Lajmet

Kriza në Afganistan – Boris Johnson thirrje urgjente udhëheqësve të G7

Published

5 years ago

on

Kryeministri britanik Boris Johnson synon të organizojë një takim virtual të udhëheqësve të G7 për të trajtuar situatën e përkeqësuar në Afganistan duke shtuar përpjekjet për të evakuuar shtetasit britanikë dhe të tjerët nga Kabuli.

Johnson foli të hënën me Presidentin Francez Emmanuel Macron për të rënë dakord se si të dy vendet mund të punojnë së bashku për të njohur çdo qeveri të ardhshme afgane dhe në përpjekjen për të parandaluar një krizë humanitare dhe refugjatësh.

Thirrja e G7 pritet të zhvillohet në ditët në vijim, ndërsa të dy udhëheqësit ranë dakord gjithashtu që vendet e tyre duhet të punojnë së bashku në Këshillin e Sigurimit të Kombeve të Bashkuara, përfshirë një rezolutë të mundshme të përbashkët.

Sekretari i Jashtëm britanik, Dominic Raab tha se partnerët perëndimorë do të shikojnë gjithashtu vendosjen e sanksioneve dhe ndalimin e ndihmës nëse talebanët dështojnë të mbrojnë të drejtat e njeriut ose lejojnë që vendi të bëhet përsëri një bazë për terrorizmin./dritare.net

Related Topics:
Continue Reading

Lajmet

Të shtëna me AK-47 në drejtim të një autobusi në Malishevë, arrestohet i dyshuari

Published

11 minutes ago

on

June 11, 2026

By

Një ngjarje e rëndë ka ndodhur mesditën e sotme në fshatin Pagarushë të Malishevës, ku një person ka shtënë me armë zjarri të llojit AK-47 në drejtim të një autobusi. Për fat të mirë, nga ky incident nuk ka pasur persona të lënduar.

Rastin për Ekonomia Online e ka konfirmuar zëdhënësja e Policisë së Kosovës për rajonin e Gjakovës, Vlera Krasniqi, e cila bëri të ditur se policia ka reaguar menjëherë pas marrjes së informacionit rreth orës 12:10.

“Njësitë përkatëse policore kanë reaguar menjëherë duke dalë në vendin e ngjarjes. Si rezultat, personi i dyshuar është arrestuar dhe, në koordinim med prokurorin e shtetit, është ndaluar për 48 orë, si dhe është sekuestruar një armë e llojit AK-47”, deklaroi Krasniqi.

Sipas policisë, rasti tashmë është iniciuar si “Vrasje e rëndë në tentativë” dhe po trajtohet nga njësitet përkatëse të hetuesisë për të ndriçuar plotësisht rrethanat dhe motivet e këtij sulmi. /Ekonomia online/ /E.A/

Continue Reading

Lajmet

Peja Outdoor Festival nis me aktivitete sportive dhe mjedisore

Published

16 minutes ago

on

June 11, 2026

By

Peja Outdoor Festival ka nisur sot programin e tij me aktivitete të ndryshme në hapësirat publike të qytetit, duke sjellë një ditë të dedikuar sportit, mjedisit dhe atmosferës festive.

Sipas organizatorëve, aktivitetet kanë filluar me mbjelljen e drunjve në qytet, një nismë që synon promovimin e kujdesit ndaj mjedisit dhe zgjerimin e hapësirave të gjelbra urbane.

Programi vazhdon me vrapim rekreativ përgjatë lumit Lumbardhi i Pejës, ku qytetarë dhe pjesëmarrës të shumtë pritet t’i bashkohen aktivitetit sportiv dhe komunitar.

Dita do të përmbyllet me hapjen zyrtare të festivalit, e cila nis në orën 20:30, ku pritet një program festiv dhe pjesëmarrje e gjerë e qytetarëve dhe vizitorëve.

Organizatorët kanë ftuar të gjithë qytetarët të bëhen pjesë e aktiviteteve, duke theksuar se festivali synon të promovojë jetën aktive, aventurën dhe turizmin në natyrë./A.K/

Continue Reading

Lajmet

Russell Crowe luan rolin e një shqiptaro-amerikani në filmin e ri “The Get Out”

Published

1 hour ago

on

June 11, 2026

By

Aktori i njohur Russell Crowe do të luajë rolin kryesor në filmin e ri kriminal “The Get Out”, ku interpreton Marco Kapak, një emigrant shqiptaro-amerikan.

Në film, personazhi i tij drejton një klub nate të suksesshëm në Los Angeles, por fshehurazi është i përfshirë në pastrim parash për një kartel droge. Pas një sulmi në zemër, ai vendos të largohet nga bota kriminale dhe të shesë klubin, por përfundon i përfshirë në një rrjet të rrezikshëm dhune dhe kërcënimesh.

Në kastin e filmit bëjnë pjesë edhe Luke Evans, Teresa Palmer, Aaron Paul dhe Nina Dobrev.

“The Get Out” paraqitet si një thriller i errët dhe plot tension, ku përplasja mes krimit dhe përpjekjes për shpëtim personal është në qendër të historisë./A.K/

Burimi: Collider

Continue Reading

Lajmet

Filmi “Michael” kalon 900 milionë dollarë të ardhura në kinematë botërore

Published

1 hour ago

on

June 11, 2026

By

Filmi biografik “Michael”, i bazuar në jetën e legjendës së muzikës Michael Jackson, ka shënuar sukses të madh në kinematë botërore, duke kaluar shifrën prej 900 milionë dollarësh të ardhura globale.

Që nga premiera më 24 prill, filmi ka dominuar box office-in ndërkombëtar dhe është shndërruar në projektin më fitimprurës në historinë e studios Lionsgate.

Nën regjinë e Antoine Fuqua, filmi rrëfen jetën dhe karrierën e Michael Jacksonit, nga vitet e tij me grupin The Jackson 5 deri te ngritja si “Mbreti i Popit”. Rolin kryesor e interpreton Jaafar Jackson, ndërsa në kast bëjnë pjesë edhe Colman Domingo dhe Nia Long.

“Michael” po konsiderohet një nga biografitë muzikore më të suksesshme të viteve të fundit, duke dëshmuar se trashëgimia artistike e Michael Jackson vazhdon të tërheqë miliona fansa në mbarë botën./A.K/

Burimi: CNN

Continue Reading

Të kërkuara