Sport

Kreshnik Mahmuti dhe Linda Zeqiri kampion te vitit 2021 në pingpong

Published

6 years ago

on

Me 27 dhe 28 shkurt në Ferizaj u organizua aktiviteti më i rëndësishëm i vitit për senior, Kampionati individual për senior ‘Adem Jashari’, që për shkak të rëndësisë i është shtuar edhe emri i heroit Adem Jashari.

Për dy ditë rreth 150 pingpongiste e pingpongistë garuan ndërmjet vete për të ardhur deri të titulli i kampionit për vitin 2021, me që rast pat shumë ndeshje interesante, por për shkak të kufizimeve të parapara për mbrojtje nga pandemia shumë pak persona kishin kënaqësinë që të shijonin këto momente.

Të shtunën me 27 shkurt u zhvilluan garat e femrave të cilat garuan në sistem eleminimi, vlen të theksohet pjesëmarrja e klubit të rikthyer Shpresa nga Turiqeci, si dhe klubeve më të forta të femrave.

Në gjysmëfinalen e parë Shega Hashani fitoi ndaj Alma Mehmetit me 3:1, ndërsa në gjysmëfinalen tjetër Linda Zeqiri kësaj radhe fitoj ndaj motrës Hanife Zeqiri me 3:0. Finalja ishte mjaft e fortë me goditje të forta nga të dy lojtarët, mirëpo Linda shfaqi përkushtim më të madh e në fund triumfoi me 3:0 për tu mbrojtur titullin e kampiones edhe për vitin 2021.

Të dielën me 28 shkurt kishte numër edhe më të madh të lojtarëve të paraqitur, mirëpo në tërë kohen u respektuan masat anticovid. Gjatë tërë ditës kishte ndeshjet interesante derisa në gjysmëfinalen e parë Kreshnik Mahmuti fitoi ndaj Rrahman Ademaj me 3:1 në seta, në gjysmëfinalen tjetër Fatih Karabaxhaku fitoi ndaj Eroll Boshnjakun po ashtu me 3:1 në seta. Finalja e radhës ndërmjet dyshes më të mirë të Kosovës kësaj radhe i takoi Kreshnikut i cili mbrojti titullin e kampionit nga viti i kaluar me fitore të ngushtë 3:2 në seta.

Në fundjavë në Ferizaj është paraparë që të fillojnë garat ekipore si në vijim:

Të shtunën me 6 mars

Liga e juniorëve meshkuj (12 ekipe) – 3 xhiro

Liga e juniorëve femra (6 ekipe) – 1 xhiro

Të dielën me 7 mars

Liga e parë A meshkuj (7 klube) – 2 xhiro

Liga e parë B meshkuj (7 klube) – 2 xhiro

Liga e parë Femra (7 klube) – 2 xhiro

Related Topics:
Continue Reading

Lajmet

Përzgjedhësi i Izraelit, Ben Shimon: Kosova ka ekip të mirë, jemi në nivel të përafërt

Published

2 days ago

on

November 13, 2026

By

Përzgjedhësi i Kombëtares së Izraelit, Ran Ben Shimon, ka vlerësuar lart përfaqësuesen e Kosovës në konferencën për media para përballjes së nesërme ndërmjet dy kombëtareve, duke deklaruar se të dyja ekipet kanë nivel të përafërt.

Tekniku izraelit e cilësoi Kosovën si një kundërshtar cilësor, ndërsa shtoi se bilanci i takimeve të kaluara nuk do të luajë rol përcaktues në këtë sfidë.

“Mendoj që Kosova dhe Izraeli pak a shumë e kanë nivelin e njëjtë. Mund të them që të dyja janë ekipe relativisht të vogla. Sa i përket rezultateve të së kaluarës, nuk bazohemi te historia. Kosova me të vërtetë ka një ekip të mirë, por do të shohim se çfarë do të ndodhë”, tha Ben Shimon.

Ndeshja ndërmjet Kosovës dhe Izraelit zhvillohet nesër, ku të dyja përfaqësueset synojnë rezultat pozitiv. Deri më tani, nga tri përballjet e ndërsjella, Kosova ka arritur të shënojë një fitore. /E.A/

Continue Reading

Sport

Anglia triumfon ndaj Kroacisë dhe mban hapin me Spanjën

Published

2 days ago

on

November 13, 2026

By

Anglia ka regjistruar një fitore të rëndësishme me rezultat 2-1 kundër Kroacisë, në një ndeshje të mbushur me emocione dhe ndërhyrje të sistemit VAR.

Anglezët kaluan të parët në epërsi në minutën e 24-të me anë të Morgan Rogers.

Kroacia u kundërpërgjigj në pjesën e dytë, duke barazuar shifrat në 1-1 në minutën e 59-të përmes Petar Sucic.

Megjithatë, Anglia fitoi një penallti pas rishikimit me VAR, të cilën kapiteni Harry Kane e shndërroi në gol në minutën e 64-t për 2-1. Në fund, anglezëve iu anulua edhe një gol i James Garner për pozicion jashtë loje.

Pas kësaj fitoreje, Anglia renditet në vendin e dytë të Grupit 3 me 12 pikë, duke ndjekur nga afër lideren Spanja. /E.A/

Continue Reading

Lajmet

Spanja mposht Çekinë dhe mbetet e pamposhtur në krye të grupit

Published

2 days ago

on

November 13, 2026

By

Spanja ka vazhduar rrugëtimin e shkëlqyer në Ligën e Kombeve, duke shënuar fitore minimale 1-0 ndaj Republikës së Çekisë në kuadër të Grupit 3 të Ligës A.

Kampionia e Evropës kaloi në epërsi në minutën e 39-të përmes Alex Baenës, i cili realizoi një gol të saktë. S

panja rrezikoi sërish me Fabian Ruiz, ndërsa një gol i Yeremy Pinos në fillim të pjesës së dytë u anulua nga VAR-i për pozicion jashtë loje. Çekët e patën edhe më të vështirë nga minuta e 72-të, kur Ladislav Krejci u ndëshkua me karton të kuq pas rishikimit të një ndërhyrjeje në sistemin VAR.

Me këtë triumf, Spanja forcon pozitat në vendin e parë të grupit me 15 pikë të tubuara, pa pësuar asnjë humbje deri më tani. /E.A/

Continue Reading

Lajmet

Italia përmbys Francën 3-1 dhe merr kreun e grupit

Published

2 days ago

on

November 13, 2026

By

Kombëtarja e Italisë ka regjistruar fitoren e tretë radhazi, duke mposhtur Francën me rezultat 3-1 pas një përmbysjeje dhe duke u ngjitur në vendin e parë të grupit me 10 pikë, aq sa kanë edhe “Gjelat”.

Ndeshja nisi më mirë për francezët, të cilët kaluan në epërsi në minutën e 10-të me golin e Michael Olise, i cili përfitoi nga një gabim i portierit Gianluigi Donnarumma. Megjithatë, skuadra e drejtuar nga Roberto Mancini reagoi shpejt dhe barazoi shifrat në minutën e 26-të përmes Francesco Pio Espositos, pas asistimit nga Nicolo Cambiaghi.

Në pjesën e dytë, italianët shpërdoruan një rast të artë për të kaluar në epërsi, pasi Sebastiano Esposito humbi penalltinë në minutën e 60-të. Por vetëm tri minuta më vonë, Davide Frattesi realizoi për 2-1 pas një asistimi të Federico Dimarcos.

Fitoren e Italisë e vulosi sërish Francesco Pio Esposito në minutën e 75-të, duke u treguar i saktë nga pika e bardhë pas një penalltie të shkaktuar nga Dayot Upamecano, për rezultatin përfundimtar 3-1. /E.A/

Continue Reading

Të kërkuara