Kulturë

Krerët shtetërorë në nderim të Nënës Terezë, kërkojnë të ndiqet shembulli i saj

Presidentja e vendit, Vjosa Osmani tha se Shën Tereza la shembullin e saj që duhet ndjekur gjeneratat që vinë.

Published

3 years ago

September 5, 2022

Betim Gashi

Në 25-vjetorin e vdekjes së humanistes së shquar shqiptare, krerët e shtetit kanë bërë homazhe tek te shtatorja e Nënë Terezë, në Prishtinë, ku kërkuan që të ndiqet shembulli i saj.

Presidentja e vendit, Vjosa Osmani tha se Shën Tereza la shembullin e saj që duhet ndjekur gjeneratat që vinë.

“Sot përkujtojmë me shumë krenari gjithë veprën e saj, gjithë misionin e saj dhe shembullin që la pas për gjeneratat që vinë duke treguar se janë dashuria, respekti, ndihma ndaj njëri-tjetrit që duhet gjithnjë të jenë dritë udhërrëfyese në punën tonë të përditshme”, tha ajo.

Kryetari i Kuvendit tha se Shën Tereza është shembulli më i sigurt i devocionit. Ai po ashtu tha se ajo ka qenë gjithmonë afër popullit dhe kur ka qenë nevoja, ajo gjithmonë e ka ngritur çështjen e Kosovës.

“Po e kujtojmë simbolin e rëndësishëm të kombit shqiptar por edhe të mbarë botës, Nënën Terezë, e cila është shembulli më i sigurt i devocionit, i besimit të vërtete dhe i humanizimit. Shembulli i saj ka inspiruar miliona njerëz anekënd botës, por mos të harrojmë që të njëjtën kohë Shën Tëreza, kurrë nuk e harroi kombin shqiptar. Ajo gjithmonë ka qenë afër popullit tonë, në ditët tona më të vështira dhe tek udhëheqësit më të njohur botërorë edhe kur ka qenë nevoja, ajo gjithmonë e ka ngritur çështjen tonë”, tha ai.

Kryeministri i Kosovës, Albin Kurti tha se Nën Tereza u bë nëna e gjithë botës, derisa shtoi se në këtë mënyrë ajo afirmoi edhe kombin shqiptar.

“Jeta e Nënës Terezë është vepra për gjithë njerëzimin dhe shembull për njeriun. Nga një bijë e popullit tonë, ajo u bë nëna e gjithë botës dhe sot ne teksa e kujtojmë atë dhe e nderojmë figurën e saj, njëkohësisht edhe e afirmojmë shembullin që duhet ndjekë gjithsecili, duke punuar me dashuri dhe sakrificë për të mirën e të gjithëve. Nëna Terezë dha gjithçka nga vetja e saj dhe nuk i mori asgjë botës, në këtë mënyrë ajo afirmoi edhe kombin tonë, sepse sakrifica është vlerë tradicionale e popullit shqiptar”, tha ai.

Institucionet e vendit, sot kanë organizuar një serë aktivitetesh për ta kujtuar vdekjen e saj.

Related Topics:Nene Tereza Shen Nene Tereza

Up Next

Rihanna ndihmon stafin në pastrimin e restorantit pasi i kërkoi të qëndronin hapur pas mbylljes

Don't Miss

Rita Ora në Tiranë, takon të rinjtë: Mos hiqni dorë nga ëndrrat tuaja

Mënyra e Jetës

Dilema e perdeve: cilat i përshtaten më mirë ambientit tuaj?

Published

1 day ago

November 8, 2025

UBT News

Perdet e gjata arrijnë deri në dysheme dhe japin ndjesi elegance e hapësire më të madhe.

Janë ideale për dhoma dite, dhoma gjumi dhe ambiente me tavane të larta. Për vendosje më estetike, shufra e perdes duhet të jetë rreth 15–20 cm mbi kornizën e dritares.

Avantazhet:

Zgjerojnë vizualisht hapësirën

Krijojnë pamje luksoze

Ruajnë ngrohtësinë

Të përshtatshme për dyer ballkoni

Perdet e shkurtra janë praktike kur dritarja ndodhet mbi radiator, banak apo tavolinë.

Avantazhet:

Nuk pengojnë ngrohjen

Të lehta për larje

Ideale për kuzhina, dhoma fëmijësh dhe hapësira të vogla

Materialet:

Zgjidhni pëlhura të lehta për kuzhina dhe më të dendura për privatësi më të madhe.

Kombinimi ideal:

Perdet rrotulluese ose veneciane me draperi anësore ofrojnë funksionalitet dhe stil.

Perdet e gjata japin elegancë, ato të shkurtra praktikë. Zgjidhni sipas nevojave të hapësirës dhe stilit që dëshironi. /A.Z/UBT News/

Lifestyle

Mos e merrni stresin në shtëpi: Si të mos mendoni për punën në fundjavë?

Published

1 day ago

November 8, 2025

UBT News

Gjetja e ekuilibrit të duhur mes suksesit profesional dhe kohës personale është shpesh një sfidë e madhe, thuajse e pamundur, por jo e paarritshme.

Sipas ekspertes së karrierës Emily Durham, nëse keni vështirësi të vendosni kufij mes punës dhe jetës personale, filloni nga fundjavat. Fokusohuni te mënyrat si mund të ndaloni së menduari për punën gjatë këtyre ditëve të lira.

Më poshtë janë tre strategji që ekspertët rekomandojnë për t’u shkëputur mendërisht nga puna gjatë fundjavës:

1. “Pastroni” email-et dhe përfundoni detyrat para se të mbyllni javën

Për të pasur një fundjavë të qetë, duhet të përgatiteni të premten. Para se të largoheni, organizoni kutinë postare e listën e detyrave. Nuk është e nevojshme t’i përgjigjeni çdo email-i, mjafton të përcaktoni prioritetet dhe të arkivoni pjesën tjetër në një dosje që e hapni të hënën.

Durham thekson rëndësinë e krijimit të një ndjesie “mbylljeje” para se të shkëputeni nga kompjuteri i punës të premten. Mos harroni të fikni ose të çaktivizoni njoftimet nga aplikacionet e punës.

Sa më të qarta të jenë kufijtë që vendosni mes karrierës e kohës personale, aq më shumë i jepni mundësi mendjes dhe trupit të çlodhen.

2. Planifikoni diçka konkrete për të premten në mbrëmje

Fundjava fillon që të premten pasdite, mos e lejoni të shkojë dëm. Shpesh, përpiqemi të përfundojmë çdo detyrë të premten dhe përfundojmë duke punuar më shumë se zakonisht, duke hyrë në fundjavë të lodhur dhe pa energji.

Ekspertët e karrierës këshillojnë të bëni plane specifike për të premten në mbrëmje, qoftë një kafe me miqtë, një aktivitet relaksues apo edhe një takim te estetistja juaj. Këto plane do t’ju motivojnë të mbyllni detyrat në kohë dhe të largoheni nga puna pa ndjesi faji apo pasiguri.

3. Fikeni telefonin e punës

E kemi thënë dhe e themi sërish: vendosni kufij të qartë. Pse të mbani kontakt me punën në fundjavë, kur është koha për të pushuar dhe për t’u marrë me veten dhe të dashurit tuaj?

Kur themi “telefoni i punës”, nuk nënkuptojmë pajisje fizike, por çdo aplikacion, apo email që ju kthen te puna. Fikeni ose vendosini në heshtje. Sa më të fortë të jenë kufijtë që vendosni mes punës e jetës personale, aq më shumë i jepni vetes hapësirë për të rifituar energjinë.

Mos punoni falas në fundjavë. Mos sakrifikoni jetën personale për email-e që mund të presin të hënën. /A.Z/UBT News/

Lifestyle

Fundjavë me shi? Ja si ta kaloni bukur pa dalë nga shtëpia

Published

1 day ago

November 8, 2025

UBT News

Kur jashtë bie shi dhe planet në natyrë dështojnë, fundjava mund të kthehet në një mundësi të shkëlqyer për pushim, kujdes për veten dhe aktivitete të thjeshta që sjellin mirëqenie.

Ja disa ide praktike për ta shijuar kohën në shtëpi:

1. Krijoni një atmosferë të ngrohtë

Ndezni disa qirinj aromatikë, përgatisni një filxhan çaj apo çokollatë të ngrohtë dhe dëgjoni muzikë të qetë. Shiu jashtë dhe qetësia brenda krijojnë kombinimin perfekt për relaks.

2. Organizoni shtëpinë

Shfrytëzoni këtë kohë për të rregulluar dollapin, për të hequr gjërat e panevojshme apo për të sistemuar bibliotekën. Një hapësirë e pastër ndikon direkt në qetësinë mendore.

3. Lexoni ose shikoni një film të mirë

Një ditë me shi është koha ideale për t’u zhytur në një libër që e keni lënë përgjysmë, ose për të parë një film a serial që ju relakson.

4. Gatuani diçka ndryshe

Përgatitja e një recete të re mund të jetë argëtuese dhe terapeutike. Aroma e gatimit e mbush shtëpinë me ngrohtësi dhe ju jep ndjesinë e një fundjave të plotë.

5. Kujdes për veten

Një maskë fytyre, një banjë e ngrohtë apo pak joga e lehtë – janë mënyra të thjeshta për t’u rilidhur me veten dhe për të rifituar energjinë.

Mos e shihni shiun si pengesë, por si një ftesë për të ndalur ritmin. Një fundjavë e tillë mund të jetë pikërisht ajo që ju duhet për t’u qetësuar, për t’u frymëzuar dhe për të rifilluar javën me më shumë energji. /A.Z/UBT News/