Lajmet nga UBT

“Kryemjeshtri” – promovohet në UBT libri dedikuar mjeshtrit të xhudos, Driton Kuka

Në mesin e pjesëmarrësve të shumtë në këtë promovim, ishte edhe rektori i UBT-së, Prof. Dr. Edmond Hajrizi.

Publikuar

Në Parkun Shkencor Inovativ të UBT-së në Lipjan, në një ceremoni u bë promovimi i librit “Kryemjeshtri” nga autori Arsim Maxhera, dedikuar trajnerit mjeshtër të xhudos, njëherit profesorit të UBT-së, Driton Kuka.

Në mesin e pjesëmarrësve të shumtë në këtë promovim, ishte edhe rektori i UBT-së, Prof. Dr. Edmond Hajrizi, i cili në fjalën e tij përshëndetëse, falënderoi autorin e librit, Arsim Maxhera dhe trajnerin mjeshtër të xhudos, Driton Kuka, për përkushtimin për të sjellë në Kosovë një libër voluminoz, në të cilin përshkruhet roli i një modeli mjeshtër, siç është Kuka.

“Libri është një mesazh shumë i rëndësishëm për të rinjtë se si duhet të krijohet një perceptim për krijimin e një heroi dhe kampioni të sportit. Ne e kemi një rast të një trajneri se si është një rol model. Për neve dhe për Kosovën, është një rol model me të cilin ne duhet ta promovojmë dhe gjeneratat e tjera ta marrin si bazë. Autori ka bërë një punë shumë të mirë, e cila besoj që nuk do të jetë botimi i parë dhe i vetëm, sepse njerëzit si Driton Kuka duhet të promovohen. Besoj se ekziston një lloj modeli i mjeshtërisë, talentët kanë predispozita për të qenë të tillë, mirëpo, modeli e organizimi ndërtohen nga trajnerë. Ne, si UBT e kemi vlerësuar Driton Kukën para disa viteve me “Leadership Excellence Award”. Përmes xhudos, Kosova ka krijuar një lloj eliminimi të inferioritetit, me këtë pritjet tona nuk janë më në nivelin e pritjes së kualifikimit, por tani janë për të qenë më të mirët në botë”, tha rektori Hajrizi.

Autori, njëherit gazetari i sportit, Arsim Maxhera vlerësoi lartë pjesëmarrjen e studentëve dhe të profesorëve të UBT-së, në këtë promovim të librit, për të cilin tha se është një libër që shfaq punën kolosale të Driton Kukës dhe sfidat me të cilat është përballur ky i fundit përgjatë jetës dhe karrierës së tij.

“Libri është një shfaqje e punës kolosale që ka bërë Dritoni Kuka, rreth sfidave të cilat i ka kaluar ai. Një rrugëtim i veçantë që nuk besoj se mund të përsëritet. Nga ky rrugëtim mund të mësojnë gjeneratat e reja. Dijen që e ka Driton Kuka duhet të shpërndahet më shumë te punëtorët e tjerë të sportit në nivel vendi”, u shpreh Maxhera.

Trajneri mjeshtër i xhudos, njëherit profesorit të UBT-së, Driton Kuka, u shpreh falënderues për promovimin e librit në UBT, si dhe tha se është i lumtur që është pjesë e UBT-së.

“UBT më ka vlerësuar pak më ndryshe, duke më dhënë çmimin “Leadership Excellence Award”. Jam shumë i lumtur që jam në mesin tuaj dhe pjesë e UBT-së. E vlerësoj punën e Arsimit rreth librit, i cili në mënyrë kronologjike ka përshkruar secilën ngjarje që kam përjetuar”, ka thënë trajneri Kuka.

Lajmet nga UBT

UBT – model i inovacionit dhe transformimit të arsimit të lartë në Kosovë dhe rajon

UBT është më shumë se një institucion arsimor; është një mision, një vizion për të ardhmen e arsimit dhe shoqërisë në tërësi.

Publikuar

nga

Në një epokë ku inovacioni dhe qëndrueshmëria janë sfidat kryesore të shoqërisë globale, UBT në Kosovë po vazhdon të dëshmohet si një institucion udhëheqës në fushën e arsimit të lartë.

Me arritje të jashtëzakonshme në fushën e inovacionit, cilësisë dhe përkushtimit ndaj qëndrueshmërisë mjedisore, UBT është shndërruar në një model të transformimit dhe zhvillimit në Kosovë dhe rajon.

Një nga arritjet më të shquara të UBT-së është renditja në mesin e Top 200 universiteteve më të mira në botë për luftën ndaj Ndryshimeve Klimatike nga GreenMetric World University Ranking 2023. Kjo vërteton përkushtimin e UBT-së në promovimin e kampuseve të gjelbra dhe praktikave të qëndrueshme mjedisore, duke u bërë një model për institucionet e arsimit të lartë në nivel global.

Krahas universiteteve më prestigjioze në botë, UBT është ranguar për inovacion dhe për revolucionin e katërt industrial në WURI. Këtë vit, ranglista botërore e universiteteve prestigjioze, SCImago, ka ranguar UBT-në si institucionin më të mirë dhe të vetmin në arsimit e lartë privat në mbarë trojet shqiptare.

UBT është në vazhdimësi në kërkim të një inovacioni të qëndrueshëm, të cilin e përmirëson përmes investimeve në teknologji dhe përmes projekteve inovative të cilat ofrojnë zgjidhje për sfidat bashkëkohore.

Renditja e UBT-së si institucioni i dytë në Kosovë dhe i treti në trojet shqiptare për numrin e citimeve të publikimeve të stafit në platformën “Webometrics” dëshmon për cilësinë e lartë të kërkimit shkencor dhe kontributin e UBT-së në fushën e dijes dhe inovacionit. Përveç kësaj, ngritja prej 3 mijë vende në renditjen e Institucioneve të Arsimit të Lartë për vitin 2024 dhe renditja e UBT-së në mesin e nëntë kompanive më të mira në botë për cilësi nga EFQM tregon nivelin e lartë të performancës dhe cilësisë së institucionit.

Duke u krahasuar me kompanitë globale të njohura, UBT ka dëshmuar nivelin e saj të lartë të cilësisë dhe përkushtimit ndaj standardeve të larta. UBT është dëshmuar edhe në fushën e sipërmarrësisë dhe inovacionit, duke fituar çmimin “Europian Young Entrepreneurial University of the Year” nga Triple E Awards në Barcelona të Spanjës. Ky çmim vërteton përkushtimin e UBT-së në promovimin e sipërmarrësisë dhe inovacionit si pjesë integrale e përparimit të shoqërisë dhe zhvillimit të ekonomisë.

UBT është vlerësuar edhe për impaktin e saj pozitiv në shoqëri, duke u renditur në nivel të lartë në Edicionin e Vlerësimit të Ndikimit Pozitiv 2021 dhe duke u ranguar në mesin e universiteteve më të mira në botë nga Times Higher Education. Kjo tregon se UBT nuk është vetëm një institucion i arsimit të lartë, por një shtyllë kryesore e ndryshimit dhe inovacionit në shoqërinë kosovare dhe mbarë rajonin.

Me këto arritje të jashtëzakonshme dhe përkushtimin e vazhdueshëm ndaj inovacionit, cilësisë dhe qëndrueshmërisë, UBT vazhdon të shkëlqejë si një institucion i cili bën dallimin në botën e arsimit të lartë dhe është një burim frymëzimi për të gjithë bashkësitë e arsimit të lartë në Kosovë dhe mbarë rajonin.

UBT është më shumë se një institucion arsimor; është një mision, një vizion për të ardhmen e arsimit dhe shoqërisë në tërësi.

Vazhdo të lexosh

Lajmet nga UBT

Tryezë shkencore në UBT: Kabaja si simbol dhe identitet

Moderatori i kësaj tryeze shkencore do të jetë Krenar Doli, një personalitet i njohur në fushën e muzikologjisë dhe kulturës shqiptare.

Publikuar

nga

Në Universitetin e Biznesit dhe Teknologjisë (UBT) në Prishtinë, më datë 29 mars 2024, ora 11:00, do të zhvillohet tryeza shekncore me temë “Kabaja-Simbol dhe identitet i muzikës tradicionale shqiptare”.

Moderatori i kësaj tryeze shkencore do të jetë Krenar Doli, një personalitet i njohur në fushën e muzikologjisë dhe kulturës shqiptare. Fjala e hapjes do të mbahet nga Profesori Blerim Emerllahu, i cili jo vetëm është drejtor i Internacional Kosova Clarinet Festival, por gjithashtu është edhe profesor i njohur i klarinetës në UBT.

Programi i kësaj tryeze shkencore është i pasur me prezantime të rëndësishme nga ekspertë të fushës, duke përfshirë, Aleksandër Peçi, një mjeshtër i njohur për kontributin e tij në studimin e muzikës tradicionale shqiptare, do të shpalosë temën e kabajës, sazet dhe sazeologjisë.

Bekim Ramadani, përfaqësues nga Fakulteti i Muzikës në Universitetin e Tetovës, do të ofrojë një vështrim të thellë në rolin dhe trashëgiminë e klarinetistëve shqiptarë në Maqedoninë e Veriut dhe në kultivimin e formës muzikore. Fatos Qerimaj, nga Fakulteti i Muzikës në Universitetin e Arteve në Tiranë, do të analizojë fenomenin muzikor frymezues të kabajës dhe impaktin e saj në kulturën popullore shqiptare. Fatmir Lela, një emër i njohur në fushën e muzikës tradicionale, do të përqendrohet në përshkrimin e legjendës së klarinetës shqiptare, duke përfshirë edhe figurën e njohur të Remzi Lelës. Krenar Doli, nga Instituti Albanologjik në Prishtinë, do të paraqesë një analizë të thellë mbi laverin, çobanin dhe lulushin – tre kapedanët e klarinetës shqiptare, duke i shqyrtuar ato në kontekstin e trashëgimisë kulturore dhe artistike.

Pas prezantimeve, pritet të ketë një sesion diskutimesh ku pjesëmarrësit do të kenë mundësi të shprehin mendimet dhe pikëpamjet e tyre në lidhje me temat e paraqitura dhe të ndajnë përvojat e tyre në fushën e muzikologjisë dhe artit shqiptar.

Vazhdo të lexosh

Lajmet nga UBT

Studentët e UBT-së përfaqësojnë me sukses Kosovën në konkursin e arkitekturës në Barcelonë

Beniila Marevci, Hazbi Kryeziu, Altin Gojani, Dren Nishliu, Diana Deda, Anita Nika, dhe Edita Shukriu janë pjesë e ekipit triumfues që përfaqësoi Kosovën me krenari në këtë konkurs prestigjioz.

Publikuar

nga

Studentët e Fakultetit të Arkitekturës dhe Planifikimit Hapësinor në UBT, nën mentorimin e Prof. Dr. Mimoza Sylejmani dhe Prof. Dr. Lulzim Beqiri, kanë fituar vëmendjen e botës së arkitekturës duke u shpallur si një nga vendet më të suksesshme në konkursin vjetor të Young Talented Architects (YTA) në Barcelonë.

Beniila Marevci, Hazbi Kryeziu, Altin Gojani, Dren Nishliu, Diana Deda, Anita Nika, dhe Edita Shukriu janë pjesë e ekipit triumfues që përfaqësoi Kosovën me krenari në këtë konkurs prestigjioz.

Me projekte tërheqëse dhe inovative, studentët kosovarë treguan potencial të jashtëzakonshëm dhe njohuri të thella në fushën e arkitekturës. Në një konkurs me përfaqësues nga 27 shtete të ndryshme, ata u dalluan për aftësitë e tyre dhe për kontributin kyç në zgjidhjen e sfidave të paraqitura.

Ky sukses i paparë do të ndikojë në frymëzimin e të rinjve të Kosovës dhe në ngritjen e tyre akademike dhe profesionale. Përveçse paraqitjes tejet profesionale në skenën ndërkombëtare, ata po ndryshojnë stereotipet dhe po promovojnë potencialin e vendit tonë në skenën botërore.

Përmes kësaj përvoje të jashtëzakonshme, studentët treguan vlerën e arsimit të lartë në Kosovë dhe po bëjnë thirrje për më shumë investime dhe përkrahje për të rinjtë që ndërtojnë një të ardhme të ndritur për vendin tonë.

Vazhdo të lexosh

Lajmet nga UBT

Ambasadori i Finlandës në Kosovë, Matti Nissinen, ligjëroi para studentëve të UBT-së

Diskutimi u karakterizua nga një shkëmbim i pasur i ideve dhe mendimeve, i udhëhequr nga pyetje të thella dhe komente nga studentët që përfaqësojnë disiplina të ndryshme.

Publikuar

nga

Studentët  e UBT-së patën një mundësi për të eksploruar historinë dhe rrugëtimin e Finlandës drejt anëtarësimit në Bashkimi Europian (BE). Ambasadori i Finlandës në Kosovë, Matti Nissinen, ishte pranë tyre për të ndarë perspektivën dhe përvojën e vendit të tij në këtë proces të rëndësishëm.

Diskutimi u karakterizua nga një shkëmbim i pasur i ideve dhe mendimeve, i udhëhequr nga pyetje të thella dhe komente nga studentët që përfaqësojnë disiplina të ndryshme, duke përfshirë shkencat politike, studimet e sigurisë, juridike dhe psikologjike. Profesoresha Hajdi Xhixha, një eksperte në Shkencat Politike, udhëhoqi diskutimin duke inkurajuar pjesëmarrësit të ndajnë mendimet e tyre me lirinë dhe respektin e duhur.

Në pjesën më të madhe të diskutimit, u theksua rëndësia e përfshirjes së aspekteve të ndryshme të politikës, sigurisë, ligjit në procesin e anëtarësimit në BE. Studentët u frymëzuan nga modeli i suksesit të Finlandës dhe debatuan për mënyrat efikase që përshpejtojnë rrugëtimin e Kosovës drejt anëtarësimit të plotë në Bashkimi Europian.

Në përfundim, diskutimi u vlerësua si një platformë e rëndësishme për shkëmbimin konstruktiv të ideve dhe për të shtuar njohuritë e tyre në fushën e integrimeve europiane. Eksperienca e Finlandës u bë burim frymëzimi për studentët, duke i nxitur ata të shqyrtojnë më thellë mënyrat se si Kosova mund të përfitojë dhe të përparojë në rrugën e saj drejt anëtarësimit në BE.

 

Vazhdo të lexosh

Të kërkuara