Lajmet

Kryeministrja estoneze: Kohë të vështira janë para nesh, por liria është tejet e çmuar!

“Dikush mund të thotë se gazi ndoshta do të jetë i shtrenjtë, por liria është tejet e çmuar”, tha ajo.

Publikuar

3 vjet më parë

më

Udhëheqësit evropianë duhet të jenë “të sinqertë” me qytetarët e tyre për efektet negative që sanksionet e BE-së kundër Rusisë mund të sjellin në jetën e përditshme të njerëzve, tha kryeministrja e Estonisë Kaja Kallas në një intervistë me Euronews, duke paralajmëruar se “kohë të vështira janë përpara”.

“Dikush mund të thotë se gazi ndoshta do të jetë i shtrenjtë, por liria është tejet e çmuar”, tha kryeministrja.“Unë vij nga një vend ku ne nuk kishim liri. Unë kam lindur në Bashkimin Sovjetik. E di shumë mirë se çfarë do të thotë”, shtoi ajo.

“Do të jetë e vështirë dhe ne duhet të jemi të sinqertë edhe me qytetarët tanë, se kohë të vështira janë përpara. Dhe deri më tani, diskutimet tona në Bashkimin Evropian janë fokusuar në shënjestrimin e makinës së luftës së Putinit dhe të mos dëmtojnë njerëzit kaq shumë sepse ne gjithashtu kemi nevojë për mbështetjen e njerëzve pas vendimeve. Dhe, nëse është për njerëzit diçka që ata nuk mund ta tolerojnë, është gjithashtu e vështirë të mbash sanksionet”.

Kryeministrja tha se uniteti dhe shpejtësia me të cilën janë vendosur sanksionet ndaj Rusisë e befasoi Putinin dhe botën. “Sanksionet po dëmtojnë, por na duhet edhe durim strategjik në mënyrë që sanksionet të fillojnë dhe të kenë efektin e tyre”, nënvizoi ajo.

“Ne duhet t’i japim Ukrainës një perspektivë evropiane. Ne duhet t’i japim Ukrainës shpresë. Ata po luftojnë për Evropën. Kështu që ne duhet t’u japim atyre gjithashtu një trajektore të prekshme për t’u bashkuar me familjen tonë evropiane”, tha Kallas.

“Ne nuk duhet të japim premtime boshe” sqaroi ajo, “por t’u japim [atyre] disa hapa të prekshëm në rrugën për t’u dhënë shpresë ukrainasve. Sepse edhe shpresa jep forcë. Prandaj, mendoj se është detyra jonë morale ta japim këtë shpresë. Është më e pakta që mund të bëjmë”.

Udhëheqësit do të diskutojnë poashtu planet për të forcuar aftësitë e përbashkëta mbrojtëse të BE-së, një nismë që ka mbetur pezull për vite me radhë por që tani gëzon një vrull të ri.

“Ne duhet të mendojmë për bashkëpunimin midis ushtrive: të bëjmë më shumë stërvitje ushtarake së bashku, por edhe të prokurojmë aftësi të ndërsjella, sepse, për shembull, ka disa aftësi ushtarake që janë shumë të shtrenjta për çdo shtet individual për t’i blerë vetë”, tha Kallas.

E pyetur nëse vendi i saj, i cili kufizohet me Rusinë, mund të jetë objektivi i ardhshëm i Vladimir Putinit pas Ukrainës, Kallas tha se sulmi i një vendi anëtar të NATO-s do të ishte tejkalim i limiteve për Kremlinin.

“A është NATO e radhës kur Putini të ketë sukses në Ukrainë? Ne jemi pjesë e NATO-s, kështu që ne kemi nenin 5 në NATO që thotë se një sulm ndaj njërit është një sulm ndaj të gjithëve, që do të thotë se nëse sulmohemi, atëherë do të thotë gjithashtu se SHBA ose Franca ose Gjermania sulmohet dhe mendoj se kjo është një pickim shumë i madh që edhe Rusia ta marrë përsipër”, vuri në dukje ajo.

“Nuk kemi frikë, por po përgatitemi”./UBTNews/

Etiketa
Vazhdo të lexosh

Lajmet

Izraeli kryen sulme të mëdha ajrore në Liban

Publikuar

2 minuta më parë

më

23 Shtator, 2024

nga

Ushtria izraelite e ka kryer një valë të gjerë sulmesh ajrore kundër Hezbollahut të hënën, duke bombarduar objektivat e grupit militant në jug të Libanit, në lindje të luginës Beka dhe në rajonin verior në kufi me Sirinë.

I pyetur nga gazetarët për mundësinë e një inkursioni tokësor në Liban, zëdhënësi i ushtrisë izraelite, Daniel Hagari tha se “ne do të bëjmë çfarëdo që është e nevojshme” për t’i kthyer në shtëpitë e veta banorët e shpërngulur nga veriu i Izraelit.

Hagari u bëri thirrje banorëve të jugut të Libanit të largohen nga vendet ku është i vendosur Hezbollahu – grupit militant i shpallur organizatë terroriste nga Shtetet e Bashkuara.

Ai tha se Hezbollahu, i cili mbështetet nga Irani, ndër vite ka fshehur armë, përfshirë raketa lundruese, nëpër shtëpi dhe ndërtesa në jug të Libanit, prandaj u bëri thirrje banorëve të largohen nga ato pjesë.

Hagari e paraqiti para mediave një video për të cilën tha se shfaqte pjesëtarët e Hezbollahut duke tentuar të shkrepnin raketa lundruese nga një shtëpi banimi në Liban, dhe si pasojë një sulm izraelit ndaj saj para se raketa të hidhej.

“Hezbollahu po ju rrezikon. Po ju rrezikon juve dhe familjet e juaja”, tha Hagari.

Avionët luftarakë izraelitë bombarduan fuqishëm qyteza përgjatë kufirit jugor të Libanit, dhe madje edhe më thellë në veri të vendit, raporton agjencia e lajmeve Reuters.

Hezbollahu dhe Izraeli këmbyer zjarr në mënyrë intensive të dielën, pasi grupi militant libanez hodhi qindra raketa thellë brenda territorit izraelit duke iu përgjigjur bombardimeve izraelite.

Ministri i Mbrojtjes i Izraelit, Yoav Gallant, tha se bombardimet do të vazhdojnë derisa të garantohet siguria për kthimin e të shpërngulurve nga pjesa izraelite e kufirit.

Hezbollahu është përballur me trysni të madhe në javët e fundit, pasi javë e kaluar mijëra pajisje komunikimi – pejxherë dhe radiolidhje – të përdorura nga pjesëtarët e saj shpërthyen.

Për shpërthimin e këtyre pajisjeve Hezbollahu e ka fajësuar Izraelin, i cili as nuk e ka pranuar e as mohuar përgjegjësinë./REL

 

Vazhdo të lexosh

Lajmet

Tërmet me magnitudë 3.4 në Maqedoninë e Veriut

Publikuar

5 minuta më parë

më

23 Shtator, 2024

nga

Një tërmet me magnitudë 3.4 të shkallës Rihter është regjistruar në Maqedoninë e Veriut rreth orës 2 të mëngjesit të sotëm, njoftoi Qendra Sizmologjike Evropiane-Mesdhetare (EMSC).

Epiqendra e tërmetit ka qenë 23 kilometra në lindje të Shkupit dhe 13 kilometra në verilindje të Studeniçanit dhe është regjistruar në një thellësi prej tetë kilometrash.

Tërmeti është ndjerë edhe në Greqinë fqinje, Bullgari, Shqipëri, Serbi dhe Mal të Zi.

Vazhdo të lexosh

Lajmet

Një vjet nga sulmi terrorist në Banjskë, Manastiri do të jetë i mbyllur nga 23-26 shtator

Publikuar

7 minuta më parë

më

23 Shtator, 2024

nga

Dioqeza e Rashkës dhe Prizrenit ka njoftuar se Manastiri në Banjskë do të jetë i mbyllur për vizitorë nga sot deri më 26 shtator. Në njoftim thuhet se kjo do të bëhet “për arsye të sigurisë dhe që të ruhet paqja, e cila aktualisht është e një rëndësie të madhe për manastirin”. Ndonëse nuk është përmendur në njoftim, më 24 shtator bëhen 1 vit nga sulmi i armatosur i terroristëve serbë në Banjskë të Zveçanit.

Pasi e vranë rreshterin Afrim Bunjaku, terroristët serbë u patën strehuar brenda Manastirit.

Së fundmi, Prokuroria Speciale ka ngritur aktakuzë ndaj 45 personave lidhur me sulmin e 24 shtatorit të vitit 2023, në mesin e tyre edhe Milan Radojçiq.

Sulmi në Banjskë ishte një sulm i armatosur i terroristëve serbë kundër njësive speciale të Kosovës që ndodhi në fshatin Banjskë në veri të Kosovës më 24 shtator 2023. Në këtë sulm mbeti i vrarë rreshteri i policisë së Kosovës Afrim Bunjaku dhe për rrjedhojë edhe disa terroristë serbë.

Sulmi ndaj Policisë së Kosovës u cilësua si sulm terrorist nga Kosova, Shqipëria dhe Bashkimi Evropian dhe u dënua nga Shtetet e Bashkuara të Amerikës.

Incidenti ndodhi gjatë një periudhe tensionesh të shtuara pas vendosjes me forcë të katër kryetarëve të komunave në komunat me shumicë serbe në maj të vitit 2023 pas bojkotimit të zgjedhjeve nga serbët e Kosovës dhe dështimit të bisedimeve për marrëveshjen e sponsorizuar nga Bashkimi Evropian ndërmjet Kosovës dhe Serbisë.

Zona e prekur afër Mitrovicës është një qendër kryesore për pakicën etnike serbe të Kosovës, me banim kryesisht në katër komuna.

Në periudhën 23-24 shtator 2023, dy kamionë pa targa janë vendosur në një urë në hyrje të fshatit Banjskë, duke bllokuar rrugën. Sipas presidentit serb Aleksandar Vuçiq, grupi që vendosi bllokadën përbëhej nga serbët e Kosovës të cilët “nuk donin të duronin më terrorin e (kryeministrit kosovar) Kurti”.[28]

Bllokada u raportua në polici dhe në orët e para të mëngjesit të datës 24 shtator. Rreth orës 02:30 në vendngjarje kanë mbërritur 3 njësi policore, me ç’rast janë sulmuar nga drejtime të ndryshme nga një grup i armatosur prej rreth 30 personash, me armë të ndryshme, përfshirë granata.[29] Në të shtënat fillestare, forcat policore kosovare arritën të zmbrapsnin sulmin fillestar.[30][31] Tre policë kosovarë u plagosën dhe u transportuan në spitalin rajonal në Mitrovicën e Jugut, njëri prej tyre vdiq me të mbërritur.

Pas pritës, grupi i terroristëve të armatosur hynë në Manastirin e Banjskës dhe u barrikaduan brenda para se të rrethoheshin nga njësitet speciale të policisë. Një grup pelegrinësh nga Novi Sadi ishin në manastir në kohën e sulmit. Manastiri është pjesë e eparkisë së Kishës Ortodokse Serbe të Rashkës-Prizrenit. Në orën 17:27, njësitet speciale të Kosovës hynë dhe pushtuan manastirin, duke i dhënë fund rrethimit.

Xhelal Sveçla, ministri i Punëve të Brendshme të Kosovës deklaroi se fshati është vënë nën kontroll pas “disa betejave të njëpasnjëshme” gjatë ditës.

Autoritetet kosovare arrestuan dy persona të armatosur dhe katër serbë të tjerë, të cilëve u gjetën pajisje komunikimi afër vendit të ngjarjes dhe i hetuan për terrorizëm. Ata konfiskuan gjithashtu automjete të përdorura nga sulmuesit që përmbanin një arsenal armësh, eksplozivi, municione dhe mjete të tjera logjistike për të mbështetur qindra njerëz.

EULEX, misioni i BE-së që vepron si reaguesi i dytë i sigurisë në Kosovë ishin gjithashtu në vendin e ngjarjes.

Zyrtarisht, 3 militantë serbë u konfirmuan se kishin vdekur në përleshje. Xhelal Sveçla, Ministri i Brendshëm i Republikës së Kosovës, ka deklaruar se së paku 3 militantë serbë janë vrarë dhe se ka shumë mundësi që të vriten edhe më shumë militantë serbë. Nga militantët serbë u vra rreshteri i policisë Afrim Bunjaku. Është nderuar pas vdekjes me Urdhrin Hero i Kosovës.

 

Vazhdo të lexosh

Lajmet

​Kontrabandim me migrantë, arrestohen katër persona të dyshuar

Publikuar

17 minuta më parë

më

23 Shtator, 2024

nga

Policia e Kosovës ka njoftuar se në fshatin Shipol në Mitrovicë të Jugut, drejtoria për Hetimin e Krimit të Organizuar dhe Krimeve të Rënda të dielën ka arrestuar katër të dyshuar meshkuj kosovarë, të cilët ishin duke transportuar pesë shtetas të Jemenit.

Sipas policisë, dyshohet se ata kishin për qëllim t’i dërgonin drejt shteteve të BE-së.

“Gjatë kontrollit të shtëpisë dhe automjeteve janë gjetur dhe sekuestruar: 6280 €, 7300 lek shqiptare, 140 CHF zvicerane, dhe 4-automjete. Me vendimin e prokurorit të dyshuarit janë dërguar në mbajtje”, thuhet në njoftim.

Vazhdo të lexosh

Të kërkuara