor vazhdon të kujtohet si ‘Bilbili i këngës shqipe’ e cila la pas një trashëgimi të pashlyeshme, e cila vazhdon të frymëzojë e të prekë zemrat e shumëkujt.

Nexhmije Pagarusha nuk ishte vetëm një artiste, por një ikonë, një përfaqësuese e muzikës shqiptare. Me zërin e saj të shkëlqyeshëm dhe interpretimin e ndjeshëm, ajo arriti të kapte zemrat e publikut në mënyrë të paimagjinueshme.

Këngët e saj, si “Baresha”, ”Ani mori nuse”, ”Mora testin”, “Një lule”, “Zambaku i Prizrenit” dhe shumë të tjera, nuk janë vetëm kompozime muzikore, por janë pjesë e trashëgimisë kulturore të kombit tonë.

Veprimtaria e saj muzikore 40-vjeçare është aq e gjerë, sa që është vështirë të thuhet se cilit zhanër i takon. Është e njohur për interpretimet e saj të shkëlqyera në muzikën popullore dhe opera.

Nexhmije Pagarusha ishte edhe aktore e suksesshme, si në film ashtu edhe në teatër.

”Baresha” është një ndër kryeveprat e interpretimit të saj. Kjo këngë u kompozua nga bashkëshorti i saj Rexho Mulliqi, me tekstin e poetit Rifat Kukaj.

Nexhmije Pagarusha interpretoi në një koncert të muzikës klasike veprat e përkthyera shqip të Bethovenit, Puçinit, Verdit, etj. Ky koncert ka qenë i pari i këtij lloji. Fatkeqësisht, asnjërit nga organizatorët teknikë nuk iu kishte kujtuar që të regjistronte këtë koncert. Mendohet se ajo ka interpretuar mbi 150 këngë.

Ajo ishte pjesëmarrëse e koncerteve në Kosovë, Shqipëri, Bullgari, etj. Karrierën muzikore e përfundoi në vitin 1984, pas një koncerti në Sarajevë. Pas 16 vjetësh larg skenës, ajo u paraqit në vitin 2000 me këngën “Për ty” në një emision të udhëhequr nga Ardit Gjebrea, i cili e bindi të bëjë këtë.

Më 2018 Pagarusha u vlerësua me “Medaljen e Mirënjohjes” nga presidenti amerikan, Donald Trump.

Përveç talentit të saj të rrallë, Nexhmije Pagarusha ishte gjithashtu një simbol i forcës dhe rezistencës.

Me 7 Shkurt 2020, Nexhmije Pagarusha u nda nga jeta.

Continue Reading

Të kërkuara