Lajmet

Kritikat e Ronaldos ndaj Manchester United të ngjashme me ato që shkroi Ibrahimovic në librin e tij

Ai ka ngritur akuza të shumta ndaj klubit, drejtuesve të tij dhe veçanërisht menaxherit ten Hag.

Published

on

Superylli portugez Cristiano Ronaldo ka shkaktuar një stuhi mes tifozëve të futbollit pas intervistës së tij me Piers Morgan në emisionin e këtij të fundit, Piers Morgan Uncensored.

37-vjeçari ka ngritur akuza të shumta ndaj Manchester United, drejtuesve të tij dhe veçanërisht menaxherit Erik ten Hag. Ndjenjat e Ronaldos janë mjaft të ngjashme me ato të përmendura nga legjenda suedeze Zlatan Ibrahimovic në autobiografinë e tij të vitit 2022, “Adrenaline”.

Ronaldo, në intervistën e tij me Morgan, tha se ishte i befasuar se si disa gjëra në klub kanë mbetur të njëjta që kur ai ishte atje për periudhën e tij të fundit. Kapiteni i Portugalisë foli për habinë e tij kur pa se shumë pajisje në palestër ishin ende të njëjta, pishina dhe xhakuzi ishin të njëjta dhe pothuajse nuk kishte ndonjë teknologji të re të futur në klub.

Në librin e tij “Adrenaline”, botuar në vitin 2022, Ibrahimovic foli për “mentalitetin e vogël” të klubit. Ai shkroi,“Një gjë më befasoi: të gjithë mendojnë për Unitedin si një klub të lartë, një nga më të pasurit dhe më të fuqishmit në botë dhe e parë nga jashtë më dukej kështu”, duke shtuar më tej, “por sapo shkova atje, gjeta një mentalitet të vogël, të mbyllur”.

Ylli i AC Milan vazhdoi duke shtuar se ai gjente një paund të zbritur nga paga e tij kur pinte një lëng frutash nga një minibar hoteli kur United shkoi për të luajtur një ndeshje jashtë.

“Ne luajtëm dhe më pas shkuam në shtëpi. Kaloi pak kohë. Më vjen fletëpagesa. Normalisht nuk e shikoj. E bëj këtë vetëm në fund të vitit për të parë se çfarë hyn dhe çfarë doli. Por atë herë, nuk e di pse, isha kurioz dhe kuptova se më kishin hequr një paund nga paga mujore”, ka shkruar ai.

41-vjeçari shtoi gjithashtu se atij iu kërkua të tregonte letrat e tij sa herë që hynte në terrenin stërvitor të Carrington.

Cristiano Ronaldo ka thënë gjithashtu se Man United nuk ka përparuar së bashku me klubet e tjera si Liverpool dhe Arsenal, dhe se menaxheri Erik Ten Hag nuk i ka treguar atij respektin që meriton.

Ndërsa United ka thënë se do të marrë një vendim “pasi të jenë vërtetuar faktet e plota”, tashmë është e qartë se Ronaldos po i afrohen ditët në Old Trafford, dhe me këtë intervistë, ai po del me zhurmë, dhe jo me një pëshpërimë./UBTNews/

Lajmet

Partitë nuk i ndryshojnë qëndrimet sa u përket konstituimit të Kuvendit

Published

on

By

Partitë politike parlamentare nuk kanë lëvizur nga qëndrimet rreth konstituimit të Kuvendit të Kosovës. Edhe gjashtë ditë pas përpjekjes se fundit për zgjedhjen e trupave të legjislativit, partitë kanë vazhduar avazin e njëjtë të fajësimit të njëra-tjetrës për ngërçin në Kuvend.

Gjykata Kushtetuese që nga 27 korriku ka vendosur masë të përkohshme deri më 8 gusht, ku ua ndalon deputetëve çfarëdo veprimi, pas dështimit të konstituimit të Kuvendit deri me 26 korrik, afat i vendosur nga aktgjykimi i parë i Kushtetueses.

Në tryezën që Friedrich Ebert Stiftung (FES) dhe Instituti i Kosovës për Drejtësi (IKD) organizuan të premten, u pa që partitë nuk kanë përafrim për zgjidhjen e krizës politike.

Deputeti i Grupit Parlamentar të Lëvizjes Vetëvendosje, Nezir Kraki, kërkoi nga partitë ish opozitare që zgjedhja e kryetarit të Kuvendit të mos politizohet, pasi sipas tij kjo çështje në këtë fazë është teknike.

Mirëpo, këtë e mohoi deputetja e PDK-së, Vlora Çitaku, e cila adresoi akuza të renda ndaj Lëvizjes Vetëvendosje.

“Çka po shohim është grusht-shtet, përpjekje për të përmbysur rendin Kushtetues. LVV-ja dëshiron diktat dhe jo dialog”, tha ajo.

Kritika karshi LVV-së për mungesë të kompromisit për konstituim të Kuvendit shfaqën edhe deputetja e LDK-së, Hykmete Bajrami, deputeti i AAK-së, Lahi Brahimaj si dhe deputetja e Nismës, Arbëreshë Krasniqi.

Continue Reading

Lajmet

Kosova heq tarifën doganore për produktet amerikane

Published

on

By

Qeveria në detyrë e Kosovës ka hequr tarifën doganore me Shtetet e Bashkuara të Amerikës. Tani e tutje, të gjitha produktet me origjinë nga SHBA-ja do të kenë tarifë zero për qind kur të hyjnë në Kosovë, tha kryeministri në detyrë Albin Kurti, në mbledhjen e qeverisë të premten, më 1 gusht.

Tjetër vendim shumë të rëndësishëm që po marrim sot është largimi i tarifës doganore me Shtetet e Bashkuara të Amerikës. Kështu tani e tutje të gjitha produktet me origjinë nga SHBA-të do të kenë tarifë zero për qind kur të hyjnë në vendin tonë. Kosova i mirëpret produktet amerikane në tregun e saj dhe besojmë fuqishëm që kjo të ndikojë në rritjen e këmbimit tregtar si dhe shtimin e investimeve. Ky është një hap i radhës që dëshmon për marrëdhëniet shumë të mira ndërmjet dy vendeve tona dhe njëkohësisht tregon përkushtimin dhe vendosmërinë tonë për të pasur një marrëveshje për tregëti të lirë me ShBA-të”, tha Kurti.

Kujtojmë se Kosova kishte tarifë doganore ndaj produkteve amerikane prej 10%.

Pas tarifave të publikuara nga Donald Trump për rreth 200 vende në mbarë botën, Kosova u prek me 10% për produktet e eksportuara në SHBA.

Pas këtij vendimi Qeverisë në detyrë të Kosovës i janë bërë thirrje të vazhdueshme për heqjen e tarifave doganore për importet amerikane.

Continue Reading

Lajmet

Aksident me fatalitet në Skenderaj

Published

on

By

Një aksident trafiku me fatalitet ka ndodhur në Skenderaj.

Dy makina janë aksidentuar teksa vozitësit ishin njëri shtetas i huaj e tjetri shtetas kosovar.

Përveç dëmeve materiale lëndime trupore kanë pësuar gjashtë viktimat, tri femra dhe tre meshkuj kosovarë, teksa mjeku ka konstatuar vdekjen e viktimës fëmijë të përfshirë në këtë aksident.

Është raportuar se ka ndodhur aksident trafiku në mes dy veturave me vozitës meshkuj, njëri shtetas i huaj ndërsa tjetri kosovar. Përveç dëmeve materiale lëndime trupore kanë pësuar gjashtë viktimat, tri femra dhe tre meshkuj kosovarë. Viktimat janë dërguar për tretman mjekësor, ndërsa nga mjeku kujdestar është konfirmuar se njëra viktimë-femije, ka ndërruar jetë. Me vendim të prokurorit viktima dërgohet në IML për obduksion“, thuhet në raportin e Policisë së Kosovës.

Continue Reading

Lajmet

Komuna e Prishtinës njofton qytetarët që nuk kanë deklaruar adresën zyrtare se do kenë kufizime në dokumente civile

Published

on

By

Komuna e Prishtinës ka njoftuar qytetarët se duke filluar nga sot nuk do të ofrohen shërbime për dokumente civile në e-Kosova dhe në e-kioska nëse nuk është regjistruar adresa zyrtare e banimit.

Qytetarët që nuk kanë deklaruar adresën zyrtare, do të kufizohen në lëshimin e dokumenteve si; ekstrakti i lindjes, certifikata e vendbanimit, certifikata e shtetësisë, certifikata e bashkësisë familjare.

Megjithatë kufizime nuk do të ketë në çasjen e dokumenteve si; certifikata e lindjes, e martesës, e gjendjes martesore dhe e vdekjes, dhe poashtu nuk do ketë kufizime në regjistrime të reja si; lindjes, martesës dhe vdekjes.

Ndërlidhja e adresës zyrtare mund të bhëet përmes Agjencinë Kadastrale të Kosovës (AKK) – sportelet 1 dhe 2 në objektin e vjetër të Komunës së Prishtinës, në sportelet e gjendjes civile në objektin e ri të Komunës së Prishtinës dhe online përmes e-Kosova.

Continue Reading

Të kërkuara