Lajmet

Kritika të ashpra për Facebook e Google pas reklamave për “tabletën e anullimit të abortit”

Publikuar

3 vjet më parë

më

Qendra britanike Kundër Urrejtjes Dixhitale (CCDH) tha sot se Facebook ka publikuar rreth 18 milionë herë një reklamë për “anulim të abortit” që prej janarit 2020, duke promovuar një procedurë “të paprovuar, joetike” dhe “të rrezikshme”.

Ndërsa rrjeti Google e ka shfaqur reklamën në katër të pestat e kërkimeve në rrjet të lidhura me abortin në SHBA. Kërkimet e CCDH thonë se reklamat shfaqeshin për kërkime nga përdoruesit e rrjetit me termat “shtatëzani e padëshiruar” dhe “tabletë aborti”.

Këto reklama promovonin përdorimin e pasigurtë të dozave të larta të hormonit proxhesteron, me qëllim anullimin e efektit te mifepriston-it, që është një nga dy mjekimet kryesore të përdorura në abortin mjekësor.

Por si pas një studimi në revistën ‘New England Journal of Medicine’, ka mungesë provash mjekësore për sigurinë e këtij trajtimi, i cili mund të sjellë hemoragji të rrezikshme.

Imran Ahmed, drejtor ekzekutiv i CCDH, tha: “Është e nevertishme që grupet që kërkojnë të minojnë të drejtat themelore të riprodhimit, të jenë të aftë të përhapin dezinformacion për gra dhe vajza të dobëta. Çka është më keq,  Facebook e Google fitojnë para me këtë propagandë”.

“Ekspertët në të kaluarën i kanë quajtur tabletat e ashtuquajtura ‘të anulimit të abortit’ potencialisht vrasëse, dhe pasojë e dezinformimit mjekësor. Prandaj ato nuk jepen në televizion, gazeta apo faqe me reputacion”.

“Facebook e Google duhet të ndalojnë këto reklama dhe të përjashtojnë grupet e përfshira në krijimin e tyre, si dhe të bëjnë donacion paratë e njollosura që kanë marrë, te grupet që mbrojnë të drejtat themelore të riprodhimit”.

Vetë Google ka rregulla që ndalon reklamuesit të shpërndajnë “informacion të dyshueshëm për produktet e tyre apo produkte të paaprovuara, duke sugjeruar se janë të sigurta apo efektive”.

Ndërsa Facebook ndalon shpërndarjen e reklamave për 13 deri në 17-vjeçarët – edhe pse reklama të tilla ishin shpërndarë për gra nën 44 vjeç dhe te të mitur nën 18 vjeç në SHBA.

Një zëdhënës i Facebook tha për çështjen: “Ne kemi hequr reklamat e identifikuara në raportim, shumica e të cilave ishin inaktive apo disa vite të vjetra, për shkelje të politikave të ofertës së produkteve dhe shërbimeve”.

Etiketa
Vazhdo të lexosh

Lajmet

​BE mban trendin e rënies së emetimeve të gazrave serrë

Publikuar

8 orë më parë

më

18 Maj, 2024

nga

Trendi në rënie në emetimet e gazrave serrë të BE-së vazhdoi gjatë gjithë vitit 2023 me një rënie prej pak më shumë se 5%, sipas të dhënave të Eurostat të publikuara këtë javë.

Shtetet anëtare të BE-së lëshuan më shumë se 3.4 miliardë ton ekuivalent të dyoksidit të karbonit të gazeve serrë në vitin 2023. Kjo është 5.1% më pak se në vitin 2022, kur u lëshuan rreth 3.6 miliardë ton ekuivalent të dyoksidit të karbonit.

Bullgaria emetoi 47.5 milion ton ekuivalent të dyoksidit të karbonit ose rreth 1.4% të emetimeve të gazit serrë të BE, sipas llogaritjeve të BTA bazuar në të dhënat e Eurostat.

Vendi uli emetimet e gazeve serrë me pothuajse një të pestën (-19.6%) në 2023, duke regjistruar rënien e dytë më të madhe pas Estonisë (-27%).

Në tremujorin e katërt të vitit të kaluar, Bullgaria u rendit e dyta në mesin e vendeve anëtare të BE-së me uljen më të madhe të emetimeve të gazrave serrë. Pas Estonisë (-23%), ky vend regjistroi një rënie prej afro 17% nga viti në vit.

Vazhdo të lexosh

Lajmet

Edhe Spanja do ta njohë shtetin palestinez bashkë me vendet tjera

Publikuar

10 orë më parë

më

18 Maj, 2024

nga

Kryeministri spanjoll, Pedro Sanchez njoftoi të premten se vendi i tij do ta njohë shtetin palestinez bashkë me vendet tjera.

Në një intervistë për televizionin La Sexta, Sanchez mohoi raportimet se njohja do të ndodhë më 21 maj./UBTNews/

Vazhdo të lexosh

Lajmet

IBM ka në plan të krijojë 800 vende të reja pune

Publikuar

12 orë më parë

më

18 Maj, 2024

nga

IBM-ja njoftoi se planifikon të punësojë deri në 800 persona në Irlandë për të ndërtuar një sistem softueri të avancuar sipas teknologjisë së Inteligjencës Artificiale.

Kjo shënon numrin më të madh të vendeve të punës në sektorin shumëkombësh të vendit. IBM është tashmë një nga punëdhënësit më të mëdhenj shumëkombësh në Irlandë me 3 mijë persona staf.

Përmes posteve të reja do t’u kërkohet punonjësve të krijojnë softuer të avancuar bazuar në inteligjencë artificiale gjeneruese në fushat sikurse siguria, automatizimi, etj./UBTNews/

Vazhdo të lexosh

Art

Gruaja më e pasur e Australisë kërkon që të largohet portreti i saj nga një ekspozitë

Publikuar

14 orë më parë

më

18 Maj, 2024

nga

Arti është subjektiv. Dhe përderisa shumica e artistëve dëshirojnë të ndajnë punën e tyre me botën, nuk ka garanci se publiku do ta kuptojë apo pëlqej punën e tyre artistike.

Kështu duket të jetë edhe rasti i një pikture nga artisti vendas, Vincent Namatjira, që përfshin një portret të gruas më të pasur në Australi, manjates së minierave Gina Rinehart.

Rinehart i ka kërkuar Galerisë Kombëtare të Australisë (NGA) të largojë portretin e saj, një prej 21 veprave të tij individuale që përbëjnë një pjesë të vetme në ekspozitën e Namatjiras, “Australia in Color”.

Kjo ekspozitë po shfaqet në galerinë e kryeqytetit australian, Kanberra, që nga muaji mars.

Subjekte të tjera të kësaj ekspozite janë edhe Mbretëresha Elizabetë II, muzikanti amerikan, Jimi Hendrix, aktivisti australian për të drejtat e aborigjenëve Vincent Lingiari, si dhe ish-kryeministri australian, Scott Morrison./UBTNews/

Vazhdo të lexosh

Të kërkuara