Sport

Kualifikimet e Botërorit për Kosovën: Nis me Suedinë në Prishtinë, mbaron me Spanjën në Prishtinë

Published

6 years ago

on

Pas mësimit të kundërshtarëve që do të përballet në kualifikimet e Kupës së Botës 2022, që do të zhvillohen vitin e ardhshëm, Kosova do të ketë një orar të ngjeshur dhe interesant.

Kosova ndeshjen e parë do ta zhvillojë në Prishtinë, kundër Suedisë, në një takim interesant dhe me një kundërshtar tejet të fortë, marrë parasysh kualitetin e skuadrës suedeze.

E ndeshjen e dytë, Kosova do ta luajë në udhëtim ndaj Spanjës, aty ku mund të ketë edhe tensione, marrë parasysh se spanjollët nuk e njohin shtetin e Kosovës.

E para ndeshje i përket datës 28 mars, teksa e dyta 31 mars. Takimin me Gjeorgjinë, Kosova do ta zhvillojë me 2 shtator, teksa pas pesë ditësh do të ketë punë me Greqinë në stadiumin “Fadil Vokrri”.

Më 8 shtator “Fadil Vokrri” duhet të jetë i përgatitur të presë yjet spanjollë, të cilët do të marrin rrugë drejt Prishtinës për t’u ndeshur me përfaqësuesen Dardane, kuptohet nëse spanjollët do të kenë dëshirë të ndeshen me Kosovën./UBTNews

Related Topics:
Continue Reading

Vendi

Akil Gjakova mbyll garën pa medalje në Abu Dhabi

Published

14 hours ago

on

October 30, 2026

By

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Continue Reading

Vendi

Laura Fazliu fiton të bronztën në Grand Slam

Published

14 hours ago

on

October 30, 2026

By

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Continue Reading

Vendi

Laura Fazliu kalon në gjysmëfinale të Grand Slam-it në Abu Dhabi

Published

16 hours ago

on

October 30, 2026

By

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/

Continue Reading

Lajmet

Akil Gjakova mposht nënkampionin e botës

Published

17 hours ago

on

October 30, 2026

By

Akil Gjakova ka shënuar fitore në Grand Slamin në Abu Dabi.

Ai në xhiron e tretë e mposhti bartësin e parë dhe nënkampionin në fuqi të botës, Makhmadbek Makhmadbekovin.

Ndaj tij dominoi prej fillimit, ndërsa fitoi me “Ippon” të bukur në kohën shtesë.

Është kjo fitorja më e madhe e Akilit në vitin e fundit. Ai po garon në kategorinë deri 73 kilogramë, dhe po duket në ditë të mirë. /D.L/

Continue Reading

Të kërkuara