Kollitjet janë simptomat më të shpeshta të sëmundjeve fëmijërore e kanë një zë të keq nganjëherë, por ato nuk janë simptoma të ndonjë gjendje serioze.

Kollitja është një refleks, që ndihmon pastrimin e rrugëve të frymëmarrjes në fyt e gjoks. Për shkak të kollitjes fëmija duhet të paraqitet te mjeku e duke njohur llojet e ndryshme të tyre ju ndihmojnë t’i kontrolloni e të dini kur t’i drejtoheni mjekut.

Llojet dhe domethëniet e kollitjeve

Kollitja “ulërimë” Është pasojë e inflamacioneve ose ënjtjeve në rrugët e sipërme të frymëmarrjes. Shkaktohet nga inflamacionet e laringut e trakesë, që shkaktohen nga alergjitë, ndryshimet në temperaturë gjatë natës, apo mund të jetë edhe si pasojë e ndonjë infeksioni viral.

Kolla e mirë

Është emër, që i referohet pertussisit, infeksion i traktit respirator i shkaktuar nga bakterja Bordetella Pertussis. Sëmundja karakterizohet me kollitje që përfundojnë me britma kur fëmija merr frymë. Simptomat tjera: Shkuarje të hunëve, teshtitjet, kollë të butë dhe ethe.

Kolla me gulçitje

Kur kolla shoqërohet me zë gulçimës kur fëmija nxjerr frymën, është shenjë e inflamimit të rrugëve të poshtme të frymëmarrjes. Ekziston mundësia, që rrugët e poshtme të jenë të bllokuara nga ndonjë trup i huaj ose mukus nga ndonjë infeksion respirator.

Kollitja gjatë natës

Shumica e kollitjeve përkeqësohen natën për shkak se sekreti nga hunda e sinuset kalon në fyt duke ngacmuar refleksin e kollitjes përderisa fëmija është i shtrirë. Astma shkakton kollitje sepse rrugët e frymëmarrjes janë më të ndjeshme dhe më të ngacmueshme gjatë natës.

Kollitja gjatë ditës

Alergjitë, astma e ftohja respiratore janë shkaktarët e zakonshëm të kollitjes. Ajri i ftohtë i përkeqëson këto kollitje, që zhduken kur fëmija është në gjumë ose duke pushuar. Keni kujdes nga ftohësit e ajrit, kafshët shtëpiake ose duhani të mos e shkaktojnë kollitjen e fëmijës suaj.

Kolla me vjellje

Fëmijët kollin aq shumë saqë nxisin refleksin e vjelljes. Shpesh kjo nuk paraqet shenjë alarmi nëse vjellja nuk vazhdon. Nëse fëmija ka kollë nga ftohja ose astma, mund të ketë mukus i cili shkon në lukth e shkakton mundim.

Kolla me ethe

Nëse fëmija ka kollë, temperaturë mesatare dhe rrjedhje nga hundët, ekzistojnë mundësitë të jetë ftohur. Kollitja me temperaturë 39 gradë ose më lartë nënkupton se fëmija është i prekur nga pneumonia, sidomos nëse është i plogët e merr frymë shpesh.

Kolla e vazhdueshme

Kollitjet e shkaktuara nga ftohjet zgjasin me javë, veçanërisht nëse fëmija ftohet shpesh. Astma, alergjitë ose ndonjë infeksion kronik në sinuse ose rrugët e frymëmarrjes, mund të jenë përgjegjës për këto kollitje që zgjasin. Nëse kolla zgjat tre javë, dërgojeni fëmijën te mjeku. /UBT News/

Për qindra vjet, njerëzit i janë drejtuar çokollatës për të rritur shëndetin e zemrës. Në vitet 1500, njerëzit indigjenë konsumonin kakao si një pije që besohej se trajtonte sëmundje të ndryshme, duke përfshirë anginë, një lloj dhimbje gjoksi të shkaktuar nga rrjedhja e zvogëluar e gjakut në zemër.

Këto ditë, një kërkim për të kuptuar efektet e çokollatës në shëndetin e zemrës ka çuar në kërkime shkencore mbi këtë temë. Disa forma të çokollatës mund të jenë të dobishme për shëndetin e zemrës, por disa edhe mund të mos jenë.

Përbërësi yll në çokollatë është fara nga pemët e kakaos, këto fara që quhen edhe kokrra kakao – janë të pasura me komponime bimore të njohura si flavanole, një lloj polifenoli i lidhur me një rrezik më të ulët të sëmundjeve të zemrës dhe diabetit.

Kjo është arsyeja pse shumë kërkime mbi efektin e çokollatës në shëndetin e zemrës janë fokusuar ose në ekstraktin e kakaos ose në çokollatën e zezë me të paktën 70% kakao, e cila përmban më shumë flavanole sesa çokollatat e bardha me qumësht.

Çokollata e bardhë nuk përmban kokrra kakao e kokrrat që përfundojnë në produkte çokollatë të errët dhe qumështore i nënshtrohen proceseve që mund të ulin ndjeshëm përmbajtjen e tyre të flavanolit.

P.sh një studim zbuloi se fermentimi ose pjekja gjatë prodhimit mund të zvogëlojë sasinë totale të flavanoleve në kakao më shumë se dhjetëfish, transmeton Klankosova.tv.

Ndërkaq, konsumimi i tepërt i çdo karamele me çokollatë, veçanërisht ato të pasura me sheqerna dhe yndyrna të shtuara, si shumë karamele me çokollatë të disponueshme në treg, mund të kontribuojnë në nivele të larta të kolesterolit dhe probleme të tjera shëndetësore.

Shumë njerëz zgjohen për të pirë ujë. Megjithatë, herë pas here gota me ujë mund të harrohet deri në mëngjes. Pyesni veten nëse uji që është ulur gjatë natës është i sigurt për t’u pirë.

Edhe pse përgjigja është PO, duhet të keni parasysh disa gjëra para se të vendosni të pini këtë ujë. Domethënë, është mirë të pini ujë nga një gotë sa më shpejt që të jetë e mundur.

Kjo ka të bëjë më pak me sigurinë dhe më shumë me cilësinë, me përjashtim të ujit të injektuar, nuk përmban asgjë që prishet, as nuk ka gjasa që bakteret të shumohen në masë të madhe natën, që do të thotë se pirja e ujit të mbetur s’do të jetë aq e dëmshme për shëndetin tuaj.

Mund të jetë e dëmshme për sythat e shijes, duke qenë se uji njihet për thithjen e aromave, shija ndikohet ndjeshëm, veçanërisht kur ngrohet në temperaturën e dhomës dhe aromat intensifikohen. Uji mund të ketë dhe një shije të ndenjur për shkak të një sërë reaksionesh kimike. Kur një gotë me ujë qëndron pa mbuluar për orë të tëra, përbërja e tij do të ndryshojë disi.

Pas disa orësh, uji thithë dioksidin e karbonit nga ajri, duke shkaktuar reagim që shkakton uljen e pH dhe i jep lëngut një erë të thartë, çdo kimikat i shtuar në një gotë ujë çezme, si klori me shije të hidhur, mund të shpërndahet me kalimin e kohës, duke ndikuar në shijen.

Lënia e një gote me ujë jashtë natën do të ndikojë në shijen, vlen të përmendet se për shkak se jo i gjithë uji merret ose përpunohet në të njëjtën mënyrë, ndryshimet e shijes mund të jenë më të theksuara në disa lloje uji.

Në çdo rast, për sa kohë që jeni në rregull me ndryshimin e lehtë në shije, të pini ujë që është “mbushur gjatë natës”, qoftë uji i çezmës, ujë mineral apo ujë i pastruar, të gjitha opsionet janë të përshtatshme.

Ka faktor tjetër që duhet marrë parasysh para se të vendosni të pini një gllënjkë, dhe kjo është mënyra e ruajtjes. Duke qenë se gotat e ujit janë kontejnerë të pambuluar, kjo çon në grumbullimin e mbeturinave, grimcave të pluhurit dhe potencialisht edhe insekteve.

Kjo është arsyeja pse sugjerohet të shikoni mirë se çfarë ka në gotën tuaj para se të filloni të pini ujë. /UBT News/

Qumështi dihet se është burim i shkëlqyeshëm i kalciumit, i cili është një nga elementet më të rëndësishme të trupit tonë. Ky mineral i ndihmon trupit tonë në ruajtjen e eshtrave të fortë dhe të shëndetshëm të dhëmbëve, ndërsa po ashtu ndihmon përmirësimin e sistemit kardiovaskular dhe punës së muskujve.

Qumështi i ftohtë është mënyra më e mirë për të fituar kalciumin. Një gotë qumësht ka 300 mg kalcium. Mendoni për përzgjedhjen e qumështit të lopëve që ushqehen vetëm me bar, sepse një hulumtim ka treguar që ka ndikim të shkëlqyeshëm në shëndetin e zemrës.

Konsumimi i rekomanduar ditor te personat prej moshës 19-50 vjeç është 1000 mg. Adoleshentët, personat më të moshuar dhe femrat shtatzënë kanë nevojë për sasi të ndryshme të kalciumit. Megjithatë, çka nëse nuk jeni adhurues të qumështit?

Qumështi nuk është burimi i vetëm i kalciumit. Ju sjellim ushqimet, që janë të pasura me kalcium.

Lakra e gjelbër – Nuk keni nevojë për shtytje tjera të filloni të hani lakër të gjelbër. Një filxhan lakër përmban 90 mg kalcium. Kjo do të thotë që sallata me 3.5 filxhanë lakër të gjelbër ofron më shumë kalcium se një filxhan qumësht.

Portokajtë – Edhe pse ky agrum njihet si burim i shkëlqyeshëm i vitaminës C, një portokall përmban 6- mg kalcium.

Sardelet – 85g sardele të konservuara në vaj me eshtrat, përmbajnë 325 mg impresive për porcion, 33% të dozës së nevojshme ditore.

Qumështi i sojës – Ky është versioni alternativ i qumështit, i cili po ashtu ka 300 mg kalcium në një filxhan.

Qulli i tërshërës – Rekomandohet qulli i tërshërës për kafjall. Është burim i shkëlqyeshëm i fibrave, 35 mg qull tërshëre përmbajnë rreh 105mg kalcium.

Farat e susamit – 30 mg fara susami përmbajnë madje 280 mg kalcium, gati njëjtë si e tërë gota me qumësht.

Djathi – Produkt i qumështit, çka do të thotë që përmban edhe kalcium. Ka lloje të ndryshme të djathërave, ndërsa burimi më i mirë i kalciumit është djathi zviceran i cili në 30 mg ka 270 mg kalcium dhe “Mozzarela” që në 30 g ka 200 mg kalcium. Nëse jeni adhurues të parmezanit, lajm i shkëlqyeshëm është që vetëm 1 lugë parmezan përmban 70 mg kalcium.

Soja – Një filxhan sojë e zier, pa kripë, përmban 261 mg kalcium.

Bajamet – 30g bajame përmbajnë 80 mg kalcium, ndërsa ndihmojnë te zvogëlimi i peshës trupore, kolesterina dhe rregullimi i sheqerit të gjakut. Hani në sasi të moderuara, sepse janë të pasura me kalori dhe yndyra.

Salmoni – E dimë që salmoni është peshk ushqyes, i pasur me yndyra të shëndetshme e proteina. 85 mg salmon të konservuar në vaj me eshtra, përmban 181mg kalcium. Ekspertët rekomandojnë t’i hani edhe eshtrat.

Fasulja e bardhë – Vetëm një gjysmë filxhani fasule e bardhe përmban madje100 mg kalcium.

Jogurti – 225 g jogurt i payndyrshëm do t’ju sigurojë 415 mg kalcium, çka është më shumë se qumështi, përbën 42% të konsumimit të rekomanduar. Kini kujdes të hani jogurt të zakonshëm sepse me aroma të ndryshme përmbajnë sheqerna shtesë, që s’janë të shëndetshme.

Fiqtë e thatë – Nëse jeni ndieni nevojë për diçka të ëmbël, fiqtë e thatë janë zgjidhje e shkëlqyeshme. Vetëm 2 fiq të thatë kanë 55 mg kalcium, ndërsa po ashtu janë të pasur me fibra dhe hekur.

Rrepa e bardhë – Një filxhan me rrepë të bardhë të zierë përmban gati 200 mg kalcium. Nëse për drekë hani dy filxhanë rrepë, do të konsumoni më shumë se sa do të kishit konsumuar vetëm me një filxhan qumësht.

Rukola – Një filxhan rukola përmban 125 mg kalcium. Sallata që përbëhet nga 3 filxhanë rukola mbush 40% e nevojës ditore për kalcium.

Brokoli – Në listën e perimeve më të shëndetshme, përveç që ka dobi të shkëlqyeshme për organizmin, një filxhan brokoli i zier do t’ju sigurojë 180 mg kalcium.

Tofu – Një porcion tofu të fortë me sulfatin e kalciumit (kontrolloni në përmbajtjen e produktit) siguron rreth 250 mg kalcium.

Farat e lulediellit – 30 g fara luledielli kanë 50 mg kalcium, prandaj shijoni ngrënien e tyre. /UBT News/