Lajmet

Kroacisë i miratohet transheja e dytë e ndihmës së BE-së prej 700 milionë eurosh

Këtë e kanë raportuar sot ekspertët e KE-së në një konferencë për media.

Published

4 years ago

on

Komisioni Evropian miratoi pagesën e transhesë së dytë për Kroacinë në kuadër të Planit Kombëtar të Rimëkëmbjes dhe Rezistencës (NRRP) me vlerë 700 milionë euro dhe fondet do të arrijnë në ditët në vijim.

Këtë e kanë raportuar sot ekspertët e KE-së në një konferencë për media para konferencës së parë vjetore për Planin Kroat për Rimëkëmbje dhe Qëndrueshmëri – Gati për Nesër, organizuar nga qeveria dhe Përfaqësia e Komisionit Evropian në Kroaci.

Kërkesa u miratua të premten dhe kështu Kroacia do të marrë një total prej më shumë se 2.2 miliardë euro deri në fund të këtij viti, ose 40 për qind të granteve të ndara.

Plani Kombëtar i Rimëkëmbjes dhe Rezistencës i qeverisë kroate 2021-2026 (NRRP) e miratuar në fund të prillit të vitit të kaluar, Komisioni Evropian e miratoi në korrik, mbi bazën e të cilit Kroacia në shtatorin e kaluar mori 818 milionë euro ndihmë, ndërsa në qershor të këtij viti iu pagua një këst në shumën prej 700 milionë euro.

NRRP financohet nga grante në shumën prej 5.51 miliardë euro, me pagesat që bazohen në performancën dhe kushtëzohen nga zbatimi i investimeve dhe reformave të përshkruara në NRRP nga Kroacia.

Related Topics:
Continue Reading

lajme

Protestat vazhdojnë në Prishtinë: Kërkohet që vrasja e grave të trajtohet si urgjencë kombëtare

Published

16 hours ago

on

October 30, 2026

By

Protesta kundër vrasjes së Arlinda Zekajt ka vazhduar edhe sot në Prishtinë, ku qytetarët janë mbledhur për të tretën ditë radhazi në sheshin e kryeqytetit për të kërkuar drejtësi dhe përgjegjësi institucionale.

Gjatë ditës së sotme, protestuesit janë ndalur edhe para objektit të Qeverisë së Kosovës, duke shprehur pakënaqësi të thellë ndaj mënyrës se si po menaxhohen e trajtohen rastet e dhunës ndaj grave nga organet kompetente.

Këto aksione po organizohen nga Kolektivi për Mendim dhe Veprim Feminist, nën moton kryesore “Vrasja e grave të trajtohet si urgjencë kombëtare”.

Continue Reading

Lajmet

Akil Gjakova mbyll garën pa medalje në Abu Dhabi

Published

16 hours ago

on

October 30, 2026

By

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Continue Reading

lajme

Nën hetim për projektin e kryeqytetit: Përparim Rama paraqitet në Prokurorinë Speciale

Published

17 hours ago

on

October 30, 2026

By

Kryetari i Komunës së Prishtinës, Përparim Rama, është paraqitur sot në Prokurorinë Speciale ku po intervistohet në cilësinë e të dyshuarit lidhur me projektin “Arkitekti i Kryeqytetit”.

Rama arriti në prokurori i shoqëruar nga avokati Artan Çerkini, teksa para hyrjes deklaroi shkurtimisht se detyra e tij është ndërtimi i kryeqytetit, ndërsa e organit të ndjekjes është të sigurohet që gjithçka bëhet në përputhje me ligjin. Hetimet për këtë projekt ndërlidhen me procedurat e prokurimit publik, vlerën prej 12 milionë eurosh, si dhe me dyshimet për manipulim të stafit e konflikt interesi.

Intervistimi i kryetarit të Prishtinës vjen pas tensioneve publike dhe paralajmërimeve nga zyrtarë të Lëvizjes Vetëvendosje për arrestimin e tij të mundshëm, reagime këto që pasuan ndryshimet e fundit në udhëheqjen e Prokurorisë Speciale, ku pas shkarkimit të Blerim Isufajt, detyra i është besuar prokurorit Dren Paca.

Ndaj deklaratave të përfaqësuesve të pushtetit, Rama u ka bërë thirrje publike organeve të drejtësisë që të merren me ato që i ka cilësuar si kërcënime direkte ndaj tij. /E.A/

Continue Reading

Lajmet

Laura Fazliu fiton të bronztën në Grand Slam

Published

17 hours ago

on

October 30, 2026

By

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Continue Reading

Të kërkuara