Sport

Kuka: Trajnerin serb gati e kapi zemra prej suksesit të shqiptarëve

Kuka tha se edhe në sport ka politike dhe se mund të shihet në çdo garë të madhe.

Published

on

Trajneri i xhudos, Driton Kuka është shprehur jashtëzakonisht i lumtur me suksesin e sportistëve shqiptar nëpër botë, duke u nisur nga suksesi i fundit i Zvicrës kundër Serbisë në Kampionatin Botëror, aty ku dy futbollistët kosovarë, Xherdan Shaqiri dhe Granit Xhaka ishin protagonistët kryesor.

Në postimin e tij në Facebook, Kuka ka thënë se edhe në sport ka politike dhe se mund të shihet në çdo garë të madhe.

Ai ndër të tjera ka thënë se shqiptarët gjithandej nëpër botë po tregojnë vlera e kjo po sjell situata si të atij shumë të rënda për kundërshtarët, siç ishte situata me trajnerin e Serbisë.

Ja postimi i plotë i Driton Kukës:

“Euforia kaloi. Ndeshja ku protagonistë ishin futbollistët shqiptar përfundoi ashtu siç ne dëshiruam, na kënaqën zemrat. Ju lumtë shqipe. Sporti ka edhe politikë! Kjo tashmë është bërë ashiqare në çdo garë të madhe sportive. Provokime ka në çdo ndeshje, në çdo sport. Me qëllime nga më të ndryshmet. Analizë për ngjarjet sportive sa ma pak njerëzit që janë laik, edhe nuk dinë e shpesh ja huqin se nuk kuptojnë mirë se çfarë emocione ka. Shqiptarët këndej në trojet tona, por edhe gjithandej nëpër botë po tregojnë vlera e kjo po sjellë situata si të atij trajnerit të pisët që gati e kapi zemra.”, ka shkruar Kuka.

Lajmet

Driton Kuka nderohet me “Pllakën e Artë” në Mal të Zi për sukseset historike

Published

on

By

Trajneri i mirënjohur i Kosovës, Driton Kuka, ka pranuar çmimin kryesor “Pllaka e Artë” nga Akademia Sportive e Malit të Zi. Ky vlerësim i lartë iu nda gjatë Konferencës së 24-t Ndërkombëtare të mbajtur në Budva, si mirënjohje për rezultatet e tij të jashtëzakonshme në arenën ndërkombëtare.

Akademia ka vlerësuar lart kontributin e Kukës në promovimin e sportit të xhudos dhe arritjet e tij të pashembullta që e ngritën Kosovën në majat e sportit botëror. Ky çmim vjen si dëshmi e punës së palodhshme të trajnerit që krijoi një “shkollë të artë” të xhudos në vendin tonë.

Nën udhëheqjen e Driton Kukës, ekipi i Kosovës ka arritur rekorde historike që përfshijnë:5 medalje olimpike; 10 medalje botërore; 30 medalje evropiane, si dhe qindra dekorata të tjera në gara prestigjioze.

Ky sukses i radhës konfirmon statusin e Kukës si një prej trajnerëve më të suksesshëm në botë, duke i dhënë Kosovës një imazh të fuqishëm përmes sportit.

Continue Reading

Sport

Gjysmëfinalet marrin flakë, Bashkimi pret Borën, Trepça përballet me Pejën

Published

on

By

Të mërkurën mbrëma vazhdon gara e zjarrtë në plejofin e Superligës së Kosovës në basketboll, ku në palestrën “Sezai Surroi” në Prizren zhvillohet gjysmëfinalja e tretë mes Bashkimit dhe Borës së Prishtinës, me fillim nga ora 19:30.

Seria mes dy skuadrave është plotësisht e baraspeshuar, pasi pas dy takimeve të para rezultati është 1:1. Për të siguruar një vend në finale, skuadra duhet të arrijë tri fitore, ndaj kjo përballje pritet të ketë peshë të madhe për vazhdimin e garës.

Si Bashkimi, ashtu edhe Bora synojnë të hedhin hapin vendimtar drejt finales, në një duel ku pritet atmosferë e zjarrtë dhe rivalitet maksimal. Dy ndeshjet e para kanë qenë shumë të forta dhe të barabarta, duke u vendosur vetëm në momentet e fundit.

Ndërkohë, të enjten luhet edhe gjysmëfinalja tjetër mes Trepçës dhe Pejës. Edhe kjo seri është e barazuar 1:1, ndërsa ndeshja e tretë zhvillohet në palestrën “Minatori” në Mitrovicë, po ashtu nga ora 19:30.

Continue Reading

Sport

PSG-ja fiton “luftën” me Bayernin, gjysmëfinalja dhuron 9 gola

Published

on

By

Nata e parë gjysmëfinale e Ligës së Kampionëve ka dhuruar një spektakël, ku Paris Saint-Germain ka triumfuar me rezultatin e pabesueshëm 5-4 ndaj Bayern Munich. Në një mbrëmje që kishte gjithçka – përmbysje, supergola dhe dramë me VAR – të dyja skuadrat dëshmuan pse janë në majat e futbollit evropian.

Ndeshja nisi më mirë për bavarezët, të cilët zhbllokuan rezultatin në minutën e 17-të përmes Harry Kane, i cili u tregua i saktë nga pika e bardhë. Megjithatë, festa e miqve zgjati pak, pasi Khvicha Kvaratskhelia barazoi në minutën e 24-t me një aksion mjeshtëror individual.

Vrulli i parisienëve u kurorëzua në minutën e 33-të, kur Joao Neves goditi saktë me kokë pas një korneri për rezultatin 2-1. Por, kur mendohej se PSG do të dominonte, Michael Olise “ngriu” stadiumin në minutën e 41-të me një goditje të jashtëzakonshme nga jashtë zone që përfundoi në trekëndëshin e portës. Drama e pjesës së parë u mbyll në minutat shtesë, ku pas rishikimit me VAR, Ousmane Dembele shënoi nga penalltia, duke dërguar skuadrat në dhomat e zhveshjes me shifrat 3-2.

Fillimi i pjesës së dytë ishte një “uragan” për Bayernin. Brenda dy minutave (56’ dhe 58’), Kvaratskhelia dhe Dembele plotësuan dopietat e tyre respektive, duke e dërguar rezultatin në një 5-2 që dukej shkatërrues.

Por Bayern Munich nuk dorëzohet kurrë. Dayot Upamecano në minutën e 65-të ngushtoi diferencën me kokë, ndërsa pesë minuta më vonë, Luis Díaz shënoi golin e katërt pas një rishikimi tjetër me VAR që konfirmoi pozicionin e tij të rregullt.

Në minutat e fundit tensioni arriti kulmin. PSG pati shansin e artë për ta mbyllur përfundimisht ndeshjen me talentin Senny Mayulu, i cili pasi shmangu portierin Neuer, goditi traversën me portën e zbrazët.

Në fund, rezultati 5-4 lë gjithçka të hapur për ndeshjen e kthimit, duke vulosur njërën prej sfidave më magjike në historinë moderne të Ligës së Kampionëve.

Continue Reading

Sport

Sara Rexhaj dhe Besim Bytyqi shpallen “Shpresa Olimpike 2026”

Published

on

By

Basketbollistët Sara Rexhaj dhe Besim Bytyqi janë përzgjedhur në programin “Shpresa Olimpike” për vitin 2026, një iniciativë e Komitetit Olimpik të Kosovës për mbështetjen e sportistëve të rinj premtues.

Nënshkrimi i kontratave është bërë në ambientet e Komitetit Olimpik të Kosovës, ku gjithsej 48 bursistë nga 19 sporte olimpike do të përfitojnë bursa mujore prej 150 euro gjatë gjithë vitit 2026.

Dy talentet e basketbollit kosovar vlerësohen si emra me perspektivë për të ardhmen dhe pritet të japin kontribut të rëndësishëm edhe për Përfaqësuesen e Kosovës në garat ndërkombëtare.

Presidenti i KOK-ut, Ismet Krasniqi, deklaroi se ky është numri më i madh ndonjëherë i bursistëve të rinj, ndërsa vlera totale e programit arrin në 84,600 euro në vit.

Continue Reading

Të kërkuara