8 mars 1993

Lajmi kryesor: Filloi zia treditëshe në Kosovë (Pas tragjedisë së aeroplanit të udhëtarëve në afërsi të Shkupit, ku shumica e 81 të vdekurve janë shqiptarë nga Kosova e viset e tjera etnike shqiptare, sot në Kosovë fillon zia treditëshe e shpallur nga kryetari i Republikës së Kosovës dr.Ibrahim Rugova).

Lajme të tjera lidhur me tragjedinë: U identifikuan 68 viktima (Ministria e Punëve të Brendshme e Maqedonisë, shpalli emrat e 68 viktimave që u identifikuan pas tragjedisë.); Telegrame të shumta ngushëllimi.

Lajme të tjera:

U vra mikja e madhe e shqiptarëve Berit Backer (Merret vesh se në Norvegji, u vra Berit Backer, veprimtare e shquar për të drejtat e njeriut dhe mike e madhe e shqiptarëve. Merret vesh se vrasjen mizore e bëri një shqiptar i emigruar nga Kosova.);

Dr.Ejup Statovci u dënua me 15 ditë burg pse vizitoi Shqipërinë;

Universiteti i Prishtinës nënshkroi marrëveshje me Universitetin e Leçes;

Rreth 100 shqiptarë nga Sarajeva arritën në Tiranë;

Butros Gali kërkon ndihmë nga Gjermania;

ANSA: Klintoni kërkon izolimin e Serbisë;

Shtypi serb i quan delegacionet parlamentare dhe humanitare “agjentë të spiunazhit”;

8 mars 1994

Lajmi kryesor:

Faik Maloku u varros dje në fshatin Krushevc (Faik Adem Maloku, që u vra të dielën në kafene “Lokomotiva” në Fushë Kosovë nga polici serb Sllavisha Nikoliq, u varros dje në fshatin e lindjes në Krushevc të Obiliqit.

Faik Adem Maloku (1938) ishta baba i katër fëmijëve.

Ai u vra në një çajtore të Fushë Kosovës pa kurrëfarë shkasi.

Mirret vesh se Xhevat Bejzaku (20) që u plagos nga të shtënat e policisë, gjendet në spital.)

Lajme të tjera: Kryesia e LDK-së dënoi vrasjen në Fushë-Kosovë; Policia serbe e vërtetoi se Faik Malokun e vrau milici Slavisha Nikoliq; Represioni i policisë serbe në Kosovë; Në Gjykatën për Kundërvajtje në Rahovec u ftuan udhëheqësit e LDK-së; Intelektualët danezë protestojnë kundër sekuestrimit të objektit të ASHA të Kosovës; Reagimet e masmediumeve gjermane rreth dëbimit të 200 mijë refugjatëve nga ish-Jugosllavia;

8 mars 1995

 Lajmet kryesore: Manifestime të shumta me rastin e Ditës së Mësuesit; Gjykata e Përhershme e Popujve: Popullit të Kosovës t’i mundësohet ushtrimi i lirë i të drejtave të veta; Shoqata e Juristëve të Kosovës kërkon ndërprerjen e dhunës dhe të kolonizimit të Kosovës; UNPROFOR-i nga Kroacia mund të vendoset në Maqedoni; Policia burgosi një profesor të shkollës së mesme në fshatin Dobërllukë të Vushtrrisë; Në Kaçanik – 163 thirrje për rekrutim të dhunshëm në ushtrinë serbe; Gjykata ushtarake e Nishit dënoi dy oficerë shqiptarë; Avokati Balaj: Nait Hasani mohon akuzën serbe se është terrorist; Nait Hasani ngarkohet se ka formuar “UÇK-në”.

8 mars 1997

Lajmet kryesore: Kryetari Rugova mori pjesë në takimin me degët e LDK-së; Deklaratë e Presidencës të Bashkimit Evropian për Shqipërinë; Demaçi: SHBA-të duhet t’i kuptojnë tendencat për libanizimin e Shqipërisë; Deklaratë e komunitetit shqiptar në Amerikë mbi situatën në Shqipëri; Gjendja në Vlorë vazhdon të keqësohet; Leka i Parë apelon për dorëzimin e armëve në Jug të Shqipërisë; Vdiq prof. dr. Hajredin Ukelli; Nga pasojat e torturave Bedri Halimi mjekohet në spital;

Dhuna e përditshme në Kosovë: Malishevë: – Më 25 shkurt, Ahmet Sopaj (1949) u ndalua në vendkalimin kufitar në Han të Elezit dhe u keqtrajtua për disa orë nga policia. Ai ishte nisur për në Shkup dhe kishte dokumentacion të rregullt. Policia e ndaloi atë me pretekst se gjoja ndodhej në listën e personave të kërkuar nga policia. Policët kufitarë e keqtrajtuan atë rreth një orë dhe pastaj e dërguan në stacionin e policisë në Han të Elezit ku ai u mor në pyetje rreth dy orë dhe u maltretua sërish. Më vonë atë e dërguan në stacionin e policisë në Kaçanik ku sërish u maltretua dhe u lirua si i pafajshëm vetëm pas orës 14.

Më 27 shkurt, policia shkoi në shtëpinë e Xheladin Krasniqit dhe kërkoi djemt e tij Dautin, që tash disa vite ndodhet në Shqipëri dhe Sejdiun, ish-drejtor i Sh.F. “Bajram Curri” në Drenovc dhe aktivist i LDK-së i cili gjithashtu ndodhet jashtë Kosovës. Policët shkuan në këtë familje më 1 mars dhe kërkuan Sejdiun. Ata gjithashtu i lanë thirrjet djalit tjetër të Xheladinit, Jakupit që të paraqitet në polici, ku ai më 3 mars u pyet për vëllezërit e tij dhe u maltretua mbi dy orë.

Prishtinë: – Më 7 mars, katër civilë me një veturë të policisë serbe ndërhynë dhe bastisën për rreth dy orë shtëpinë e Sylejman Ahmetit, anëtar i Kryesisë së Degës së III të LDK-së në Prishtinë me pretekst se gjoja donin të vërtetonin nëse në shtëpinë e tij banonin studentë. Ata legjitimuan anëtarët e familjes dhe bastisën të gjitha dhomat, por u larguan duke mos gjetur gjë dhe duke mos marrë gjë me vete.

Sylejman Ahmeti ishte sekretar i Odës Ekonomike të Kosovës. Më parë ai është mbajtur një kohë të paraburgim dhe gjykata serbe i ka shqiptuar atij një dënim me burg me kusht.

Salih Mehmeti nga Prishtina u keqtrajtua pardje rëndë nga policia serbe në stacionin I të policisë serbe në Prishtinë. Rreth orës 10, derisa po bartte bërllog me traktorin e tij, ai u ndalua nga një person që u paraqit si inspektor serb. Më pas erdhën dy policë dhe e dërguan në stacionin policor, ku e keqtrajtuan deri në alivanosje. Në gjendje të rëndë ata e kthyen atë sërish në vendin ku i kishte mbetur traktori dhe e detyrojnë ta drejojë atë deri te ndërtesa e inspeksionit komunal serb. Ndërkohë atë e vërejti babai i tij, i cili e dërgoi traktorin në këtë inspeksion serb.

Për shkak të lëndimeve të pësuara Salihu kërkoi ndihmën e mjekut, i cli konstatoi lëndimet e shumta të pësuara nga rrahja dhe qëndroi 24 orë i shtrirë në spital. Edhe pas daljes nga spitali gjendja e tij është e rëndë.

Mitrovicë: – Dje në orën 15:10, rreth 20 policë e inspektorë të SPB-së së Mitrovicës shkuan në lagjen Tavnik në shtëpinë e Fazli Hasanit (70) dhe e bastisën atë me pretekst të kërkimit të armëve. Pasi nuk gjetën asgjë, policët bastisën edhe tri shtëpi të djemve të Fazliut, Xhevatit (42), Muratit (39) dhe shtëpinë e Bashkimit (32). Pasi nuk gjetën asgjë, policët morën me vete Xhevat dhe Murat Hasanin. Ndërkohë, Murati u lirua pas një ore, ndërsa Xhevati ende mbahet në arrest. Babit të tij që u interesua për fatin e djalit, në polici i thanë se Xhevatin e kanë dërguar në Prishtinë ku ende ndodhet në arrest.

Gjilan: – Më 5 mars u muar në “bisedë informative” në policinë e Gjilanit, Agim Mustafa (1952), jurist i diplomuar, veprimtar i KMDLNJ-së, Nënkëshilli në Gjilan.

Në polici Agimi u mbajt mbi një orë dhe u pyet për aktivitetin e Nënkëshillit të KMDLNj-së në Gjilan, për anëtarët e kryesisë së Nënkëshillit, mbledhjet e Nënkëshillit, mbledhjet e KMDLNJ-së, në Prishtinë, dërgimin e informatave etj. Ai gjithashtu u pyet edhe për ekzistimin e të ashtuquajturës “UÇK”, për Shoqatën e Pavarur të Jursitëve, Dega në Gjilan, si dhe çështje tjera të aktualitetit politik në Kosovë e Shqipëri.

8 mars 1998

Lajmet e mesditës: Prekazi dhe Llausha mbahen ende të rrethuara; Të arrestuar të shumtë në oborrin e Fabrikës së Municionit në Skënderaj; Nga Banja në drejtim të Pejës u dërguan 50 refugjatë serbë; Pesë tonë miell për banorët e Drenicës; Protestë e grave të Prishtinës para Zyrës Amerikane në Prishtinë; Në Podujevë protestuan 5.000 gra; Protesta të grave edhe në qytete të tjera të Kosovës; Thuhet se organizatat humanitare i janë afruar nga Prekazit; 7 të gjallë nga lista e të vrarëve e publikuar nga KMDLNJ;  Nga Fabrika e Municionit u liruan 50 shqiptarë; Në Prekaz jeta e fëmijëve mbrohet me sopata e me revole; Pesë të vrarë në Llaushë nuk mund të varrosen për shkak të snajperistëve serbë; Ollbrajt: Duhet ndërmarrë masa për të detyruar zgjidhjen e problemit me dialog; Riza Thaçi (67), i plagosur, ndodhet në spitalin e Pejës; Lëvizje të civilëve serbë; Ekspeditë policore në Obrançë të Podujevës; Regjimi serb i shpall të vrarë njerëzit e gjallë;

Lajmet e pasdites:  Kryetari Rugova kërkon që të ndërpritet menjëherë aksionet e forcave serbe; Një ekip i Komitetit Ndërkombëtar të Kryqit të Kuq u pengua nga policia të hyjë në Drenicë; Pas 10 ditësh çështja e Kosovës vëhet në Këshillin e Sigurimit; Inspektorët serbë myllën 32 dyqane në Prishtinë.

Lajmet e mbrëmjes: Sulme të reja të forcave serbe në Jashanicë, Açarevë e Brojë;

Nesër protesta masive në Prishtinë dhe në të gjitha qendrat komunale; Policia rrahu besimtarët që po dilnin nga Kisha Katolike e Pejës; Prani e madhe e policisë në rrugën Komoran – Gllogoc; Snajperistët serbë shtinë në kryetarin e Nëndegës së LDK-së në Klinë të Epërme; Lëvizje të forcave serbe nga Mitrovica në drejtim të Skënderajt; Policia konfiskoi të hollat e grumbulluara për Drenicën; Dr. Zejnullah Rrahmani: Të bëhen përgatitje për fillimin e mësimit më 11 mars; Mbrëmje pa krisma në Skënderaj e rrethinë; Deçan: Të ruhemi nga dezinformatat; Mobilizime të serbëve në Ferizaj; Dy persona të paidentifikuar shqetësuan lagjen “Tusha” të Kaçanikut; “Panorama” serbe dhe “Koha ditore” refuzuan shtypjen e “Bujkut”.

 8 mars 1999

Lajmet e mesditës:

Forcat serbe po i granatojnë fshatrat e Hanit të Elezit; Në brezin kufitar Kosovë-Maqedoni forcat serbe plagosën 2 shqiptarë; Avni Neziri nga Ferizaj u soll me plagë të rënda në spitalin e Prishtinës; Forcat serbe granatuan disa fshatra të Vushtrrisë dhe përtej maleve të Qyqavicës; Mbrëmë për më se tri orë rresht u granatuan disa fshatra të Mitrovicës; Forcat serbe granatuan drejt disa fshatrave shqiptare të komunës së Podujevës; Një konvoj i forcave serbe shkoi në drejtim të fshatrave të Kaçanikut; Në Han të Elezit e Seçishtë forcat serbe kanë thyer disa dyqane shqiptare; Prishtinë: Lagjja “Emshiri” po mbahet e rrethuar nga forcat e policisë serbe;

Ferizaj: Stacionime të forcave serbe mbi Pleshinë të Epërme; Në Glloboçicë të Kaçanikut ushtria serbe bastisi 5 shtëpi shqiptare; Gjendje e tendosur në komunën e Podujevës; Në Mitrovicë arritën forca të reja të ushtrisë serbe; Prishtinë: Në shtëpinë e një shqiptari, në hyrje të qytetit, janë vendosur dy snajperistë serbë; Fisher e Van den Bruk arrijnë sot në Prishtinë; Udhëheqësit e UÇK-së shqyrtojnë sot projekt-marrëveshjen për Kosovën; Hashim Thaçi: Do të nënshkruajmë me kohë;

Robin Kuk shprehu kënaqësi për mundësinë që shqiptarët ta nënshkruajnë marrëveshjen; Paskal Milo kërkon vendosjen e trupave të NATO-s në Kosovë; Grupi i Kontaktit dhe ndërmjetësit për Kosovën takohen të mërkurën në Londër; Millutinoviq e Markoviqi u shkruajnë ministrave të vendeve të Grupit të Kontaktit; Klinë: Naile Kalludra vdiq në postbllokun e policisë; Gjakovë: Në morgun e spitalit të qytetit policia solli një trup pa jetë; Afër fshatit Rezhinë është gjetur trupi i një personi të paidentifikuar; Prizren: në Gorozhup u plagos një e re shqiptare; Gjakovë: Inspektorët serbë keqtrajtuan një anëtar të Kryesisë së Degës së FR të LDK-së; Prizren: Policia serbe arrestoi dy të rinj shqiptarë; Në gjykatën serbe në Pejë dy shqiptarë u dënuan me 4 vjet burg; Në Mitrovicë po mbretëron gjendje e rëndë humanitare; Kërkohet Ragip Shala nga Akrashtica.

Lajmet e pasdites:

Kryetari Rugova priti ambasadorin e Holandës; Vushtrri: Forcat serbe po granatojnë fuqishëm fshatrat përtej Qyqavicës; Në Softaj të Ferizajt u plagos një dhe u arrestuan 4 shqiptarë; Prishtinë: Në shtypshkronjën “Eurograf”, policia serbe keqtrajtoi dhe arrestoi tre punëtorë shqiptarë; Në Ferizaj arritën forca të reja të ushtrisë serbe; Obiliq: Defilime të forcave serbe e keqtrajtime të qytetarëve shqiptarë; Prishtinë: Një shqiptar u qëllua nga një veturë dhe pësoi lëndime; Vushtrri: Policia dogji dy shtëpi dhe zuri tre të sëmurë në Druar; Dyshohet se një shqiptar është vrarë nga shpërthimi i minave në kufi me Maqedoninë; Vazhdojnë sulmet drejt fshatrave të Kaçanikut; Të shtëna e detonime në brezin kufitar Kosovë-Shqipëri; “Evropa e lirë” fillon emetimin e emisionit gjysmëorësh në gjuhën shqipe.

Lajmet e orës 18:00:

Joshka Fisher qëndroi sot në Prishtinë; Havier Solana: NATO e gatshme të intervenojë nëse dështon Konferenca e Rambujesë; l.5 milion DM për shëndetësi në Kosovë; Vazhdojnë granatimet e fshatrave të Mitrovicës, Skënderajt dhe Vushtrrisë.

Koordinatorja e projektit AKIL-EU në UBT, prof. Manjola Zaçellari, mori pjesë si referuese në konferencën ndërkombëtare Oxford Forum of Open Scholarship 2026 (OxFOS 2026), e organizuar nga Bodleian Libraries në University of Oxford, e cila u mbajt nga 2 deri më 6 mars.

Kjo konferencë akademike mbledh studiues, kërkues dhe ekspertë nga institucione të ndryshme ndërkombëtare për të diskutuar zhvillimet më të fundit në fushat e open research, open data dhe open scholarship, duke promovuar bashkëpunimin dhe ndarjen e njohurive në komunitetin global të kërkimit shkencor.

Në kuadër të kësaj konference, më 4 mars, prof. Zaçellari prezantoi studimin me titull “Open Structured Dictionary Data for Low-Resource Languages”, në të cilin trajtoi çështje që lidhen me strukturimin dhe hapjen e të dhënave leksikografike për gjuhët me burime të kufizuara.

Gjatë prezantimit, ajo u ndal te një pyetje thelbësore që udhëhoqi diskutimin: “Kush e zotëron dijen gjuhësore?”, duke reflektuar mbi rolin e qasjes së hapur në burimet gjuhësore dhe mbi rëndësinë e ndarjes së dijes brenda komunitetit shkencor ndërkombëtar.

Me këtë rast, prof. Zaçellari prezantoi edhe “Fjalorin e Madh të Gjuhës Shqipe”, një nga veprat më të rëndësishme të leksikografisë shqiptare, duke theksuar vlerën shkencore të kësaj pune dhe rëndësinë e integrimit të saj në platforma online si burim i open data. Ky proces synon ta bëjë këtë pasuri të rëndësishme gjuhësore më të qasshme për kërkimin shkencor ndërkombëtar dhe për studiuesit e gjuhësisë në mbarë botën.

Në kuadër të lëndës Computer-Assisted Language Learning (CALL) në Fakultetin e Gjuhës Angleze në UBT u organizua një punëtori prezantuese, e cila shërbeu si një platformë për të shfaqur kreativitetin pedagogjik, aftësitë digjitale dhe angazhimin komunitar të studentëve. Aktiviteti kishte për qëllim të demonstrojë se si qasjet e mbështetura në teknologji mund të integrohen në mënyrë efektive në mësimdhënien dhe nxënien e gjuhës angleze.

Gjatë punëtorisë, studentët prezantuan scrapbook-e që përfaqësonin 12 tema nga plani mësimor, duke përfshirë materiale autentike dhe kreative të dizajnuara për zhvillimin e katër aftësive gjuhësore: dëgjim, të folur, lexim dhe shkrim. Këto materiale pasqyruan ndërthurjen e metodave tradicionale me ato digjitale në procesin e mësimdhënies.

Studentët prezantuan gjithashtu wiki, faqe interneti dhe aplikacione edukative që ndihmojnë në nxënien e gjuhës, duke shpjeguar përdorimin e tyre praktik në klasë dhe përfitimet që ato ofrojnë për nivele të ndryshme të nxënësve. Për më tepër, ata realizuan edhe intervista në komunitet, me qëllim promovimin e trashëgimisë kulturore të Kosovës, traditave dhe bizneseve lokale, duke forcuar lidhjen mes nxënies së gjuhës dhe konteksteve reale shoqërore.

Si pjesë e rezultateve të lëndës CALL, studentët demonstruan lojëra dhe aktivitete digjitale interaktive të krijuara përmes mjeteve si Kahoot, Socrative, Quizlet, Jeopardy dhe aplikacione të inteligjencës artificiale, duke theksuar rëndësinë e angazhimit të nxënësve, motivimit dhe vlerësimit formativ në procesin mësimor.

Një tjetër komponent i projektit ishte edhe dizajnimi i fletëpalosjeve edukative, të cilat inkurajojnë nxënësit të “mbështesin lokalen (go local)”. Këto materiale përfshinin kode QR që lidhen drejtpërdrejt me burime digjitale, intervista dhe materiale të krijuara nga vetë studentët.

Gjithashtu, studentët demonstruan aftësitë e tyre në krijimin e WebQuest-eve dhe kurseve online, duke theksuar rëndësinë e nxënies së strukturuar dhe kërkimore të mbështetur nga teknologjia. Në këtë kuadër, ata hartuan edhe objektiva të qarta mësimore të bazuara në Taksonominë e Bloom-it, duke siguruar që aktivitetet mësimore të përfshijnë nivele të ndryshme të të menduarit dhe zhvillimit njohës.

Në tërësi, punëtoria dëshmoi një integrim të suksesshëm të teknologjisë, pedagogjisë dhe mësimit të bazuar në komunitet, duke reflektuar objektivat kryesore të lëndës CALL dhe duke theksuar rëndësinë e shkathtësive digjitale, kreativitetit dhe përvojave kuptimplota të të nxënit në mësimdhënien bashkëkohore të gjuhës angleze.

 

UBT International Smart Schools organizoi një program festiv dhe artistik me rastin e 7 Marsit – Ditës së Mësuesit dhe Ditës së Shkollës, një ngjarje që mblodhi së bashku nxënës, prindër, mësimdhënës, përfaqësues të stafit të UBT-së dhe mysafirë të shumtë.

5, 6 dhe 7 marsi përkujtojnë Epopenë e Ushtrisë Çlirimtare të Kosovës, një moment historik që përfaqëson sakrificën dhe qëndresën për liri, ndërsa 7 Marsi shënon Ditën e Mësuesit, një ditë falënderimi për të gjithë ata që me përkushtim dhe dashuri ndriçojnë rrugën e dijes për brezat e rinj. Për komunitetin e shkollës, kjo ditë shënoi edhe Ditën e Shkollës së UBT International Smart Schools.

Në fjalën e tij para të pranishmëve, Rektori i UBT-së, Prof. Dr. Edmond Hajrizi, vlerësoi rolin e jashtëzakonshëm të mësuesve dhe rëndësinë e arsimit në ndërtimin e një shoqërie të zhvilluar dhe të orientuar drejt inovacionit. Ai theksoi se arsimi mbetet shtylla kryesore e zhvillimit dhe se institucionet arsimore kanë përgjegjësinë të përgatisin gjenerata të reja të afta për sfidat e kohës moderne.

Rektori Hajrizi gjithashtu theksoi se vizioni i UBT-së për arsimin bashkëkohor bazohet në dije, kreativitet, teknologji dhe inovacion, duke krijuar mundësi të reja për të rinjtë dhe duke i përgatitur ata për një të ardhme globale.

Në vijim të programit, me një fjalë rasti u drejtua edhe zëvendësdrejtoresha e UBT International Smart Schools, Shqipe Agushi, e cila vlerësoi përkushtimin e mësimdhënësve dhe rolin e tyre të pazëvendësueshëm në edukimin dhe formimin e nxënësve. Ajo theksoi se shkolla synon të ndërtojë një mjedis modern të të nxënit, ku nxënësit zhvillojnë njohuri, kreativitet dhe aftësi që i përgatisin për të ardhmen.

Programi vazhdoi me një pjesë të pasur artistike dhe kulturore, ku nxënësit e UBT International Smart Schools prezantuan këngë, recitime, valle tradicionale dhe pjesë teatrale. Interpretimet muzikore përfshinë këngë si “Pyes lotin”, “Sërish vjen marsi”, “Abetarja ime” dhe “Mësuesja ime”, ndërsa publiku pati mundësinë të shijojë edhe interpretime poetike, valle folklorike si Vallja e Tropojës dhe Vallja e Zanave, si dhe pjesë artistike e komike si “Lajmet e Mesditës”.

Ky aktivitet festiv u shndërrua në një moment të veçantë reflektimi dhe festimi, duke theksuar rëndësinë e arsimit, kulturës dhe historisë në formimin e brezave të rinj, si dhe duke përforcuar misionin e UBT International Smart Schools për të ofruar një edukim modern dhe cilësor në përputhje me standardet bashkëkohore ndërkombëtare.