Sport

​Kuka: Kosova me bilanc të jashtëzakonshëm në olimpiadë, peng është mossuksesi i Akilit

Published

on

Trajneri i xhudos Driton Kuka ka lavdëruar paraqitjen e jashtëzakonshme të Kosovës në Lojërat Olimpike në Paris, duke theksuar sukseset dhe sfidat emocionale për garuesit dhe trajnerët.

Distria Krasniqi dhe Laura Fazliu janë elozhuar për angazhimin e tyre të palodhur, duke sjellë rezultate të shkëlqyera për vendin e tyre.

Kuka tha se performanca në Paris ishte një vazhdim i suksesshëm i medaljeve olimpike për Kosovën, duke filluar nga Rio e deri në Tokio dhe tani në Paris. Ai vlerësoi veçanërisht kontributin e Distria Krasniqit në historinë e xhudos, duke theksuar se ajo ka arritur të bëhet pjesë e rrallë e garuesve me medalje në të dy kategoritë për vajza.

Në anën tjetër, trajneri tha se dështimi i Akil Gjakovës për të fituar medalje e ka bërë atë të ndihet me keqardhje, duke e vlerësuar performancën e tij të shkëlqyer deri në gjysmëfinale.

Laura Fazliu mori medaljen e bronztë në luftën e saj të pasur me emocione për Kosovën, duke treguar përkushtim të jashtëzakonshëm në fushën e xhudos.

Trajneri Driton Kuka ka shprehur gëzimin e tij për arritjen e synimit për të fituar pesë medalje olimpike, duke e quajtur këtë një sukses për Kosovën dhe për veten e tij si trajner.

Derisa xhudistja Loriana Kuka nuk ka garuar ende, shpresat për arritje të mëtejshme janë të larta për ekipin e xhudos të Kosovës./UBTNews/

Sport

KV Ferizaj kërkon përmbysjen evropiane ndaj Volejbal Brno

Published

on

By

KV Ferizaj zhvillon sonte ndeshjen e kthimit ndaj skuadrës çeke Volejbal Brno, në kuadër të 1/32 së finales së CEV Challenge Cup.

Pas humbjes 3:0 në ndeshjen e parë, të zhvilluar më 10 nëntor në Çeki, skuadra ferizajase synon të bëjë përmbysjen para tifozëve të saj dhe të vazhdojë rrugëtimin në garat evropiane.

Misioni nuk do të jetë i lehtë, pasi Ferizajt i duhet fillimisht një fitore 3:0 për ta barazuar rezultatin e përgjithshëm dhe për ta dërguar çështjen e kualifikimit në “Golden Set”.

Në rast të çdo rezultati tjetër, skuadra kosovare do të eliminohej nga gara.

Përballja zhvillohet nga ora 19:00, në palestrën sportive “Bill Clinton” në Ferizaj, ku vendasit do të kërkojnë përkrahjen e tifozëve për ta realizuar një përmbysje të madhe evropiane.

D.L

Continue Reading

Sport

Milot Rashica në listën e largimeve të Beshiktashit për afatin kalimtar të janarit

Published

on

By

Beshiktashi pritet të bëjë ndryshime në skuadër gjatë afatit kalimtar të janarit, ndërsa në mesin e lojtarëve që mund të largohen është edhe futbollisti i Kombëtares së Kosovës, Milot Rashica.

Sipas mediumit turk “Yeni Mesaj”, Rashica është emri i parë në listën e tre lojtarëve të huaj me të cilët klubi nga Stambolli planifikon të ndahet gjatë afatit kalimtar të dimrit.

Beshiktashi synon të përforcohet në tri pozicione, përkatësisht në qendër të mbrojtjes, në krahun e djathtë dhe në mesfushë. Për të krijuar hapësirë për transferimin e tre futbollistëve të rinj të huaj, klubi duhet të lirojë po aq vende në skuadrën aktuale.

Rashica, i cili ka kontratë me klubin turk deri në fund të këtij edicioni, nuk ka arritur të sigurojë hapësirën e dëshiruar këtë sezon, duke u aktivizuar kryesisht si rezervist.

Mbetet të shihet nëse Beshiktashi do të vendosë përfundimisht për largimin e reprezentuesit kosovar gjatë janarit.

D.L

Continue Reading

Sport

Trepça dhe Bashkimi vazhdojnë aventurën evropiane në FIBA Europe Cup

Published

on

By

Dy skuadrat kosovare, Trepça dhe Bashkimi, zbresin sonte në parket për të zhvilluar ndeshjet e radhës në FIBA Europe Cup, ku do të kërkojnë rezultate pozitive përballë kundërshtarëve të tyre.

Trepça do të përballet me skuadrën kroate Split, me fillim nga ora 18:30, në palestrën “Minatori” në Mitrovicë.

Ndërkohë, Bashkimi do të luajë kundër Manchester Basketball, në orën 19:00, në palestrën “Sezai Surroi” në Prizren.

Të dyja skuadrat do të kenë përkrahjen e tifozëve vendas, në përpjekje për të përfaqësuar sa më mirë basketbollin kosovar në arenën evropiane.

D.L

Continue Reading

Sport

Kreshnik Hajrizi kërkon falje publike: “Një nga momentet më të dhimbshme të karrierës sime”

Published

on

By

Mbrojtësi i Kosovës, Kreshnik Hajrizi, ka reaguar përmes një mesazhi emocionues pas kartonit të kuq të marrë në përballjen ndaj Irlandës, ku la “Dardanët” me një lojtar më pak në një moment vendimtar të ndeshjes.

Pas humbjes 3-0 në Dublin, Hajrizi ka marrë përgjegjësinë për veprimin e tij, duke shprehur zhgënjimin e thellë dhe duke kërkuar falje publike ndaj tifozëve, bashkëlojtarëve dhe gjithë popullit të Kosovës.

Përmes një postimi në rrjetet sociale, ai e ka cilësuar këtë si një nga momentet më të vështira të karrierës së tij, duke pranuar peshën e gabimit dhe pasojat që pati për ekipin.

“Një moment jashtëzakonisht i vështirë për t’u përjetuar, pa dyshim një nga momentet më të dhimbshme të karrierës sime. Sot ndiej një zhgënjim të madh dhe një dëshpërim të thellë. Kam bërë një gabim që pati pasoja të rënda dhe që lëndoi një vend të tërë, një komb të tërë. Jam plotësisht i vetëdijshëm për përgjegjësinë që mbaj dhe dua të kërkoj falje me gjithë zemër”, ka shkruar Hajrizi.

Ai gjithashtu u ka kërkuar falje tifozëve që ishin të pranishëm në stadium, të gjithë atyre që mbështetën Kosovën, si dhe bashkëlojtarëve të tij.

“Faleminderit të gjithëve që vazhdojnë të na mbështesin, edhe në momentet më të vështira. Forca Kosovë! Dashuri dhe respekt i pafund për këtë fanellë dhe për gjithë kombin tonë”, përfundoi mesazhin mbrojtësi kosovar.

Kujtojmë se Hajrizi u ndëshkua me karton të kuq në pjesën e parë të ndeshjes ndaj Irlandës, pas një prekjeje me dorë të topit në vijën e portës. Ky episod u pasua me penallti për vendasit, të cilët më pas shënuan edhe dy gola të tjerë për të vulosur fitoren 3-0.

D.L

Continue Reading

Të kërkuara