Kulturë

Kris Jenner pretendon se Blac Chyna kërcënoi se do të vriste Kylie Jenner

Ajo tha se ishte alarmuar kur e kishte pranuar këtë informacion.

Published

on

Kris Jenner dha një dëshmi në gjykatë të enjten, duke pretenduar se ish-i i Rob Kardashian, Blac Chyna, kërcënoi një herë se do të vriste Kylie Jenner.

Ajo dëshmoi se ishte “alarmuar” vite më parë kur Kylie dhe i dashuri i atëhershëm Tyga i kishin treguar asaj për kërcënimin e supozuar.

Kris shtoi se Tyga i tha asaj në shumë raste se Chyna dyshohet se u përpoq ta lëndonte fizikisht atë me thikë.

“Sigurisht që ishte alarmante, por ne thjesht e mbajtëm në familje”, dëshmoi Kris, duke i thënë jurisë se ata nuk e raportuan incidentin e supozuar në polici.

“Ata jetonin matanë rrugës dhe ajo [Chyna] kishte një fëmijë të vogël. Mendoj se ishim më të shqetësuar për situatën e Tygas”.

Chyna ishte bashkë me reperin Tyga nga viti 2011 deri në vitin 2014. Më pas ai filloi të takohej me Kylie nga 2014 deri në 2017, ndërsa Chyna vazhdoi me vëllaun e Kylie, Rob Kardashian në 2016.

Modelja ndan djalin 9-vjeçar King me Tyga dhe vajzën 5-vjeçare Dream me Rob.

Gjatë dëshmisë së saj të mërkurën, Chyna pretendoi se ishte ende në një lidhje me Tyga-n kur Kylie filloi të takohej me të në 2014.

Kris u pyet më vonë nga avokatja e Chyna, Lynne Ciani, nëse ajo ishte e shqetësuar për lidhjen e Rob me të njëjtën grua që dyshohet se kërcënoi Kylie.

“Nuk pata shumë reagim”, tha Kris. “Kishte thjesht shumë dramë … dhe unë jam mësuar me këtë në familjen time”.

Khloé Kardashian, e cila ishte ulur pranë motrës Kim Kardashian në sallën e gjyqit, buzëqeshi me përgjigjen e mamasë së saj.

“Ndodhi shumë shpejt dhe ne nuk e dinim se ku do të shkonte marrëdhënia e tyre” vazhdoi Kris. “Nuk ishte se nuk isha e shqetësuar. Ata kishin një marrëdhënie të vështirë që në fillim… por unë i dua shanset e dyta dhe doja që ata të fitonin”.

Ajo shtoi se donte që djali i saj, Rob, të ishte i lumtur.

Chyna ka paditur Kris, Kim, Khloé dhe Kylie për 40 milionë dollarë për humbje të të ardhurave dhe më shumë se 60 milionë dollarë për fitime të ardhshme. Ajo pretendon se familja e famshme përdori fuqinë e saj për të njollosur reputacionin e saj dhe për të parandaluar mundësitë financiare pasi dyshohet se ata “konspiruan” për të anuluar sezonin e dytë të “Rob & Chyna” – gjë që këta të fundit e kanë kundërshtuar./UBTNews/

Libra

23 prilli – Dita Ndërkombëtare e Librit

Published

on

Dita Ndërkombëtare e Librit dhe të drejtave autoriale që është përzgjedhur të jetë 23 prilli, është një datë me kuptim simbolik për letërsinë botërore.

Me këtë datë të vitit 1616, lidhet vdekja e dy kolosëve të letërsisë botërore: Shekspirit në Angli dhe Miguel de Servantes në Spanjë.

I pari konsiderohet si shkrimtari më i madh i të gjitha kohëve dhe vendeve, ndërsa i dyti është autori i veprës më të përkthyer në botë.

Kjo datë lidh edhe autorë tjerë në ditën e lindjes a vdekjes së tyre: Inca Garcilaso de la Vega, Maurice Druon, Halldór Kiljan Laxness, Vladimir Nabokov, Josep Pla dhe Manuel Mejia Vallejo.

Kjo datë shënohet në botë që nga viti 2003, ndërsa është pazgjedhur në vitin 1995 me qëllim të kontribuojë në mbarë botë për të drejtat e autorit duke inkurajuar të gjithë, e në veçanti të rinjtë për të zbuluar kënaqësinë e leximit.

Kjo datë është edhe një thirrje për të rritur respektin për kontributet e pazëvendësueshme të autorëve dhe librit në progresin social dhe kulturor të njerëzimit.

Continue Reading

Magazinë

Oscars prezantojnë rregulla të reja për 2026: Cilat janë këto ndryshime?

Published

on

Akademia e Arteve dhe Shkencave të Filmit ka prezantuar rregulla të reja për edicionin e Oscars 2026.

Të hënën, më 21 prill, Akademia e Arteve dhe Shkencave të Filmit zbuloi udhëzimet për fushatën për çmimet e 98-ta të Akademisë, e cila do të zhvillohet më 15 mars 2026.

Kështu kanë njoftuar përmes rrjeteve të tyre sociale, në një postim të publikuar në Twitter, tashmë X: “Ceremonia e 98-të e #Oscars do të mbahet të dielën, më 15 mars 2026. Nominimet do të shpallen të enjten, më 22 janar 2026”.

Cilat rregulla të reja janë përfshirë për Oscar 2026?

Së pari, detajohet se votuesit do të duhet të shohin të gjithë filmat në secilën kategori para se të votojnë për ta. Ende nuk është përcaktuar si do duhet të saktësojnë se i kanë parë, por po punohet për këtë.

Sipas Hollywood Reporter, shikuesit që shikojnë filma diku tjetër do të duhet të “plotësojnë një formular” duke detajuar se kur dhe ku i kanë parë. Ky është një skandal që tashmë ka dalë në dritë në edicionet e mëparshme, kur u pa se disa votues morën pjesë pa i parë realisht.

Përveç kësaj, përdorimi i inteligjencës artificiale në filma është i lejuar, siç ishte rasti me ‘Emilia Perez’ dhe ‘The Brutalist’.

Rregulli i ri ka sqaruar se përdorimi i teknologjisë nuk skualifikon një film: “Akademia dhe secila degë do të gjykojë arritjen, duke marrë parasysh shkallën në të cilën një qenie njerëzore ishte në qendër të autorësisë krijuese në zgjedhjen e filmit për të shpërblyer”.

Continue Reading

Magazinë

Filmat e realizuar me inteligjencë artificiale mund të fitojnë Oscar

Published

on

Filmat e realizuar me ndihmën e inteligjencës artificiale (AI) do të jenë në gjendje të fitojnë çmime Oscar, sipas organizatorëve të saj.

Akademia e Arteve dhe Shkencave të Filmit nxori rregulla të reja të hënën, ku u tha se përdorimi i AI dhe mjeteve të tjera dixhitale “as nuk do të ndihmonte dhe as do të dëmtonte shanset për t’u nominuar.”

Inteligjenca artificiale gjeneruese – e cila mund të krijojë tekst, imazhe, audio dhe video në përgjigje të kërkesave – ndihmoi në prodhimin e disa prej filmave të vlerësuar me çmimet kryesore të Ocars në mars.

Por, Akademia tha se do të merrte sërish në konsideratë përfshirjen njerëzore gjatë përzgjedhjes së fituesve.

Përdorimi i AI në film u bë temë debati pasi Adrian Brody mori çmimin “Aktori më i mirë” për rolin në “The Brutalist”. Filmi përdori AI për të përmirësuar theksin e aktorit kur ai fliste hungarisht. Teknologji e ngjashme e klonimit të zërit u përdor për të përmirësuar këndimin në muzikalin “Emilia Perez”.

Përdorimi i AI mbetet i diskutueshëm dhe artistët kanë shprehur shqetësime. Disa e kritikojnë këtë qasje të re, ndërsa të tjerë janë të pashqetësuar.

Për disa, kur përdor AI për projekte të tilla, mund të marrësh një skicë, por nëse ke nevojë për diçka me peshë emocionale, AI nuk do t’ju japë kurrë një Oscar.

Continue Reading

Magazinë

Hailey Bieber flet hapur për problemin e saj shëndetësor

Published

on

Modelja Hailey Bieber ka folur për problemin shëndetësor me të cilin po përballet.

Në një foto të publikuar në Instastory ajo ka bërë të ditur se po vuan nga cistet në vezore.

Themeluesja e brendit “Rhode” në fotografi shihet me barkun zbuluar. Ajo ka shkruar se kushdo që është duke u përballur me një gjendje të ngjashme, e ka mbështetjen e saj, ka shkruar PageSix.

“Nëse edhe ju përballeni me ciste në vezore, jemi bashkë në këtë!”, ka thënë ajo.

Continue Reading

Të kërkuara